ⴰⵔⵣⴰⴼ ⵏ ⵜⵡⵡⵓⵔⵉ ⵉ ⵏⵏⴰⵎⵙⴰ ⵏ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ

ⵜⵙⴽⵔ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ, ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕ, ⴰⵔⵣⴰⴷ ⵏ ⵜⵡⵡⵓⵔⵉ ⵉ ⵏⵏⴰⵎⵙⴰ ⴳ 15 ⴰⵔ 19 ⵉⵏⵏⴰⵢⵔ, ⵜⵎⵏⵉⵇⵇⵉⵔ ⴷ ⵉⵎⴰⵙⴰⵢⵏ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⵊⴰⵔ ⵜⵉⵎⵉⵣⴰⵔ ⴳ ⵉⴳⵔⴰⵏ ⵛⵛⴰⵔⵏⵉⵏ.

ⴰⵏⵎⵓⵇⵇⴰⵔⴷⵉⵎⴰⵙⴰⵢⵏⵉⴱⴰⵕⵍⴰⵎⴰⵏⵉⵢⵏ

ⵜⵎⵏⴰⵇⵇⴰⵔ ⵎⴰⵙⵙⴰ ⵜⴰⵏⵙⵙⵉⵅⴼⵜ ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴷ ⵎⴰⵙⵙ ⵏⵉⴽⵓ ⵎⴰⵔⵛⵉⵜⵉ, ⴰⴳⵎⴰⵎ ⵏ ⵓⴱⵕⵍⴰⵎⴰⵏ ⵏ ⵏⵏⴰⵎⵙⴰ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵏ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵏⵏⴰⵎⵙⴰ, ⵙ ⵜⵉⵍⵉⵜ ⵏ ⵎⴰⵙⵙⴰ ⵎⵓⵏⵉⴽⴰ ⵔⵉⵏⵉⵔ ⵙⴳ ⵓⴽⴰⴱⴰⵕ ⵏ ⵓⵎⴰⴷⴰⵏ, ⴷ ⵎⴰⵙⵙ ⵊⵓⵕⵊ ⵙⵜⴰⵔⵙⴰⵔ ⴰⴳⵎⴰⵎ ⵏ ⵓⴱⵕⵍⴰⵎⴰⵏ, ⵜⵙⴷⴷⵉⴷ ⴼ ⵜⵣⴷⴰⵢⵉⵏ ⴷⵓⵙⵏⵉⵏ ⵊⴰⵔ ⵏⵏⴰⵎⵙ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⵍⵍⵉ ⵍⴽⵎⵏⵉⵏ 240 ⵏ ⵓⵙⴳⴳⵯⴰⵙ, ⵜⵉⵏⵉ ⵎⴰⵙ ⵜⵓⵊⴰⴷ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⵉ ⵓⵎⵢⴰⵡⴰⵙ ⵉⵛⵛⴰⵔⵏ ⵊⴰⵔ ⵙⵉⵏ ⵉⴱⵕⵍⴰⵎⴰⵏⵏ.

ⵖⵎⴽ ⵍⵍⵉ ⵜⵙⴷⴷⵉⴷ ⴼ ⵓⵙⵜⴰⵢ ⴰⴷⵉⵎⵓⵇⵔⴰⵟⵉ ⵏ ⵍⵎⵖⵔⵉⴱ ⵍⵍⵉ ⵉⴳⴰⵏ ⵜⴰⵔⵙⵍⵜ ⵜⴰⴷⵙⵜⴰⵔⵜ ⵏ ⵜⴳⵍⴷⵉⵜ, ⵜⵙⵎⵏⵉⴷ ⵓⵍⴰ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵏ ⵜⴳⵍⴷⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⴳ ⵓⵙⴽⵔ ⵏ ⵓⵡⴰⵏⴽ ⴰⵏⴰⵎⵓⵏ, ⵜⵉⵏⵉ ⵎⴰⵙ ⵜⴳⴰ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴰⵏⴰⵡ ⵉⵥⵉⵍⵏ ⴳ ⵜⵙⴳⴰ ⵜⴰⵄⵕⴰⴱⵜ ⴷ ⵜⴰⴼⵔⵉⵇⵉⵜ, ⴰⵢⵍⵍⵉ ⵏⵉⵜ ⵎⵎⴰⵍⴰⵏ ⵉⵙⵜⴰⵢⵏ ⴳⴳⵓⵔⴰⵏⵉⵏ. ⵜⵙⴰⵡⵍ ⴼ ⵜⵖⴰⵔⴰⵙⵜ ⵏ ⵓⵙⵡⵓⵔⵉ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵜⵡⵡⵓⵔⵉⵡⵉⵏ ⴳ ⵓⵎⵏⵉⴷ ⵏ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ.

ⴰⵏⵎⵓⵇⵇⴰⵔⴷⵓⵏⵙⵙⵉⵅⴼⵏⵓⵙⵇⵇⵉⵎⴰⵏⴰⵎⵓⵔⵏⵏⵏⴰⵎⵙⴰ

ⵜⵎⵏⴰⵇⵇⴰⵔ ⵎⴰⵙⵙⴰ ⵜⴰⵏⵙⵙⵉⵅⴼⵜ ⴷ ⵎⴰⵙⵙ ⵡⵓⵍⴼⴰⵏⴳ ⵙⵓⴱⵓⵜⴽⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵏⵏⴰⵎⵙⴰ, ⵙ ⵜⵉⵍⵉⵜ ⵏ ⵎⴰⵙⵙ ⵎⴰⵔⵉ ⵜⵉⵔⵉⵣ ⵉⵔⵎⵊⵉⵣ, ⵙⴳ ⵜⵎⴰⵡⴰⵙⵜ ⵜⴰⴼⵉⴷⵉⵕⴰⵍⵉⵜ ⵏ ⵜⵖⴰⵡⵙⵉⵡⵉⵏ ⵏ ⵓⵕⵓⴱⴱⴰ ⴷ ⵜⴳⵔⴰⵖⵍⴰⵏⵉⵏ, ⴷ ⵎⴰⵙⵙ ⴼⵍⵓⵔⵢⴰⵏ ⴼⵔⵓⵛⵔ, ⴰⵎⴰⵔⵉ ⵏ ⵓⵎⴰⵡⵙⴰⵙ ⵏ ⵜⵡⵡⵓⵔⵉ ⴷ ⵜⴷⵎⵙⴰ ⴳ ⵏⵏⴰⵎⵙⴰ, ⵜⵙⴷⴷⵉⴷ ⵏ ⵓⵏⵏⵓⵕⵥⵎ ⵏ ⵍⵎⵖⵔⵉⴱ ⴼ ⵜⵉⵔⵎⵉⵜⵉⵏ ⵜⵉⴷⵉⵎⵓⵇⵔⴰⵟⵉⵢⵉⵏ ⵏ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ ⵉ ⵓⵎⵢⴰⵡⴰⵙ ⵉⵛⵛⴰⵔⵏ, ⵜⵉⵏⵉ ⵎⴰⵙ ⵉⵥⵉⵍ ⵓⴷⵖⴰⵔ ⵏ ⵏⵏⴰⵎⵙⴰ ⴷⴰⵔ ⵍⵎⵖⵔⵉⴱ. ⵜⵉⵏⵉ ⵎⴰⵙ ⵔⴰⴷ ⵉⴳ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴳ ⵚⴰⵃⴰ ⵏ ⵜⵎⵉⵣⴰⵔ ⴷ ⵉⵎⴰⴷⴰⵏⵏ.

ⵜⵙⴰⵡⵍ ⵓⵍⴰ ⴼ ⵓⴷⵖⴰⵔ ⵉⵥⵉⵍⵏ ⵉⵍⵍⴰⵏ ⴷⴰⵔ ⵍⵎⵖⵔⵉⴱ ⵍⵍⵉ ⵉⴳⴰⵏ ⵜⴰⵎⴰⵣⵉⵔⵜ ⴳ ⵍⵍⴰⵏⵜ ⵜⵥⴹⴰⵕⵉⵏ ⵏ ⵓⵙⵙⴰⵔⵓ ⵙ ⵜⵓⵚⴽⵉⵡⵉⵏ ⵏⵏⵙ ⴷ ⵓⵔⴳⴳⵉⴳ ⵏⵏⵙ ⴷ ⵓⵏⵣⵉ ⵏⵏⵙ ⴰⵙⵔⵜⴰⵏ ⴷ ⵓⵏⴰⵎⵓⵏ ⵉⴼⵓⵍⴽⵉⵏ, ⵉⴳ ⵓⵍⴰ ⵜⴰⵡⵡⵓⵔⵜ ⵙ ⵓⵙⵙⴰⵔⵓ ⵙ ⵉⴼⵔⵉⵇⵢⴰ, ⴷ ⵓⴷⵖⴰⵔ ⵏⵏⵙ ⴰⴽⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⵉⴳⴰⵏ ⴰⵎⴷⵔⴰⵡ ⵏⵏⵙ ⴰⵙⵜⵔⴰⵜⵉⵊⵉ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵜⵔⴰⵜⵉⵊⵉⵏ ⵊⴰⵔ ⵍⵎⵖⵔⵉⴱ ⴷ ⵏⵏⴰⵎⵙⴰ ⴷ ⵉⵡⴰⵏⴽⵏ ⵉⴼⵔⵉⵇⵉⵢⵏ ⴳ ⵉⴼⴼⵓⵙ ⵏ ⵜⵏⵣⵔⵓⴼⵜ.

ⵖⵎⴽ ⵍⵍⵉ ⵜⵙⴰⵡⵍ ⵎⴰⵙⵙⴰ ⵜⴰⵏⵙⵙⵉⵅⴼⵜ ⴼ ⵉⵙⵡⵓⴷⴷⵓⵜⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵓⵙⵙⴰⵔⵓ ⴷ ⵉⵎⵓⴽⵏⵏ ⴳ ⵢⵉⴳⵔ ⴰⴷⵎⵙⴰⵏ ⴰⵢⵍⵍⵉ ⵢⵉⵡⵙⵏ ⴳ ⵓⵙⵖⵓⴷⵓ ⵏ ⵓⵙⵓⵔⵙ ⴰⴷⵎⵙⴰⵏ ⵏ ⵜⵎⴰⵣⵉⵔⵜ ⴷ ⵓⵙⴷⵓⵙ ⵏ ⵓⵏⵏⵓⵕⵥⵎ ⴷ ⵓⵎⵃⵉⵣⵡⴰⵔ ⵏ ⵜⴷⵎⵙⴰ ⵜⴰⵏⴰⵎⵓⵔⵜ ⴳ ⵓⴳⴰⴷⴰⵣ ⴰⴳⵔⴰⵖⵍⴰⵏ, ⴰⵢⵍⵍⵉ ⵉⵜⵜⵓⵙⴽⴰⵔⵏ ⵙ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ ⴷ ⵓⵙⵏⴼⵍ ⵉⵍⵍⴰⵏ ⵊⴰⵔ ⵍⵎⵖⵔⵉⴱ ⴷ ⵉⵎⴷⵔⴰⵡ ⵏⵏⵙ ⴷ ⵓⵙⵙⵔⵇⴱ ⵏ ⵜⵙⵏⵜⴰⵢⵜ ⵜⵉⵍⵍⴻⵍⵍⵉⵜ ⴷ ⵓⵙⵡⵓⴷⴷⵓ ⵡⴰⵔⴰⵏⵏⴰⵎⴰⵙ ⵏ ⵓⵙⵙⴰⵔⵓ ⴳ ⵓⵙⴰⵜⵉ ⵏ ⵜⵎⵏⴹⴰⵡⵜ ⵉⵣⵣⵉⴳⵣⵏ ⵍⵍⵉ ⵉⵙⴽⵔ ⵍⵎⵖⵔⵉⴱ ⵉ ⵓⵣⵣⴳⵉⵔ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ.

ⴰⵏⵎⵓⵇⵇⴰⵔⴷⵓⵏⵙⵙⵉⵅⴼⵏⵓⵙⵉⵏⴰⴳⴰⴳⵔⴰⵖⵍⴰⵏⵉⵓⴼⵔⴰⴳⴼⵢⵉⵏⵏⴰ

ⴳ ⵜⴳⵉⵔⴰ, ⵜⵎⵎⴰⵇⵇⴰⵔ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⴷ ⵎⴰⵙⵙ ⵀⴰⵏⵣ ⵙⵓⴱⵓⴷⴰ ⴰⵏⵙⵙⵉⵅⴼ ⵏ ⵓⵙⵉⵏⴰⴳ ⴰⴳⵔⴰⵖⵍⴰⵏ ⵉ ⵓⴼⵔⴰ ⴳ ⴼⵢⵉⵏⵏⴰ, ⵉⴳⴰ ⵜⵎⴰⵍⴷⴰ ⵏ ⵜⵓⵙⵙⵏⴰ ⵏ ⵓⵙⵉⵏⴰⴳ ⴰⴳ ⴳ ⵓⵎⵏⵉⴷ ⵏ ⵓⵙⵕⵚⵓ ⵏ ⵓⴼⵔⴰ ⵊⴰⵔ ⵉⵎⴰⴷⴰⵏⵏ ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵏⴰⵡ ⵏ ⵓⵎⵙⵓⵔⵓⴼ ⴷ ⵜⵍⴻⵍⵍⵉ ⴷ ⵜⵎⵢⵉⴷⵉⵔⵜ.

ⵉⵎⵓⵏ ⴷ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⵎⴰⵙⵙ ⵄⴰⵣⴷⴷⵉⵏ ⴼⵕⵃⴰⵏ ⴰⵎⵙⵇⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵏⵏⴰⵎⵙⴰ.

ⴳ 14 ⴰⵔ 17 ⴷⵓⵊⴰⵏⴱⵉⵔ 2022, ⵉⵙⴽⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ  ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵔⵣⴰⴼ ⵏ ⵜⵡⵡⵓⵔⵉ ⴷ ⵜⴷⴷⵓⴽⴽⵯⵍⴰ ⵉ ⵏⵏⴰⵎⵙⴰ ⵙ ⵜⵖⵔⵉ ⵏ ⵓⵏⴳⴳⵯⵓ ⵏⵏⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵎⴰⵙⵙ Wolfgang Sobotka.