ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵏⵎⵓⵇⵇⴰⵔ ⴼ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ

ⵎⴰⵙⵙ ⴰⴳⵏⵙⴰⵙ ⵏ ⵜⵎⵙⵇⵇⴰⴷⵜ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵣⴰⵢⵏ

ⵉⵎⴷⵔⴰⵡⵏ ⵏⵏⵖ ⵉⴳⵔⴰⵖⵍⴰⵏⵏ

ⵉⵎⵙⵜⴳⴳⴰⵔⵏ ⵏ ⵡⴰⵎⵓⵏ ⴰⵖⵔⵎⴰⵏ

ⵎⵔⵔⵖ ⴰⴷ ⴷⴰⵖ ⵙⴱⵔⵔⴽⵖ ⵙ ⵉⴳⵏⵙⴰⵙⵏ ⵏ ⵡⴰⵎⵓⵏ ⴰⵖⵔⵎⴰⵏ ⴳ ⵓⵙⴰⵜⵉ ⵏ ⵜⵎⵢⵓⵔⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙⴳ ⵉⵙⴳⴳⵯⴰⵙⵏ ⵙ ⵓⵙⴽⵔ ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⴷ ⵓⵙⵕⵚⵓ ⵏ ⵜⵙⵔⵜⵉⵜ ⵏ ⵓⵏⵏⵓⵕⵥⵎ ⵍⵍⵉ ⵏⵙⴽⴰⵔ ⴳ ⵓⵎⵏⵉⴷ ⵏ ⵓⵙⵖⵏⵓ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⵔⵙⵍⴰⵏⵜ.

ⵔⵉⵖ ⴰⴷ ⵙⴱⵔⵔⴽⵖ ⵙ ⴽⵓⵢⴰⵏ ⴼⵉⵜⵓⵏ, ⵙⴱⵔⵔⴽⵖ ⵙ ⵉⵎⴷⵔⴰⵡⵏ ⵏⵏⵖ ⴳ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⵍⵍⵉ ⵃⴰⴹⵕⵏⵉⵏ ⴳ ⵍⵍⴰⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⵜⴰⵎⵓⵏⵜ ⵏ ⵓⵕⵓⴱⴱⴰ, ⵜⵉⵎⵔⵙⵍⵜ ⵡⵉⵙⵜⵎⵉⵏⵙⵜⵔ ⵉ ⵜⴷⵉⵎⵓⵇⵔⴰⵟⵉⵜ, ⴰⵙⵉⵏⴰⴳ ⴰⵏⴰⵎⴰⵓⵔ ⴰⴷⵉⵎⵓⵇⵔⴰⵟⵉ ⵏ ⵎⴰⵔⵉⴽⴰⵏ, ⵍⴱⴰⵏⴽ ⴰⴳⵔⴰⵖⵍⴰⵏ, ⵜⴰⵙⵏⵜⴰⵢⵜ ⵏ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵥⵎⵏ. ⵜⵉⵍⵉⵜ ⴰⴷ ⵉⴳⴳⵓⵜⵏ ⵉⴳⴰⵏ ⵜⴰⵎⵏⵏⴰⵡⵜ ⵜⴳⴰ ⵜⴰⵎⴰⵜⴰⵔⵜ ⵏ ⵓⵙⵓⵜⴳ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ, ⴷ ⵜⵎⵢⵉⵎⴰⵏⵜ ⵖ ⵉⵎⵓⴽⵏⵏ ⵉⵎⵣⵡⵓⵔⴰ ⵍⵍⵉ ⵜⵙⴽⴰⵔ ⵜⵎⴰⵣⵉⵔⵜ ⵏⵏⵖ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵙ ⵜⵉⵔⴰⵜ ⴷ ⵡⴰⴷⴷⴰⴷ ⴷ ⵓⵙⵕⵚⵓ ⵏ ⵜⵎⵔⵙⴰⵍ ⴳ ⵓⵙⴰⵜⵉ ⵏ ⵜⵎⵏⵏⴰⵡⵜ ⴷ ⵜⵍⴻⵍⵍⵉ ⴷ ⵓⵎⵛⴰⵡⴰⵕ ⴷ ⵓⵎⵙⴰⵙⴰ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ, ⵉⴳⴰ ⵍⵃⴰⵍⴰ ⴰⵏⴰⵡ ⴰⴷⵉⵎⵓⵇⵔⴰⵟⵉ ⴰⵎⵖⵔⵉⴱⵉ ⵉⴱⴷⴷⵏ ⴼ ⵓⵙⴳⵓⴷⵉ ⵏ ⵉⵎⵓⴽⴽⵏⵏ, ⵍⵍⵉ ⵉⵙⵔⵙⵏ ⴰⵙⴰⵜⵉ ⴰⴷⵙⵜⴰⵔ ⴷ ⵉⵣⵣⵔⴰⴼⵏ ⴷ ⵜⵎⵔⵙⴰⵍ  ⴷ ⵉⵎⴰⵙⵙⵏ ⵉⴷⵙⵜⴰⵔⵏ ⵙⵔⵙⵏⵉ ⵜⴰⵙⵓⵍⴰⵏⵜ ⴷ ⵜⵉⵕⵡⵉ ⴷ ⵜⴷⵓⵙⵉ ⴷ ⵓⴼⵔⴰⴳ.

ⵜⵉⴳⵔⴰⵡⵉⵏ ⵜⵉⵃⵔⵎⴰⵏⵉⵏ ⵍⵍⵉ ⵃⴰⴹⵕⵏⵉⵏ ⴳⴰⵏⵜ ⵜⵉⴳⵏⵙⴰⵙ ⵏ ⵡⴰⵎⵓⵏ ⴰⵖⵔⵎⴰⵏ ⴰⵎⵖⵔⵉⴱⵉ ⴳ ⵍⵍⴰⵏⵜ ⵓⴳⴳⴰⵔ ⵏ ⵙⵏⴰⵜ ⵜⵉⵎⵎⴰⴹ ⵏ ⵉⴼⴹⵏ ⵏ ⵜⵎⵙⵎⵓⵏⵉⵏ, ⴰⵔ ⵙⵡⵓⵔⵉⵏⵜ ⴳ ⵎⴰⵕⵕⴰ ⵉⴳⵔⴰⵏ ⵏ ⵜⵓⴷⵔⵜ ⵜⴰⵎⴰⵜⴰⵢⵜ ⴳ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱ, ⵜⴳⴰ ⵜⵎⵏⵏⴰⵡⵜ ⴰⴷ ⵏ ⵡⴰⵎⵓⵏ ⴰⵖⵔⵎⴰⵏ, ⴷ ⵜⴷⵉⵏⴰⵎⵉⵜ ⵏⵏⵙ ⵜⴰⵎⴰⵜⴰⵔⵜ ⴼ ⵓⴱⵓⵖⵍⵓ ⵏ ⵜⵎⵏⵏⴰⵡⵜ ⵜⴰⴷⵍⵙⴰⵏⵜ ⴷ ⵜⵖⵔⵎⴰⵏⵜ ⵜⴰⵎⵖⵔⵉⴱⵉⵜ, ⴷ ⵓⴷⵎ ⴼ ⵜⴷⵔⴼⵉⵜ ⵏ ⵓⵙⵏⵎⴰⵍⴰ ⴷ ⵜⵙⵏⵜⴰⵢⵜ ⴷ ⵜⵡⵡⵓⵔⵉ ⵉⵎⵙⴰⵙⴰⵏ ⴷ ⵜⵎⵏⵏⴰⵡⵜ ⵜⴰⵙⵔⵜⴰⵏⵜ ⴷ ⵓⴱⵓⵖⵍⵓ ⵏ ⵜⵓⴷⵔⵜ ⵜⴰⵙⵔⵜⴰⵏⵜ ⵜⴰⵏⴰⵎⵓⵔⵜ ⴷ ⵜⵎⵏⵏⴰⵡⵜ ⵏ ⵜⵔⵙⴰⵍ ⵏⵏⵙ ⵜⵉⵙⵔⵜⴰⵏⵉⵏ.

ⵙ ⵓⵙⴷⴷⴻⴷ, ⵜⴳⴰ ⵜⵎⵏⵏⴰⵡⵜ ⴰⴷ ⵜⴰⵙⵔⵜⴰⵏⵜ ⴷ ⵜⴷⵍⵙⴰⵏⵜ ⴷ ⵜⵖⵔⵎⴰⵏⵜ ⵉⴽⵛⵎ ⵏ ⵜⵎⴰⴳⵉⵜ ⵜⴰⵏⴰⵎⵓⵔⵜ ⵉⵎⵓⵏⵏ, ⵍⵍⵉ ⴼ ⵜⵙⴰⵡⵍ ⵜⵏⵖⵎⴰⵙⵜ ⵜⴰⵎⵏⵏⴰⵡⵜ ⵉⴳⴰⵏ ⵜⵉⵍⴻⵍⵍⵉ, ⵜⴰⴼⴰⵔⴰⵏⵜ ⵙ ⵜⵔⵙⴰⵍ ⵏⵏⵙ ⵏ ⵜⵙⵔⵜⵉⵜ ⴷ ⵓⵙⵡⵉⵏⴳⵎ ⴷ ⵓⵙⵏⵖⵎⵙ ⵜⵉⵎⵏⵏⴰⵡⵉⵏ ⵍⵍⴰⵏⵉⵏ ⴳ ⵜⵓⴷⵔⵜ ⵏⵏⵖ ⵜⴰⵏⴰⵎⵓⵔⵜ ⵎⴽ ⵏⵏⴰ ⴳⴰⵏⵜ ⵜⵙⵓⵜⵍⵉⵏ ⴷ ⵉⵎⵏⴰⴹⵏ. ⴰⵢⴷⴰ ⵉⵙⴽⴰⵔⵏ ⴰⴱⵓⵔⵣ ⴷ ⵜⵉⵍⴰⵡⵜ ⵍⵍⵉ ⵏⵙⵓⵜⴳ.

ⴰⵢⵍⵍⵉ ⴷ ⵢⵉⵡⵉⵏ ⴰⵙⵓⵜⴳ ⵏ ⵡⴰⵏⴰⵡ ⵏⵏⵖ ⴰⴷⵙⵜⴰⵔ ⴷ ⵓⵎⵔⵙⵍⴰⵏ, ⵉⴳⴰ ⵜ ⵍⵍⵉⵖ ⵉⴼⴽⴰ ⵓⵙⵍⴳⵏ ⴰⵎⴰⵜⵜⵓⵢ ⵏ ⵜⵎⵜⵜⴰ ⵙ ⵜⵖⴰⵔⴰⵙⵜ ⵜⴰⴷⵙⵜⴰⵔⵜ ⵜⵉⵍⴰⵍ ⴷ ⵉⵣⵔⴼⴰⵏ ⴷ ⵜⵎⵥⵍⴰⵢ ⵉ ⵡⴰⵎⵓⵏ ⴰⵖⵔⵎⴰⵏ, ⴳ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ ⴷ ⵜⵏⵎⵓⵔⵉⵜ ⴷ ⵓⵙⴰⵜⵉ ⵏ ⵜⵙⵏⵜⴰⵢⵉⵏ ⵏ ⵉⵎⵓⵔⴰⵏ ⴷ ⵜⵏⵎⵓⵔⵉⵢⵉⵏ ⴳ ⵓⵎⵏⵉⴷ ⴰⴷ. ⴷ ⵜⵡⵉⵙⵉ ⴳ ⵓⵙⵓⵊⴷ ⵏ ⵜⵖⵜⴰⵙⵉⵏ ⴷ ⵉⵙⵏⴼⴰⵔⵏ ⴷⴰⵔ ⵜⵔⵙⴰⵍ ⵜⵜⴰⵡⵙⵜⴰⵢⵏⵉⵏ ⴷ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵓⵙⵎⵀⵍ ⴷ ⵓⵣⵣⵔⴰⵢ ⵏⵏⵙⵏⵜ. ⵜⵙⵔⵙ ⵜⵎⴰⵣⵉⵔⵜ ⵏⵏⵖ ⵓⵍⴰ ⵉⵙⵍⴳⵏⵏ ⵉⵎⴰⴷⴷⴰⵙⵏ ⵣⴷⵉⵏⵉⵏ ⴷ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ ⵙⵍⴰⵡⴰⵏ ⴰⴽⴽⵯ ⵉⵙⵍⴳⵏⵏ ⵉⵎⴰⴷⴷⴰⵙⵏ ⵣⴷⵉⵏⵉⵏ ⴷ ⵜⵓⵜⵔⴰⵡⵉⵏ ⵉ ⵓⵣⵣⵔⴰⴼ ⴷ ⵜⵓⵍⴽⵉⵎⵉⵏ ⵜⵜⴰⵡⵚⵕⴰⴼⵏⵉⵏ ⵉ ⵜⴳⵔⴰⵡⵉⵏ ⵜⵜⴰⵡⵙⵜⴰⵢⵏⵉⵏ ⴷ ⵜⵏⴱⴰⴹⵉⵏ ⵜⵉⵎⵣⵣⴳⴰⵔⵉⵏ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⵏⵎⵏⴰⴷ ⴷ ⵓⴷⵖⴰⵔⴰⵏ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵙⵙⵓⵔⴼⴰⵜ ⵉⵢⵉ ⵉⵖ ⴷ ⵙⵙⵉⴳⵓⵜⵖ ⴳ ⵓⴽⵯⵜⴰⵢ ⵏ ⵜⵉⴷⵜ ⴰⴷ.ⵎⴰⵛⵛ ⴰⵎⵏⴰⴹ ⵉⴳⴰ ⵓⵛⵛⵉⵍ ⵍⵍⵉ ⵔⴰⵏ ⴽⵔⴰ ⵏ ⵡⵉⴷ ⴰⴷ ⵜⵜⵓⵏ ⴰⵏⴰⵡ ⵏⵏⵖ ⴰⵎⵔⵙⵍⴰⵏ ⴷ ⵓⵚⴽⵯⵓ ⵏⵏⵖ ⴰⴷⵉⵎⵓⵇⵔⴰⵟⵉ. ⵢⵉⵡⵉ ⴷ ⵓⵛⵛⵉⵍ ⵏⵏⵖ ⴰⵏⴰⵎⵓⵔ ⴷ ⵜⵎⴰⵙⴰⵢⵉⵏ ⵜⵉⵎⵔⵙⵍⴰⵏⵉⵏ ⴰⴷⴷ ⵏⵙⵙⴽⵯⵜⵉ. ⵃⵎⴰ ⴰⴷ ⴱⴷⴷⵏ ⵉⵎⵓⵙⵙⵓⵜⵏ ⵏ ⵓⵙⵎⵔⴽⵙ ⴷ ⵜⴽⵔⴽⴰⵙ, ⵙⵎⴷⵏⵜ ⵃⵎⴰ ⴰⴷ ⵉⵣⵣⵉⴳⵣ ⵓⵏⵍⵉ ⴳ ⵜⵣⴷⴰⵢⵉⵏ ⵊⴰⵔ ⵉⵎⴷⵔⴰⵡⵏ

ⵉⴽⵛⵎ ⵓⵙⵏⵎⴰⵍⴰ ⵏ ⵓⵙⵇⵇⵉⵎ ⴰⴷ ⵏ ⵓⵎⵢⴰⵡⴰⴹ ⴰⴽⴷ ⴰⵎⵓⵏ ⴰⵖⵔⵎⴰⵏ ⴼ ⵓⵙⵎⵀⵍ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ ⴷ ⵜⵏⵎⵓⵔⵉ ⴳ ⵎⴰⴷ ⵉⵥⵍⵉⵏ ⵙ ⵓⵙⵎⵏⵉⴷ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⵉ ⵜⵏⴱⴰⴷⵉⵏ ⵜⵜⴰⵡⵙⵜⴰⵢⵏⵉⵏ ⴷ ⵜⵎⵙⵙⴳⴰⵔⵉⵏ, ⴳ ⵓⵙⴰⵜⵉ ⵏ ⵜⵙⵔⵜⵉⵜ ⵏ ⵓⵏⵏⵓⵕⵥⵎ ⴷ ⵓⵙⴷⵔⵓ ⵍⵍⵉ ⵉⵙⴽⵔ ⵓⵙⵇⵇⵉⵎ ⵙ ⵓⵙⴽⵔ ⵏ ⵉⴱⴹⵉⵢⵏ ⵏ ⵓⴷⵓⵙⵜⵓⵔ, ⴷ ⵓⵣⵣⴳⵉⵔ ⵏ ⵉⵙⵖⵡⴰⵏ ⵍⵍⴰⵏⵉⵏ ⴳ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵣⵎⵏ ⵖ ⵜⴻⵟⵟⴰⴼ ⵜⵎⴰⵣⵉⵔⵜ ⵏⵏⵖ ⴰⴷⵖⴰⵔ ⵉⵥⵉⵍⵏ.

ⵉⴳⴰ ⵓⵏⵎⵓⵇⵇⴰⵔ ⵏ ⵡⴰⵙⵙ ⴰⴷ ⵡⵉⵙ ⴽⵕⴰⴹ ⴳ ⵜⵡⴰⵍⴰ ⵜⴰⵣⵣⵔⴰⴼⵜ ⵏ ⵖⵉⵍⴰⴷ ⴷⴰⵜ ⵏ ⵓⵏⵎⵓⵇⵇⴰⵔ ⵏ 22 ⵢⵓⵏⵢⵓ 2022, ⴷ ⵓⵏⵎⵓⵇⵇⴰⵔ ⵏ ⵡⴰⵎⵓⵔ ⵏ ⵡⴰⴽⵓⵛ ⴰⴼⵔⵉⵇⵉ ⴳ ⵏⵓⵡⴰⵏⴱⵉⵔ ⵉⵣⵔⵉⵏ ⵍⵍⵉⵖ ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵉⵕⵡⵉ ⵉⵥⵉⵍⵏ ⵖ ⵃⴰⴹⵕⵏ ⵉⴳⵏⵙⴰⵙⵏ ⵏ ⵡⴰⵎⵓⵏ ⴰⵖⵔⵎⴰⵏ ⴰⵎⵖⵔⵉⴱⵉⵜ ⴷⴰⵜ ⵏ ⵓⴳⴳⴰⵔ ⵏ 400 ⵏ ⵜⴳⵔⴰⵡⵜ ⵜⴰⵖⵔⵎⴰⵏⵜ ⵙⴳ ⵉⴼⵔⵉⵇⵢⴰ ⵜⴰⴳⵯⵎⴰⵜ ⴷ 13 ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ.

ⵉⴳⴰ ⵓⵏⵎⵓⵇⵇⴰⵔ ⵏ ⵡⴰⵙⵙ ⴰⵙ ⵡⵉⵙ ⵙⵎⵎⵓⵙ ⵙⴳ ⵓⴼⵓⵖ ⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ ⵅⴼ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⵉ ⵣⵣⵔⴰⴼ ⴷⴼⴼⵉⵔ ⵏ ⵓⵏⵎⵓⵇⵇⴰⵔ ⵏ 23 ⵎⴰⵢ 2019 ⴷ 25 ⴱⵕⴰⵢⵕ 2022. ⴷ ⵡⵉⵏ 21 ⴷ 22 ⴷⵓⵊⴰⵏⴱⵉⵔ ⵉⵣⵔⵉⵏ ⵍⵍⵉⵖ ⵉⵍⵍⴰ ⴳ ⵜⴷⴰⵍⴰ ⴰⴷ ⴳ ⵙⵉⵏ ⵡⵓⵙⵙⴰⵏ, ⴰⵎⴹⴰⴽⴰⵕ ⵉⵙⵜⴰⵡⵀⵎⵎⴰⵏ ⴷ ⵢⴰⵜ ⵜⵙⴳⴰ ⵉⵙⵜⴰⵡⵀⵎⵎⴰⵏ ⵙⴳ ⵜⴳⵔⴰⵡⵉⵏ ⵏ ⵡⴰⵎⵓⵏ ⴰⵖⵔⵎⴰⵏ. ⴰⵏⵎⵓⵇⵇⴰⵔ ⵍⵍⵉ ⵎⵓ ⵏⵖⵔⴰ ⵙ ⵜⵎⵍⴷⴰ ⵏ ⵓⴽⵜⵜⵓⵢ ⵡⵉⵙ ⵎⵔⴰⵡ ⵏ ⵓⵙⵎⴰⴷ ⵏ ⵓⵎⵙⴰⵡⴰⵍ ⴰⵏⴰⵎⵓⵔ ⵅⴼ ⵓⵙⵏⵖⵎⵙ ⴷ ⵡⴰⵎⵓⵏ, ⵜⵉⴳⵔⴰⵡⵉⵏ ⵏ ⵜⵏⵖⵎⴰⵙⵜ ⴷ ⵓⵙⵏⵖⵎⵙ  ⵃⵎⴰ ⴰⴷ ⵏⴱⴷⴷ ⴼ ⵜⵉⵍⴰⵡⵜ ⵏ ⵜⵣⵣⵓⵍⵜ ⴷ ⵓⵎⵓⴽⵏ ⴷ ⵓⵙⵓⵊⴷ ⵏ ⵜⵙⵓⵜⵍⵉⵏ ⴷ ⵓⵙⴰⵏⵉⵏ ⵃⵓⵎⴰ ⴰⴷ ⵜⵎⵓⵏ ⵜⵣⵣⵓⵍⵜ ⴷ ⵉⵎⵏⴰⴹⵏ ⵉⵏⴰⵎⵓⵏⵏ ⵉⵎⴰⵢⵏⵓⵜⵏ. ⵓⵔ ⴳⵉⵙ ⵜⵓⵔⴷⴰ ⵎⴰⵙ ⴷ ⵜⴰⴱⵔⴰⵜ ⴷ ⵜⵉⵍⴰⵍ ⵏ ⵜⵏⵖⵎⴰⵙⵜ ⴷ ⵓⵙⵏⵖⵎⵙ ⵎⵙⴰⵙⴰⵏ ⴷ ⵜⵉⵍⴰⵍ ⵏ ⵡⴰⵎⵓⵏ ⴰⵖⵔⵎⴰⵏ ⴷ ⵜⵡⵡⵓⵔⵉ ⵏⵏⵙ ⴳ ⵓⴱⴰⵔⴰⵣ, ⵉⴳⴰ ⵡⴰⵡⵜⵜⴰⵙ ⴰⵙⴷⵔⵓ ⴷ ⵓⵙⵉⴷⴼ ⴷ ⵜⵏⴰⴼⵜ ⵏ ⵡⴰⵎⵓⵏ ⴷ ⵓⵙⵏⴰⵍ ⵏ ⵜⵡⵡⵓⵔⵉ ⵜⴰⴳⴷⵓⴷⴰⵏⵜ ⵉⵜⵜⴰⵡⵉⵏ ⵙ ⵉⵣⵔⴼⴰⵏ ⴷ ⵓⵙⵖⵡⵏ ⵙ ⵓⵛⵛⵉⵍ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⴳ ⵉⵏⵎⵓⵇⵇⴰⵔⵏ ⴰⴷ, ⵏⵙⵏⴼⵍ ⵉⵙⵡⵉⵏⴳⵉⵎⵏ ⴷ ⵜⵙⵓⵎⵔⵉⵏ ⵍⵍⴰⵏⵉⵏ ⴳ ⵢⴰⵏ ⵓⵣⵡⵍ: ⵎⴰⴷ ⵉⴳⴰⵏ ⴰⴱⵔⵉⴷ ⵃⵎⴰ ⴰⴷ ⵢⴰⵡⵙ ⵡⴰⵎⵓⵏ ⴰⵖⵔⵎⴰⵏ ⴳ ⵓⴱⵓⵖⵍⵓ ⵏ ⵜⴷⵉⵎⵓⵇⵔⴰⵟⵉⵜ ⵉⵙⴽⵔ ⵜⵉⵍⴰⵍ, ⵉⵙⴽⵔ ⵉⵣⵔⴼⴰⵏ ⵍⵍⴰⵏⵉⵏ ⴳ ⵓⴷⵓⵙⵜⵓⵔ ⴷ ⵉⵣⵣⵔⴰⴼⵏ ⵍⵍⵉ ⴷⵉⴷⵙ ⵣⴷⵉⵏⵉⵏ, ⵉⵙⴽⵔ ⴰⵙⴰⵜⵉ ⵉ ⵜⵎⵔⵙⴰⵍ ⵏ ⵉⵏⵎⵓⵔⴰⵏ ⴳ ⵉⴳⵔⴰⵏ ⵏ ⵜⵓⵍⴽⵉⵎⵉⵏ  ⵉ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵜⵉⵏ ⵜⴳⵯⵏⵙⴰⵙⵉⵏ, ⴷ ⵜⵓⵜⵔⴰⵡⵉⵏ ⵉ ⵓⵣⵣⵔⴰⴼ ⵉ ⵜⵏⴱⴰⴹⵜ ⵜⴰⵣⵣⵔⴰⴼⵜ.

ⵙ ⵜⵉⴷⵜ, ⴰⵢⵍⵍⵉ ⵉⵜⵜⵓⵙⴽⴰⵔⵏ ⴰⵔ ⵖⵉⵍⴰⴷ ⵓⵔ ⵜⴰ ⵉⵍⵍⵉ ⴳ ⵓⵙⵡⵉⵔ ⵏ ⵓⵏⴰⵔⵓⵣ ⴰⵏⴰⵎⵓⵔ ⵉⵛⵛⴰⵔⵏ, ⴷ ⵓⵔ ⴰⵔ ⵉⵎⵎⴰⵍ ⵜⴰⴷⵉⵏⴰⵎⵉⵜ ⴷ ⵜⴷⵓⵙⵉ ⵏ ⵡⴰⵎⴰⵏ ⴰⵖⵔⵎⴰⵏ ⴰⵎⵖⵔⵉⴱⵉ ⵉⵜⵜⵓⵙⵙⴰⵏ ⴳ ⵜⵎⵔⴰⵡⵉⵏ ⵏ ⵉⵙⴳⴳⵯⴰⵙⵏ ⵙ ⵜⵡⵉⵙⵉ ⵏⵏⵙ ⴳ ⵓⴱⵓⵖⵍⵓ ⵏ ⵢⵉⴳⵔ ⴰⴷⵍⵙⴰⵏ ⴷ ⵜⵎⵏⵏⴰⵡⵜ ⵏⵏⵙ, ⴷ ⵓⵙⴽⵔ ⵏ ⵜⴳⵎⵉ ⴷ ⵓⵙⴷⵓⵙ ⵏ ⵜⴷⵎⵙⴰ ⵜⴰⵏⴰⵎⵓⵏⵜ ⴷ ⵜⵉⵏ ⵜⵎⵢⴰⵡⴰⵙⵜ, ⴷ ⵜⵎⴰⵖⵜ ⴼ ⵉⵣⵔⴼⴰⵏ ⵏ ⵓⴼⴳⴰⵏ, ⵍⵍⵉⵖ ⵢⵉⵡⵙ ⴳ ⵓⴼⵔⴰⴳ ⵏ ⵡⴰⵡⵔⵉⴽ ⴰⵎⵖⵔⵉⴱⵉ ⴷ ⵓⵙⴼⵔⴽ ⴰⵏⴰⵎⵓⵔ ⴷ ⵓⵙⴱⴷⴷⵉ ⵏ ⵓⵙⴷⴷⵓⵔⵉ ⵉⵀⵔⵛⵏ.

ⵉⵖ ⵉⴼⴰⵡ ⵎⴰⵙ ⵜⵜⵙⵏⴼⴰⵍⵏⵜ ⵜⵉⵍⴰⵍ ⴰⴷ ⴳ ⵓⵎⵏⴰⴹ ⴰⵏⴰⵎⵓⵏ ⵏ ⵖⵉⵍⴰⴷ, ⵀⴰⵜⵉ ⵉⵡⵜⵜⴰⵙⵏ ⴷ ⵜⵏⴰⵥⴰⵕⵉⵏ ⵖⴰⵎⴰⵏⵜ ⵓⴽⴰⵏ, ⴳⴰⵏⵉⵏ ⵜⵉⵏ ⵓⵙⴷⵓⵙ ⴰⵎⵔⵙⵍⴰⵏ ⴷ ⵓⵙⵕⵚⵓ ⵏ ⵜⵎⵢⵉⵎⴰⵏⵜ, ⴷ ⵓⵚⴽⵓ ⵏ ⵓⴼⴳⴰⵏ ⴷ ⵓⵙⴷⵓⵙ ⵏ ⵓⵎⵛⴰⴱⴱⴰⴽ ⴰⵏⴰⵎⵓⵏ. ⵉⵇⵇⴰⵏ ⴰⵖ ⴷ ⴰⴽⴽⵯ, ⴰⴷ ⵏⵙⵎⵔⵙ ⵉⵣⵔⴼⴰⵏ ⵍⵍⴰⵏⵉⵏ ⴳ ⵓⴷⵓⵙⵜⵓⵔ ⴷ ⵉⵣⵣⵔⴰⴼⵏ ⵣⴷⵉⵏⵉⵏ ⴷ ⵡⴰⵎⵓⵏ ⴰⵖⵔⵎⴰⵏ, ⵃⵎⴰ ⴰⴷ ⵏⵍⴽⵎ ⵉⵡⵜⵜⴰⵙⵏ ⴰⴷ. ⵉⵇⵇⴰⵏ ⴷ ⴰⴷ ⵏⵣⵣⵔⵉ ⴳ ⵓⵏⵎⵓⵇⵇⴰⵔ ⴰⴷ ⵏⵏⵖ ⵜⵉⴱⴱⴰⵢⴹⴰⵕⵉⵏ ⴷⴰⵜ ⵏ ⵜⵢⵢⴰⴼⵓⵜ ⵜⴰⵏⵎⵓⵔⵜ ⴳ ⵎⴰⴷ ⵉⵥⵍⵉⵏ ⵙ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ ⴷ ⵜⵉⵍⴰⵍⵜ ⵏ ⵡⴰⵎⵓⵏ ⴰⵖⵔⵎⴰⵏ ⴳ ⵓⵙⵍⵔ ⵜⴰⵔ ⴰⵏⴰⵔⵓⵣ ⵉⵛⵛⴰⵔⵏ, ⵃⵎⴰ ⴰⴷ ⵜⵏⵜ ⵏⵙⵉⵜⵜⵉ.

ⴳ ⵓⵎⵏⵉⴷ ⴰⴷ, ⴰⵔ ⵥⵕⵕⴰⵖ ⵎⴰⵙ ⵍⵍⴰⵏⵜ ⵙⵎⵎⵓⵙⵜ ⵜⵎⵓⴽⵔⵉⵙⵉⵏ ⵉⵇⵇⴰⵏ ⵓⵙⵉⵜⵜⵉ ⵏⵏⵙⵜ ⵉ ⵓⵙⴽⵔ ⵏ ⵉⵡⵜⵜⴰⵙ ⵏⵏⵙⵏⵜ ⵉ ⵓⵡⵙⴽⵔ ⵏ ⵉⵡⵜⵜⴰⵙ ⵏ ⵓⴷⵓⵙⵜⵓⵔ ⴷ ⵓⵣⵣⵔⴰⴼ ⴰⵏⴰⵎⵓⵔ ⵃⵎⴰ ⴰⴷ ⵟⵟⵉⴼⵏⵜ ⵜⴳⵔⴰⵡⵉⵏ ⵜⵉⵖⵔⵎⴰⵏⵉⵏ ⴷ ⵜⴷⵉⵎⵓⵇⵔⴰⵟⵉⵢⵉⵏ ⵜⵉⵎⴷⵔⴰⵡⵉⵏ ⴰⵎⵎⴰⵙ ⵉⵙⵜⴰⵡⵀⵎⵎⴰⵏ ⴳ ⵜⵊⵏⵓⵔⵜ ⵜⴰⴷⵙⵜⴰⵔⵜ.

ⴰⵎⵣⵡⴰⵔⵓ, ⵉⴳⴰ ⵡⴰⴷ ⵉⵥⵍⵉⵏ ⵙ ⵜⴱⵔⵉⴷⵉⵏ ⴷ ⵜⴼⴰⴷⵉⵡⵉⵏ ⵃⵎⴰ ⴰⴷ ⵜⵜⵓⵇⴱⵉⵍ ⵜⵍⴽⴰⵎⵜ ⴷ ⵜⵓⵜⵔⴰ ⵉ ⵓⵣⵣⵔⴰⴼ ⴳ ⵓⴷⵎ ⵏⵏⵙ, ⴳ ⵎⴰⴷ ⵉⵥⵍⵉⵏ ⵙ ⵜⴻⵜⴳⴰⵔⵉⵏ ⴷ ⵓⵏⵛⴽ ⵏ ⵉⵎⵣⵎⵎⵉⵎⵏ ⴼ ⵜⵓⵍⴽⵉⵎⵜ ⵏⵏⵖ ⵜⵓⵜⵔⴰ, ⴷ ⵓⴱⵟⵟⵓ ⵏⵏⵙⵏ ⴰⵊⵢⵓⵖⵔⴰⴼ.

ⴳ ⵓⵎⵏⵉⴷ ⴰⴷ, ⴰⵔ ⵥⵕⵕⴰⵖ ⵎⴰⵙ ⴷ ⵉⵙⵏⴼⵍⵏ ⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ 44.14 ⴷ 64.14 ⴳ 2021ⴳⴰⵏ ⵉⵎⵣⵡⵓⵔⴰ ⵏ ⵉⵎⵓⴽⵏⵏ ⵢⴰⴹⵏⵉⵏ ⵍⵍⵉⴷ ⵉⵇⵇⴰⵏ ⵓⵎⵙⴰⵙⴰ ⵃⵎⴰ ⴰⴷ ⵔⵅⵓⵏⵜ ⵜⴱⵔⵉⴷⵉⵏ, ⵎⴰⵅⵅ ⴰⴷ ⴰⴽⴽⵯ ⵓⵔ ⵢⵉⵍⵉ ⵓⵎⴹⴰⴽⴰⵕ ⴰⵏⴰⵎⵓⵔ ⴼ ⵉⵙⵏⴼⵍⵏ ⵢⴰⴹⵏⵉⵏ, ⴷ ⵜⵉⵍⵉⵜ ⵏ ⵓⵙⵍⴳⵏ ⴼ ⵓⵎⵛⴰⵡⴰⵕ ⴰⴳⴷⵓⴷⴰⵏ ⵍⵍⵉ ⵔⴰⴷ ⵉⵙⵎⵓⵏ ⵜⵉⵙⴷⴷⵉⵜⵉⵏ ⵜⵉⵎⵣⵡⵓⵔⴰ ⵉ ⵓⴱⵔⵉⴷ ⵏ ⵜⵙⵏⵜⴰⵢⵉⵏ ⵏ ⵜⵏⵎⵓⵔⵉ.

ⵡⵉⵙ ⵙⵉⵏ ⵉⴳⴰ ⴰⵙⵖⴰⵡⵙⴰ ⵙ ⵜⵙⵓⴳⴰⵔ ⵜⵓⵛⵛⵉⵍⵉⵏ ⵍⵍⵉ ⴷ ⵉⵇⵇⴰⵏ ⴰⴷ ⵉⵍⵉⵏ ⴷⴰⵔ ⵉⴷ ⴱⴰⴱ ⵏ ⵜⵙⵏⵜⴰⵢⵜ ⵏ ⵜⵏⵎⵓⵔⵓ  ⴳ ⵜⵍⴳⴰⵎⵜ ⵏ ⵜⵓⵜⵔⴰ, ⴰⵡⴷ ⵢⴰⵏ ⵓⵔ ⵉⵏⴰⴽⵕ ⵜⵉⵥⴹⴰⵕⵉⵏ ⵥⵉⵍⵏⵉⵏ ⵏ ⵡⴰⵎⵓⵏ ⴰⵖⵔⵎⴰⵏ ⴰⵎⵖⵔⵉⴱⵉ, ⵉⵙⵖⴰⵡⴰⵙ ⵙ ⵢⴰⵏ ⵓⵍⴰⵖⵎⵓ ⵍⵍⵉ ⵔⴰⴷ ⵉⵙⵎⵖⵔ ⵜⵉⵥⴹⴰⵕⵉⵏ ⴰⴷ ⵥⵉⵍⵏⵉⵏⴷ ⵜⵥⴹⴰⵕⵉⵏ ⵙⵎⴷⵏⵉⵏ ⴷ ⵓⵙⵎⴰⵜⵜⵉ ⵏⵏⵙⵏⵜ ⵙ ⵓⵙⴽⴽⵉⵔ ⴷ ⵜⵙⵓⴳⴰⵔ.

ⵓⵔ ⴳⵉⵙ ⵜⵓⵔⴷⴰ ⵎⴰⵙ ⴷ ⴰⵏⵏⵓⵕⵥⵎ ⵏ ⵓⵖⴰⵡⴰⵙ ⵏ ⵉⵙⵎⵓⵜⵜⴳⵏ ⵉⵎⵔⵙⵍⴰⵏⵏ ⴷ ⵉⵙⴰⵡⵓⵔⵏ, ⵔⴰⴷ ⵢⴰⵡⵙ ⴳ ⵜⵉⵍⵉⵜ ⵏ ⵡⴰⵡⵜⵜⴰⵙ ⴰⴷ, ⵉ ⵖⵎⴽ ⴰⵏⵏ, ⵔⴰⴷ ⵉⵕⵥⵎ ⵓⵙⵇⵇⵉⵎ ⵏ ⵉⵎⵓⵔⴰ ⴰⵖⴰⵡⴰⵙ ⴰⴷ ⵙ ⵓⵙⴽⵔ ⵏ ⵉⵙⵖⴰⵡⵏ ⵏⵏⵙ ⴳ ⵓⵙⴰⵜⵉ ⵏ ⵜⵙⵏⵜⴰⵢⵜ ⵏ ⵜⴷⵔⴰⵡⵜ ⵉ ⵜⵏⴱⴰⴹⵟ ⵉⵏⵏⵓⵕⵥⵎⵏ ⴷ ⵉⵎⴷⵔⴰⵡⵏ ⵢⴰⴹⵏⵉⵏ ⵉⴳⵔⴰⵖⵍⴰⵏⵏ.

ⵜⵣⴷⵉ ⵜⵎⵓⴽⵔⵉⵙⵜ ⵜⵉⵙ ⴽⵕⴰⴹⵜ ⴷ ⵓⵙⵡⵓⴷⴷⵓ ⵏ ⵓⵎⵢⴰⵡⴰⴹ ⴰⴽⴷ ⵜⵉⴳⵔⴰⵡⵉⵏ ⵏ ⵡⴰⵎⵓⵏ ⴰⴱⵔⵎⴰⵏ, ⴷ ⵜⵎⵔⵙⴰⵍ ⵣⴷⵉⵏⵉⵏ ⴷ ⵜⵓⵍⴽⵉⵎⵉⵏ ⵜⵉⵎⵏⵜⴰⵢⵉⵏ ⵙ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⵉ ⵓⵣⵣⵔⴰⴼ. ⵜⴰⵎⵓⴽⵔⵉⵙⵜ ⴰⴷ ⵓⵔ ⴰⴽⴽⵯ ⵜⵍⵍⵉ, ⵓⵔ ⴷ ⵜⵉⵎⵜⵜⵉⵡⵉⵏ, ⵉⵇⵇⴰⵏ ⴷ ⴰⴷ ⵜⵜ ⵏⵙⵉⵜⵜⵉ ⵙ ⵓⵙⵎⵖⵔ ⵏ ⵉⵡⵜⵜⴰⵙ ⵏ ⵓⴷⵓⵙⵜⵓⵔ ⴷ ⵜⵏⴰⴼⵜ ⵏ ⵡⴰⵎⵓⵏ.

ⵜⴰⵎⵓⴽⵔⵉⵙⵜ ⵜⵉⵙ ⴽⴽⵓⵥⵜ ⵜⴳⴰ ⵜⵉⵏ ⵓⵙⵎⵔⵙ ⵉⵥⵉⵍⵏ ⵏ ⵉⵏⵖⵎⵉⵙⵏ, ⵙⵍⴰⵡⴰⵏ ⴰⴽⴽⵯ ⵜⵉⵣⵣⵔⴰⴼⵉⵏ, ⴷ ⵓⵙⵎⵔⵙ ⵏ ⵜⴻⵜⵉⴽⵏⵓⵍⵓⵊⵉⵜ ⵏ ⵉⵏⵖⵎⵉⵙⵏ. ⵜⵉⵡⵉⵙⵉ ⴳ ⵓⵣⵣⵔⴰⴼ ⵙ ⵓⵅⴼⴰⵡⴰⵍ ⴷ ⵜⵙⵎⵓⵔⵜ ⵏ ⵉⵙⵍⴳⵏⵏ ⴼ ⵉⵙⵏⴼⴰⵔⵏ ⴷ ⵜⵙⵓⵎⵔⵉⵏ ⵏ ⵉⴹⵕⵉⵚⵏ ⵥⵍⵉⵏⵉⵏ ⵙ ⵜⴱⵔⵉⴷⵜ ⵏ ⵓⵣⵣⵔⴰⴼ. ⴷ ⵜⵓⵙⵙⵏⴰ ⵏ ⵉⴳⵔⴰⵏ ⵏ ⵓⵙⵍⴳⵏ ⴷ ⵡⵉⵏ ⵓⵙⵏⵎⴰⵍⴰ, ⴳⴰⵏ ⴰⴽⴽⵯ ⵉⵎⴰⵙⵙⵏ ⵏ ⵓⵚⴽⵓ ⵏ ⵜⵙⵏⵜⴰⵢⵉⵏ ⵏ ⵜⵏⵎⵓⵔⵉ, ⴳ ⵓⴷⵎ ⴷ ⵜⵓⵎⴰⵢⵜ, ⵙ ⵓⵙⴽⵔ ⵙ ⵓⵙⵍⴳⵏ.

ⴰⵔ ⵥⵔⵔⴰⵖ ⵎⴰⵙ ⴷ ⵉⴷⵖⴰⵔⵏ ⵉⵎⵔⵙⵍⴰⵏⵏ ⴰⵔ ⴰⴽⴽⴰⵏ ⵜⵓⵎⴰⵢⵉⵏ ⴷ ⵉⵎⴰⵏⴰⵔⵏ ⵉⵙⵖⵍⴰⵏⵏ ⴷ ⵉⵙⵉⴼⵉⵡⵏ ⵏ ⵉⴱⵔⵉⴷⵏ ⵜⵜⴰⵡⵙⵏⵉⵏ ⴳ ⵓⵙⵓⵊⴷ ⵏ ⵜⵙⵏⵜⴰⵢⵉⵏ ⵏ ⵓⵎⵓⵔⵙ ⵜⵜⴰⵡⵇⴱⴰⵍⵏⵉⵏ.

ⵜⴰⵎⵓⴽⵔⵉⵙⵜ ⵜⵉⵙ ⵙⵎⵎⵓⵙⵜ, ⵜⵣⴷⵉ ⴷ ⵜⵉⵕⵡⵉ ⵏ ⵓⵙⵜⴰⵢ ⵏ ⵜⵓⵎⴰⵢⵜ ⵏ ⵜⵙⵏⵜⴰⵢⵜ ⵏ ⵜⵏⵎⵓⵔⵉ (ⵜⵓⵍⴽⵉⵎⵜ ⵏⵖ ⵜⵓⵜⵔⴰ ⵉ ⵓⵣⵣⵔⴰⴼ), ⴷ ⵓⵎⵙⴰⵙⴰ ⵏⵏⵙ ⴷ ⵓⵙⵖⴰⵡⵙⴰ ⴰⵏⴰⵎⵓⵏ, ⴷ ⵓⵡⵇⵇⵔ ⵏⵏⵙ ⵉ ⵜⵎⵥⵍⵉⵜ, ⴷ ⵓⵙⵉⵜⵜⵉ ⵏ ⵜⵎⴰⵖⵜ ⵏ ⵜⵏⵓⴼⴰ ⴷ ⵜⵏⴰⴼⵜ ⵉⵥⵍⵉⵏ ⵉⴳⴰⵏ ⵖⴰⵙ ⵜⵉⵏ ⵢⴰⵜ ⵜⵙⴳⴰ, ⵜⵉⵖⴰⵡⵙⵉⵡⵉⵏ ⴰⴷ ⵉⵇⵇⴰⵏ ⴷ ⵓⴼⵓⴽⴽⴰ ⵏⵏⵙⵏⵜ ⵉⵖ ⵉⴼⵔⴽ ⵓⵎⵙⴽⴰⵔ ⵙ ⵜⵎⵥⵍⴰⵢⵉⵏ ⵏⵏⵙ: ⵎⴰⴷ ⵉⵍⵍⴰⵏ ⴼ ⵓⴽⴰⴱⴰⵕ, ⴷ ⵎⴰⴷ ⵉⵍⵍⴰⵏ ⴼ ⵜⴳⵔⴰⵡⵜ ⵜⴰⵖⵔⵎⴰⵏⵜ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵏⵎⵎⴰⵖ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⵏⵙⵙⵉⵅⴼⵜ ⴷ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵃⵎⴰ ⴰⴷ ⵢⵓⵊⵉⴷ ⵓⵙⴰⵜⵉ ⴷ ⵢⵓⵙⴰⵏ ⵉ ⵉⵎⵉⵣ ⵏ ⵜⵙⵏⵜⴰⵢⵉⵏ ⵏ ⵜⵏⵎⵓⵔⵉ ⵙ ⵓⵙⴰⵜⵉ ⵏ ⵉⵎⵏⵏⵉⵜⵏⵜ ⴳ ⵓⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ, ⴷ ⵓⵙⵏⵎⴰⵍⴰ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴳ ⵜⵍⵍⴰ ⵜⵓⵣⵍⵜ ⴷ ⵜⵓⴳⵜ, ⴷ ⵓⵙⴽⵔ ⵏ ⵜⵏⴰⴼⵜ ⴳ ⵜⵎⵙⵙⵓⴳⵓⵔⵜ ⵏ ⵓⵙⵇⵇⵉⵎ, ⵖⵉⵍⴰⴷ ⴷⴰ ⵏⵙⵡⵓⵔⵉ ⴼ ⵉⵎⵉⵙⵙ ⵏ ⵉⵏⵖⵎⵉⵙⵏ ⴰⵎⵓⵟⵟⵓⵏ ⵉ ⵓⵙⵡⵓⴷⴷⵓ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⵜⵜⴰⵡⵚⵕⴰⴼⵏⵉⵏ ⵉ ⵓⵙⵇⵇⵉⵎ.

ⵉⴳⴰ ⵓⵏⴰⵔⵓⵣ ⵏⵏⵖ ⵉⵛⵛⴰⵔ, ⴰⵏⵏⵓⵕⵥⵎ ⵏ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ ⴷ ⵜⵏⵎⵓⵔⵉ, ⵙⵍⴰⵡⴰⵏ ⴰⴽⴽⵯ ⴳ ⵜⵙⴳⴰ ⵉⵥⵍⵉⵏ ⴷⵙ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ, ⵍⵍⵉⵖ ⵉⵎⵎⴰⵖ ⵓⴳⵔⴰⵡ ⴰⵖⵔⵎⴰⵏ ⴰⴷ ⵉⵙⴽⵔ ⵜⵉⵍⴰⵍ ⵏ ⵓⵙⴰⵜⵉ ⵏ ⵜⵏⵙⵜⴰⵢⵉⵏ ⵏ ⵉⵏⵎⵓⵔⴰⵏ, ⴰⵢⵍⵍⵉ ⵉⵙⵙⵉⵎⵖⵓⵔⵏ ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ ⴷ ⵜⴳⵏⵙⴰⵙⵜ. ⵜⴰⵏⴰⵥⴰⵕⵜ ⵏⵏⵖ ⴰⴷ ⵟⵟⵉⴼⵏ ⵉⵣⵣⵔⴰⴼⵏⴰ ⴷ ⴰⴷⵔⵉⵣ ⴼ ⵓⵙⴽⵔ ⵏ ⵉⵣⵔⴼⴰⵏ ⵉⴷⵙⵜⴰⵔⵏ, ⴰⵢⵍⵍⵉ ⵔⴰⴷ ⵉⵜⵟⵟⵉⴼ ⵜⴰⵢⵢⴰⴼⵓⵜ ⵏⵏⵙ ⵉⵥⵉⵍⵏ ⴳ ⵜⵎⵢⵉⵎⴰⵏⵜ ⴳ ⵜⵎⵔⵙⴰⵍ.

ⴰⵔ ⴰⵡⵏ ⴰⵇⵇⵔⴰⵖ ⵙ ⵓⵎⴹⴰⴽⴰⵕ ⴷ ⵓⵏⵢⴰⵍⴽⴰⵎ ⵏ ⵡⴰⵙⵙ ⴰⴷ ⴰⴽⴷ ⵉⴳⵏⵙⴰⵙⵏ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴷ ⴰⴷ ⴰⵖⴷ ⵜⴼⴽⵉⵎ ⵜⵉⵙⵓⵎⴰⵔ ⵏⵏⵓⵏ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ. ⵅⴼ ⵎⴰⴷ ⵜⵥⵕⵕⴰⵎ ⵉⴳⴰ ⵓⵛⵉⵍ ⵃⵎⴰ ⴰⴷ ⵜⵉⵍⵉ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ ⴳ ⵎⴰⴷ ⵉⵥⵍⵉⵏ ⵙ ⵓⵙⵎⵓⵜⵜⴳ ⵓⵍⴰ ⴰⵙⴰⵜⵉ, ⴷ ⵜⴱⵔⵉⴷⵏ ⴷ ⵉⴱⵔⴷⴰⵏ ⴷ ⵓⵎⵢⴰⵡⴰⴹ ⴷ ⵉⵎⴰⵍ.

ⴳ ⵜⵙⴳⴰ ⵢⴰⴹⵏⵉⵏ, ⵉ ⵓⵙⵕⵚⵓ ⵏ ⵓⵏⵏⵓⵕⵥⵎ ⴼ ⵜⵎⵙⴽⵔⵜ ⵜⴰⵎⵣⴰⵣⴰⵍⵜ, ⵃⴰⴹⵕⵏ ⴷⵉⴷⵏⵖ ⵉⵎⵓⵣⴰⵢⵏ ⵙⴳ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ, ⴰⵔ ⴰⵡⵏ ⴰⵇⵔⴰⵖ ⴰⴷ ⵜⵉⵡⴹⵎ ⴷ ⵜⵎⵙⴽⴰⵔ ⵏⵏⵙⵏ ⴳ ⵜⵎⵉⵣⴰⵔ ⵏⵏⵙ, ⵎⵇⵇⴰⵔ ⵜⴻⵟⵟⴰⴼ ⴽⵓ ⵜⵎⴰⵣⵉⵔⵜ ⴰⵎⵏⴰⴹ ⵏⵏⵙ ⴰⵙⵔⵜⴰⵏ ⴷ ⵓⴷⵙⵜⴰⵔ ⴷ ⵓⵎⵔⵙⵍⴰⵏ ⴷ ⵜⵎⵢⵓⵔⵉⵏ ⵜⵉⴷⵉⵎⵓⵇⵔⴰⵟⵉⵢⵉⵏ ⴷ ⵜⵎⵔⵙⵍⴰⵏⵉⵏ, ⴷ ⵎⴰⴷ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⴳ ⵉⵣⵣⵔⴰⴼⵏ ⵢⴰⴹⵏⵉⵏ, ⴳⴰⵏⵜ ⵜⵉⵣⵣⵔⴰⴼⵉⵏ ⵜⵉⵎⵣⵡⵓⵔⴰ ⴷ ⵜⵉⵏ ⵜⵍⴻⵍⵍⵉ ⴳ ⵓⵎⴰⴹⴰⵍ, ⴰⵢⵍⵍⵉ ⵏⵉⵜ ⵉⵍⵍⴰⵏ ⴳ ⵉⵣⵔⴼⴰⵏ ⵢⴰⴷⵏⵉⵏ ⴼ ⵎⴰⵕⵕⴰ ⵉⵣⵔⴼⴰⵏ ⵏ ⵜⵓⴷⵔⵜ.

ⴳ ⵜⴳⵉⵔⴰ, ⴷⴰ ⵙⵙⴽⵜⵉⵖ ⵎⴰⵙ ⴷ ⴰⵏⴰⵡⵏ ⵏⵏⵖ ⴰⴷⵉⵎⵇⵔⴰⵟⵉ ⴷ ⵓⵎⵔⵙⵍⴰⵏ, ⵉⴳⴰ ⴰⵎⵎⴰⵙ ⴷ ⵜⵉⵍⴰⵍ ⵜⵜⴰⵡⴼⴽⴰⵏⵉⵏ ⵉ ⵡⴰⵎⵓⵏ ⴰⵖⵔⵎⴰⵏ, ⵉ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ ⴷ ⵜⵏⵎⵓⵔⵉ, ⴰⵔ ⵜⵜⴰⵍⵙⵖ ⵎⴰⵙ ⵔⴰⴷ ⵓⵔ ⵜⵉⵍⵉ ⴳ ⵓⴷⵖⴰⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⵔⵙⴰⵍⴰⵏⵜ ⵉⵟⵟⴰⴼⵏ ⵜⵉⵍⵍⵓⴳⵏⴰ ⵏⵏⵙ ⵙⴳ ⵉⵙⵜⴰⵢⵏ, ⵍⵍⵉⵖ ⵜⴳⴰ ⵜⵉⵔⴰⵜ ⵜⴰⵎⴷⴰⵏⵜⵏ ⵍⵍⵉ ⴷ ⵜⵜⴰⵡⵉⵏ ⵉⵙⵜⴰⵢⵏ, ⴰⵔ ⵜⵜⴰⵍⵙⵖ ⵎⴰⵙ ⴷ ⵜⴰⴷⵉⵎⵓⵇⵔⴰⵟⵉⵜ ⵏ ⵜⴰⵙⵓⵜ ⵏ 21, ⵜⵣⴷⵉ ⴷ ⵓⵏⵏⵓⵕⵣⵎ ⴼ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵢⵉⵏ ⴷ ⵓⵙⴷⵔⵓ ⵏ ⵡⴰⵎⵓⵏ ⴰⵖⵔⵎⴰⵏ, ⵉⵜⵜⵓⵙⵙⵏⵏ ⵙ ⵜⵉⵍⵉⵜ ⵏⵏⵙ ⴷ ⵜⵡⵡⵓⵔⵉ ⵏⵏⵙ ⵙ ⵡⴰⴷⴰⵙ ⴷ ⵜⵉⵍⵉⵜ ⵜⴰⴷⵖⴰⵔⴰⵏⵜ ⴷ ⵜⵉⴹⴰⴼ.

ⴷⴰ ⵙⵔⵓⵏ ⵙⴱⵔⵔⴽⵖ ⵎⴰⵕⵕⴰ, ⴰⵎⵓⵔⵙ ⵉ ⵓⵏⵎⵓⵇⵇⴰⵔ ⴰⴷ.