ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵙⵎⴰⴷ ⵏ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⵙⵉⵏ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵢⴰⵜ ⴷ ⵎⵔⴰⵡⵜ

ⵎⴰⵙⵙⴰ ⵜⴰⵎⴰⵡⵙⴰⵙⵜ 

ⵜⵉⵏⴳⴳⵯⴰ ⴷ ⵉⵏⴳⴳⵯⴰ 

ⵜⵉⵏⴳⴳⵯⴰ ⴷ ⵉⵏⴳⴳⴰ 

ⵙ ⵓⵎⵙⴰⵙⴰ ⴷ ⵓⴷⵓⵙⵜⵓⵔ ⵏ ⵜⴳⵍⴷⵉⵜ, ⴷⴼⴼⵉⵔ ⵏ ⴽⴽⵓⵣ ⵉⵢⵢⵉⵔⵏ ⵏ ⵜⵡⵡⵓⵔⵉ, ⴰⵔ ⵏⵙⵎⴰⴷ ⵜⴰⵙⵓⵜⵍⵜ ⵜⴰⵣⵣⵔⴰⴼⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⵙⵉⵏ ⵏ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵢⴰⵜ ⴷ ⵎⵔⴰⵡⵜ, ⴳ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ, ⵜⴰⵡⵡⵓⵔⵉ ⵏ ⵜⵙⵇⵇⵓⵎⵉⵏ ⵔⴰⴷ ⵜⵣⵣⵉⴳⵣ ⴷ ⵜⵉⵏ ⵓⵙⵉⵔⴰ ⵏ ⵓⵙⵇⵇⵉⵎ, ⵙ ⵜⵎⵢⵓⵔⵉⵏ. ⵜⵖⵉⵎⵉⵜ ⴰⴷ ⴷ ⵜⴰⵎⵍⴷⴰ ⵏ ⵓⵙⵎⵏⵉⴷ ⵏ ⵜⵢⵢⴰⴼⵓⵜ ⵍⵍⵉ ⴰⴽⴽⵯ ⵏⵉⵡⵙ, ⵜⴰⵏⵙⵙⵉⵅⴼⵜ ⴷ ⵓⵙⵉⵔⴰ ⴷ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⴷ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ. 

ⵏⵎⵎⴰⵖ ⴳ ⵓⵙⵇⵇⵉⵎ, ⵜⵓⴳⵜ ⵓⵍⴰ ⵜⵓⵣⵍⵜ, ⴳ ⵓⵏⵢⴰⵍⴽⴰⵎ ⴰⴽⵜ ⵉⵎⵙⴰⵔⵉⵏ ⵜⵓⴷⴷⵉⵔⵉⵏ ⵏ ⵜⵎⴰⵣⵉⵔⵜ ⵏⵏⵖ ⴷ ⵉⵅⵎⵎⵉⵎⵏ ⵏ ⵉⵏⵎⵓⵔⴰⵏ, ⵏⴰⵡⵙ ⵙⴳ ⵓⴷⵖⴰⵔ ⵏⵏⵖ ⴰⴷⵙⵜⴰⵔ ⴷ ⵓⵎⵔⵙⵍⴰⵏ ⴳ ⵜⵡⴰⴼⵉⵜ ⵏ ⵉⵣⵣⵔⴰⴼⵏ ⴷ ⵜⵉⴹⴰⴷ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⴳ ⵜⵡⴰⴼⵉⵜ ⵏ ⵜⵎⵔⴰⵔⵓⵜⵉⵏ ⵉ ⵜⵎⵙⴰⵔⵉⵏ ⴰⴷ, ⵙ ⵓⵙⵡⵓⵔⵉ ⴷ ⵉⵙⵡⴰⵍⴰⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵚⵕ ⵕⴱⴱⵉ, ⵜⵜⴰⵡⴱⴷⴰⵔⵏⵉⵏ ⴳ ⵉⵏⴰⵡⴰ ⴰⴳⵍⴷⴰⵏ ⵙ ⵜⵎⵍⴷⴰ ⵏ ⵓⵕⵥⵥⵓⵎ ⵏ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵜⴰⵎⵣⵡⴰⵔⵓⵜ ⵏ ⵓⵙⴳⴳⵯⴰⵙ ⴰⵣⵣⵔⴰⴼ 2022-2023 ⴷ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵜⵜⴰⵡⵏⵏⴰⵏⵉⵏ ⴳ ⵜⵎⵍⴷⴰ ⵜⵉⵏⴰⵎⵓⵔⵉⵏ, ⵍⵍⵉⵖ ⵉⵎⵎⴰⵖ ⴱⴰⴱ ⵏ ⵡⴰⴷⴷⵓⵔ ⴼ ⵓⵙⵕⵚⵓ ⵏ ⵓⵙⴳⵓⴷⵉ ⴷ ⵜⵉⵢⵢⴰⴼⵓⵜ, ⴷ ⵜⵏⴰⵔⴰ ⵏ ⵍⵎⵖⵔⵉⴱ ⵙ ⵉⵎⴰⵍ ⵙ ⵜⵎⵢⵉⵎⴰⵏⵜ ⵜⴰⵙⵓⵍⴰⵏⵜ. 

ⵜⵉⵏⴳⴳⵯⴰ ⴷ ⵉⵏⴳⴳⵯⴰ

ⵉⵡⵉⵏⴷ ⵜⵎⴰⵢⵏⵓⵜⵉⵏ ⴰⴷ ⴷ ⵏⵙⵙⴽⵯⵜⵉ ⴳ ⵜⵉⵣⵉ ⴰⴷ ⴰⵎⵏⴰⴹ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ ⴽⴽⵉⵖ ⵏⵙⵡⵓⵔⵉ, ⴷ ⵜⵎⵉⵜⴰⵔ ⵣⴷⵉⵏⵉⵏ ⴷ ⵉⵢⵢⵉⵔ ⴰⴷ ⴳⴳⵓⵔⴰⵏⵉⵏ. ⵜⵣⵣⵉⴳⵣ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜⵉⵄⵣⵣⵓ ⵕⴱⴱⵉ ⴳ ⵓⵙⵕⵚⵓ ⵏ ⵓⴷⵖⴰⵔ ⵏⵏⵙ ⴰⵏⵎⵏⴰⴹ ⴷ ⵓⵎⵏⵥⴰⵡ ⴷ ⵓⴳⵔⴰⵖⵍⴰⵏ, ⴷ ⵓⵙⴷⵓⵙ ⵏ ⵉⵣⵔⴼⴰⵏ ⵏⵏⵙ ⴳ ⵜⵢⴰⵏⵜ ⵏⵏⵙ ⵜⴰⵏⴰⴽⴰⵍⵜ ⵍⵍⵉⵖ ⵏⴰⵏ ⴽⵉⴳⴰⵏ ⵏ ⵓⵎⵙⵜⴳⴳⴰⵔⵏ ⵉⴳⵔⴰⵖⵍⴰⵏⵏ ⴷ ⴰⵢⵜ ⵍⴰⵜⵏⵖ ⴳ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴱ ⴷ ⵓⵙⵍⵉⵎ, ⴷ ⵉⵎⴷⴷⵓⴽⴽⵯⴰⵍ ⵏⵏⵖ ⴳ ⵓⵎⴰⴹⴰⵍ, ⴰⵖⵣⴰⵏ ⵏ ⵜⵙⵓⵎⵔⵜ ⵏ ⵓⵏⴱⴰⴹ ⴰⵏⵉⵎⴰⵏ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ, ⵍⵍⵉ ⵉⴳⴰⵏ ⴰⴼⵙⵙⴰⵢ ⵉⵜⵜⵓⵙⴽⴰⵔⵏ ⵅⴼ ⵜⵙⴳⴳⵉⵡⵉⵏ ⵜⵉⵎⵖⵔⵉⴱⵉⵢⵉⵏ ⵏ ⵉⴼⴼⵓⵙ.  

ⵙ ⵓⵎⵙⴰⵙⴰ, ⵜⵣⵣⵉⴳⵣ ⵜⵓⵙⵙⵏⴰ ⵙ ⵜⵉⵕⵡⵉ ⵏ ⵉⵙⵏⴼⴰⵔⵏ ⵓⵏⴳⵉⵎⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵡⵉⵏ ⵜⵓⵏⵏⵓⵏⵜ, ⵜⵜⴰⵡⵙⴽⴰⵔⵏⵉⵏ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⴷ ⵉⴷⵔⵉⵣⵏ ⵏⵏⵙ ⴼ ⵜⵏⵓⴼⴰ ⵉ ⵉⵏⵎⵓⵔⴰⵏ, ⴷ ⵓⵙⵎⵖⵔ ⵏ ⵜⵓⴷⵔⵜ ⴳ ⵜⵖⵔⵎⵉⵏ ⴷ ⵜⵎⵉⵣⴰⵔ ⵏ ⵉⴼⴼⵓⵙ ⴰⵅⴰⵜⴰⵔ. ⵏⵙⵓⵜⵖ ⵜⵉⵖⵜⴰⵙⵉⵏ ⴱⴷⵔⵏⵉⵏ ⵜⵉⴷⵜ ⴰⴷ, ⵍⵍⵉ ⴰⴽⴽⵯ ⵏⵏⴰⵏ ⵜⵉⴽⴽⵍⵉⵜ ⴰⴷ ⵡⵉⴷⴰ ⵓⵔ ⵉⵙⵙⵏ ⵜⴰⵢⵢⴰⴼⵓⵜ ⵜⴰⵏⴰⵎⵓⵏⵜ ⴷ ⵜⵏⴼⴳⴰⵏⵜ ⵏ ⵓⵙⵙⴰⵔⵓ ⴰⴳⴷⵓⴷⴰⵏ ⴳ ⵜⵎⵉⵣⴰⵔ ⴰⴷ ⵍⵍⵉ ⵜⵜⵓⵙⵏⴼⴰⵍⵏⵉⵏ ⴳⵉⵏⵜ ⴰⴷⴳⴰⵖⵔ ⵏ ⵓⵙⵙⴰⵔⵓ ⴰⵏⴰⵎⵓⵔ ⴷ ⴳⵔⴰⵖⵍⴰⵏ ⴷ ⵡⴰⵏⴰⵡ ⵏ ⵜⵉⵕⵡⵉ ⴷ ⵣⵣⵀⵕⵜ. 

ⵙ ⵜⵉⴷⵜ, ⵜⴰⵢⵢⴰⴼⵓⵜ ⴰⴷ ⵜⵜⵓⵙⴽⴰⵔ ⵙ ⵉⵡⵉⵣ ⴰⴳⵍⴷⴰⵏ ⴰⵎⴰⵜⵜⵓⵢ ⴼ ⵓⵙⵓⵊⴷ ⵏ ⵉⵙⵏⴼⴰⵔⵏ, ⴷ ⵓⵙⵔⵓⵙ ⵏ ⵉⴷⵔⵉⵎⵏ ⵓⵛⵛⵉⵍⵏ ⵍⵍⵉ ⴳⵓⵜⵏⵉⵏ, ⴷ ⵓⴹⴼⵕ ⴰⵡⵓⵙⵙⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵉⴷ, ⴷ ⵡⴰⴽⴰⵍ  ⵉ ⵉⵙⵏⴼⴰⵔ. ⵖⵎⴽ ⴰⵏⵏ ⴷ ⵓⵍⵜⴰⵖ ⵏ ⴰⵢⵜ ⵎⴰⵜⵏⵖ ⴷ ⵉⵙⵜ ⵎⴰⵜⵏⵖ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵉ ⵜⵡⴰⴷⴰ ⵜⵓⵏⴷⵉⵎⵜ, ⴷ ⵓⵙⵎⵓⵙⵙ ⵏ ⵜⵎⵔⵙⴰⵍ ⵜⵜⴰⵡⵙⵜⴰⵢⵏⵉⵏ ⴷ ⵜⵎⵣⵣⴳⴰⵔⵉⵏ. ⴳ ⵓⵎⴰⵍⵓ ⵏ ⵓⵙⵓⵏⴼⵓ ⴷ ⵓⴼⵔⴰ ⵍⵍⵉ ⴰⴽⴽⴰⵏⵜ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴱⴷⴷⵏⵉⵏ ⴼ ⵓⴼⵔⴰⴳ ⵏ ⵉⵡⵜⵜⴰ ⵏ ⵡⴰⵎⵓⵔ, ⴷⴰⵜ ⵏ ⴽⵓ ⵜⵉⵕⵥⵉ ⵏ ⵉⵡⵜⵜⴰ ⴰⴷ. ⴷ ⵜⴳⴳⴰⵍⵉ ⴰⴷ ⴷ ⵓⵅⴰⵜⴰⵔ ⵏⵏⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵓⵜⴳ ⴰⵅⴰⵜⴰⵔ ⵉⴳⴳⵓⵜⵏ ⴷ ⵓⵙⵉⵙⵙⵏ. ⵉ ⵜⴳⴳⴰⵍⵉⵏ ⵏ ⵜⵏⴼⵔⵓⵜ ⵎⴰⵕⵕⴰ, ⴰⵙⵓⵜⴳ ⴷ ⵓⵙⵉⵙⵙⵏ. 

ⵜⵉⵏⴳⴳⵯⴰ ⴷ ⵉⵏⴳⴳⵯⴰ 

ⴰⵔ ⵜⵙⴽⴰⵔ ⵜⵎⴰⵣⵉⵔⵜ ⵏⵏⵖ ⵎⴰ ⴰⵏⵏ ⴳ ⵓⵎⵏⴰⴷ ⴰⴳⵔⴰⵖⵍⴰⵏ ⵉⵥⵍⵉⵏ ⵙ ⵉⴷⵔⵉⵣⵏ ⵏⵏⵙ, ⴳ ⵜⵎⴽⵕⴰⴹ ⵜⵉⴳⴷⵓⴷⴰⵏⵉⵏ ⵜⵉⵏⴰⵎⵓⵔⵉⵏ ⵉⵣⵣⵉⴳⵣⵏ ⵙ ⵡⴰⵍⴰⵢ ⵏ ⵡⴰⵜⵉⴳⵏ ⵏ ⵜⵎⵜⵜⵉⵡⵉⵏ ⵜⵉⵎⵣⵡⵓⵔⴰ ⴷ ⵡⵉⵏ ⵓⵜⵛⵓ ⴳ ⵓⵎⵏⴰⴹ ⴰⵎⴰⴹⵍⴰⵏ ⵉⵔ ⵉⴱⴷⴷⵏ ⴳ ⴳⴳⵓⵜⵏⵜ ⵜⵉⵏⵉⵎⴰⵏⵉⵏ ⵜⵉⵏⴰⵎⵓⵔⵉⵏ. 

ⵎⵇⵇⴰⵔ, ⵓⵔ ⵏⴰⵃⴰⵢ ⵜⴰⵏⴽⵔⴰ ⵜⵓⵏⴳⵉⵎⵜ ⴳ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⴼ ⵜⵉⵏ ⵉⴼⴼⵓⵙ ⵍⵍⵉ ⵓⴳⴰⵏ ⴰⵏⴰⵡ, ⵜⵣⵣⵉⴳⵣ ⵜⵎⴰⵣⵉⵔⵜ ⵏⵏⵖ ⵜⵉⴳⵎⵉ ⵏⵏⵙ ⴷ ⵜⴷⵓⵙⵉ ⵉⵜⵜⵉⵎⵖⵓⵔⵏ, ⵜⵣⵎⵎⵉⵎ ⵜⴷⵎⵙⴰ ⵜⴰⵏⴰⵎⵓⵔⵜ, ⴳ ⵜⵙⴳⴰ ⵏ ⵓⵚⵉⴼⴹ ⴰⵙⵓⵜⴳ ⵉⴼⴰⵡⵏ ⵎⵇⵇⴰⵔ ⵉⵛⵇⵇⴰ ⵓⵎⵏⴰⴷ ⴰⴳⵔⴰⵖⵍⴰⵏ, ⵉⵣⵣⵉⴳⵣ ⵓⵍⴰ ⵓⵙⵕⵚⵓ ⵏ ⵡⴰⵏⴰⵡ ⴰⵏⴰⵎⵓⵏ ⴰⵎⵖⵔⵉⴱⵉ ⵙ ⵓⵙⵎⴰⵜⴰ ⵏ ⵓⴼⵔⴰⴳ ⴰⵏⴰⵎⵓⵏ, ⴰⵢⵍⵍⵉ ⴼⴽⴰⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ ⵜⵓⴰⵢ ⵜⴰⵏⴰⵎⵓⵏ ⴷ ⵜⴷⵎⵙⴰⵏⵜ, ⵉⵙⵔⵙ ⴰⵏⵎⵓⵔⵉ ⴳ ⵓⴳⵯⵏⵙ ⵏ ⵜⴳⵎⵉ. 

ⵢⵉⵡⵉ ⴷ ⵓⵙⵙⵓⵜⴳ ⴰⴷ ⴰⵎⵖⵔⵉⴱⵉ, ⴷ ⵓⵙⴷⵖⵔ ⴰⴷ ⴰⵎⴰⵢⵏⵓ ⵏ ⵜⵎⴰⵣⵉⵔⵜ ⵏⵏⵖ ⴰⵙⴳⴰⵡⴰⵏ ⴷ ⵓⵎⵏⵥⴰⵡ ⴷ ⵓⴳⵔⴰⵖⵍⴰⵏ, ⴷ ⵓⵙⵡⵓⵜⵜⵙ ⴰⴷ ⴰⵏⴰⵎⴰⵓⵔ, ⴰⵙⵓⵜⴳ ⴷ ⵓⴱⵓⵔⵣ, ⴰⵢⵍⵍⵉ ⵓⵔ ⵔⵉⵏⵓ ⴽⵔⴰ ⵏ ⵜⵙⴳⴳⵉⵡⵉⵏ ⵏ ⴱⵕⵕⴰ ⵍⵍⵉ ⵙⵎⵓⵙⵙⴰⵏⵉⵏ ⵜⵉⵥⴹⴰⵕⵉⵏ ⴷ ⵜⵏⵖⵎⴰⵙⵜ ⴷ ⵉⵍⵓⴱⵉⵢⵏ, ⵉ ⵓⵙⵙⵄⴷⵓ ⵏ ⵜⵎⴰⵣⵉⵔ ⵏⵏⴱ, ⵍⵍⵉ ⵉⵣⵣⵉⴳⵣ ⴳ ⵓⴱⵔⵉⴷ ⵏⵏⵙ ⵙ ⵓⵙⴰⵜⵉ ⵏ ⵜⵖⵜⴰⵙⵜ ⵜⴰⵏⴰⵎⵓⵔⵜ ⵜⴰⵙⵉⵎⴰⵏⵜ, ⵉ ⵓⵙⴷⵖⵔ ⴰⴳⵔⴰⵖⵍⴰⵏ ⵉⵣⵣⵉⴳⵣⵏ, ⵉⴱⴷⴷⵏ ⴼ ⵓⵎⵣⵔⵓⵢ ⴰⵅⴰⵜⴰⵔ ⴷ ⵜⴷⵉⵎⵓⵇⵔⴰⵟⵉⵜ ⵜⴰⵎⵣⵡⴰⵔⵓⵜ ⴷ ⵓⵏⴳⵔⴰⵡ ⴰⵎⵔⵙⵍⴰⵏ ⵉⴱⴷⴷⵏ ⴳ ⵜⴳⵍⴷⵉⵜ ⵜⴰⴷⵙⵜⴰⵔⵜ ⵉⵟⵟⴰⴼⵏ ⵜⵉⵍⵍⵓⴳⵏⴰ ⵜⵉⵎⵣⵔⴰⵢⵉⵏ ⴷ ⵜⵏⵉⵎⴰⵏⵉⵏ ⴷ ⵜⵙⵔⵜⴰⵏⵉⵏ. ⴰⵢⵍⵍⵉⵖ ⵉⵍⴽⵎ ⵓⵙⵄⴷⵓ ⴰⴷ ⴰⴷ ⵜⴼⴼⵖ ⵢⴰⵜ ⵜⵖⵜⴰⵙⵜ ⵙⴳ ⵢⴰⵜ ⵢⴰⵜ ⵜⵙⴳⴰ ⵜⴰⵙⵔⵜⴰⵏⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ 19 ⵉⵏⵏⴰⵢⵔ 2023, ⵜⵜⵓⵙⵎⵎⴰ: “ⴰⵡⵇⵇⵔ ⵏ ⵜⵍⴻⵍⵍⵉ ⵏ ⵡⴰⵡⴰⵍ ⴷ ⵎⵏⴰⴷ ⴳ ⵍⵎⵖⵔⵉⴱ”.  

ⵓⵔ ⵔⴰⴷ ⵎⴰⵟⵍⵖ ⴳ ⵓⵙⴷⴷⴻⴷ ⵏ ⵓⵙⵙⵅⵛⵏ ⵏⵏⵖ ⵉⴷⵓⵙⵏ ⵉ ⵡⴰⴷⴷⴰⴷ ⴰⴷ, ⴷ ⵜⴰⴳⵯⵉⵜ ⵏⵏⵖ ⵉ ⵜⴽⵔⴽⴰⵙ ⴷ ⵜⴽⵏⴷⴰⵡⵜ ⴼ ⵜⵎⴰⵣⵉⵔⵜ ⵏⵏⵖ. ⴰⴷⴷⴰⴷⵏ ⵏ ⵓⴷⴷⵉⵙⵏ ⵉⵙⵔⵜⴰⵏⵏ ⴷ ⵉⵎⵓⵍⵍⵓⵢⵏ ⵍⵍⴰⵏⵉⵏ ⴳ ⵓⴱⵕⵍⴰⵎⴰⵏ ⵓⴳⵉⵏⵉⵏ ⴷ ⵙⵙⵅⵛⵏⵉⵏ ⵜⴰⵖⵜⴰⵙⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰⵏ ⴷ ⵓⵙⵉⵡⴹ ⵏ ⵜⵖⵉⵎⵉⵜ ⵉⵛⵛⴰⵔⵏ ⵉⵥⵍⵉⵏ ⵍⵍⵉ ⵉⵙⵏⵎⴰⵍⴰ ⵓⴱⵕⵍⴰⵎⴰⵏ ⴳ 23 ⵉⵏⵏⴰⵢⵔ 2023, ⴳⴰⵏ ⵜⴰⵎⵔⴰⵔⵓⵜ ⵜⴰⵏⴰⵎⵓⵔⵜ ⵉⴼⴰⵡⵏ ⴷ ⵉⴷⵓⵙⵏ ⵉⵎⵙⴰⵎⴰⴷⵏ ⵏ ⵜⴰⴳⵯⵉⵜ ⵜⴰⵎⴰⴷⴷⵓⴷⵜ ⴷ ⵜⵎⴷⵏⴰⵏⵜ ⵉ ⵓⴽⵛⵛⵓⵎ ⴳ ⵜⵖⴰⵡⵙⵉⵡⵉⵏ ⵏⵏⵖ ⵜⵉⴷⵓⵙⴰⵏⵉⵏ, ⴷ ⵉⴳⵔⴷⵏ ⵓⵏⵥⵉⵥⵏ ⴳ ⵜⵎⵉⵣⴰⵔ ⵏ ⵓⵔⵓⴱⴱⴰ ⵍⵍⵉ ⵎⵍⴰⵏⵉⵏ ⵎⴰⴷ ⵉⵍⵍⴰⵏ ⴷⴼⵉⵔ ⵏ ⵜⵖⵜⴰⵙⵜ ⴰⴷ ⵉⵊⵍⴰⵏ ⴳ ⵜⵓⵎⴰⵢⵜ ⴷ ⵓⵣⵎⵣ. 

ⵙⵙⵓⵔⴼⴰⵜ ⵉⵢⵉ, ⵜⵉⵏⴳⴳⵯⴰ ⴷ ⵉⵏⴳⴳⵯⴰ, ⴰⴷ ⴷ ⵙⵙⴽⵜⵉⵖ ⵉⴷ ⴱⴰⴱ ⵏ ⵓⵙⵄⴷⵓ ⵏ ⵍⵎⵖⵔⵉⴱ ⴷ ⵉⵎⵙⴽⴰⵔⵏ ⵏ ⵜⵎⵓⴽⵔⵉⵙⵉⵏ ⵎⴳⴰⵍ ⵏⵏⵙ ⴳ ⵜⵎⵔⵙⵍⵜ ⵏ ⵓⵕⵓⴱⴱⴰ, ⴰⴷ ⵜⵏ ⵙⴰⵇⵙⴰⵖ. 

- ⵉⵙ ⵓⵔ ⵜⴻⵟⵟⴰⴼ ⵜⵎⴰⵣⵉⵔⵜ ⵏⵏⵖ ⵜⴰⵏⵖⵎⴰⵙⵜ ⵜⴰⵎⵣⵔⴰⵢⵜ ⵉⴳⴰⵏ ⵜⴰⵎⵏⵏⴰⵡⵜ ⴷ ⵜⵉⵉⵏ ⵜⵍⴻⵍⵍⵉ, ⴰⵎ ⴰⵢⵍⵍⵉ ⵏⵉⵜ ⵉⵍⵍⴰⵏ ⴳ ⵓⵕⵓⴱⴱⴰ, ⵍⵍⴰⵏ ⴳ ⵓⵙⴰⵔⴰⴳ ⴰⵏⵖⵎⴰⵙ ⴰⵏⴰⵎⵓⵔ ⵎⵏⵏⴰⵡ ⵉⵣⵡⵉⵍⵏ, ⵉⴳ ⵡⴰⵡⵜⴰⵢ ⵏ ⵓⵖⵎⵉⵙ ⴰⵏⴰⵎⵓⵔ ⴰⵎⵣⵔⴰⵢ ⴳ ⵍⵎⵖⵔⵉⴱ ⵍⵍⵉⴷ ⵉⴼⴼⵖⵏ ⴳ ⵓⵙⴱⴷⴷⵉ ⵏ ⵓⵏⴳⵔⴰⵡ ⵉⵀⵔⵛⵏ ⵏ ⵓⴼⵔⴰⴷ, ⵡⵉⵏ ⵏⵉⵜ ⵓⵖⵎⵉⵙ ⵍⵍⵉ ⴷ ⵉⴼⴼⵖⵏ ⴳ ⵓⵎⴰⵍⴰ ⵏ ⵓⵙⴷⵓⵔⵔⵉ ⴰⵏⴰⵣⵉ ⵏ ⵜⵎⴰⵣⵉⵔⵜ ⵍⵍⵉⵖ ⴷ ⵓⴽⴰⵏ ⵙⵓⵍ ⵜⴼⴼⵓⵖ, ⵓⵔ ⵡⴰⵜⵜⵙⵖ ⴰⴷ ⵣⵉⴳⵣⵓⵍⵖ ⴰⵙⴰⵔⴰⴳ ⴰⵏⵖⵎⴰⵙ ⴰⵏⴰⵎⵓⵔ ⴳ ⵢⴰⵏ ⵓⵖⵎⵉⵙ ⴰⵏⴰⵎⵓⵔ, ⵎⴰⵛⵛ ⴰⴼⴰⴷ ⴰⴷ ⵙⵙⴽⵜⵉⵖ ⴽⵔⴰ ⵏ ⵜⵎⵙⴰⵔⵉⵏ ⵏ ⵓⵎⵣⵔⵓⵢ, ⵎⵍⵖ ⵉ ⵡⵉⴷⴰ ⵜⵜⵉⵔⵉⵏⵉⵏ ⵜⵉⵎⵢⴰⴷⴰⵙⵉⵏ ⵏ ⵓⵎⵣⴰⵣⴰ, ⵉⵖⴰⵎⴰ ⵓⴽⴰⵏ ⵓⵙⴰⵔⴰⴳ ⴰⴷ ⴰⵏⴰⵎⵓⵔ ⵎⵇⵇⴰⵔ ⵜⵉⵎⵏⵜⵍⵉⵏ ⴳ ⵎⴰⴷ ⵉⵣⵔⵉⵏ ⴼ ⵜⴰⵙⵓⵜ, ⵉⵖⵎⴰⵏ ⴰⵎⵏⵏⴰⵡ ⴷ ⵉⵍⴻⵍⵍⵉ, ⴰⵔ ⵉⵎⵎⴰⵍ ⵜⴰⵎⵏⵏⴰⵡⵜ ⵏ ⵡⴰⵎⵓⵏ ⴰⵎⵖⵔⵉⴱⵉ ⵜⴰⵙⵔⵜⴰⵏⵜ ⴷ ⵜⴷⵍⵙⴰⵏⵜ, ⵉⵏⵖⵎⴰⵙⵏ ⵉⵎⵖⵔⵉⴱⵉⵢⵏ  ⴳⴰⵏⵉⵏⵉ ⵉⴷⵡⴰⵍⴼⵏ ⴷ ⵉⵎⴰⵔⴰⵜⵏ ⵏ ⵓⵎⵏⴰⴷ ⴳ ⵍⵎⵖⵔⵉⴱⵏ ⴼⵔⴽⵏ ⵙ ⵡⴰⵎⴰⵎⴽ ⵏ ⵜⴷⵔⴼⵉⵜ ⵉⵍⵍⴰⵏ ⴳ ⵡⴰⵎⵓⵔ, ⴷ ⵓⵔ ⵔⴰⴷ ⴱⵉⴽⴽⵙⵏ ⵙ ⵓⴱⵕⵕⴰⵏⵉ. 

- ⴳ ⵜⵙⴳⴰ ⵢⴰⴹⵏⵉⵏ, ⵉⵍⵍⴰ ⴳ ⵓⴷⵖⴰⵔ ⴰⵙⵔⵜⴰⵏ ⴰⵎⵖⵔⵉⴱⵉ ⵙ ⵓⴳⴳⴰⵔ ⵏ 30 ⵏ ⵓⴽⴰⴱⴰⵕ ⴰⵙⵔⵜⴰⵏ, ⵙ ⵉⵙⵡⴰⵍⴰⵢⵏ ⵉⵙⵔⵜⴰⵏⵏ ⴷ ⵉⴷⵍⵙⴰⵏⵏ ⴷ ⵉⴷⵢⵓⵍⵓⵊⵉⵢⵏ ⵥⵍⵉⵏⵉⵏ, ⵓⵔ ⴰⴽⴽⵯ ⴷⵔⵓⵙⵏ ⴼ ⵓⵎⵣⵔⵓⵢ ⴷ ⵜⵣⵡⵉⵔⵉ ⴷ ⵓⵙⵏⵎⴰⵍⴰ ⴷ ⵓⵙⵖⵏⵓ ⴰⴷⵍⵙⴰⵏ ⴼ ⵡⵉⵏ ⵓⵕⵓⴱⴱⴰ, ⵜⵓⴳⵜ ⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵍⵍⴰⵏⵉⵏ ⴳ ⵓⵙⵇⵇⵉⵎ ⴰⴷ, ⵓⵔ ⴷⵔⵓⵙⵏ ⴼ 40  ⵏ ⵓⵙⴳⴳⵯⴰⵙ, ⵜⵓⴳⵯⵜ ⵏⵏⵙⵏ ⵙⴼⵓⴳⵍⴰⵏ ⵎⴰⴷ ⵉⴳⴰⵏ 80 ⵏ ⵓⵙⴳⴳⵯⴰⵙ ⴼ ⵜⵍⴰⵍⵉⵜ ⵏⵏⵙⵏ. 

ⵜⵉⵏⴳⴳⵯⴰ ⴷ ⵉⵏⴳⴳⵯⴰ 

ⵉⵡⵉⵖ ⴷ ⵖⴰⵙ ⵙⵉⵏ ⵉⵎⴷⵢⴰⵜⵏ ⴰⴷ, ⵃⵎⴰ ⴰⴷ ⵉⵏⵉⵖ ⵎⴰ ⵓⵔ ⵏⵙⵖⴰⵡⵙⴰ ⵉ ⵜⵎⵙⵉⵔⵉⵏ ⴼ ⵜⵍⴻⵍⵍⵉ ⵏ ⵓⵎⵏⴰⴷ ⴷ ⵜⵎⵏⵏⴰⵡⵜ ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵏⵟⵟⴰⴼ ⵜⵉⵎⵔⵙⴰⵍ ⴷ ⵉⵎⴰⵙⵙⵏ ⴷ ⵉⵣⵣⵔⴰⴼⵏ ⵍⵍⵉ ⴹⵎⵏⵏⵉⵏ ⴰⵡⵇⵇⵔ ⵏⵏⵙⵏ, ⵏⴳⴰ ⵜⵉⵎⵜⵜⵉ ⵉⵙⵙⵏ ⴰⴷ ⵜⴰⵇⵔⴰ ⴰⵎⵣⵔⵓⵢ ⵏⵏⵙ, ⵏⵙⵔⵙ ⴰⴱⵔⵉⴷ ⵉ ⵉⵎⴰⵍ ⵍⵍⵉ ⴼ ⵏⵙⴰⵡⴰⵍ ⴰⵙⵙ ⴰⴷ. ⵙ ⵜⵎⵍⴷⴰ ⴰⴷ, ⴷⴰ ⵙⵎⴰⵢⵏⵓⵖ ⵜⴰⴳⵯⵉⵜ ⵏ ⵉⵎⵓⵔⴰ ⵏ ⵜⵎⵜⵜⴰ ⵉ ⵓⴽⵛⵓⵎ ⴳ ⵜⵖⴰⵡⵙⵉⵡⵉⵏ ⵏⵏⵖ ⵜⵉⴳⵯⵏⵙⴰⵏⵉⵏ ⴷ ⵜⵎⵙⴰⵔⵉⵏ ⵏⵏⵖ ⵏ ⵉⵎⴰⵍ, ⴰⵢⵍⵍⵉ ⵉⵜⵜⵓⵙⵙⴰⵏ ⵙ ⵓⵙⵓⵜⴳ ⴷ ⵜⵙⵓⴳⵔⵜ ⴷ ⵜⵔⵔⵓⴳⵣⴰ ⵎⴽ ⵏⵜⵜⴰⴳⵉ ⴰⵙⵎⵔⴽⵙ ⵊⴰⵔ ⵜⵉⵍⴻⵍⵍⵉ ⵏ ⵓⵎⵏⴰⴷ ⴷ ⵉⴱⴽⴽⴰⴹⵏ ⵏ ⵓⵣⵔⴼ ⴰⵎⴰⵜⴰⵢ ⴷⴰⵜ ⵏ ⵓⵙⵏⴱⴹⵉ ⴳ ⵉⵍⵍⴰ ⴳ ⵜⵎⴰⵙⴰⵢⵜ ⵏⵏⵙ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⵎⵏⴳⴰⵙⵏ ⴰⵡⴷ ⵏⵜⵜⵏⵉ. 

ⵙ ⵓⵙⴷⴷⴻⴷ, ⵓⵔ ⵔⴰⴷ ⴰⵖ ⵢⴰⵊⵊ ⵡⴰⴷⴷⴰⴷ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴼ ⵜⵣⵣⵉⴳⵣⵜ ⵏ ⵜⵉⵍⵉⵜ ⵏⵏⵖ ⵉⴼⴰⵡⵏ ⴷ ⵜⵎⴰⵙⴰⵢⵜ ⵏⵏⵖ ⴳ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵜⵉⵔⴰⵏⵉⵏ ⴷ ⵜⵎⵏⵥⴰⵡⵉⵏ ⴷ ⵜⵙⴳⴰⵡⴰⵏⵉⵏ, ⵏⵣⵣⵉⴳⵣ ⵓⴽⴰⵏ ⴰⵙⵡⵓⵔⵉ ⵏⵏⵖ ⴳ ⵓⵎⵣⴰⵖ ⵏ ⵜⵎⵙⴰⵔⵉⵏ ⵏⵏⵖ ⵜⵓⴷⴷⵉⵔⵉⵏ ⴷ ⵜⵏⵓⴼⴰ ⵏ ⵜⵎⴰⵣⵉⵔⵜ ⵏⵏⵖ ⴷ ⵜⵎⵙⴰⵔⵜ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ, ⵏⵙⴽⵔ ⴰⵜⵉⴳⵏ ⴷ ⵓⴼⵔⴰⴽ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵏⴰⵎⵓⵔⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉⴱⴷⴷⵏ ⴼ ⵓⵎⵣⴰⵖ ⵏ ⵓⴼⵔⴰ ⴷ ⵜⵏⴼⵔⵓⵜ ⴷ ⵜⴳⵎⵉ ⴷ ⵜⵣⵔⴼⵜ ⴳ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ, ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ ⴷ ⵓⵙⴽⵔ ⵏ ⵜⵎⴰⵙⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⵅⴰⵜⵔⵏⵉⵏ ⴳ ⵉⵎⵏⵉⴷ ⵏ ⵓⵣⵡⴰⴳ ⴷ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ. 

ⵜⵉⵏⴳⴳⵯⴰ ⴷ ⵉⵏⴳⴳⵯⴰ 

ⵓⵔ ⵉⵥⵍⵉ ⵓⵙⴷⵖⵔ ⴰⴷ ⴰⵎⵖⵔⵉⴱⵉ ( ⵓⵔ ⵉⵙⵙⵓⵙⵎⵏ ⴽⵔⴰ ⵏⵡⴰⵉⴷ) ⴼ ⵜⴷⵓⵙⵉ ⵏ ⵡⴰⵏⴰⵡ ⵏⵏⵖ ⴰⴷⵉⵎⵓⵇⵔⴰⵟⵉ ⴷ ⵓⴷⵎⵙⴰⵏ ⴷ ⵓⵏⴰⵎⵓⵏ, ⵉⴱⴷⴷⵏ ⴼ ⵜⴷⵓⵙⵉ ⵏ ⵡⴰⵏⴰⵡ ⵏⵏⵖ ⴰⵎⵔⵙⵍⴰⵏ ⴷ ⵉⵎⵓⴽⴽⵏⵏ ⵍⵍⵉ ⵏⵙⴽⴰⵔ ⵍⵍⵉ ⵉⴹⴼⵕ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵣⵣⵔⴰⴼ ⴷ ⵜⵉⴹⴰⴼ, ⴷ ⵎⴰⴷ ⴰⵙ ⵉⴼⴽⴰ ⵓⴷⵓⵙⵜⵓⵔ ⴳ ⵜⵎⵥⵍⴰⵢⵉⵏ ⵣⴷⵉⵏⵉⵏ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.

ⵙ ⵓⵎⵙⴰⵙⴰ ⴷ ⵉⵙⵖⴰⵡⵙⴰⵜⵏ ⵏ ⵡⴰⵎⵓⵏ, ⴷ ⵓⵎⵏⴰⴷ ⴰⵏⴰⵎⵓⵔ, ⴳ ⵓⵙⴰⵜⵉ ⵏ ⵉⵙⵡⴰⵍⴰⵢⵏ ⵉⴳⵍⴰⴷⵏⵏ ⵉⵎⴰⵜⵜⵓⵢⵏ ⴷ ⵉⵡⵉⵣ ⵏ ⵓⵙⵖⵣⵏ ⴼ ⴽⵉⴳⴰⵏ ⵏ ⵉⵙⵏⴼⴰⵔⵏ ⵏ ⵉⵙⵍⴳⵏⵏ, ⴷ ⵓⵏⵢⴰⵍⴽⴰⵎ ⵏ ⵢⵉⴳⵔ ⵏ ⵜⵉⴹⴰⴼ ⴷ ⵉⵅⵎⵎⵉⵎⵏ ⵏ ⵡⴰⵎⵓⵏ, ⴷ ⵓⵎⵙⴰⵙⴰ ⴷ ⵜⵣⵣⵉⴳⵣⵜ ⵏ ⵜⵡⵡⵓⵔⵉⵡⵉⵏ ⵏ ⵓⵙⵓⵜⴳ ⵏ ⴽⵉⴳⴰⵏ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ. 

ⵉⵙⵖⵏ ⵓⵙⵇⵇⵉⵎ ⵏ ⵉⵎⵓⵔⴰ 33 ⵏ ⵓⵙⵏⴼⴰⵔ ⵏ ⵓⵙⵍⴳⵏ ⴷ ⴽⵕⴰⴹⵜ ⵜⵙⵓⵎⵔⵉⵏ ⵏ ⵉⵙⵍⴳⵏⵏ. ⵢⵉⵡⵉ ⵓⵎⴹⴰⴽⴰⵕ ⵏ ⵓⵙⵍⴳⵏ ⵏ ⵓⵥⵕⴼ ⴷ ⵓⵙⵖⵣⵏ ⵏⵏⵙ, ⴰⵣⵎⵣ ⵉⴳⴳⵓⵜⵏ ⴳ ⵜⵙⵓⵜⵍⵜ ⵜⴰⵎⴰⵣⵡⴰⵔⵓⵜ ⴳ ⴽⵔⴰⵢⴳⴰⵜ ⴰⵙⴳⴳⵯⴰⵙ ⴰⵣⵣⵔⴰⴼ, ⴰⵢⵍⵍⵉ ⵓⵔ ⵉⴱⴷⴷⵏ ⴷⴰⵜ ⵏ ⵓⵙⵖⵣⵏ ⵏ ⵉⵙⵍⴳⵏⵏ ⵉⵎⵙⴽⴰⵔⵏ ⵟⵟⴰⴼⵏⵉⵏ ⴰⴷⵔⵉⵣ ⴰⵅⴰⵜⴰⵔ ⴼ ⵜⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⵣⵔⴼⴰⵏⵜ. 

ⵉⵙⵖⵣⵏ ⵓⵙⵇⵇⵉⵎ ⴰⵙⵏⴼⴰⵔ ⵏ ⵓⵙⵍⴳⵏ ⴰⵎⴰⴷⴷⴰⵙ ⴼ ⵜⴼⴰⴷⵉⵡⵉⵏ ⴷ ⵜⵎⵙⴽⴰⵔ ⵏ ⵡⴰⵔ ⵜⴰⴷⵙⵜⴰⵔⵜ ⵏ ⵓⵙⵍⴳⵏ ⵙ ⵓⵙⴽⵔ ⵏ ⵓⵎⵏⵏⵉ 133 ⵏ ⵓⴷⵓⵙⵜⵓⵔ ⴷ ⵉⵎⵏⵏⵉⵜⵏ ⵢⴰⴹⵏⵉⵏ ⵣⴷⵉⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⴰⴹⵕⵉⵚ ⵉⵙⵜⴰⵡⵀⵎⵎⴰⵏ ⴳ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵓⴳⴰⵏ ⴷ ⵓⵃⵟⵟⵓⵏ ⵏⵏⵙⵏ. ⵓⵔ ⵉⵥⴹⴰⵕ ⴰⵡⴷ ⴰⵏⴹⴰⴼ ⵉⴼⴰⵡⵏ ⴰⴷ ⵓⵔ ⵉⵜⵜⵓ ⵉⵡⵜⵜⴰⵙⵏ ⵉⵣⵔⴼⴰⵏⵏ ⵏ ⵓⴹⵕⵉⵚ ⴰⴷ ⴷ ⵉⴷⵔⵉⵣⵏ ⵏⵏⵙ ⵓⵍⴳⵉⵏⵏ ⴳ ⵓⵙⵖⵓⴷⵓ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵉⵎⵏⴰⴷⵏ ⵏⵏⵙⵏ ⴼⴰⵡⵏⵉⵏ, ⴷ ⵓⵙⴽⵔ ⵏ ⵜⵣⵔⴼⵜ ⴷ ⵜⵏⴳⴰⴷⴷⴰⵢⵜ. 

ⵙ ⵓⵙⴷⴷⴻⴷ, ⵙ ⵓⵙⵖⵏ  ⵏ ⵓⴹⵕⵉⵚ ⴰⴷ ⴳ ⵜⵎⴰⵣⵉⵔⵜ ⵏⵏⵖ, ⵜⵎⵎⴰⵖ ⴼ ⵓⵙⵖⵓⴷⵓ ⵏ ⵜⴷⵉⵎⵓⵇⵔⴰⵟⵉⵜ ⴷ ⵓⵙⵎⵖⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵎⴰⵕⵕⴰ ⵉⵎⵏⴰⴷⵏ ⵏⵏⵙ. 

ⵉ ⵓⵙⵕⵚⵓ ⵏ ⵉⵣⵔⴼⴰⵏ ⵉⵏⴰⵎⵓⵏⵏ, ⴷ ⵓⵡⴰⵏⴽ ⵏ ⵓⴼⵔⴰⴳ ⴰⵏⴰⵎⵓⵏ, ⵉⵙⵖⵣⵏ ⵓⵙⵇⵇⵇⵉⵎ ⵏ ⵉⵎⵓⵔⴰ  ⴰⵙⵍⴳⵏ ⴰⵙⴰⵜⵉ ⵉⵣⴷⵉⵏ ⴷ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ, ⴷ ⵓⵙⵍⴳⵏ ⵉⵙⵏⴼⵍ ⴷ ⵉⵙⵎⴷⵏ ⴰⵙⴼⵍⵙ ⴰⴷⵓⵙⴰⵏ ⴰⴷⵙⵍⴰⵏ. ⵣⴷⵉⵏ ⵙⵉⵏ ⵉⵣⵣⵔⴰⴼⵏ ⵙⵓⵙⴰⵡⵓⵔ ⵏ ⵓⴼⵔⴰⴳ ⴰⵏⴰⵎⵓⵏ ⴷ ⵓⵙⴼⵍⵙ ⴰⴷⵓⵙⴰⵏ, ⴰⵙⴰⵡⵓⵔ  ⵉⵥⵍⵉⵏ ⵙ ⵜⴼⵔⴽⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵄⵣⵣⵓ ⵕⴱⴱⵉ ⵉⵏⵚⵕ ⵜ, ⵎⵙⴰⵙⴰⵏ ⵡⴰⵏⴹⴰⴼⵏ ⵎⴰⵙ ⵉⴳⴰ ⵜⴰⴳⵔⴰⵡⵍⵍⴰ ⵏ ⵉⴼⵙⵙⵉ ⴳ ⵓⵙⵎⵏⵉⴷ ⴰⴷⵓⵙⴰⵏ ⴷ ⵓⵙⴼⵍⵙ ⴰⵏⴰⵎⵓⵏ ⴳ ⵜⵎⴰⵣⵉⵔⵜ ⵏⵏⵖ, ⵉⵙⵔⵙ ⵜⵉⵡⵉⵙⵉ ⴷ ⵓⵎⵛⴰⴱⴱⴰⴽ ⴰⵏⴰⵎⵓⵏ ⴷ ⵜⵣⵔⴼⵜ ⵜⴰⵏⴰⵎⵓⵏⵜ.

ⴳ ⵓⵙⴽⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⵙ ⵜⵎⵍⴷⴰ ⵏ ⵓⵕⵥⵥⵓⵎ ⵏ ⵜⵓⵙⵜⵍⵜ ⵜⴰⵣⵣⵔⴰⴼⵜ, ⵉⵙⵖⵣⵏ ⵓⵙⵇⵇⵉⵎ ⴰⵙⵏⴼⴰⵔ ⵏ ⵓⵙⵍⴳⵏ ⴰⵙⴰⵜⵉ ⴼ ⵓⵙⵙⴰⵔ, ⵍⵍⵉ ⵔⴰⴷ ⵢⴰⵡⵙ ⴳ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵓⵙⵙⴰⵔⵓ ⴰⵏⴰⵎⵓⵔ ⴷ ⵓⴱⵕⵕⴰⵏⵉ ⴷ ⵉⴷⵔⵉⵣⵏ ⵏⵏⵙ ⴼⵓⵍⴽⵉⵏⵉⵏ ⴼ ⵜⵎⴳⵓⵔⵉ ⴳ ⵜⵎⴰⵣⵉⵔⵜ ⴷ ⵓⵙⵖⵓⴷⵓ ⵏ ⵢⵉⴳⵔ ⵏ ⵜⵏⵓⴼⴰ ⴷ ⵜⵉⵍⵉⵜ ⵏ ⵜⵡⵡⵓⵔⵉ ⵉⵙⴽⴰⵔⵏ ⴰⴷⴷⵓⵔ, ⴷ ⵓⵙⵎⵖⵔ ⵏ ⵜⵉⵍⵉⵜ ⵏ ⵜⵎⴰⵣⵉⵔⵜ, ⴷ ⵜⵉⴽⴽⵉ ⵏ ⵓⵎⵏⴰⴷ ⴰⴷⵖⴰⵔⴰⵏ ⵉ ⵓⵙⵙⴰⵔⵓ ⴷ ⵓⵙⵎⵖⵔ ⵏ ⵡⴰⵜⵉⴳ ⵏ ⵓⵚⵉⴼⴹ. 

ⵉ ⵓⵙⴷⵓⵙ ⵏ ⵜⵙⵔⵜⵉⵜ ⵜⴰⵏⴰⵎⵓⵔⵜ ⴳ ⵢⵉⴳⵔ ⵏ ⵜⴷⵎⵙⴰ ⵜⴰⵣⴳⵣⴰⵡⵜ, ⴷ ⵓⴼⴰⵔⵙ ⵏ ⵜⵥⴹⴰⵕⵜ ⵙⴳ ⵉⵖⴱⵓⵍⴰ ⵉⵎⴰⵢⵏⵓⵜⵏ, ⵏⵙⵖⵣⵏ ⴰⵙⵍⴳⵏ ⴼ ⵓⴼⴰⵔⵙ ⴰⵏⵉⵎⴰⵏ ⵏ ⵜⵥⴹⴰⵕⵜ ⵏ ⵜⵉⴼⴰⵡⵜ ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⴼⴰⵔⵙ ⵓⵙⵍⵉⴳ ⴷ ⵓⵙⵉⵣⴷⵔ ⵏ ⵓⵥⴰⵥⵓ ⵏ ⵜⵉⴼⴰⵡⵜ ⴷ ⵜⵉⵍⵉⵜ ⵏ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵢⵉⴳⵔ ⴰⴷ ⴷ ⵜⵉⵍⴰⵍ ⵣⴷⵉⵏⵉⵏ ⴷ ⵓⴼⴰⵔⵙ. 

ⵓⵔ ⴳⵉⵙ ⵜⵓⵔⴷⴰ, ⵎⴰⵙ ⵔⴰⵙ ⵉⵙⴷⵓⵙ ⵓⵣⵣⵔⴰⴼ ⴰⴷ ⴰⵏⴰⵎⵓⵔ ⴰⵎⵎⴰⵙ ⵏ ⵜⵎⴰⵣⵉⵔⵜ ⵏⵏⵖ ⴰⵎⵣⵡⴰⵔ ⴳ ⵓⵙⵡⴰⵍⴰ ⴰⴳⵔⴰⵖⵍⴰⵏ ⵉ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ, ⴰⵢⵍⵍⵉ ⵉⵙⴽⴰⵔⵏ ⵉⵎⴰⵏ ⵏ ⵜⵎⵙⴰⵢⵜ ⵏ ⵍⵎⵖⵔⵉⴱ ⴷⴰⵜ ⵏ ⵡⴰⵎⴰⵏ ⴰⴳⵔⴰⵖⵍⴰⵏ ⴷ ⵜⵎⴰⵜⴰⵔⵜ ⵢⴰⴹⵏⵉⵏ ⴼ ⵓⵡⵇⵇⵔ ⵏ ⵉⵙⵖⴰⵡⵏ ⵏⵏⵖ ⵉⴳⵔⴰⵖⵍⴰⵏⵏ. 

ⴷⴰⵜ ⵏ ⵉⵙⵍⴳⵏ ⴰⴷ ⵉⵎⵙⴽⴰⵔⵏ, ⵏⵙⵖⵣⵏ ⵉⵙⵏⴼⴰⵔⵏ ⴼ ⵜⵣⵔⴼⵜ ⴷ ⵜⵓⵚⴽⵉⵡⵉⵏ ⵜⵉⵎⴰⵜⴰⵢⵉⵏ ⴷ ⵜⵎⴰⵍⵍⴰⵢⵜ, ⵏⵎⵙⴰⵙⴰ ⴼ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵖⵍⴰⵏⵉⵏ ⵜⵉⵙⵉⵏⵔⴰⵏⵉⵏ ⴷ ⵜⴳⵜⵉⵔⴰⵏⵉⵏ ⵍⵍⵉ ⴳⴰⵏⵉⵏ ⵜⴰⵎⴰⵜⴰⵔⵜ ⴼ ⵓⴳⵔⴷ ⴷ ⵓⴷⵖⴰⵔ ⵏ ⵜⵎⴰⵣⵉⵔⵜ ⵏⵏⵖ ⴳ ⵓⵙⵡⵉⵔ ⴰⴳⵔⴰⵖⵍⴰⵏ. 

ⵜⴳⴰ ⵜⵖⵔⵉ ⵏ ⵉⵙⵍⴳⵏ ⴰⴷ ⴷ ⵓⵙⵜⴰⵢ ⵏⵏⵙⵏ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵉⵕⵡⴰⵏ ⵊⴰⵔ ⵜⵉⵏⴱⴰⴹⵉⵏ ⵜⴰⵣⵣⵔⴰⴼⵜ ⴷ ⵜⵎⵣⵣⴳⴰⵔⵜ; ⴰⵢⵍⵍⵉ ⵉⵙⴱⵓⵖⵍⴰⵏ ⵉⵣⵣⵔⴰⴼⵏ ⴰⴷ ⴷ ⵓⵎⵙⴰⵙⴰ ⵊⴰⵔ ⵏⵏⵙⵏ, ⴰⵢⵍⵍⵉ ⴷ ⵢⵉⵡⵉⵏ ⴰⴷ ⵢⵉⵍⵉ ⵓⵙⵜⴰⵢ ⵏⵏⵙⵏ ⵏ  80% ⵙ ⵓⵎⴽⵕⴰⴹ. 

ⵉⵖ ⵏⵖⵔⴰ ⵉ ⵜⵖⵔⵉ ⵏ ⵜⵢⵢⴰⴼⵓⵜ ⴰⴷ ⵙ ⵡⴰⵏⴰⵡ ⴷ ⵜⵉⵔⵡⵉ, ⴰⵔ ⵏⵜⵜⵣⵎⵎⵉⵎ ⵎⴰⵙ ⴷ ⴰⵢⵍⵍⵉ ⵏⵙⵖⵣⵏ ⴳ ⵜⵙⵏⵜⴰⵢⵉⵏ ⵜⵉⵣⵣⵔⴰⴼⵉⵏ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ, ⵜⵉⵙⵓⵎⵔⵉⵏ ⵏ ⵉⵙⵍⴳⵏⵏ, ⵓⵔ ⵍⴽⵎⵏⵜ ⴰⵏⵔⵓⵣ ⵏⵏⵖ ⵉⵛⵛⴰⵔⵏ, ⵏⴻⵏⵏⵓⵔⵣ ⴰⴷ ⴰⵡⵙⵏⵜ ⵜⵓⵎⴰⵢⵉⵏ ⵜⵉⵎⴰⵢⵏⵓⵜⵉⵏ ⵍⵍⴰⵏⵉⵏ ⴳ ⵓⵏⴳⵔⴰⵡ ⴰⴳⵯⵏⵙⴰⵏ ⵍⵍⵉ ⵏⵙⵖⵣⵏ ⴳ ⵜⴳⵉⵔⴰ ⵏ ⵜⵙⵓⵜⵍⵜ ⴰ, ⴳ ⵓⴼⵓⴽⴽⵓ ⵏ ⵎⴰⵢⴰ ⴷ. 

ⵜⵉⵏⴳⴳⵯⴰ ⴷ ⵉⵏⴳⴳⵯⴰ 

ⵉⵙⵎⴰⵢⵏⵓ ⵓⵙⵇⵇⵉⵎ ⵉⵎⴰⵙⵙⵏ ⵏ ⵜⵉⴹⴰⴼ ⵏ ⵜⵡⵡⵓⵔⵉ ⵜⵓⵏⴱⵉⴹⵜ ⵙ ⵎⴰⴷ ⵉⵏⵏⴰ ⵓⴷⵓⵙⵜⵓⵔ ⵙ ⵉⵙⵇⵙⵉⵜⵏ ⵉⵎⵉⵡⴰⵏⵏ ⴷ ⵉⵎⵉⵔⴰⵢⵏ, ⴷ ⵜⵙⵎⵉⴳⴰⵍ ⵏ ⵓⵙⴰⴳⴳⵯ ⴷ ⵉⵙⵇⵙⵉⵜⵏ ⵏ ⵉⵎⴰⵡⵙⴰⵙⵏ ⴷ ⵉⵎⵙⵜⴳⴳⴰⵔⵏ ⵏ ⵜⵎⵔⴰⵙⵍ ⵜⵉⴳⴷⵓⴷⴰⵏⵉⵏ ⴷⴰⵜ ⵏ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⴷ ⵓⵎⴹⴰⴽⴰⵔ ⵏ ⵉⵏⵇⵇⵉⵙⵏ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵏ ⵜⵏⵏⵓⴱⴹⴰ. 

ⵙⴰⵡⵍⵏ ⵉⵙⵇⵙⵉⵜⵏ ⵉⵎⵉⵡⴰⵏⵏ ⵉ ⵉⵎⴰⵡⵙⴰⵙⵏ ⴼ ⵜⵎⵙⴰⵔⵉⵏ ⵀⵎⵎⴰⵏⵉⵏ ⴰⵎⵓⵏ, ⵉⵉⵍⵉ ⵓⵙⵖⵉⵡⵙ ⵏ 410 ⵏ ⵓⵙⵇⵙⵉ ⴳⵉⵙⵏ 73 ⵏ ⵓⵙⵇⵙⵉ ⴰⴷⵖⵢⴰⵏ, ⴳ ⵜⵉⵖⵉⵎⵉⵜⵉⵏ ⵜⵉⵏⵎⵍⴰⵙⵙⵉⵏ ⵍⴽⵎⵏⵉ ⴽⵕⴹⵜ ⵜⵎⵔⴰⵡⵜ ⵏ ⵜⵖⵉⵎⵉⵜ ⵍⵍⵉ ⵉⵙⵏⵎⴰⵍⴰ ⵓⵙⵇⵇⵉⵎ, ⴷ ⴽⵕⴰⴹⵜ ⵜⵖⵉⵎⵉⵜⵉⵏ ⴼ ⵉⵔⵓⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ  ⵖ ⵜⵍⵍⴰ ⵜⵎⵔⴰⵔⵓⵜ ⴼ ⵓⵙⵎⵎⵓⵙ ⴷ ⵎⵔⴰⵡ ⵏ ⵓⵙⵇⵙⵉ ⴰⵙⴳⵓⵎⴰⵏ ⵍⵍⵉ ⴰⵙ ⵜⵜⴰⵡⵚⵕⴰⴼⵏⵉⵏ. ⵍⵍⴰⵏⵜ ⵜⵖⵉⵎⵉⵜⵉⵏ ⴰⵏⵏ, ⵎⴽ ⵍⵍⵉ ⵜⵙⵙⵏⵎ, ⴳ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⴳ ⵢⵉⴳⵔ ⵏ ⵓⵙⵙⴰⵔⵓ, ⴷ ⵓⵙⵍⴳⵏ ⵏ ⵓⵥⵕⴼ ⴷ ⵓⵎⵏⴰⴹ ⵏⵏⵙ ⴷ ⵜⵏⴰⵥⵕⵉⵏ ⵏⵏⵙ, ⴷ ⵜⵙⵔⵜⵉⵜ ⵏ ⵡⴰⵎⴰⵏ ⵍⵍⵉⵖ ⴷⵔⵓⵙⵏ ⵉⵏⵥⵕⴰⵏ ⴷ ⵓⴷⴼⵍ ⴷ ⵜⵎⴰⵎⴽⵉⵏ ⵏ ⵓⴼⵙⵙⴰⵢ ⵏ ⵜⵎⵓⴽⵔⵉⵙⵜ ⵏ ⵓⴷⵔⵓⵙ ⵏ ⵡⴰⵎⴰⵏ ⴷ ⵓⵙⵖⵓⴷⵓ ⵏ ⵓⵙⵎⵔⵙ ⵏ ⵡⴰⵎⴰⵏ. 

ⵙ ⵜⵎⵢⵓⵔⵜ, ⴳⴰⵏ ⵉⵙⵇⵙⵉⵜⵏ ⵉⵎⵉⵔⴰⵢⵏ, ⵉⵎⵉⵙⵙ ⵏ ⵓⵙⵇⵙⵉ ⵏ ⵉⵎⴰⵡⵙⴰⵙⵏ ⴼ ⵜⵎⵙⴰⵔⵉⵏ ⵜⵉⴷⵖⴰⵔⴰⵏⵉⵏ ⴷ ⵜⵉⵏ ⵉⴳⵔⴰⵏ, ⵍⴽⵎⵏⵜ 1806 ⵏ ⵓⵙⵇⵙⵉ, ⵜⵔⵓⵔ ⵜⵏⴱⴰⴹⵜ ⴼ 1151 ⵏ ⵓⵙⵇⵙⵉ ⵙ 64 %.

  ⴳ ⵜⵖⵉⵎⵉⵜⵉⵏ ⵏ ⵡⴰⵢⵢⵓⵔ ⵥⵍⵉⵏⵉⵏ ⵉ ⵓⵎⴹⴰⴽⴰⵕ ⵏ ⵜⵙⵔⵜⴰⵢ ⵜⵉⵎⴰⵜⴰⵢⵉⵏ ⵏⵖ ⵜⵖⵉⵎⵉⵜⵉⵏ ⵏ ⵉⵎⴰⵍⵍⵙ, ⵏⵎⵎⴰⵖ, ⴳ ⵜⵓⴳⵯⵜ ⵓⵍⴰ ⵜⵓⵣⵍⵜ, ⴳ ⵓⵙⵇⵇⵉⵎ ⴰⴷ ⵜⵏⴱⴰⴹⵜ, ⴰⴷ ⴳⵉⵏⵜ ⵜⵉⵎⵍⴷⴰ ⵏ ⵓⵎⴹⴰⴽⴰⵕ ⵉⵙⴽⴰⵔⵏ ⵉⴼⵙⵙⴰⵢⵏ ⵉ ⵜⵎⵙⴰⵔⵉⵏ ⵏ ⵜⵎⴰⵣⵉⵔⵜ ⵏⵏⵖ, ⵢⴰⵡⵉ ⴰⵎⵏⴰⴳⴰⵔ ⵏ ⵜⴰⵏⵏⴰⵢⵢⵉⵏ ⴰⴼⴰⵔⵙ ⵏ ⵉⴼⵙⵙⴰ, ⴰⵢⵍⵍⵉ ⵉⵙⵜⴰⵡⵀⵎⵎⴰⵏ ⴰⴷ ⵏⵙⵎⴰⵜⵜⵉ ⵉⵅⵎⵎⵉⵎⵏ ⵏ ⵡⴰⵎⵓⵏ ⵙ ⵓⴳⵯⵏⵙ ⵏ ⵜⵡⵡⵓⵔⵉ ⵜⴰⵎⵔⵙⵍⴰⵏⵜ. ⴰⵢⵍⵍⵉ ⵉⴳⴰⵏ ⵜⵉⵎⵉⵜⴰⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⵖⵔⵉⴱⵉⵜ ⴷ ⵡⴰⵏⴰⵡ ⴰⵎⵔⵙⵍⴰⵏ ⴰⵏⴰⵎⵓⵔ, ⵙⵏⵓⴱⴳⵏⵜ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴰⵙⵡⵓⴷⴷⵓ ⵏ ⵓⵎⵣⵔⴰⵢ ⵉⵜⵜⴰⵡⵉⵏ ⵙ ⵓⵙⵓⵊⴷ ⵏ ⵉⴼⵙⵙⴰⵢⵏ ⵉ ⵜⵎⵓⴽⵔⵉⵙⵉⵏ. 

ⵜⵍⵍⴰ ⵜⵎⵙⴽⵔⵜ ⵏ ⵜⵥⵍⴰⵢⵜ ⵏ ⵜⵉⴹⴰⴼ ⵏ ⵓⵙⵇⵇⵉⵎ, ⵙ ⵜⵖⵔⵉ ⵏ ⵜⵎⵙⴰⵔⵉⵏ ⵜⵉⵏⴰⵎⵓⵔⵉⵏ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵉⵙⵓⵔⵙⵏ ⵏ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵓⵙⵇⵙⵉ ⵏ ⵉⵎⴰⵡⵙⴰⵙⵏ ⴷ ⵉⵎⵙⵜⴳⴳⴰⵔⵏ ⵏ ⵜⵎⵔⵙⴰⵍ ⴰⴷ ⴷⴰⵜ ⵏ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ. 

ⵙ ⵖⵎⴽ ⴰⴷ ⴰⵙ ⵖⵔⴰⵏⵜ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵙⵓⵍⴰⵏⵉⵏ 22 ⵏ ⵉⵎⵔⵙⵉ ⴳⴰⵏⵉⵏ ⴰⵙⵏⵜⵍ ⵏ 35 ⵏ ⵜⵓⵜⵔⴰ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵔⵍⴰⵎⴰⵏⵉⵢⵉⵏ, ⴷⴰⵜ ⵏ ⵓⵎⴹⴰⴽⴰⵕ ⵏ ⵉⵏⵇⵇⵉⵙⵏ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵏ ⵜⵏⵏⵓⴱⴹⴰ, ⵉⵎⵔⵙⵉⵡⵏ ⴰⴷ ⵟⵟⴰⴼⵏⵉⵏ ⴰⴼⵔⵉⵙ ⴰⴷⵖⵢⴰⵏ ⵉⵍⵍⴰⵏ ⴳ ⵡⴰⵎⵓⵏ ⵏⵖ ⴰⴼⵔⵉⵙ ⴰⵙⵜⵔⴰⵜⵉⵊⵉ ⵉ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵎⴰⵙⵙⴰⵏⵜ ⴷ ⵜⴷⵍⵙⴰⵏⵜ ⴷ ⵜⵙⴳⵯⵎⴰⵏⵜ. 

ⴳ ⵓⵙⴰⵜⵉ ⵏ ⵜⵎⵙⴽⵔⵜ ⴰⴷ ⵏⵉⵜ ⵏ ⵜⵉⴹⴰⴼ, ⵏⵎⵎⴰⵖ ⴳ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⵔⵓⴱⴱⴰ ⴷ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴰⴷ ⵜⴳ ⵜⵎⵙⴽⵔⵜ ⵏ ⵜⵡⵡⵓⵔⵉ ⴰⴷ ⵏ ⵜⵉⴹⴰⴼ ⵙ ⵜⵉⵕⵡ ⴷ ⵜⵢⵢⴰⴼⵓⵜ ⴷ ⵓⴼⴰⵔⵙ, ⵉ ⵓⵙⵏⴱⴹ ⵏ ⵜⵓⴳⴳⴰⵙ ⵏ ⵜⵎⵔⵙⵍⵜ ⴷ ⵓⵙⵇⵇⵉⵇ ⵏ ⵜⵎⵏⵜⵍⵉⵏ ⵏ ⵜⵓⵔⴰⴳⵜ ⵉ ⵜⵙⵎⵉⴳⴰⵍ ⴰⴷ, ⵃⵎⴰ ⴰⴷ ⴼⴽⵉⵏⵜ ⵜⵙⵎⵉⴳⴰⵍⴰ ⴼⴰⵔⵙ ⵙ ⵓⵙⵡⵓⵔⵉ ⴷ ⵉⵙⵖⵍⴰⴼ ⴷ ⵜⵙⵓⵎⴰⵔ. ⴳ ⵜⵙⵓⵜⵍⵜ ⴰⴷ, ⵉⴼⴽⴰ ⵓⵙⵇⵇⵉⵎ ⵜⵓⵔⴰⴳⵜ ⵉ ⴽⵕⴰⴹⵜ ⵜⵙⵎⵉⴳⴰⵍ: 1) ⵉⵙⵓⵔⵙⵏ ⵏ ⵜⵣⴷⵓⵖⵉⵏ ⵜⵉⵙⴷⴰⵡⴰⵏⵉⵏ, 2) ⵉⴱⵔⴷⴰⵏ ⵉⵏⵉⵎⴰⵏⵏ, 3) ⵉⴷⵖⴰⵔⵏ ⵏ ⵉⵣⵓⵖⴰⵣ. ⴷⴼⴼⵉⵔ ⵏ ⵓⵎⴹⴰⴽⴰⵕ ⵏ ⵓⵏⵇⵇⵉⵙ ⵏ ⵜⵙⵎⵉⴳⵍⵜ ⴼ ⵡⴰⵙⵉⴼ ⵏ ⵓⵎⵎ ⵕⵕⴱⵉⵄ ⴳ ⵜⵙⵇⵇⵉⵎⵜ ⴷ ⵜⵖⵉⵎⵉⵜ ⵜⴰⵎⴰⵜⴰⵢⵜ. ⴰⵎⴹⴰⴽⴰⵔ ⵉⴼⴽⴰⵏ ⵜⴰⵙⵡⵉⵏⴳⵎⵜ ⵏ ⵓⵙⴽⵔ ⵏ ⵜⵙⵏⵓⵔⴰⵢⵜ ⵏ ⵡⴰⵙⵉⴼ ⵏ ⵓⵎⵎ ⵕⵕⴱⵉⵄ ⴷⵉⴷⵔⵉⵣⵏ ⵏⵏⵙ ⴼ ⵜⴳⵎⵉ ⵏ ⵓⴷⵖⴰⵔ ⴷ ⵓⵙⵓⵊⴷ ⵏⵏⵙ ⴰⴷ ⴷ ⵉⵜⵜⴰⵡⵉ ⵉⵙⵙⴰⵔⵓⵜⵏ. 

ⴳ ⵓⵎⵏⵉⴷ ⵏⵏⵙ, ⵜⵙⵎⴷ ⵜⵙⵎⵉⴳⵍⵜ ⵏ ⵓⵙⴰⴳⴳⵯ ⴼ ⵜⵡⵡⵓⵔⵉ ⵏ “ⵎⴰⵕⵃⴰⴱⴰ” ⴰⵎⴹⴰⴽⴰⵕ ⵏ ⵓⵏⵇⵇⵉⵙ ⵏⵏⵙ ⴳ ⵜⵙⵇⵇⵉⵎⵜⵏ ⵔⴰⴷ ⵉⵥⵕ ⵓⵙⵉⵔⴰ ⵏ ⵓⵙⵇⵇⵉⵎ ⵉⵎⴰⵍ ⵏ ⵓⵏⵇⵇⵉⵙ ⴰⴷ ⴳ ⵎⴰⴷ ⵢⴰⵥⵏ. 

ⴳ ⵓⵎⵏⵉⴷ ⵢⴷⵏ, ⵏⵎⵎⴰⵖ ⴼ ⵓⵎⴹⴰⴽⴰⵕ ⵏ ⵉⵏⵇⵇⵉⵙⵏ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵏ ⵜⵏⵏⵓⴱⴹⴰ. ⴳ ⵓⵎⵏⵉⴷ ⴰⴷ, ⴰⴷ ⴷⴰⵖ ⵙⵙⴽⵯⵜⵉⵖ ⵎⴰⵙ ⵉⴼⴼⵖ ⵓⵙⵉⵔⴰ ⵏ ⵓⵙⵇⵇⵉⵎ ⴰⴷ ⵜⵜⵓⵚⵕⵉⴼⵏ ⵉⵏⵇⵇⵉⵙⵏ ⵏ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵏ ⵜⵏⵏⵓⴱⴹⴰ ⴼ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ  ⵜⵉⵎⵏⵜⴰⵢⵉⵏ, ⵉⵏⵇⵇⵉⵙⵏ ⴰⴷ ⵔⴰⴷ ⵏⵥⵕ ⵉⵎⴰⵍ ⵏⵏⵙ, ⵙ ⵓⵙⵖⵡⵏ ⴷ ⵉⵡⵜⵜⴰⵙⵏ ⵏ ⵓⴷⵓⵙⵜⵓⵔ ⴳⵎⴰⴷ ⵉⵥⵍⵉⵏ ⵙ ⵡⴰⵎⵎⴰⵙ ⴰⴷⵙⵜⴰⵔ ⵏ ⵜⵎⵔⵙⴰⵍ ⴰⴷ, ⵡⵉⵙ ⵙⵉⵏ ⵉ ⵓⵡⵙⴽⵔ ⵏ ⵜⵔⵙⵍⵜ ⵏ ⵓⵎⵢⴰⵡⴰⵙ ⵏ ⵜⵏⴱⴰⴹⵉⵏ ⴷ ⵓⵙⵎⴰⴷ ⵏⵏⵙⵏⵜ, ⵡⵉⵙ ⴽⵕⴰⴷ ⵉⵣⴷⵉ ⴷ ⵓⴱⵓⵖⵍⵓ ⵏ ⵉⵏⵇⵇⵉⵙⵏ ⴰⴷ ⴷ ⵡⴰⵜⵉⴳ ⵏⵏⵙⵏ. 

ⴳ ⵎⴰⴷ ⵉⵥⵍⵉⵏ ⵙ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵔⴰⵏⵉⵏ ⴽⵉⴳⴰⵏ ⵏ ⵜⵓⴳⴳⴰⵙ ⴷ ⵓⵣⵎⵣ ⴷ ⵜⵖⵉⵎⵉⵜⵉⵏ ⵏ ⵓⵙⵙⴼⵍⴷ ⴰⴽⴷ ⵉⵎⵙⴽⴰⵔⵏ ⴷ ⵉⵎⵚⴰⵃⴰⵏⵏ ⴷ ⵉⵎⵙⴽⴰⵔⵏ ⵉⴳⴷⵓⴷⴰⵏⵏ ⴷ ⵜⵔⵓⴱⴱⴰ ⵜⵉⵎⵏⵢ=ⵜⴰⵢⵉⵏ ⴳ ⵜⵎⴰⴷⴷⴰⵙⵉⵏ ⵜⵉⵣⵣⵓⵍⴰⵏⵉⵏ ⴷ ⵉⵏⵎⵓⵔⴰ, ⴰⵔ ⵡⴰⵏ ⵜⵜⵉⵏⵉⵖ ⵎⴰⵙ ⵜⵙⵎⴷ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵓⵜⴳ ⵏ ⵓⵖⴰⵡⴰⵙ ⵏ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⵜⵉⵡⵡⵓⵔⵉⵡⵉⵏ ⵏⵏⵙ ⵙ ⵓⵙⵖⵣⵏ ⵏ ⵓⵏⵇⵇⵉⵙ ⵏⵏⵙ ⵍⵍⵉ ⴷ ⵉⵍⴽⵎ ⴰⵙⵉⵔⴰ ⵏ ⵓⵙⵇⵇⵉⵎ ⵍⵍⵉ ⵔⴰⴷ ⵜ ⵉⵙⵖⵉⵡⵙ ⴳ ⵉⵎⴰⵍⴰⵙⵙⵏ ⵉⵎⵣⵡⵓⵔⴰ ⴳ ⵜⵙⵓⵜⵍⵜ ⵜⴰⵣⵣⵔⴰⴼⵜ ⵍⵍⵉ ⵔⴰⴷ ⵢⴰⵛⴽ, ⵏⴻⵏⵏⵓⵔⵣ ⴰⴷ ⵉⴳ ⵓⵎⴹⴰⴽⴰⵔ ⵏⵏⵙ ⴳ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⵡⴰⴷ ⵉⵕⵡⴰⵏ ⴳ ⵜⵍⵍⴰ ⵜⵉⵢⵢⴰⴼⵓⵜ ⵏ ⵓⴷⵔⵉⵣ ⵍⵍⵉ ⴰⴽⴽⵯ ⵏⵔⴰ. ⴳ ⵓⵎⵏⵉⴷ ⵏⵏⵙ, ⵜⵙⵎⴷ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ  ⵙⵓⵙⵓⵜⴳ ⵏ ⵜⵙⵔⵜⵉⵜ ⵏ ⵡⴰⵎⴰⵏ ⵜⵉⵡⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵊⴷ ⵏ ⵜⵓⵏⵖⵉⵍⵜ ⵜⴰⵎⵣⵡⴰⵔⵓⵜ ⵏ ⵓⵏⵇⵇⵉⵙ ⵍⵍⵉ ⵔⴰⴷ ⵉⵙⵖⵉⵡⵙ ⵓⵙⵉⵔⴰ ⴳ ⵜⵙⵓⵜⵍⵜ ⴷ ⵢⵓⵛⴽⴰⵏ. 

ⵖⵎⴽ ⵍⵍⵉ ⵜⵙⵎⴷ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵓⵜⴳ ⵏ ⵓⵙⴽⵔ ⴷ ⵓⴷⵔⵉⵣ ⵏ ⵓⵙⵍⴳⵏ ⵉⵣⴷⵉⵏ ⴷ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ ⴰⵙⵏⵎⴰⵍⴰ ⵏⵏⵙ ⵃⵎⴰ ⴰⴷ ⵜⵙⵙⵏⵜⵉ ⵜⴰⵡⵡⵓⵔⵉ ⵏⵏⵙ ⴼ ⵢⴰⵜ ⵜⵎⵙⴰⵔⵜ ⵜⴰⵏⴰⵎⵎⴰⵙⵜ ⴳ ⵉⵅⵎⵎⵉⵎⵏ ⵏ ⵜⵎⴰⵣⵉⵔⵜ ⵏⵏⵖ, ⵖⵎⴽ ⵍⵍⵉ ⵜⵙⵙⵏⵎ, ⵜⵉⴽⴽⵍⵉⵜ ⴰⴷ ⴰⴷ ⵉⵣⵡⴰⵔⵏ ⵖ ⵔⴰⴷ ⵉⵙⴽⵔ ⵓⵙⵇⵇⵉⵎ ⵜⴰⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵣⵣⵔⴰⵢ ⵏ ⵓⵙⴽⵔ ⴷ ⵓⴷⵔⵉⵣ ⵏ ⵓⵣⵣⴳⵉⵔ ⵏ ⵓⵙⵍⴳⵏ. 

ⵙ ⵓⵎⴰⵜⴰ, ⴳ ⵓⵙⴽⵔ ⵏ ⵜⵎⵥⵍⴰⵢ ⵏ ⵓⵙⵓⵜⴳ, ⵎⵏⵉⴷ ⵏ ⵜⵙⵔⵜⴰⵢ ⵉⵡⵉⵏⵉⵏ ⴰⵅⵎⵎⴻⵎ ⴷ ⵓⴷⵖⵢⴰⵏ ⴰⵅⴰⵜⴰⵔ, ⴳ ⵓⵎⵏⴰⴹ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⴰⵢⵍⵍⵉ ⴷ ⵉⵇⵇⴰⵏ ⴰⴷ ⵉⵍⵉⵏⵜ ⵜⵡⵡⵓⵔⵉⵡⵉⵏ ⵏ ⵓⵙⵓⵜⴳ ⵕⵡⴰⵏⵉⵏ.ⵥⵍⵉⵏⵜ ⵙ ⵜⵎⵙⵙⵓⴳⵓⵔⵜ ⵏⵖ ⴰⵎⴰⵏ ⵏⵖ ⵉⵣⵔⴼⴰⵏ ⵏ ⵜⵎⵖⴰⵔⵉⵏ, ⵉⴳⴰ ⵍⵃⴰⵍ ⵜⵉⵙⵔⵜⴰⵢ ⵉⵡⵉⵏⵉⵏ ⴰⴼⵔⴰⴳ ⴰⴳⵍⴷⴰⵏ ⴰⵎⴰⵜⵜⵓⵢ, ⴳⵉⵏⵜ ⴰⵢⵍⵍⵉ ⵙ ⵉⵇⵇⵍ ⵡⴰⵎⵓⵏ, ⵉⵍⵉⵏⵜ ⴳ ⵓⴳⵯⵏⵙ ⵙ ⵜⵏⴰⵥⴰⵕⵉⵏ ⵜⵉⴳⵔⴰⵖⵍⴰⵏⵉⵏ ⵏ ⵖⵉⵍⴰⴷ. 

ⵜⵉⵏⴳⴳⵯⴰ ⴷ ⵉⵏⴳⴳⵯⴰ 

ⵙⵙⵓⵔⴼⴰⵜ ⵉⵢⵉ ⵉⵖ ⵙⵙⵉⴳⵓⵜⵖ, ⵢⵉⵡⵉ ⴷ ⵓⵎⵏⴰⴹ ⴷ ⵜⵎⵙⴰⵔⵉⵏ ⴷ ⵓⵣⵎⵣ ⴰⴷ ⵏⵙⵎⵏⵉⴷ ⴰⵢⵍⵍⵉ ⵏⵙⴽⵔ, ⴰⵢⵍⵍⵉ ⴷ ⵉⵇⵇⴰⵏ ⵓⵙⵖⵓⴷⵓ ⴷ ⵓⵙⴳⴰⴷⴷⴰⵢ ⵉⴱⴷⴷⵏ ⴼ ⵓⵙⴳⵓⴷⵉ.

ⵙ ⵓⵎⵙⴰⵙⴰ ⴷ ⵓⵙⵎⴰⵇⵇⵍ ⴰⴷ, ⵉⵍⵍⴰ ⵉⵡⵉⵣ ⴰⵎⴳⵔⵓ ⴰⴷ ⵉⵍⵉⵏ ⵉⵙⵏⴼⵍⵏ ⵓⵛⵛⵉⵍⵏ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ, ⵉⵙⵏⴼⵍⵏ ⴳⴰⵏⵉⵏ 300 ⵏ ⵓⵙⵡⵓⴷⴷⵓ ⴷ ⵜⴱⵔⵉⴷⵜ ⴷ ⵜⵡⵡⵓⵔⵉ ⵏ ⵓⵎⵙⴰⵙⴰ ⴰⴽⴷ ⵉⵙⵍⴳⵏ ⵉⵎⴰⴷⴷⴰⵙⵏ, ⵜⵓⵎⴰⵢⵉⵏ ⵣⴷⵉⵏⵉⵏ ⴷ ⵓⵙⵡⵓⴷⴷⵓ ⵏ ⵜⵡⵡⵓⵔⵉ ⵏⵏⵖ ⵜⴰⵎⵔⵙⵍⴰⵏⵜ, ⴷ ⵎⴰⴷ ⵉⵣⴷⵉⵏ ⴷ ⵜⵣⴷⴰⵢⵉⵏ ⵏ ⵓⵙⵇⵇⵉⵎ ⴷ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⴳⵔⴰⵡⵉⵏ ⵏ ⵜⵏⵏⵓⴱⴹⴰ, ⴷ ⵓⵙⵓⵜⴳ ⵏ ⵜⵎⵙⴽⵔⵜ ⵏⵏⵖ ⴷ ⵜⵉⴹⴰⴼ ⵏ ⵜⵉⵍⵉⵜ ⴷ ⵓⵙⵡⵓⴷⴷⵓ ⵏ ⵡⴰⴷⴷⴰⴷⵏ ⵏ ⵓⵎⵏⴰⴳⴰⵔ ⵏ ⵜⵏⵓⴼⴰ ⴷ ⵓⵙⵍⴳⵏ ⵏ ⵜⵎⵙⴽⵔⵜ ⴷ ⵓⵎⵢⴰⵡⴰⴹ ⴰⴽⴷⵓⵎⵏⴰⴷ ⴰⵎⴰⵜⴰⵢ ⴷ ⵉⵎⵓⴽⵏⵏ ⵢⴰⴹⵏⵉⵏ. 

ⴳ ⵓⵎⴹⴰⴽⴰⵕ ⵏ ⵉⵙⵏⴼⵍⵏ ⴰⴷ ⴳ ⵓⵙⴳⴳⵯⴰⵙ, ⵏⵓⵙⵉ ⵜⵉⵎⵓⴽⵔⵉⵙⵉⵏ ⵍⵍⵉ ⵓⴼⴰ ⴳ ⵓⵎⵏⴰⴹ ⵏ ⵜⵎⵙⴽⵔⵜ ⵜⴰⵡⵓⵙⵙⴰⵏⵜ ⴷ ⵜⴰⵏⵏⴰⵢⵢⵉⵏ ⵏ ⵜⵏⴱⴹⴰⵢⵜ ⵜⴰⴷⵙⵜⴰⵔⵜ, ⵉⵙⵖⴰⵡⴰⵙⵏ ⵏ ⵓⵎⵙⴰⵙⴰ ⴰⴽⴷ ⵉⵙⵍⴳⵏⵏ ⵉⵎⴰⴷⴷⴰⵙⵏ ⵍⵍⴰⵏⵉⵏ ⵙⴳ ⴰⵙⵏⴼⵍ ⴰⵎⴳⴳⴰⵔⵓ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⴳ 2017, ⵖⵎⴽ ⴰⵏⵏ ⵓⵍⵍⴰ ⵓⵛⵛⵉⵍⵉⵏ ⵏ ⵜⴷⵉⵎⵓⵇⵔⴰⵜⵉⵜ ⵏ ⵜⴰⵙⵓⵜ 21 ⴷ ⵎⴰⴷ ⵜⵉⵡⵉ ⴷ ⵓⵙⴷⵔ ⴷ ⵓⵎⵛⴰⵡⴰⵕ. 

ⴰⵔ ⵉⵎⵎⴰⵍⴰ ⵓⵎⵙⴰⵙⴰ ⵉⵍⵍⴰⵏ ⵊⴰⵔ ⵉⴼⵔⴷⴰⵙ ⵏ ⵓⵙⵇⵇⵉⵎ ⴼ ⵉⵙⵏⴼⵍⵏ ⴰⴷ ⴳⴰⵏⵉⵏ ⵉⴷⵙⵍⴰⵏⵏ, ⴰⵎⵙⴰⵙⴰ ⵉⵎⵎⴰⵍⴰⵏ ⵜⴰⵡⵡⵓⵔⵉ ⵏⵏⵖ ⵜⴰⵎⵔⵙⵍⴰⵏⵜ ⴷ ⵓⵏⵢⴰⵍⴰⴽⵎ ⵏⵏⵖ ⴰⴽⴷ ⵜⵉⵎⵙⴰⵔⵉⵏ ⵜⵉⵅⴰⵜⴰⵔⵉⵏ ⵏ ⵜⵎⴰⵣⵉⵔⵜ ⵏⵏⵖ.

ⵉⵎⴰⵏ ⴰⴷ ⴰⵙ ⵏⵙⵡⵓⵔⵉ ⴳ ⵜⵣⴷⴰⵢⵉⵏ ⵏ ⴱⵕⵕⴰ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵏⵙⴽⵔ ⵜⴰⵙⵔⵜⵉⵜ ⵏ ⵜⵎⴰⵣⵉⵔⵜ ⵏⵏⵖ ⵏ ⴱⵕⵕⴰ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵙ ⵉⵎⴰⵏ ⵏ ⵜⵎⴰⵙⴰⵢⵜ ⴷ ⵜⵉⴹⴰⴼ ⵜⵣⵡⵉⵔⵉ ⴳ ⵓⵎⵣⴰⵖ ⵏ ⵜⵎⵙⴰⵔⵉⵏ ⵜⵓⴷⴷⵉⵔⵉⵏ, ⴳ ⵜⵣⵡⵉⵔ ⵜⴰⵎⵙⴰⵔⵜ ⵏ ⵜⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ. 

ⵉⴷⵔⵓ ⵓⵙⵇⵇⵉⵎ ⴳ ⵉⴳⵔⴰⵡⵏ ⴷ ⵉⵏⵎⵓⵇⵇⴰⵔⵏ ⵍⵍⵉ ⵙⵏⵎⴰⵍⴰⵏⵜ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵔⴰⵖⵍⴰⵏⵉⵏ  ⴷ ⵜⵎⵏⵥⴰⵡⵉⵏ ⴷ ⵜⵙⴳⴰⵡⵉⵏⵉⵏ. ⵔⵉⵖ ⴰⴷ ⵙⵓⵜⴳⵖ ⵜⵉⵕⵡⵉ ⵏ ⵜⵡⵉⵙⵉ ⵏ ⵉⴽⴰⴱⴰⵕⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵡⵡⵓⵔⵉ ⵏⵏⵙⵏ ⴷ ⵜⵉⴹⴰⴼ ⵏⵏⵙⵏ, ⴷ ⵓⵙⴱⴷⴷⵉ ⵏⵏⵙ ⵏ ⵜⵉⵔⵎⵉⵜⵉⵏ ⵏ ⵓⵊⵍⵓ ⵏ ⴽⵔⴰ ⵏ ⵉⵏⵎⵓⵇⵇⴰⵔⵏ ⵉ ⵚⴰⵃⴰ ⵏ ⵉⵖⴰⵡⴰⵙⵏ ⵓⵙⵍⵉⴳⵏ ⴼ ⵓⵊⵍⵓ ⵉⵙⵎⴷⵏ ⴼ ⵎⴰⴷ ⵉⵣⴷⵉⵏ ⴷ ⵉⵍⵓⴳⵏⵏ ⵏ ⵓⵙⵡⵓⵔⵉ ⵏ ⵜⵎⴰⴷⴷⴰⵙⵉⵏ ⵜⵉⴱⵔⵍⴰⵎⴰⵏⵉⵢⵉⵏ ⵜⵉⴳⵜⵉⵔⴰⵏⵉⵏ. 

 ⴳ ⵓⵎⵏⵉⴷ ⵢⴰⴹⵏⵉⵏ, ⵉⵙⵏⵓⴱⴳ ⵓⵙⵇⵇⵉⵎ ⴽⵉⴳⴰⵏ ⵏ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵉⵏ, ⵉⵙⴱⵔⵔⴽ ⵓⵍⴰ ⴽⵉⴳⴰⵏ ⵏ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵉⵏ ⴳ ⵉⵙⵡⵉⵔⵏ ⵉⵎⵏⵏⴰⵡⵏ. 

ⵜⵉⵏⴳⴳⵯⴰ ⴷ ⵉⵏⴳⴳⵯⴰ 

ⵉⵙⵙⵕⵚⴰ ⵓⵙⵇⵇⵉⵎ ⵜⵉⵎⵢⵓⵔⵉⵏ ⵏ ⵓⵏⵏⵓⵕⵥⵎ ⴼ ⵓⵎⵏⴰⴷ ⴰⵎⴰⵜⴰⵢ, ⴷ ⵉⵏⵖⵎⴰⵙⵏ, ⵉⵕⵥⵎ ⵜⵉⵡⵡⵓⵔ ⴰⵏⵏⵙ ⵉ ⵉⵏⵔⵣⴰⴼ, ⵙⵍⵡⴰⵏ ⴰⴽⴽⵯ ⵜⴰⵣⵣⴰⵏⵉⵏ ⴷ ⵉⵄⵔⵔⵉⵎⵏ.

ⴳ ⵓⵙⴰⵜⵉ ⵏ ⵜⵎⴰⵙⴰⵢⵉⵏ ⵏⵏⵙ ⴳ ⵓⵙⴽⵔ ⵏ ⵓⵎⵓⴽⵏ, ⵉⵙⴽⵔ ⵓⵙⵇⵇⵉⵎ ⴽⵉⴳⴰⵏ ⵏ ⵜⵙⵏⵜⴰⵢⵉⵏ, ⴰⵎ ⴰⵙⵏⵎⴰⵍⴰ ⵏ ⵡⵓⵙⵙⴰⵏ ⵏ ⵜⵖⵔⵉ ⴼ ⵉⵎⵏⴰⴷⵏ ⵏ ⵓⵎⵓⴽⵏ ⵏ ⵢⵉⴳⵔ ⵏ ⵜⵏⵖⵎⴰⵙⵜ ⴷ ⵓⵙⵏⵖⵎⵙ ⵍⵍⵖ ⵣⵔⵉⵏ ⵎⵔⴰⵡ ⵉⵙⴳⴳⵯⴰⵙⵏ ⴼ ⵓⵎⵙⴰⵡⴰⵍ ⴰⵏⴰⵎⵓⵔ ⵅⴼ ⵓⵙⵏⵖⵎⵙ ⴷ ⵡⴰⵎⵓⵏ ⵍⵍⵉ ⵉⵙⵏⵎⴰⵍⴰ ⵓⴱⵕⵍⴰⵎⴰⵏ ⴳ 2010, ⵏⵡⴰⵜⵜⵙ ⴳ ⵓⵏⵎⵓⵇⵇⴰⵔ ⴰⴷ ⵖ ⴷⵔⵓⵏ ⵉⴷ ⴱⴰⴱ ⵏ ⵜⵣⵣⵓⵍⵜ ⴷ ⵜⴳⵔⴰⵡⵉⵏ ⵏ ⵜⵉⴹⴰⴼ ⴷ ⵜⵎⴰⴷⴷⴰⵙⵉⵏⵏ ⵉⴷ ⴱⴰⴱ ⵏ ⵜⵣⵣⵓⵍⵜ, ⴰⴷ ⵉⵍⵉⵏⵜ ⵜⵙⵏⵜⴰⵢⵉⵏ ⵏ ⵓⵎⵓⴽⵏ ⵏ ⵢⵉⴳⵔ ⵙ ⵉⵙⵏⴼⵍⵏ ⵍⵍⴰⵏⵉⵏ  ⴷ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵉⴷ ⴱⴰⴱ ⵏ ⵜⵣⵣⵓⵍⵜ ⴷ ⵉⵣⵔⴼⴰⵏ ⵏ ⵡⴰⵎⵓⵏ ⴳ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵢⵉⵏ, ⵉⴹⴼⵕ ⵓⵙⵏⵖⵎⵙ ⵜⵉⴷⴰⵏⴰⵎⵉⵜⵉⵏ ⵏ ⵜⴳⵎⵉ ⴷ ⵉⵎⵓⴽⵏⵏ ⵍⵍⵉ ⵜⵙⴽⴰⵔ ⵜⵎⴰⵣⵉⵔⵜ ⵏⵏⵖ. 

ⵉ ⵓⵙⵎⵖⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ, ⵉⵙⴽⵔ ⵓⵙⵇⵇⵉⵎ ⴰⵏⵎⵓⵇⵇⴰⵔ ⵏ ⵜⵖⵔⵉ ⴼ ⵜⵓⵍⴽⵉⵎⵉⵏ ⵙ ⵜⴷⵔⴰⵡⵜ ⴰⴽⴷ ⴽⵉⴳⴰⵏ ⵏ ⵜⴳⵔⴰⵡⵉⵏ ⵏ ⵡⴰⵎⵓⵏ ⴰⵖⵔⵎⴰⵏ ⵉ ⵓⵙⵎⵖⵔ ⵏ ⵜⵙⵏⵜⴰⵢⵉⵏ ⵏ ⵜⵏⵎⵓⵔⵉ ⴳ ⵢⵉⴳⵔ ⵏ ⵜⴷⵉⵇⵓⵔⴰⵜⵉⵜ ⵜⴰⵎⴷⵔⴰⵡⵜ. 

ⴳ ⵓⵙⴰⵔⵉ ⵏ ⵓⴹⴼⵕ ⵏ ⵓⵙⵡⵓⵔⵉ ⵏⵏⵖ ⵙ ⵓⵏⵖⵎⵉⵙ ⵉⴼⴰⵡⵏ ⴷ ⵉⴱⴷⴷⵏ, ⵏⵙⴽⵔ ⵜⵉⵖⵔⵉ ⵔⴰⵙⵓⵙⵢⵓⵍⵓⵊⵉⵜ ⴼ ⵡⴰⵜⵉⴳⵏ ⴷ ⵓⵙⵎⵀⵍ ⴰⵎⵔⵙⵍⴰⵏ, ⵎⴰⵙ ⵇⵇⵍⵏ ⵉⵎⵖⵔⵉⴱⵉⵢⵏ, ⵜⴰⵡⵓⵔⵉ ⵉⵜⵜⵓⵙⴽⴰⵔⵏ ⵙ ⵓⵙⵡⴰⵍⴰ ⴷ ⵓⴹⴼⵕ ⵏ ⵓⵙⵇⵇⵉⵎ, ⵙⴳ ⵉⵙⵓⵙⵢⵓⵍⵉⵊⵉⵢⵏ ⵉⵎⵖⵔⵉⴱⵉⵢⵏ, ⵜⴻⵜⵜⵓⵙⴽⴰⵔ ⵙ ⵉⵙⵓⵖⴰⵍ ⵉⵎⴰⵙⵙⴰⵏ, ⵜⵓⵎⴰ ⴰⵏⴳⵔⴰⵡ ⵏ ⵡⴰⵜⵉⴳⵏ ⴳ ⵜⵎⵔⵙⴰⵍ, ⴰⵎ ⵜⴰⵡⵊⴰ ⴷ ⵜⵎⵙⵙⵓⴳⵓⵔⵜ ⴷ ⵜⵎⵙⵙⵏⵜⴰⵢⵜ.

ⵔⴰⴷ ⵢⵉⵍⵉ ⵓⵙⵎⵏⵉⴷ ⵏ ⵜⵣⵔⴰⵡⵜ ⴰⴷ, ⵃⵎⴰ ⴰⴷ ⵏⵏⵙⵏ ⵎⴰⵙ ⵇⵇⵍⵏ ⵉⵎⵖⵔⵉⴱⵉⵢⵏ, ⵔⴰⴷ ⵜⴰⵡⵙ, ⵓⵔ ⴳⵉⵙ ⵜⵓⵔⴷⴰ, ⴳ ⵓⵎⵙⴰⵙⴰ ⵏ ⴽⵉⴳⴰⵏ ⵏ ⵉⵙⵡⴰⵍⴰⵢⵏ ⵏⵏⵖ ⴷ ⵉⵏⴰⵔⵓⵣⵏ, ⴰⵣⴽⴽⴰ ⵏ ⵓⴽⵕⴰⵙ ⴳ ⵓⵙⵖⵉⵎ ⵏ ⵓⵙⵇⵇⵉⵎ.

ⴳ ⵓⵎⵏⵉⴷ ⵢⴰⴹⵏⵉⵏ, ⵓⵔ ⵔⴰⴷ ⵜⵜⵓⵖⵏ ⴰⴷ ⵙⵓⵔⵔⵉⵖ ⵉⵣⵎⴰⵣ ⵉⵏⴰⵎⵓⵔⵏ ⵥⵉⵍⵏⵉⵏ ⵍⵍⵉ ⵏⴷⴷⵔ ⴷ ⵎⴰⴷ ⵜⵙⴽⵔ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵓⵡⵊⵊⴰ ⵏ ⵓⴹⴰⵕ ⴳ ⵜⴳⵉⵔⴰ ⵏ ⵏⵓⵖⵔⵔⴰⴼ ⵏ ⵓⵎⴰⴹⴰⵍ 2022 ⴳ ⵇⴰⵟⴰⵕ, ⵉⵣⵎⴰⵣ ⵖ ⵏⵣⵎⵎⵉⵎ ⴰⵙⵢⴰⴼⴰ ⴰⵏⴰⵎⵓⵔ ⴷ ⵡⴰⴷⴷⵓⵔ ⵏ ⵜⵉⵍⵉⵜ ⴳ ⵍⵎⵖⵔⵉⴱ. 

ⵙⵙⵕⵚⴰⵏⵜ ⵜⵎⵙⴽⴰⵔ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴷ ⵜⵎⵥⵍⵉⵜ ⵏ ⵓⴳⴷⵓⴷ ⴰⵎⵖⵔⵉⴱⵉ, ⴷ ⵜⴰⵢⵔⵉ ⵏⵏⵙ ⵉ ⵜⵓⵡⵊⵊⴰ ⵏ ⵓⴹⴰⵕ ⴷ ⵜⵙⵓⴳⴰⵔ ⵏⵏⵙ ⴳ ⵓⵡⵏⵏⵉ ⵏ ⵜⵓⵎⵔⵜ ⴷ ⵜⵉⵍⵉⵜ ⵉ ⵜⵜⴰⵎⵓⵔⵜ, ⴰⵡⵍⴰⴼ ⵏ ⵍⵎⵖⵔⵉⴱ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴷ ⵜⵎⴰⵣⵉⵔⵜ ⵜⴰⵇⴱⵓⵔⵜ ⵉⵣⴷⵉⵏ ⴷ ⵡⴰⵜⵉⴳⵏ ⵏⵏⵙ ⴱⵍⴰ ⵉⵇⵇⵏ ⵙ ⵓⵏⵏⵓⵕⵣⵎ ⴼ ⵡⴰⵜⵉⴳⵏ ⵉⵎⴰⴷⵍⴰⵏⵏ ⴱⵍⴰ ⵉⵜⵜⵓ ⵉⵥⵓⵕⴰⵏ ⵏⵏⵙ ⴷ ⵜⴷⵍⵙⴰ ⵏⵏⵙ ⵜⴰⵏⴰⵎⵓⵔⵜ, ⴰⵢⵍⵍⵉ ⵉⵙⵙⴷⵓⵙⵏ ⵜⴰⵎⵢⵉⵎⴰⵏⵜ ⴳ ⵜⵎⵓⵔⵜ ⴷ ⵜⴰⵔⵡⴰ ⵏⵏⵙ. 

ⵉⵎⵍⴰ ⵓⵙⴼⵓⴳⵍⵓ ⵏ ⵜⵢⵢⴰⴼⵓⵜ ⵏ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ, ⴰⵡⵍⴰⴼ ⵏ ⵍⵎⵖⵔⵉⴱ ⵉⵎⵓⵏⵏ, ⵉⵣⴷⵉⵏ ⴷ ⵜⵎⵔⵙⴰⵍⵏⵏⵙ, ⴳ ⵜⵣⵡⵉⵔⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵉⵣⵣⵉⴳⵣⵏ ⵙ ⵍⵎⵖⵔⵉⴱ ⵉ ⵓⵙⴱⴷⴷⵉ ⵏ ⵡⴰⴷ ⵉⵔⴰⵏ ⴰⴷ ⵉⴽⴽⵙ ⴰⴽⴰⵍ ⵏⵏⵙ, ⵏⵖ ⵜⵉⵍⴻⵍⵍⵉ ⵏⵏⵙ, ⵜⵖ ⵜⵉⵎⵔⵙⴰⵍ ⵏⵏⵙ, ⵏⵏⵖ ⵉⵙⵜⴰⵢⵏ ⵏⵏⵙ. 

 ⴰⵔ ⴽⵏ ⵙⵏⵉⵎⵎⵉⵔⵖ ⴼ ⵜⵡⵉⵙⵉ ⵏⵏⵓⵏ ⴳ ⵜⵎⵙⴽⵔⵜ ⴰⴷ, ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ.