ⴰⵏⵎⵓⵇⵇⴰⵔ ⵏ ⵜⵖⵔⵉ ⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵉⵢⵏ ⴳ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ
ⵔⴰⴷ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰⵏ, ⴰⵢⵏⴰⵙ 5 ⴷⵓⵊⴰⵏⴱⵉⵔ 2022, ⴰⵙⵙ ⵏⵜⵖⵔⵉ ⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⴱⴷⴷⵉ ⵏ ⵜⴽⵕⴷⵉ ⵎⴳⴰⵍ ⵏ ⵜⵎⵖⴰⵔⵉⵏ ⵙ ⵓⵙⵎⴰⵇⵇⵍ ⵏ ⵓⵎⵣⴰⵣⴰⵍ, ⴳ ⵓⵙⴰⵜⵉ ⵏ ⵓⵖⴰⵡⴰⵙ ⵉⵛⵛⴰⵔⵏ ⴼ ⵓⵙⵏⴰⵍ ⵏ ⵉⵎⵉⵙⵙ ⴰⵏⴰⵎⵓⵔ ⴳ ⵡⴰⵔⴰⵢ ⵙⴳ ⵓⵔⴼⵓⴼⵓ ⴷ ⵓⵙⵎⵖⵔ ⵏ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵓⵙⵕⵚ ⵏ ⵜⴷⵉⵎⵓⵇⵔⴰⵟⵉⵜ ⴳ ⵍⵎⵖⵔⵉⴱ 2020-2023, ⵍⵍⵉ ⵜⵙⵙⵥⵕⴼ ⵜⴰⵎⵓⵏⵜ ⵏ ⵓⵔⵓⴱⴱⴰ ⵍⵍⵉ ⵉⵣⵣⴳⵉⵔ ⵓⵙⵇⵇⵉⵎ ⵏ ⵓⵕⵓⴱⴱⴰ.
ⵔⴰⴷ ⵢⴰⵡⵙ ⵓⵏⵎⵓⵇⵇⴰⵔ ⴰⴷ ⴳ ⵜⵓⵙⵙⵏⴰ ⵏ ⵜⵎⵙⴽⴰⵔ ⵏ ⵓⵕⵓⴱⴱⴰ ⴷ ⵉⵎⴰⵙⵙⵏ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵜⵎⵙⴽⵔⵜ ⵜⴰⵎⵖⵔⵉⴱⵉⵜ ⴳ ⵓⵙⴱⴷⴷⵉ ⵏ ⵜⴽⵕⴹⵉ ⵎⴳⴰⵍ ⵏ ⵜⵎⵖⴰⵔⵉⵏ, ⴷ ⵓⵎⴹⴰⴽⴰⵕ ⵏ ⵉⵙⵖⵍⵏ ⵉⴳⵔⴰⵖⵍⴰⵏⵏ ⴷ ⵜⵡⵡⵓⵔⵉ ⵏ ⵓⵙⵇⵇⵉⵎ ⵏ ⵓⵔⵓⴱⴱⴰ ⴳ ⵢⵉⴳⵔ ⵏ ⵜⴽⵕⴷⵉ ⵎⴳⴰⵍ ⵏ ⵜⵎⵖⴰⵔⵉⵏ ⴷ ⵜⴰⵡⵊⵉⵡⵉⵏ, ⴷ ⵜⵎⵢⴰⵇⵇⴰⵏⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵓⵙⴱⴷⴷⵉ ⵏ ⵜⴽⵕⴹⵉ ⵍⵍⵉ ⵉⵜⵜⵓⵙⵎⵎⴰⵏ “ⵜⴰⵎⵢⴰⵇⵇⴰⵏⵜ ⵏ ⵉⵚⵟⴰⵏⴱⵓⵍ” ⴷ ⵜⵣⵣⵉⴳⵣⵜ ⵍⵎⵖⵉⵔⴱ ⴳ ⵓⵎⵏⵉⴷ ⴰⴷ.
ⵔⴰⴷ ⴷⵔⵓⵏ ⴳ ⵓⵏⵎⵓⵇⵇⴰⵔ ⵉⴱⵕⵍⴰⵎⴰⵏⵉⵢⵏ ⵏ ⵍⵎⵖⵔⵉⴱ ⴷ ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵏ ⵓⵕⵓⴱⴱⴰ ⴷ ⵓⵥⵟⵟⴰ ⴰⴱⵕⵍⴰⵎⴰⵏⵉ ⵜⵉⵎⵖⴰⵔⵉⵏ ⵡⴰⵔ ⵜⵉⴽⵕⴹⵉ ⴷ ⵉⵎⵓⵣⴰⵢⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ ⴷ ⵜⵎⵢⴰⵣⴰⵏⵜ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵍⵎⵖⵔⵉⴱ ⴷ ⵜⵏⵙⵙⵉⵅⴼⵜ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵍⵎⵖⵔⵉⴱ.
ⵉⵙⴰⵡⵍ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴼ ⵜⵔⵙⵍⵜ ⵏ ⵜⵏⴳⴰⴷⴷⴰⵢⵜ ⵊⴰⵔ ⵓⵔⴳⴰⵣ ⴷ ⵜⵎⵖⴰⵔⵜ, ⵢⵉⵍⵉ ⵓⵙⵍⴳⵏ 103.13 ⴳ 2018 ⵍⵍⵉ ⵉⵡⴰⵜⵜⵙⵏ ⵜⵉⵍⵉⵜ ⵏ ⵓⴼⵔⴰⴳ ⴰⵣⵔⴼⴰⵏ ⵉ ⵜⵎⵖⴰⵔⵉⵏ ⵜⵉⵏⴳⴰⵙⵉⵏ ⵏ ⵜⴽⵕⴹⵉ, ⵖⵎⴽ ⵍⵍⵉ ⵉⵙⴰⵡⵍ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ ⴳ ⵍⵎⵖⵔⵉⴱ ⴼ ⵓⵙⴱⴷⴷⵉ ⵏ ⵎⴰⵕⵕⴰ ⵏ ⵉⵏⴰⵡⵏ ⵏ ⵜⴽⵕⴷⵉ ⴷ ⵓⵙⵏⵓⵃⵢⵓ ⵎⴳⴰⵍ ⵏ ⵜⵎⵖⴰⵔⵜ.
