ⵉⵖⵔⴰ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉ ⵓⵣⴷⴰⵢ ⴷ ⵓⵙⵓⵊⴷ ⵏ ⵜⵙⵕⴰⵜⵉⵊⵉⵜ ⵏ ⵉⵄⵔⵔⵉⵎⵏ ⴳ ⵓⵎⵏⵥⴰⵡ ⴳ ⵓⵎⵙⴰⵡⴰⵍ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵡⵉⵙ ⵙⵉⵏ ⵏ ⵉⵄⵔⵔⵉⵎⵏ

ⵉⵖⵔⴰ ⵎⴰⵙⵙ ⵎⴰⵙⵙ ⴼⵓⵔⵜⵉⵏ ⵣⵉⴼⴰⵏⵢⴰ ⵛⴰⵔⵓⵎⴱⵉⵔⴰ, ⴰⵙⵙ ⵏ ⵓⵙⴰⵎⴰⵙ ⴳ ⵕⵕⴱⴰⵟ ⵉ ⵓⵣⴷⴰⵢ ⴷ ⵓⵙⵓⵊⴷ ⴷ ⵓⵣⵣⴳⵉⵔ ⵏ ⵜⵙⵜⵔⴰⵜⵉⵊⵉⵜ ⴼ ⵉⵄⵔⵔⵉⵎⵏ, ⴷ ⵓⵙⵔⵅⵓ ⵏ ⵜⵎⵙⴽⴰⵔ ⵏ ⵓⵎⵓⴷⴷⵓ ⴷ ⵓⵣⵡⴰⴳ ⵙ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵙ ⵜⵍⴻⵍⵍⵉ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⴳ ⵓⵕⵥⵥⵓⵎ ⵏ ⵓⵎⵙⴰⵡⴰⵍ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴼ ⵉⵄⵔⵔⵉⵎⵏ ⴼ ⵜⵉⵍⴰⵍⵜ ⵏ ⵉⵄⵔⵔⵉⵎⵏ ⴳ ⵉⴼⵔⵉⵇⵢⴰ ⵍⵍⵉ ⴳⴰⵏⵉⵏ ⵜⵓⴳⵜ ⵏ ⵉⵎⵣⴷⴰⵖⵏ, ⵉⵙⴰⵡⴰⵍ ⴼ ⵡⴰⵜⵉⴳ ⵏ ⵓⴳⵔⴰⵡ ⴰⴷ ⵍⵍⵉ ⵉⵙⵏⵓⴱⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⵏⴼⵍ ⵏ ⵜⵓⴷⵔⵜ ⵏ ⵉⵄⵔⵔⵉⵎⵏ ⴷ ⵓⵙⴷⵔⵓ ⵏⵏⵙⵏ ⴳ ⵜⵡⴰⴼⵉⵜ ⵏ ⵜⵎⵓⴽⵔⵉⵙⵉⵏ ⴷ ⵡⴰⵔⵡⵓⵔⵉ ⵏ ⵉⴷ ⴱⴰⴱ ⵏ ⵉⵙⵍⴽⵉⵏⵏ.

ⵉⴱⴷⴷ ⵛⴰⵔⵓⵎⴱⵉⵔⴰ ⴼ ⵓⵙⵉⵜⵜⵉ ⵏ ⵉⵄⵔⵔⵉⵎⵏ ⴳ ⵉⴼⵔⵉⵇⵢⴰ ⵎⵇⵇⴰⵔ ⵜⴻⵟⵟⴰⴼ ⴽⵉⴳⴰⵏ ⵏ ⵜⵥⴹⵕⵉⵏ ⵜⵉⴷⵎⵙⴰⵏⵉⵏ, ⴳ ⵓⵣⵎⵣ ⵏ ⵓⵙⵏⴼⵍ ⵏ ⵓⵏⵣⵡⵉ , ⵉⵙⴷⴷⵉⴷ ⴰⴼⵔⴰⴳ ⵏ ⵉⵄⵔⵔⵉⵎⵏ ⴳ ⵓⵙⵎⵔⵙ ⴰⵙⵔⵜⴰⵏ ⴳ ⵉⵣⵎⴰⵣ ⵏ ⵉⵙⵜⴰⵢⵏ.

ⵍⵍⵉⵖ ⵉⵙⵓⵜⴳ ⵜⴰⵡⵡⵓⵔⵉ ⵏ ⵓⴳⵔⴰⵡ ⵏ ⵉⵄⵔⵔⵉⵎⵏ ⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⵉⵖⵔⴰ ⵉ ⵓⵙⵉⴳⵓⵜ ⵏ ⵜⵓⴳⴳⴰⵙ ⴷ ⵓⵙⵖⵓⴷⵓ ⵏ ⵜⵙⵔⵜⴰⵢ ⵜⵉⴼⵔⵉⵇⵉⵢⵉⵏ ⵣⴷⵉⵏⵉⵏ ⴷ ⵉⵄⵔⵔⵉⵎⵏ, ⵉⵙⴰⵡⵍ ⵓⵍⴰ ⴼ ⵜⵡⵡⵓⵔⵉ ⵜⴰⴱⵕⵍⴰⴰⵎⵏⵉⵜ ⵍⵍⵉ ⵙⵔⵙⵏ ⵉⵥⵍⵉⵏ ⵍⵍⵉ ⵔⴰⵏ ⵉⵄⵔⵔⵉⵎⵏ ⴰⴷ ⵉⵍⵉⵏ ⵉⵙⵡⵓⴷⴷⵓⵜⵏ ⴷ ⵉⵣⵣⵔⴰⴼⵏ ⵍⵍⵉ ⴰⵙⵏ ⵚⴰⵃⴰⵏⵉⵏ ⴳ ⵉⴱⵕⵍⴰⵎⴰⵏⵏ ⵉⵏⴰⵎⵓⵔⵏ.

ⵎⴰⵙⵙ ⵎⵓⵃⴰⵎⵎⴰⴷ ⵍⵎⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⵉⵏⵏⴰ ⵎⴰⵙ ⵀⵎⵎⴰⵏ ⵉⵎⵔⵙⵉⵡⵏ ⵏ ⵉⵄⵔⵔⵉⵎⵏ ⵎⴰⵕⵕⴰ ⵏ ⵉⴳⵔⴰⵏ, ⵢⵓⵎⴰ ⵓⵖⴰⵡⴰⵙ 2030/2063 ⵜⵉⵙⵜⵔⴰⵜⵉⵊⵉⵢⵉⵏ ⵏ ⵓⵙⵎⵖⵔ ⵏ ⵓⵙⵓⵔⵙ ⵏ ⵉⵄⵔⵔⵉⵎⵏ ⴳ ⵉⴼⵔⵉⵇⵢⴰ, ⵉⵙⴷⴷⵉⴷ ⵓⵍⴰ ⴼ ⵓⵙⵎⵓⵏ ⵏ ⵜⵓⴳⴳⴰⵙ ⵃⵎⴰ ⴰⴷ ⵢⵉⵍⵉ ⵉⵎⴰⵍ ⵉⵥⵉⵍⵏ ⴷⴰⵜ ⵏ ⵉⴼⵔⵉⵇⵢⴰ ⴷ ⵉⵄⵔⵔⵉⵎⵏ ⵏⵏⵙ.

ⵉⵏⵏⴰ ⵎⴰⵙⵙ ⴱⵏⵙⵄⵉⴷ ⵎⴰⵙ ⵜⴱⴷⴷ ⵜⴳⵎⵉ ⵏ ⵉⴼⵔⵉⵇⵢⴰ ⴼ ⵜⵖⵜⴰⵙⵜ ⵏ ⵉⵄⵔⵔⵉⵎⵏ, ⵉⵇⵇⴰⵏ ⴷ ⵓⵙⵎⵓⵜⵜⴳ ⵏ ⵜⴰⵙⵓⵜ ⵏ ⵉⵎⴰⵍ ⵃⵎⴰ ⴰⴷ ⵉⵍⵉⵏ ⵜⵏⵓⴼⴰ ⵜⵉⴷⵙⵍⴰⵏⵉⵏ ⴷ ⵓⵙⵉⴷⴼ ⴰⴷⵎⵙⴰⵏ ⴷ ⵉⵣⵔⴼⴰⵏ ⵉⵙⵔⵜⴰⵏⵏ ⴷ ⵜⴷⵉⵎⵓⵇⵔⴰⵟⵉⵜ ⴷ ⵉⵖⵔⵎⴰⵏⵏ.

ⵜⵙⴰⵡⵍ ⵎⴰⵙⵙⴰ ⵍⴰⵢⵍⴰ ⴷⴰⵀⵉ, ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⵏ ⵉⵄⵔⵔⵉⵎⵏ ⴳ ⵓⴱⵔⵍⴰⵎⴰⵏ ⴰⴼⵔⵉⵇⵉ, ⵎⴰⵙ ⵜⴳⴰ ⵉⴼⵔⵉⵇⵢⴰ ⴰⵎⵏⵥⴰⵡ ⴰⵄⵔⵔⵉⵎ, ⴰⵔ ⵉⵜⵜⵉⵏ ⴰⴱⴰⵏⴽ ⴰⴳⵔⴰⵖⵍⴰⵏ ⵎⴰⵙ ⵜⴻⵟⵟⴰⴼ ⵜⵉⵥⴹⴰⵕⵉⵏ ⵙⵜⴰⵡⵀⵎⵎⴰⵏⵉⵏ, ⵜⵖⵔ ⵉ ⵓⵙⵏⴰⵍ ⵏ ⵉⵄⵔⵔⵉⵎⵏ, ⵜⵉⵏⵉ ⵎⴰⵙ ⴷ ⵉⵄⵔⵔⵉⵎⵏ ⴰⵔ ⴰⴷ ⵉⵏⵄⵔ ⴼ ⵓⵎⵏⵥⴰⵡ, ⵏⵜⵜⵏⵉ ⵍⵍⵉ ⴳⵉⵙ ⴷⴷⵔⵏⵉⵏ ⵙⵙⵏ ⵜⵉⵎⵓⴽⵔⵉⵙⵉⵏ ⵏⵏⵙ. ⵜⵉⵏⵉ ⵓⵍⴰ ⵎⴰⵙ ⵔⴰⵏ ⵉⵄⵔⵔⵉⵎⵏ ⵏ ⵉⴼⵔⵉⵇⵢⴰ ⴰⴷ ⵏⵄⵕⵏ ⴼ ⵓⵎⵏⵣⴰⵡ ⵏⵏⵙⵏ ⴷ ⵜⵎⵙⴰⵔⵉⵏ ⵏⵏⴷ ⵣⴷⵉⵏⵉⵏ ⴷ ⵓⴼⵔⴰ ⴷ ⵜⵎⵢⵉⴷⵉⵔⵜ, ⴷ ⵎⴰⵙ ⵉⵡⴰⵜⵜⵙ ⵓⴳⵔⴰⵡ ⴰⴷ ⴰⵙⵎⵖⵔ ⵏ ⵉⵄⵔⵔⵉⵎⵏ ⵏ ⵉⴼⵔⵉⵇⵢⴰ.

ⵔⴰⴷ ⵉⵙⴰⵡⴰⵍ ⵓⵎⵙⴰⵡⵍ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵏ ⵉⵄⵔⵔⵉⵎⵏ ⴼ ⵜⴱⵔⵉⴷⵜ ⵏ ⵜⴰⵎⵓⵏⵜ ⵏ ⵉⴼⵔⵉⵇⵢⴰ ⵉ ⵓⵙⵉⵥⴹⵕ ⵏ ⵉⵄⵔⵔⵉⵎⵏ ⴷ ⵓⵙⵉⴷⴼ ⵏⵏⵙⵏ ⴷ ⵜⵙⵏⵜⴰⵢⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ  ⵉ ⵓⵙⵉⴷⴼ ⵏ ⵜⵎⵖⴰⵔⵜ ⴷ ⵉⵄⵔⵔⵉⵎⵏ ⴳ ⵜⵜⵙⴳⴰ ⵜⴰⴷⵎⵙⴰⵏⵜ, ⴷ ⵜⵙⵏⵜⴰⵢⵜ ⵉⵜⵜⵓⵙⵎⵎⴰⵏ (1 million Next Level).

ⵔⴰⴷ ⵢⵉⵍⵉ ⵓⵙⵎⵏⵉⴷ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵓⵎⵏⵉⴷ ⵏ ⵓⵙⵙⵉⵥⴹⵕ ⵏ ⵉⵄⵔⵔⵉⵎⵏ, ⴳ ⵎⴰⴷ ⵉⵣⴷⵉⵏ ⵙ ⵜⵎⵙⴰⵔⵉⵏ ⵏ ⵜⴳⵎⵉ ⴷ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵢⵉⴳⵔ ⵏ ⵉⵄⵔⵔⵉⵎⵏ, ⴷ ⵓⵙⵉⵥⴹⵕ ⵏ ⵉⵄⵔⵔⵉⵎⵏ ⵙ ⵉⵙⵖⵡⴰⵏⵏ ⵉⵣⵔⴼⴰⵏⵏ ⴷ ⵉⵎⵏⵥⴰⵡⵏ ⵍⵍⵉ ⵔⴰⴷ ⵙⴽⵔⵏ ⵉⵡⴰⵏⴽⵏ ⴰⵙⵎⴽⵍ ⵏ ⵜⵎⵙⴰⵔⵜ ⵏ ⵉⵄⵔⵔⵉⵎⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵅⵅⵓⵜⵔⴰ ⵓⵙⵍⴳⵏ ⴳ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵉⵄⵔⵔⵉⵎⵏ.

ⵔⴰⴷ ⵢⴰⵡⵙ ⵓⴳⵔⴰⵡ ⴳ ⵓⵙⴽⵔ ⵏ ⵉⵡⵜⵜⴰⵙ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴳ ⵓⵙⵉⵜⵜⵉ ⵏ ⵍⴰⵥ ⴷ ⴳⴰⵔ ⵓⵜⵛⵓ ⴷ ⵓⵙⴷⵓⵙ ⵏ ⵉⵣⵔⴼⴰⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ, ⴷ ⵓⵙⵎⵏⵉⴷ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵉⵄⵄⵔⵉⵎⵏ ⴷ ⵜⵉⵍⵉⵜ ⵏ ⵜⵎⵏⵜⵍⵉⵏ ⵏ ⵓⵙⵍⴻⵍⵍⵉ ⵏ ⵉⵄⵔⵔⵉⵎⵏ ⴳ ⵜⵎⵙⴰⵔⵉⵏ ⵏ ⵜⴳⵎⵉ.