ⵜⵉⵏⵏⴰⵡⵜ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵡⴰⵙⵙ ⵏ ⵓⵎⵢⴰⵡⴰⴹ ⴼ ⵡⴰⴷⴷⴰⴷ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵎⴳⴰⵍ ⵏ ⵍⵎⵖⵔⵉⴱ

ⵉⵙⴰⵍⵎⴰⴷⵏ ⵄⵣⵣⴰⵏⵉⵏ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ, ⵉⵏⵖⵎⴰⵙⵏ ⵙⴳ ⵜⵏⵖⵎⴰⵙⵜ ⵜⴰⵏⴰⵎⵓⵔⵜ ⴷ ⵜⴳⵔⴰⵖⵍⴰⵏⵜ, ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴱⵕⵍⴰⵎⴰⵏⵉⵢⵏ,

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵙⵜⴳⴳⴰⵔⵏ ⵏ ⵜⴳⵔⴰⵡⵉⵏ ⵜⵉⵖⵔⵎⴰⵏⵉⵏ

ⵏⵎⵎⴰⵇⵇⴰⵔ ⴰⵙⵙ ⴰⴷ ⴳ ⵓⵙⴰⵜⵉ ⵏ ⵜⵙⵔⵜⵉⵜ ⵏ ⵓⵏⵏⵓⵕⵥⵎ ⵍⵍⵉ ⵉⵙⴽⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ, ⵃⵎⴰ ⴰⴷ ⵏⵎⵍ ⵉ ⵓⵎⵏⴰⴷ ⴰⵎⴰⵜⴰⵢ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⵓⴼⵓⵖⵏ ⵏ ⵓⵙⵄⴷⵓ ⵎⴳⴰⵍ ⵏ ⵜⵎⴰⵣⵉⵔⵜ ⵏⵏⵖ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⵍⵍⵉ ⴰⵖ ⴷ ⵢⵉⵡⵉⵏ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴰⴷ ⵏⵥⵕ ⵜⵉⵣⴷⴰⵢⵉⵏ ⵏⵏⵖ ⴰⴽⴷ ⵓⴱⵕⵍⴰⵎⴰⵏ ⵓⵕⵓⴱⴱⴰ, ⵏⵣⵣⵔⵉ ⵓⵍⴰ ⵜⵉⵣⴷⴰⵢⵉⵏ ⴰⴷ.

ⵎⴽ ⵍⵍⵉ ⵜⵙⵙⵏⵎ, ⵀⴰⵜⵉ ⴳⴰⵔ ⴰⵙⵎⵓⵙⵙⵓ ⵍⵍⵉ ⵜⵙⴽⵔ ⵢⴰⵜ ⵜⴰⵙⴳⴰ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵎⴳⴰⵍ ⵏ ⵜⵎⴰⵣⵉⵔⵜ ⵏⵏⵖ ⴰⵙⵙ ⵏ 19 ⵉⵏⵏⴰⵢⵔ 2023 ⵙ ⵓⴼⵓⵖ ⵏ ⵢⴰⵜ ⵜⵖⵜⴰⵙⵜ ⴷⴷⵓ ⵏ ⵓⵣⵡⵍ:”ⴰⵡⵇⵇⵔ ⵏ ⵜⵍⴻⵍⵍⵉ ⵏ ⵉⵡⵏⵏⵉ ⴳ ⵍⵎⵖⵔⵉⴱ...”. ⵉⵣⵣⵉⴳⵣ ⵓⵙⵎⵓⵙⵙ ⴰⴷ ⵍⵍⵉⵖ ⵙⵏⵓⴱⴳⵏ ⴽⵔⴰ ⵏ ⵉⴱⵕⵍⴰⵎⴰⵏⵉⵢⵏ ⵏ ⵓⵕⵓⴱⴱⴰ ⵢⴰⵜ ⵜⵔⴰⴱⴱⵓⵜ ⵏ ⵉⴷ ⴱⴰⴱ ⵏ ⵓⵎⵣⴰⵔⴰⵢ ⴷ ⵓⴱⵔⵙⵙⵉⵡⴷ, ⴳ ⵓⴳⵯⵏⵙ ⵏ ⵜⵎⵔⵙⵍⵜ ⵏ ⵓⵕⵓⴱⴱⴰ. ⵜⵣⵣⵉⴱⵣ ⵓⵍⴰ ⵙ ⵜⵖⵔⵉ ⵉⵍⵍⴰⵏ ⴼ ⵓⵎⴹⴰⴽⴰⵕ ⴼ ⵜⴽⵏⴷⴰⵡⵉⵏ ⵏ ⵜⴱⵔⴳⴰⴳⵜ ⴳ ⵎⴰⴷ ⵉⵣⵔⵉⵏ ⴼ ⵉⵎⵙⵜⴳⴳⴰⵔⵏ ⵏ ⵢⴰⵜ ⵜⵎⴰⵣⵉⵔⵜ ⵏ ⵓⵕⵓⴱⴱⴰ. ⵉⵣⵉⴽⵔ ⵏ ⵜⴽⵏⴷⴰⵡⵜ ⵉⵖⵣⵣⵉⴼ, ⵉⵖ ⵓⴽⴰⵏ ⵙⵓⵍ ⵜⵍⵍⴰ ⴳⴰⵔ ⵜⵉⵔⴰⵜ ⴷⴰⵔ ⵉⴷ ⴱⴰⴱ ⵏ ⵓⵙⵄⴷⵓ ⵏ ⵍⵎⵖⵔⵉⴱ ⴷ ⵓⵙⵙⵀⵔⵛ ⵏⵏⵙ.

ⵖⵎⴽ ⵍⵍⵉ ⵜⵙⵙⵏⵎ, ⵉⵙⵙⵀⵔⵛ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⵉⵡⵡⵓⵔⵉⵡⵉⵏ ⵏ ⵓⵙⵙⵀⵔⵛ ⴷ ⵜⴽⵔⴽⴰⵙ ⵏ ⵓⴱⵕⵍⴰⵎⴰⵏ ⵏ ⵓⵔⵓⴱⴱⴰ ⴳ ⵜⵖⵉⵎⵉⵜ ⵍⵍⵉ ⵉⵙⵏⵎⴰⵍⴰ ⴳ 23 ⵉⵏⵏⴰⵢⵔ 2023, ⵍⵍⵉⵖ ⵎⵙⴰⵙⴰⵏⵜ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴳⴰⵏⵉⵏ ⵜⵉⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵉⵏⴰⵎⵓⵔⵏ ⴷ ⵜⴳⵔⴰⵡⵉⵏ ⵏ ⵉⵏⵎⵓⵍⴰ , ⵙ ⵎⴰⵕⵕⴰ ⵉⵙⵡⴰⵍⴰⵢⵏ ⵏⵏⵙⵏ, ⴼ ⵓⵙⵙⵅⵛⵏ ⵏ ⵓⴼⵓⵖⵏ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴷ ⵜⴰⴳⵯⵉⵜ ⵏⵏⵙ, ⵜⴼⴼⵖ ⵜⵖⵉⵎⵉⵜ ⴰⴷ ⵙ ⵓⵙⵉⵡⴹ ⵍⵍⵉ ⴰⵡⵏ ⵏⵣⵓⵣⵣⵔ.

ⵙ ⵜⵉⵍⵉⵜ ⵏⵏⵓⵏ ⴰⵙⵙ ⴰⴷ, ⴷⴰ ⵏⵙⴷⴷⵉⴷ ⴰⵙⵙⵅⵛⵏ ⵏⵏⵖ ⵜⵉⴽⴽⵍⵉⵜ ⵢⴰⴹⵏⵉⵏ ⵎⴰⴷ ⵉⵙⵙⴼⵓⵖ ⴷ ⵎⴰ ⵔⴰⴷ ⵉⵙⵙⴼⵓⵖ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⵉⴳ ⵉⵙⵖⵍⴰⴼ ⵏⵖ ⵜⵉⵖⵜⴰⵙⵉⵏ ⵏⵖ ⵜⵉⵙⵏⵜⴰⵢⵉⵏ ⵏ ⵓⵎⴷⴰⴽⴰⵕ ⵉⴳⴰⵏ ⵎⴳⴰⵍ ⵏ ⵜⵎⴰⵣⵉⵔⵜ ⵏⵏⵖ.

ⴰⵎⵏⴰⴹ ⵏ ⵓⵙⵄⴷⵓ ⴰⴷ, ⵏⵙⵙⵏ ⵜ ⵏⴼⵔⴽ ⴰⵙ, ⵏⵙⵙⵏ ⵜⵉⵎⵏⵜⵍⵉⵏ ⵏⵏⵙ ⴷ ⵉⵡⵜⵜⴰⵙⵏ ⵏⵏⵙ. ⵉⴳⴰ ⵎⴳⴰⵍ ⵏ ⵓⵙⴷⵖⵔ ⵏⵏⵖ ⴰⴳⵔⴰⵖⵍⴰⵏ, ⴷ ⵓⵙⵎⵖⵔ ⵏⵏⵖ ⴰⴷⵎⵙⴰⵏ, ⴷ ⵓⴷⵖⴰⵔ ⵏⵏⵖ ⴰⴳⵔⴰⵖⵍⴰⵏ ⴷ ⵓⵎⵏⵥⴰⵡ.

- ⴳ ⵎⴰⴷ ⵉⵥⵍⵉⵏ ⵙ ⵜⵍⴻⵍⵍⵉ ⵏ ⵓⵡⵏⵏⵉ ⴷ ⵓⵎⵏⴰⴷ ⴳ ⵍⵎⵖⵔⵉⴱ, ⴰⵡⴷ ⵢⴰⵏ (ⴰⴱⵍⴰ ⵡⴰⵏⵏⴰ ⴷⴰⵔ ⴳⴰⵔ ⵜⵉⵔⴰⵜ) ⵓⵔ ⴷⴰⵔⵙ ⵜⵓⵔⴷⴰ ⵎⴰⵙ ⵉⴳⴰ ⵍⵎⵖⵔⵉⴱ ⴰⵡⴰⵏⴽ ⵉⴳⴰⴷⴷⴰⵏ, ⴰⵡⴰⵏⴽ ⵏ ⵓⵣⵔⴼ ⴷ ⵓⵙⵍⴳⵏ, ⴰⵡⴰⵏⴽ ⵏ ⵜⵎⵔⵙⴰⵍ, ⴰⵡⴰⵏⴽ ⵏ ⵜⴷⵉⵎⵓⵇⵔⴰⵟⵉⵜ, ⵜⴰⴷⵉⵎⵓⵇⵔⴰⵟⵉⵜ ⵜⴰⵎⵔⵙⵍⴰⵏⵜ, ⴷⴷⴰ ⵜⵜⵓⵙⵎⵔⴰⵙ ⵙ ⵉⴽⴰⴱⴰⵕⵏ ⴷ ⵉⵎⵓⵍⵍⵉⵜⵏ, ⵙ ⵉⵙⵜⴰⵢⵏ ⵉⵍⴻⵍⵍⵉⵜⵏ ⴼⴰⵡⵏⵉⵏ. ⵉⴽⴰⴱⴰⵕⵏ ⵏⵏⵖ ⵉⵙⵔⵜⴰⵏⵏ ⵓⵔ ⴷⵔⵓⵙⵏ ⴼ ⵜⵣⵡⵉⵔⵉ ⴷ ⵜⵥⵖⵔⵜ ⴷ ⵓⵙⵖⵣⵏ ⵏ ⵉⴽⴰⴱⴰⵕⵏ ⴳ ⵓⵕⵓⴱⴱⴰ.

- ⵜⵓⴷⵔⵜ ⴰⴷ ⵜⴰⴷⵉⵎⵓⵇⵔⴰⵟⵉⵜ ⵜⴹⴼⵕ ⵜⵜ, ⵜⴹⵓⴼ ⵜⵜ ⵜⵏⵖⵎⴰⵙⵜ ⵏ ⵜⵍⴻⵍⵉ ⴷ ⵜⵎⵏⵏⴰⵡⵜ ⴷ ⵓⴼⵔⴰⵏ. ⴰⵏⴹⴰⴼⵏ, ⴳ ⵍⵍⴰⵏ ⵉⵕⵓⴱⴱⵉⵢⵏ, ⴼⵔⴽⵏ ⵙ ⵜⵣⵡⵉⵔⵉ ⵏ ⵡⴰⵏⴰⵡ ⴰⵎⵖⵔⵉⴱⵉ ⴳ ⵓⵎⵏⴰⴹ ⴰⵙⴳⴰⵡⴰⵏ. ⵜⴰⵏⵖⵎⴰⵙⵜ ⴰⴷ, ⴳ ⵜⵍⵍⴰ ⵏⵉⵜ ⵜⵉⵏ ⵜⵓⵣⵍⵜ ⵜⴰⵙⵔⵜⴰⵏⵜ, ⴷ ⵜⵏⵖⵎⴰⵙⵜ ⵜⴰⵙⵉⵎⴰⵏⵜ ⵜⵣⵣⵉⴳⵣ ⵎⵇⵇⴰⵔ ⵜⵉⵎⵏⵜⵍⵉⵏ ⵙⴳ ⵜⵉⵣⵡⵉⵔⵉ ⵏ ⵜⵙⵉⵎⴰⵏⵜ, ⴷⴰ ⵜⵜⴰⵡⵙ ⴳ ⵓⵙⴽⵔ ⵏ ⵓⵎⵏⴰⴷ ⴰⵎⴰⵜⴰⵢ.

ⵙ ⵓⵖⵓⵍⵓⴼ, ⵜⴰⵏⵏⴰⵢⵢⵉⵏ ⵏ ⴽⵔⴰ ⵏ ⵉⴱⵕⵍⴰⵎⴰⵏⵉⵢⵏ ⵏ ⵓⵕⵓⴱⴱⴰ ⵍⵍⴰⵏⵉⵏ ⴷⴰⵜ ⵏ ⵓⵙⵎⵓⵙⵙⵓ ⵎⴳⴰⵍ ⵍⵎⵖⵔⵉⴱⵏ ⵓⵔ ⴱⴷⴷⵏⵜ ⴼ ⵜⵔⵙⴰⵍ: ⵓⵔ ⴷ ⵜⵉⵎⵓⵛⴰ ⴷⵓⵙⵏⵉⵏ, ⵓⵔ ⵉⵍⵍⵉ ⵓⵙⵖⵣⵏ ⵏ ⵜⵎⵓⵛⴰ ⴱⴷⴷⵏⵉⵏ ⴼ ⵢⴰⵏ ⵓⵖⴱⴰⵍ ⵉⴳⴰⵏ ⵢⴰⵏ ⴷ ⵉⵏⵇⵇⵉⵙⵏ ⵉⵏⵖⵎⴰⵙⵏ ⴳⴰⵏⵉⵏ ⵢⴰⵏ ⵜⵜⴰⵡⵙⴽⴰⵔⵏⵉⵏ ⵙ ⵜⵓⵜⵔⴰ.

ⵉⴼⴼⵖ ⴷ ⴳ ⵎⴰⵢⴰⴷ ⵓⵎⵎⵔⴽⵙ ⵊⴰⵔ ⴰⵏⴳⴰⵙ ⵏ ⵜⵕⵥⵉ ⵏ ⵜⵍⴻⵍⵍⵉ ⵏ ⵓⵎⵏⴰⴷ, ⴷ ⵡⴰⴷ ⵉⴳⴰⵏ ⴰⵏⴱⴽⴰⴹ ⵉⵜⵜⵢⴰⵎⴰⵥⵏ ⴳ ⵉⴱⴽⴽⴰⴹⵏ ⵍⵍⵉ ⵜⵥⵕⴰ ⵜⵙⵏⴱⴹⴰⵢⵜ ⵜⴰⵙⵉⵎⴰⵏⵜ, ⵉⵏⴱⴽⴽⴰⴹⵏ ⵏ ⵜⵔⴰⵄⵉⵜ ⵉⵍⵍⴰⵏ ⵙ ⵜⵎⴰⵜⴰⵔⵜ ⵉⴼⴰⵡⵏ ⵙ ⵉⵙⴽⵔ ⵓⵣⵔⴼ ⵜⴰⵏⴱⴰⴹⵜ ⵏⵏⵙ.

ⴰⵢⵍⵍⵉ ⵏⵏ ⵓⵔ ⵏⵜⴰⵎ, ⴷ ⴰⵢⵍⵍⵉ ⴱⴰⵀⵔⴰ ⵉⵀⵔⵛⵏ, ⴰⴷ ⵉⵜⵜⵓⵙⴽⵉⵔ ⵎⴰⵢⴰⴷ ⵙⴳ ⵢⴰⵜ ⵜⵙⴳⴰ ⵍⵍⵉ ⵏⵜⵜⵉⵏⵉ ⵉⵙ ⵜⴳⴰ ⵜⴰⴷⵉⵎⵓⵇⵔⴰⵟⵉⵜ, ⴰⴷ ⵓⵜⵏ ⴰⵖⵔⴰⴱ ⵙ ⵉⵣⵔⴼⴰⵏ ⵏ ⵉⵎⵏⴳⴰⵙⵏ.

- ⴳ ⵜⵎⵙⴰⵔⵜ ⵏ ⵜⵍⴻⵍⵍⵉ ⵏ ⵓⵡⵏⵏⵉ, ⴰⵡⴷ ⵢⴰⵏ ⵓⵔ ⵉⵇⴱⵍ ⵜⵉⴽⵔⴽⴰⵙ ⵏ ⵉⴱⵕⵍⴰⵎⴰⵏⵉⵢⵉⵏ ⵏ ⵓⵕⵓⴱⴱⴰ, ⵜⵜⵓⴼⴹⴰⵃⵏⵜ. ⵉⵣⵡⵉⵍⵏ ⵍⵍⴰⵏⵉⵏ ⴳ ⵓⵙⴰⵔⴰⴳ ⴰⵏⵖⵎⴰⵙ ⴰⵎⵖⵔⵉⴱⵉ, ⴷ ⴰⵢⵍⵍⵉ ⵜⵙⴽⴰⵔ ⵜⵏⵖⵎⴰⵙⵜ ⴳ ⵓⵎⴹⴰⴽⴰⵕ ⴰⴳⴷⵓⴷⴰⵏ ⵉⵍⴻⵍⵍⵉ ⴷ ⵓⵎⵏⵏⴰⵡ, ⵓⵔ ⵉⵙⵖⴰⵡⵙⴰ ⴰⴷ ⴼⵍⵍⴰⵙ ⵏⵎⵎⴰⵖ, ⵉⴳⴰ ⵏⵜⵜⴰⵏ ⵏⵉⵜ ⵜⵉⴱⵔⴰⵜⵉⵏ ⴼⴰⵡⵏⵉⵏ ⴼ ⵎⴰⵢⴰⴷ.

ⴳ ⵜⵙⴳⴰ ⵢⴰⴹⵏⵉⵏ, ⵉⵏⵖⵎⴰⵙⵏ ⵉⵎⵖⵔⵉⴱⵉⵢⵏ ⴰⵡⴷ ⵏⵜⵜⵏⵉ ⵓⵔ ⵔⴰⴷ ⵇⴱⵍⵏ, ⴰⴷ ⵢⵉⵍⵉ ⵓⵙⵎⵔⵙ ⵏ ⵓⴼⵔⵉⵙ ⵏ ⵓⵏⵖⵎⴰⵙ, ⴷ ⵓⴷⵖⴰⵔ ⵏ ⵓⵏⵖⵎⴰⵙ, ⵉ ⵓⵙⴽⵔ ⵏ ⵉⴱⴽⴽⴰⴹⵏ ⵎⴳⴰⵍ ⵏ ⵡⴰⵎⵓⵏ, ⵙⵍⴰⵡⴰⵏ ⴰⴽⴽⵯ ⴰⵙⵎⵔⵙ ⴰⵔⵄⴰⵢ ⵏ ⵜⵎⵖⴰⵔⵉⵏ.

- ⴰⵊⵊⴰⵜ ⴰⵖ ⴰⴷ ⵏⵙⵇⵙⴰ ⴰⴽⴷ ⴽⵯⵏⵏⵉ, ⵎⴰⵏⵉⴽ ⴰⵙ ⵜⵓⵣⵣⵍ ⵢⴰⵜ ⵜⵎⵔⵙⵍⵜ ⵜⴰⵏⵖⵎⴰⵙⵜ ⵜⴰⵎⴰⵥⵕⴰⵢⵜ  ⴳ ⵜⵎⴰⵣⵉⵔⵜ ⵏ ⵜⵍⴻⵍⵍⵉ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴰⴷ ⵜⴻⵟⵟⴰⵢ ⵢⵏⴰ ⵓⵏⵖⵎⴰⵙ ⵉⵜⵜⵓⵙⵙⴰⵏ ⵉⵥⴹⴰⵕⵏ ⵉ ⵜⵡⵡⵓⵔⵉ ⵏⵏⵙ, ⴷ ⵓⵔⵣⵣⵓ ⴰⴳⵯⵏⵙⴰⵏ ⴰⴽⴷ ⵉⵙ,ⵖⴰⵙ ⵍⵍⵉ ⵉⵏⵏⴰ ⵙⵏⴰⵜ ⵜⴳⵓⵔⵉⵡⵉⵏ: ⵚⵚⵃⵕⴰ ⵜⴰⵎⵖⵔⵉⴱⵉⵜ le Sahara Marocain, ⵉⵙ ⵓⵔ ⵉⵍⵍⵓ ⴽⵔⴰ ⵏ ⵡⴰⴷ ⵍⵍⵉ ⵔⴰⴷ ⵉⵙⵙⵀⵔⵛ ⵜⵉⴽⵕⴹⵉ ⴰⴷ ⴳ “ⵜⵎⴰⵣⵉⵔⵜ ⵏ ⵜⵍⴻⵍⵍⵉ”.

ⵎⴰⴷ ⵉⴳⴰ ⵎⴰⵢⴰ ⴷ? ⴼⵔⴽⵖ ⵎⴰⵙ ⵓⵔ ⴰⵔ ⵉⵜⵜⵓⵙⴽⵉⵔ ⵎⴰⵢⴰⴷ ⴳ ⵍⵎⵖⵔⵉⴱ.

- ⴳ ⵎⴰⴷ ⵉⵥⵍⵉⵏ ⵙ ⵓⵙⵄⴷⵓ ⵙⴳ ⵢⴰⵜ ⵜⵙⴳⴰ ⵜⴰⵙⵔⵜⴰⵏⵜ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⵖ ⵏⵉⵜ ⵉⵍⵍⴰ ⵓⵙⵏⵓⴱⴳ ⵏ ⵓⵍⵓⴱⵉ ⵉⵙⵏⴰⵍⵏ ⵉⴷ ⴱⴰⴱ ⵏ ⵓⵎⵣⵔⴰⵢ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵉⴷⴳⴰⵎ ⵏ ⵢⴰⵜ ⵜⵎⵖⴰⵔⵜ ⵉⵜⵜⵉⵏⵉⵏ ⵉⵙ ⵜⴳⴰ ⵜⵎⵏⴳⴰⵙⵜ, ⵔⴰⴷ ⴼⵖ ⴽⵔⴰ ⵏ ⵉⵙⵇⵙⵉⵜⵏ, ⴰⴷ ⵏⵉⵜ ⵏⵙⵙⵏ ⵎⴰⵙ ⴷ ⴰⵢⵍⵍⵉ ⵉⵜⵜⵓⵙⵙⵎⵎⴰⵏ (Inter-groupe ) ⵉⴳⴰ ⵎⴳⴰⵍ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵍⵎⵖⵔⵉⴱ ⵉ ⵓⴳⴳⴰⵔ ⵏ 30 ⵏ ⵓⵙⴳⴳⵯⴰⵙ, ⴰⵙⵄⴷⵓ ⵏⵏⵙ ⵉⵍⵍⴰ ⴷ ⵉⴳⴰⴷⴷⴰ ⴷ ⵉⵍⴽⵎ ⴰⵙⵡⵉⵔ ⵏ ⵓⵙⴳⴷ.

ⴰⵙⵇⵙⵉ ⴰⵎⵣⵡⴰⵔⵓ, ⵎⴰⵎⵏⴽ ⴰⵙ ⵉⵥⴹⴰⵕ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⴰⴷ ⵉⵙⵏⵓⴱⴳ  ⵉⵙⵙⵎⵖⵔ ⴰⴱⵔⵙⵙⵉⵡⴷ ⴷ ⵜⴽⵕⴹⵉ, ⵉⵙⵎⵔⵙ ⵎⴰ ⴰⵏⵏ ⴳ ⵉⵙⵎⵓⵙⵙⵓⵜⵏ ⵉⵏⵖⵎⴰⵙⵏ ⵓⵊⴰⴷⵏⵉⵏ ⴳⴰⴷⴷⴰⵏⵉⵏ, ⵉⵖ ⵉⵍⵙⴰ ⵢⴰⵏ ⴳ ⵉⴷ ⴱⴰⴱ ⵏ ⵓⴱⵔⵙⵙⵉⵡⴷ ⴷ ⵜⴽⵕⴷⵉ ⵜⵉⵎⵍⵙⴰ ⵏ ⵓⵎⵏⴳⴰⵙ ⵉⵜⵜⵎⴰⵖⵏ ⴼ ⵜⵍⴻⵍⵍⵉ.

 ⴳ ⵡⴰⴷⴷⴰⴷ ⴰⴷ, ⵜⴰⵎⵔⴰⵔⵓⵜ ⵉⴳⴰ ⵜⵜ ⴰⵏⵣⵡⵉ ⵏ ⵜⵍⴻⵍⵍⵉ ⴷ ⵓⴱⵓⵖⵍⵓ ⴷ ⵉⵣⵔⴼⴰⵏ ⵍⵍⵉ ⵟⵟⴰⴼⵏ ⴰⵢⵜⵎⴰⵜⵏⵖ ⴷ ⵉⵙⵜⵎⴰⵜⵏⵖ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵜⵉⵎⵖⵔⴰⴱⵉⵢⵉⵏ ⵓⵎⵥⵏⵉⵏ ⴳ ⵜⵎⵖⵔⵉⴱⵉⵜ ⵏⵏⵙⵏ.

- ⴰⵙⵇⵙⵉ ⵡⵉⵙ ⵙⵉⵏ, ⵎⴰⵏⵡⴰ ⵉⵎⵙⵓⵔⵓⴼⵏ, ⵎⵍⴰⵜ ⵉⵢⵉ ⴰ ⵉⴷ ⵎⴰⵙ, ⴷ ⵓⵎⵣⵔⴰⵢ ⴷ ⵓⴱⵔⵙⵙⵉⵡⴷ, ⴷ ⵜⵉⵔⴰⵜ ⵏ ⵓⴱⵟⵟⵓ ⵏ ⵓⴳⵣⵣⵓⵎ ⵏ ⵡⴰⴽⴰⵍ ⵏⵏⵙ ⴰⵏⴰⵎⵓⵔ? ⵎⴰⵏⵡⴰ ⴳ ⵜⵎⵉⵣⴰⵔ ⵏ ⵓⵕⵓⴱⴱⴰ ⴷ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵏ ⵓⵕⵓⴱⴱⴰ ⴷ ⵉⴷ ⴱⴰⴱ ⵏ ⵜⵙⵔⵜⵉⵜ ⴳ ⵓⵕⵓⴱⴱⴰ ⴰⵔ ⴰⴷ ⵉⵇⴱⵍ ⵎⴰⵢⴰⴷ ⵉⵍⵍⴰⵏ ⴼ ⵍⵎⵖⵔⵉⴱ.

ⵎⴰⵏⵓⴽ ⴰⴷ ⵜⴳⴰ ⵜⴳⵓⵔⵉ ⵏ ⵓⵙⵡⵓⵜⵜⵓ ⵏ ⵉⵎⴰⵍ ⴰⵏⴰⵎⴽ ⵏ ⵓⵎⵣⵔⴰⵢ ⴷ ⵓⴱⵟⵟⵓ ⵏ ⵉⵡⴰⵏⴽⵏ.

- ⴰⵙⵇⵙⵉ ⵡⵉⵙ ⴽⵕⴰⴹ, ⵎⴰⵎⵏⴽ ⴰ ⵙⵉⵎⵉⵢⵢⴽ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴼ ⵜⴰⵕⵥⵉⵡⵉⵏ ⵀⵔⵛⵏⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵉⵏⴷⵓⴼⴽⵯ ⵙ ⵓⵙⵙⵏⵜⵉ ⴰⴱⴽⴽⴰⴹ ⵏ ⵉⵎⵉⵥ ⴼ ⵉⴳⴳⵉ ⵏ ⵡⴰⴽⴰⵍ ⵏ ⴷⴷⵣⴰⵢⵔ ⵙⴳ ⵢⴰⵜ ⵜⵔⴰⴱⴱⵓⵜ ⵓⵔ ⵉⵟⵟⴰⴼⵏ ⴰⴷⵖⴰⵔ ⴳ ⵜⵊⵢⵓⵖⵔⴰⴼⵓⵜ ⵜⴰⵙⵔⵜⴰⵏⵜ, ⴷ ⵉⴱⴽⴽⴰⴹⵏ ⵏ ⵜⵏⵖⵉ ⴱⵕⵕⴰ ⵏ ⵓⵙⵍⴳⵏ, ⴷ ⵓⴱⴽⴽⴰⴷ ⵏ ⵓⵙⵎⵓⵙⵙⵓ ⵏ ⵜⴰⵣⵣⴰⵏⵏⵉⵏ ⴷ ⵉⴱⴽⴽⴰⴹⵏ ⵏ ⵜⵕⴰⵄⵉⵜ ⵍⵍⵉ ⵙⴽⴰⵔ ⵉⴷ ⴱⴰⴱ ⵏ ⵓⵎⵣⵔⴰⵢ ⵍⵍⵉ ⵏⵉⵜ ⵜⵜⴰⵡⵙⵎⴰⴷⵏⵉⵏ ⴷⴰⵜ ⵏ ⵜⵙⵏⴱⴹⴰⵢⵉⵏ ⵏ ⵓⵕⵓⴱⴱⴰ, ⴷ ⵓⴱⴽⴽⴰⴹ ⵏ ⵓⴽⵓⵙ ⵏ ⵉⵡⴷⴰⵏ ⴳ ⵜⵍⵉⵍⵍⵉ ⵏ ⵓⵎⵓⴷⴷⵓ.

ⵎⴰⵎⵏⴽ ⴰⵙ ⵉⵡⵙⵏ ⴽⵔⴰ ⵏ ⵉⴳⵎⴰⵎⵏ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵓⵙⴳⵍ ⵏ ⵓⵙⵉⵡⴹ ⵏ ⵡⵉⴷⴰ ⵜⵜⵢⴰⵎⴰⵥⵏⵉⵏ, ⵍⵍⵉ ⵔⴰⴷ ⵜⵙⴽⵔ ⵜⵙⵏⵓⵔⴰⵢⵔ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵎⵣⵡⴰⴳⵏ.

- ⵉⵙ ⵓⵔ ⵉⵎⵣⵔⵉ ⵎⴰⵢⴰ ⴷ ⴷ ⵡⴰⵜⵉⴳⵏ ⵍⵍⵉ ⴼ ⵜⴱⴷⴷ ⵜⴰⵎⵓⵏⵜ ⵏ ⵓⵕⵓⴱⴱⴰ: ⴰⵡⵇⵇⵔ ⵏ ⵜⵅⵅⵓⵜⵔⴰ ⵏ ⵉⵡⴰⵏⴽⵏ ⴷ ⵉⵡⵜⵜⴰ ⵏⵏⵙ, ⴷ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴷ ⵡⴰⵔ ⴰⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵜⵉⴳⵏⵙⴰⵏⵉⵏ ⵏ ⵡⵉⵢⵢⴰⴹ.

ⵡⵉⴷ ⴽⵔⴰ ⵏ ⵉⵙⵇⵙⵉⵜⵏ ⵍⵍⵉ ⵏⵜⵜⴰⵣⵏ ⵉ ⵉⵎⵏⵜⴰⵢⵏ, ⵍⵍⵉ ⵙⴽⵔⵏⵉⵏ ⴳ ⵓⵙⵄⴷⵓ ⵏ ⵍⵎⵖⵔⵉⴱ ⴰⵙⴳ ⵏⵏⵙⵏ ⴷ ⵜⵡⵡⵓⵔⵉ ⵏⵏⵙⵏ, ⴷ ⵓⵖⴱⴰⵍⵓ ⵏ ⵜⵖⵔⴰⴷ, ⴷ ⵓⵣⵎⵎⴻⵎ ⴰⵏⵙⴱⴰⴱ, ⴷ ⵓⴳⵣⵣⵓⵎ ⵙⴳ ⵓⵖⴰⵡⴰⵙ ⵏⵏⵙⵏ ⵏ ⵉⵙⵜⴰⵢⵏ

ⴳ ⵜⵢⵢⴰⴼⵓⵜ, ⴰⵢⵍⵍⵉ ⵜⵙⴽⴰⵔ ⵢⴰⵜ ⵜⵙⴳⴰ ⵜⴰⵙⵔⵜⴰⵏⵜ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵉⵎⵣⵔⴰⵢ ⴷ ⵜⵣⴷⴰⵢⵉⵏ ⵊⴰⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵙⵓⵔⵙ ⵉⵣⵣⵉⴳⵣⵏ ⵍⵍⵉ ⵉⵟⵟⴰⴼ ⵍⵎⵖⵔⵉⴱ ⴳ ⵜⵣⴷⴰⵢⵉⵏ ⵏⵏⵙ ⴰⴽⴷ ⵜⴰⵎⵓⵏⵜ, ⵙ ⵡⴰⴷⴷⴰⴷⵏ ⴷ ⵜⵙⴳⵓⵔⵉⵡⵉⵏ ⵏ ⵉⵎⵙⵜⴳⴳⴰⵔⵏ ⵏ ⵓⵔⵓⴱⴱⴰ, ⵉⵎⵎⵣⵔⵉ ⴷ ⵉⵎⴰⵏ ⵏ ⵜⴷⵔⴰⵡⵜ ⵊⴰⵔ ⵍⵎⵖⵔⵉⴱ ⴷ ⵓⵕⵓⴱⴱⴰ, ⵜⴰⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵉ ⵉⵎⴰⵍ ⵏ ⵜⵙⴳⴰ ⴷ ⵓⵎⴰⴹⴰⵍ: ⴰⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵙⵡⵓⴷⴷⵓ ⵏ ⵓⵣⵡⴰⴳ ⴷ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ ⴷ ⵓⴼⵔⴰ, ⵜⵉⵎⵙⴰⵔⵉⵏ ⵖ ⵜⵡⴰⵍⴰ ⵜⵎⴰⵣⵉⵔⵜ ⵏⵏⵖ ⵜⵉⵎⴰⵙⴰⵢⵉⵏ ⵅⴰⵜⵔⵏⵉⵏ. ⵉ ⵜⵓⵙⵙⵏⴰ ⵏⵏⵓⵏ, ⴰⵙⵇⵇⵉⵎ ⵏ ⵉⵎⵔⴰ ⵍⵍⵉ ⴽⵏ ⵉⵙⵏⵓⴱⴳⵏ ⴰⵙⵙ ⴰⴷ, ⵉⵍⵍⴰ ⴳ ⵓⵙⵏⴼⴰⵔ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵏⵜ ⴰⴽⴷ ⵙⴰ ⵏ ⵉⴱⵕⵍⴰⵎⴰⵏⵏ ⵙ ⵓⵙⵙⵥⵕⴼ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ. ⵜⴳ ⴰⵙⵏⴼⴰⵔ ⵡⵉⵙ ⵙⵉⵏ ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵉ ⵓⵙⵓⵜⴳ ⵏ ⵜⴷⵉⵎⵓⵇⵔⴰⵜⵉⵜ ⵜⴰⵎⵖⵔⵉⴱⵉⵜ ⴷⴼⴼⵉⵔ ⵏ ⵓⵙⵏⴼⴰⵔ ⴰⵎⵣⵡⴰⵔⵓ ⵍⵍⵉ ⵜ ⵉⵙⵎⵓⵏⵏ ⴰⴽⴷ ⵙⵎⵎⵓⵙ ⵉⴱⵕⵍⴰⵎⴰⵏⵏ ⵏ ⵓⵕⵓⴱⴱⴰ.

ⵉⴳⴰ ⵍⵃⴰⵍ ⴰⵡⵔⴰⵔ ⵙ ⵉⵎⴰⵍ ⵏ ⵡⴰⵎⵓⵔⵏ ⴷ ⵜⵎⵙⴽⴰⵔ ⵏ ⵜⴰⵣⵣⴰⵏⵉⵏ. ⵜⴰⵎⴰⵣⵉⵔⵜ ⵏⵏⵖ ⵓⵔ ⵜⵙⵖⴰⵡⵙⴰ ⴰⴷ ⵜⵓⴳⴳⴰ ⵉⵥⵉⵍⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⴰⵛⴽⵓ ⴰⵔ ⵜⵙⴽⴰⵔ ⴰⵢⵍⵍⵉ ⵜⵏ ⵉⴼⵔⴳⵏ. ⵓⵔ ⵏⵍⵍⵉ ⵖ ⵡⴰⴷⴷⴰⴷ ⴰⴷ ⵏⵙⵙⴼⵔⵓ ⴰⵔ ⵏⴰⴽⴽⴰ ⵜⴰⴳⴳⵉⵡⵉⵏ, ⵓⵔ ⵔⴰⴷ ⵏⵉⵔ ⴰⴷ ⵉⴳ ⵍⵎⵖⵔⵉⴱ ⵉⵎⵔⵙⵉ ⵏ ⵜⴽⵏⴷⴰⵡⵉⵏ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ. ⵜⵉⵣⴷⴰⵢⵉⵏ ⴰⴽⴷ ⵉⵎⴷⵔⴰⵡⵏ ⵉⵇⵇⴰⵏ ⴷ ⴰⴷ ⵉⵍⵉⵏⵜ ⴼ ⵜⵎⴰⴼⴰⵡⵜ ⴷ ⵜⵎⵢⵉⵎⴰⵏⵜ ⴷ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ, ⵓⵔ ⴷ ⴼ ⵓⵙⵖⵡⵏ ⴷ ⵓⵙⵉⵎⵥⵉⴽⴽ ⵏ ⵜⵎⵔⵙⴰⵍ ⵏ ⵉⵎⴷⵔⴰⵡⵏ.

ⴳ ⵎⴰⴷ ⵉⵥⵍⵉⵏ ⵙ ⵜⵎⵙⴽⴰⵔ ⵏ ⴽⵔⴰ ⵏ ⵜⵙⴳⴳⵉⵡⵉⵏ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⵏⵍⵍⴰ ⴷⴰⵜ ⵏ ⵜⵎⵢⵓⵔⵉⵏ ⵜⵉⵎⴰⵢⵏⵓⵜⵉⵏ ⴳ ⵓⴽⵛⵛⵓⵎ ⴳ ⵜⵖⴰⵡⵙⵉⵡⵉⵏ ⵜⵉⴳⵏⵙⴰⵏⵉⵏ, ⴰⴽⵛⵛⵓⵎ ⵏⵙⵙⵏ ⵎⴰⴷ ⵜ ⵉⵙⵎⴰⵙⵙⵏ. ⵓⵔ ⴷ ⵜⵉⵔⵙⴰⵍ ⴰⴷ ⵜ ⵉⵙⵎⴰⵙⵙ, ⵓⵔ ⴷ ⴰⵜⵉⴳⵏ, ⴰⵔ ⵜ ⵙⵎⵓⵙⵙⵓⵏ ⵜⵏⵓⴼⴰ ⵜⵉⴷⵖⵢⴰⵏⵉⵏ ⵍⵍⵉ ⵓⵔ ⴱⴰⵀⵔⴰ ⵜⵜⵓⵣⵔⴰⵢⵏⵉⵏ, ⴷⴰ ⵜ ⵙⵎⵓⵙⵙⵓⵏ ⵉⵍⵓⴱⵉⵢⵏ ⵍⵍⵉ ⵎⵓ ⵜⴳⴳⵓⵜ ⵜⵉⵍⴰⵍⵜ ⵏⵏⵙ ⵙ ⵡⴰⵍⴰⵢⵏ ⵏ ⵡⴰⵜⵉⴳⵏ ⵏ ⵜⵥⴹⴰⵕⵜ.