ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⴰⵅⴰⵜⴰⵔ ⵙⴳ ⵓⵕⵓⴳⵡⴰⵢ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 5 ⴷⵓⵊⴰⵏⴱⵉⵔ, ⴰⴽⴰⴱⴰⵕ ⵙⴳ ⵓⵕⵓⴳⵡⴰⵢ, ⴳⵉⵙ ⵉⴳⵎⴰⵎⵏ ⵏ ⵉⵙⵇⵇⵉⵎⵏ ⵏ ⵓⴽⵓⵏⴳⵕⵉⵚ ⴷ ⵉⵎⵙⵜⴰⵢⵏ ⵓⵏⴱⵉⴹⵏ ⴷ ⵉⵎⵙⴽⴰⵔⵏ ⵉⴷⵎⵙⴰⵏⵏ ⴷ ⵉⵏⵙⴱⴰⴱⵏ, ⵙ ⵜⵙⵙⵉⵅⴼⵜ ⵏ ⵎⴰⵙⵙ Jorge Osvaldo Gandini Astesiano ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵍⵎⵖⵔⵉⴱ ⵃⵎⴰ ⴰⴷ ⵉⴷⵔⵓ ⴳ ⵓⵏⵎⵓⵇⵇⴰⵔ ⴰⴷⵎⵙⴰⵏ ⵓⵕⵓⵏⴰⵎⵎⴰⵙ ⴷ ⵡⵉⵏ ⵍⵅⴰⵍⵉⵊ ⵏ ⵓⴱⵕⵍⴰⵎⴰⵏ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ ⵍⵍⵉ ⵔⴰⴷ ⵉⵙⵏⴰⵍⴰ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵡⴰⵎⵓⵔ ⵏ ⵡⴰⴽⵓⵛ ⴳ 7 ⴷ 8 ⴷⵓⵊⴰⵏⴱⵉⵔ.

ⵉⵍⵍⴰ ⵓⵎⴹⴰⴽⴰⵕ ⴼ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵊⴰⵔ ⵜⵉⵎⵉⵣⴰⵔ, ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵉ ⵓⵙⵓⵙⴼⵉⵡ ⵏ ⵡⴰⴷⴷⴰⴷⵏ ⴷ ⵓⵕⵥⵥⵓⵎ ⵏ ⵏⵜⴼⵓⵍⵜ ⵜⴰⵎⴰⵢⵏⵓⵜ ⵊⴰⵔ ⵍⵎⵖⵔⵉⴱ ⴷ ⵓⵕⵓⴳⵡⴰⵢ ⵉⴱⴷⴷⵏ ⴼ ⵓⵡⵡⵇⵔ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵜⵅⵅⵓⵜⵔⴰ ⵏ ⵉⵡⴰⵏⴽⵏ.  ⵖⵎⴽ ⴰⵏⵏ ⴷ ⵡⴰⵜⵉⴳ ⵏ ⵍⵎⵖⵔⵉⴱ ⵉ ⵓⵕⵓⴳⵡⴰⵢ ⴷ ⵜⴰⵡⵓⵔⵜ ⵉ ⵉⴼⵔⵉⵇⵢⴰ, ⴷ ⵓⵕⵓⴳⵡⴰⵢ ⵉ ⵍⵎⵖⵔⵉⴱ ⴷ ⵜⴰⵡⵡⵓⵔⵜ ⵙ ⵎⴰⵔⵉⴽⴰⵏ ⵏ ⵉⴼⴼⵓⵙ.

ⴳ ⵜⵣⵡⵉⵔⵉ, ⵉⵙⵏⵉⵎⵎⵔ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙⵙ Jorge Osvaldo Gandini Astesiano ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵓⵕⵓⴳⵡⴰⵢ ⴷ ⵓⴽⴰⴱⴰⵕ ⵏⵏⵙ ⴼ ⵓⵔⵣⴰⴼ ⵉⵡⴰⵜⵜⵙⵏ ⴰⵎⵢⴰⴷⴰⵙ ⵏ ⵜⴰⵏⵏⴰⵢⵢⵉⵏ ⴷ ⵓⵙⴷⵓⵙ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⵉⵛⵛⴰⵔⵏ, ⴷ ⵓⵙⵉⵙⴼⵉⵡ ⵏ ⵡⴰⴷⴷⴰⴷⵏ. ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵎⵎⵉⵥⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⴽⵉⴳⴰⵏ ⵏ ⵉⴳⵔⴰⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵜⵣⵣⵉⴳⵣⵜ ⵏ ⵜⵎⵙⴰⵔⵜ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵓⵙⵏⴰⵍ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ ⵍⵍⵉ ⴷⴰⵔⵙ, ⴷ ⵉⵙⴰⵡⵓⵔⵏ ⵓⵏⴳⵉⵎⵏ ⵍⵍⴰⵏⵉⵏ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵍⵍⵉ ⴳⴰⵏⴰⵉⵏ ⴰⵙⴰⵖⵓⵍ ⴳ ⴽⵉⴳⴰⵏ ⵏ ⵉⴳⵔⴰⵏ ⵓⴷⴷⵉⵔⵏ.

ⴳ ⵓⵎⵏⵉⴷ ⵏⵏⵙ ⵉⵙⵏⵉⵎⵎⵔ ⵎⴰⵙⵙ Jorge Osvaldo Gandini Astesiano  ⴷ ⵓⴽⴰⴱⴰⵕ ⵏⵏⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵙⵏⵓⴱⴳ ⴷ ⵓⵎⵙⴰⵡⴰⵍ  ⵉⵕⵡⴰⵏ, ⵢⵉⵏⵉ ⵎⴰⵙ ⵉⵎⵎⴰⵍ ⵓⴽⴰⴱⴰⵕ ⴰⴷ ⵜⵉⵔⴰⵜ ⵉ ⵓⵕⵥⵥⵓⵎ ⵏ ⵜⵏⴼⵓⵍⵜ ⵜⴰⵎⴰⵢⵏⵓⵜ ⴳ ⵜⵣⴷⴰⵢⵉⵏ ⵊⴰⵔ ⵜⵉⵎⵉⵣⴰⵔ ⴷ ⵓⵙⴷⵓⵙ ⵏⵏⵙⵏⵜ ⴳ ⵉⵙⵡⵉⵔⵏ ⴰⵙⵔⵜⴰⵏ ⴷ ⵓⴷⵎⵙⴰⵏ ⴷ ⵓⴱⵕⵍⴰⵎⴰⵏⵉ, ⵙⴷⴷⵉⴷⵏ ⵎⴰⵙ ⵉⵎⵙⴰⵙⴰ ⵓⴽⵓⵏⴳⵕⵉⵚ ⵙ  ⵙⵉⵏ ⵉⵙⵇⵇⵉⵎⵏ ⵉ ⵓⵙⴽⵔ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ(ⵓⵕⵓⴳⵡⴰⵢ ⵍⵍⵉⵖ ⵉⴼⵔⴽ ⵙ ⵡⴰⵜⵉⴳ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵙⴽⵔ ⵏ ⵓⵎⵢⴰⵡⴰⴹ ⴰⵙⵓⵍⴰⵏ.

ⵉⵙⴷⴷⵉⴷ ⵓⴽⴰⴱⴰⵕ ⵏ ⵓⵕⵓⴳⵡⴰⵢ ⴼ ⵓⵛⵛⵉⵍ ⵏ ⵓⵣⵔⴰⵢ ⵏ ⵓⵎⵣⵔⵓⵢ ⴷ ⵓⵚⴽⵓ ⵏ ⵜⵣⴷⴰⵢⵉⵏ ⵜⵉⵎⴰⵢⵏⵓⵜⵉⵏ ⵉⴱⴷⴷⵏ ⴼ ⵓⵎⵢⴰⵡⴰⵙ ⴷ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ ⵉ ⵜⵅⵅⵓⵜⵔⴰ ⵏ ⵉⵡⴰⵏⴽⵏ, ⵙⴷⴷⵉⴷⵏ ⵎⴰⵙ ⵔⴰⴷ ⵙⵡⵓⵔⵉⵏ ⵙ ⵓⵔⵣⴰⴼ ⴰⴷ ⴷ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵉ ⵓⵚⴽⵓ ⵏ ⵜⵣⴷⴰⵢⵉⵏ ⵜⵉⵎⴰⵢⵏⵓⵜⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴷ ⵓⵙⴽⵔ ⵏ ⵉⵏⵎⵓⵇⵇⴰⵔⵏ ⴷ ⵜⵖⵉⵎⵉⵜⵉⵏ ⵏ ⵜⵡⵡⵓⵔⵉ ⴼ ⵍⵎⵖⵔⵉⴱ ⴷ ⵡⴰⵏⴰⵡ ⵏⵏⵙ ⵓⵏⴳⵉⵎ ⴷ ⵜⵓⵙⵙⵏⴰ ⵏ ⵜⵉⴷⵜ ⵉⵣⴷⵉⵏ ⴷ ⵜⵎⵙⴰⵔⵜ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⴷ ⵜⵣⵣⵉⴳⵣⵜ ⵉⵍⵍⴰⵏ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ.

ⵢⵓⵎⴰ ⵓⴽⴰⴱⴰⵕ ⵏ ⵓⵕⵓⴳⵡⴰⵢ:

ⵎⴰⵙⵙ German Manuel Coutinho Rodriguez ⴰⴳⵎⴰⵎ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ,  ⵎⴰⵙⵙ Raul Lozano Bonet ⴰⴳⵎⴰⵎ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵙⴳ ⵜⵎⴰⵔⵉⵜ ⵉⴷ ⵎⴰⵙⵙ: Mario Esteban Bergara, Maniel Adrian Pena Fernandez, Carina Galvalisi, Alvaro Horacio Butureira Diaz,  ⵎⴰⵙⵙⴰ Susana Pecoy Santoro  ⵜⴰⵎⵏⵀⴰⵍⵜ ⵜⴰⵏⴰⵎⵓⵔⵜ ⵏ ⵜⵎⴳⵓⵔⵉ, ⵎⴰⵙⵙ   Walter Robinson Verri Piriz  ⴰⵎⴰⵔⵉ ⵏ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵥⴹⴰⵕⵜ, ⵎⴰⵙⵙ Juan Ignacio Buffa Cavallero ⴰⵎⴰⵔⵉ ⵏ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ, ⵎⴰⵙⵙ Enrique Stanham Pineyro ⴰⵏⵙⵙⵉⵅⴼ ⵏ ⵜⵎⵚⵕⵉⵜ ⵏ ⵜⴳⵎⵔⵜ, ⵎⴰⵙⵙ Juan Manuel Vago Armand Ugon ⴰⵏⵎⵀⴰⵍ ⵏ ⵓⵙⵉⵏⴰⴳ ⴰⵏⴰⵎⵓⵔ ⵏ ⵜⴽⵯⴼⴰⵢⵜ.      

ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⴳⵎⴰⵎ ⵉⵎⵥⵕⵉ ⴳ ⵓⴱⵕⵍⴰⵎⴰⵏ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ (ⴱⴰⵕⵍⴰⵜⵉⵏⵓ), ⴷⴰⵔⵙ ⵜⵉⵣⴷⴰⵢⵉⵏ ⵥⵉⵍⵏⵉⵏ ⴷ ⵓⴱⵕⵍⴰⵎⴰⵏ ⵏ ⵓⴳⴰⴷⴰⵣ ⵉⵛⵛⴰⵔⵏ ⵏ ⵎⴰⵔⵉⴽⴰⵏ ⵏ ⵉⴼⴼⵓⵙ (ⴱⴰⵕⵍⴰⵙⵓⵔ), ⴰⵢⵍⵍⵉ ⵉⴳⴰⵏ ⵜⴰⵎⵍⴷⴰ ⵏ ⵓⵎⵙⴰⵡⴰⵍ ⴷ ⵓⵎⵛⴰⵡⴰⵕ ⵊⴰⵔ ⵉⴱⵕⵍⴰⵎⴰⵏⵉⵢⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵓⵕⵓⴳⵡⴰⵢ.