ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⴰⴽⴰⴱⴰⵕ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵉ ⵜⴷⵓⵙⵉ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ
ⵉⵙⵏⵓⴱⴳ ⵎⴰⵙⵙ ⵃⴰⵎⵉⴷ ⵏⵓⵖⵓ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ, ⴰⴽⵕⴰⵙ 7 ⴷⵓⵊⴰⵏⴱⵉⵔ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⴰⴽⴰⴱⴰⵔ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵉ ⵜⴷⵓⵙⵉ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵜⵎⴰⵣⵉⵔⵜ ⵏⵏⵖ. ⵢⵉⵍⵉ ⵓⵎⴹⴰⴽⴰⵕ ⴼ ⵓⵏⴳⵔⴰⵡ ⴰⴷⵓⵙⴰⵏ ⴳ ⵍⵎⵖⵔⵉⴱ ⴷ ⵜⵛⵉⴽ.
ⵉⵙⴰⵡⵍ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵎⴰⵙ ⵉⵎⵎⴰⵇⵇⴰⵔ ⵓⵔⵣⴰⴷ ⵏ ⵓⴽⴰⴱⴰⵔ ⵏ ⵜⵛⵉⴽ ⴷ ⵓⵙⴰⵡⵓⵔ ⴰⵅⴰⵜⴰⵔ ⵏ ⵓⴼⵔⴰⴳ ⴰⵏⴰⵎⵓⵏ ⵍⵍⵉ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵉⵏⴰⵡ ⵏⵏⵙ ⴰⵎⴰⵜⵜⵓⵢ ⴷⴰⵜ ⵏ ⵓⴱⵕⵍⴰⵎⴰⵏ ⴳ 2022, ⴳ ⵉⵙⴰⵡⵍ ⴼ ⵜⵓⵎⴰⵢⵜ ⵏ ⵓⵙⴰⵡⵓⵔ ⴰⴷ ⵉⵙⵜⴰⵡⵀⵎⵎⴰⵏ.
ⵉⵙⵎⵏⵉⴷ ⵎⴰⵙⵙ ⴰⵏⵙⵙⵉⵅⴼ ⵓⵍⴰ ⴰⵙⵍⴳⵏ ⴰⵙⴰⵜⵉ ⵏ ⵓⴼⵔⴰⴳ ⴰⵏⴰⵎⵓⵏ ⵍⵍⵉ ⵉⵙⵖⵣⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⵙⵏⴼⵍⵏ ⵏ ⵓⵙⵍⴳⵏ ⴰⴷⵓⵙⴰⵏ ⴷ ⵓⵙⵏⴼⴰⵔ ⵏ ⵓⵙⵍⴳⵏ ⴰⵙⴰⵜⵉ ⵉⵣⴷⵉⵏ ⴷ ⵓⵏⴳⵔⴰⵡ ⴰⴷⵓⵙⴰⵏ ⵍⵍⵉ ⵜⵙⵖⵣⵏ ⵜⵙⵇⵇⵉⵎⵜ.
ⵖⵎⴽ ⵍⵍⵉ ⵉⵙⵎⵏⵉⴷ ⵉⵎⵓⴽⵏⵏ ⵏ ⵜⵎⴰⵣⵉⵔⵜ ⵏⵏⵖ ⴳ ⵎⴰⴷ ⵉⵥⵍⵉⵏ ⴷ ⵉⴷⵖⴰⵔⵏ ⵏ ⵓⵙⵏⵉⵊⵊⵉ ⴷ ⵉⵙⵓⴳⴰⵎ ⵉⵏⴼⴳⴰⵏⵏ ⴷ ⵜⵎⵓⵟⵟⵏⵜ ⴷ ⵜⵏⵏⵓⴱⴹⴰ ⵉⵥⵉⵍⵏ ⵏ ⵢⵉⴳⵔ ⴰⴷⵓⵙⴰⵏ, ⴷ ⵓⵙⵔⵙ ⵏ ⵜⴽⵕⴹⴰ ⵜⴰⴷⵓⵙⴰⵏⵜ ⵜⴰⵏⴰⵎⵓⵔⵜ ⵉ ⵓⵙⴽⵔ ⵏ ⵜⵣⵔⴼⵜ ⴳ ⵜⵏⵓⴼⴰ ⵜⵉⴷⵓⵙⴰⵏⵉⵏ ⵉ ⵉⵏⵎⵓⵔⴰⵏ.
ⴳ ⵓⵎⵏⵉⴷ ⵏⵏⵙ ⵜⵏⵏⴰ ⵎⴰⵙⵙⴰ Zdenka NÉMECKOVÁ CRKVENJAŠ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⴷⵓⵙⵉ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵛⵉⴽ ⵎⴰⵙ ⵓⵊⴰⴷⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵜⵉⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ. ⵖⵎⴽ ⵍⵍⵉ ⵜⵖⵔⴰ ⵉ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵉⴳⵔⴰⵏ ⵉⵏⴰⵎⵓⵏⵏ ⵉ ⵓⵔⵣⴰⴼ ⵏ ⵜⵎⴰⵣⵉⵔⵜ ⵏⵏⵙ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ.
ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵓⵏⵙⵙⵉⵅⴼ ⵏ ⵜⵛⵉⴽ ⴳ ⵕⵕⴱⴰⵟ ⵎⴰⵙⵙ Ladislav ŠKERIK.