ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵔⵣⴰⴼ ⴰⵎⴰⴷⴷⵓⴷ ⵉ ⵜⴳⴷⵓⴷⴰⵏⵜ ⵏ ⵏⵏⴰⵎⵙⴰ

ⵉⵔⵣⴼ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ 14 ⴰⵔ 17 ⴷⵓⵊⴰⵏⴱⵉⵔ 2022 ⵜⴰⴳⴷⵓⴷⴰⵏⵜ ⵏ ⵏⵏⵎⵙⴰ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⴷ ⵜⴷⴷⵉⴽⴽⵯⵍⴰ, ⵙ ⵜⵖⵔⵉ ⵏ ⵓⵏⴳⴳⵯⵓ ⵏⵏⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵎⴰⵙⵙ Wolfgang Sobotka.

ⵉⴳⴰ ⵓⵔⵣⴰⴼ ⴰⴷ ⴰⵎⵣⵡⴰⵔⵓ ⵍⵍⵉ ⵉⵙⴽⵔ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵜⴰⵄⵕⴰⴱⵜ ⴷ ⵜⴼⵔⵉⵇⵉⵜ ⵉ ⵓⴱⵕⵍⴰⵎⴰⵏ ⵏ ⵏⵏⴰⵎⵙⴰ, ⵜⵉⵍⵉ ⵙ ⵜⵎⵍⴷⴰ ⵏ ⵓⴽⵜⵜⵓⵢ ⵡⵉⵙ 240 ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵏⵏⴰⵎⵙⴰ ⵍⵍⵉ ⵔⴰⴷ ⵢⵉⵍⵉ ⴳ 28 ⴱⵕⴰⵢⵕ 2023, ⵔⴰⴷ ⵢⵉⵍⵉ ⵓⵙⵉⵡⴹ ⵉⵛⵛⴰⵔⵏ ⵏ ⵙⵉⵏ ⵉⵙⵇⵇⵉⵎ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ.

ⵔⴰⴷ ⵢⵉⵍⵉ ⵓⵔⵣⴰⴼ ⴰⴷ ⴰⵎⵣⵡⴰⵔⵓ ⴼ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⴷ ⵜⴳⵯⵎⴰⵜ ⵜⴰⴱⵕⵍⴰⵎⴰⵏⵉⵜ ⵊⴰⵔ ⵓⵙⵇⵇⵉⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ ⵙ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⵎⵙⵙⵓⴳⵓⵔⵉⵏ ⴷ ⵓⵙⴷⵙⵓ ⵏ ⵓⵎⵢⴰⵡⴰⴹ ⴰⴱⵕⵍⴰⵎⴰⵏⵉ ⵉⵕⵡⴰⵏ ⵙ ⵓⵙⴽⵔ ⵏ ⵉⵏⵎⵓⵇⵇⴰⵔⵏ ⴷ ⵓⵣⴷⴰⵢ ⴳ ⵉⵙⵡⵉⵔⵏ ⴰⵙⴳⴰⵡⴰⵏ ⴷ ⵓⵏⵎⵏⴰⴹ.

ⵔⴰⴷ ⵉⴳ ⵓⵔⵣⴰⴼ ⴰⴷ ⵜⴰⵎⵍⴷⴰ ⵏ ⵜⵓⵙⵙⵏⴰ ⵏ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵏ ⵍⵎⵖⵔⵉⴱ ⴳ ⵓⴷⵓⵙⵜⵓⵔ ⵏ 2011, ⴷ ⵜⵎⵥⵍⵉⵜ ⵏ ⵜⵎⵔⵙⴰⵍ ⵜⵉⵙⵔⵜⴰⵏⵉⵏ ⴷ ⵜⴷⵙⵜⴰⵔⵉⵏ ⵏⵏⵙ ⴷ ⵓⴱⵟⵟⵓ ⵊⴰⵔ ⵜⵉⵏⴱⴰⴹⵉⵏ ⴷ ⵜⵎⵙⴰⵔⵜ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵍⵎⵖⵔⵉⴱ ⵙ ⵓⵙⵏⴰⵍ ⵏⵏⵙ ⴷ ⵓⵎⵎⵉⵥⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵉⵙⴰⵡⵓⵔⵏ ⵏⵏⵙ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵙ ⴰⴷ ⵜ ⵉⵏⵚⵕ ⵕⴱⴱ.

ⵢⵓⵎⴰ ⵓⵖⴰⵡⴰⵙ ⵏ ⵓⵔⵣⴰⴼ ⵉⵎⵓⵇⵇⴰⵔⵏ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⴷ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵏⵏⴰⵎⵙⴰ ⵉⵥⵥⵍⵎⴹ ⵏ ⵉⴼⵔⵉⵇⵢⴰ, ⴷ ⵜⵓⵙⵙⵏⴰ ⵏ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵏ ⵏⵏⴰⵎⵙⴰ ⴷ ⵜⵉⵍⵉⵜ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⴷ ⵉⵔⵣⴰⴼⵏ  ⵉ ⵜⵓⵙⵙⵏⴰ ⵏ ⵜⵉⵔⵎⵉⵜ ⵜⴰⵙⵔⵜⴰⵏⵜ ⴷ ⵜⴷⵙⴰⵜⵔⵜ ⴳ ⴼⵢⵉⵏⵏⴰ0

ⵖⵎⴽ ⵍⵍⵉ ⵔⴰⴷ ⵉⵙⴽⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵉⵎⴷⴰⴽⴰⵕⵏ ⴷ ⵓⵎⴰⵡⵙⴰⵙ ⴰⴼⵉⴷⵉⵕⴰⵍⵉ ⵉ ⵜⵖⴰⵡⵙⵉⵡⵉⵏ ⵏ ⵓⵕⵓⴱⴱⴰ ⴷ ⵜⴳⵔⴰⵖⵍⴰⵏⵉⵏ ⵎⴰⵙⵙ Alexander Schallenberg  ⴼ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴷⵎⵙⴰⵏⵉⵏ ⴷ ⵜⴷⵍⵙⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⵔ ⴷ ⵜⵎⵙⴰⵔⵉⵏ ⵢⴰⴹⵏⵉⵏ ⵛⵛⴰⵔⵏⵉⵏ, ⵙ ⵜⵉⵍⵉⵜ ⵏ ⵎⴰⵙⵙ ⵄⴰⵣⵣⴷⴷⵉⵏ ⴼⵕⵃⴰⵏ ⴰⵎⵙⵇⵇⴰⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⴼⵢⵉⵏⵏⴰ.

ⵉⴳⴰ ⵓⵙⵇⵇⵉⵎ ⴰⵏⴰⵎⵓⵔ ⵙⴳ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⵏ ⵏⵏⴰⵎⵙⴰ  ⵏⵜⵜⴰⵏ ⴷ ⵓⵙⵇⵇⵉⵎ ⴰⵏⴰⵎⵓⵏ. ⴳⵉⵙ 183 ⵏ ⵓⴳⵎⴰⵎⴰ ⵜⵜⵓⵙⵜⴰⵢⵏ ⵙ ⵜⴳⵯⵏⵙⴰⵙⵜ ⵜⴰⵙⵖⵍⴰⵏⵜ ⴳ ⵉⵙⵜⴰⵢⵏ ⵉⵎⴰⵜⴰⵢⵏ ⵉ ⵙⵎⵎⵓⵙ ⵉⵙⴳⴳⵯⴰⵙⵏ.