ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵍⵎⵖⵔⵉⴱ ⴷ ⵍⴰⵕⵊⵓⵏⵜⵉⵏ

ⵉⵎⴹⴰⴽⴰⵕ ⵎⴰⵙⵙ ⵎⵓⵃⴰⵎⴰⵎⴷ ⵚⵚⴱⴱⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵔⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵍⴰⵕⵊⵓⵏⵜⵉⵏ ⵎⴰⵙⵙⴰ ⵙⵉⵙⵉⵍⵢⴰ ⵎⵓⵕⵓ ⴳ ⴱⵢⵓⵏⵉⵙ ⴰⵢⵔⵉⵙ ⴼ ⵓⵎⵢⴰⵡⴰⵙ ⴰⴱⴰⵕⵍⴰⵎⴰⵏⵉ ⴰⵙⵉⵏⵔⴰⵏ.

ⵉⵃⴰⴹⴰⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵢⴰⵙⵉⵔ ⴼⴰⵔⵉⵙ ⴰⵎⵙⵇⵇⴰⴷ ⵏ ⵍⵎⵖⵔⵉⴱ ⴳ ⵍⴰⵕⵊⵓⵏⵉⵜⵏ, ⵢⵉⵍⵉ ⴼ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵜⵉⵎⵉⵣⴰⵔ ⵍⵍⴰⵏⵉⵏ ⵙⴳ 62 ⵏ ⵓⵙⴳⴳⵯⴰⵙ, ⵢⵉⵍⵉ ⵓⵙⴷⵓⵙ ⵏⵏⵙⵏⵜ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴰⴽⴷ ⵉⵎⵙⵜⴰⵢⵏ ⴷ ⵜⵡⵉⵙⵉ ⵉⵕⵡⴰⵏ ⴳ ⵜⵎⴰⴷⴷⴰⵙⵉⵏ ⴷ ⵓⵎⵢⴰⵡⴰⵙ ⴰⵎⴰⵙⵙⴰⵏ ⴷ ⵓⵜⵉⵇⵏⵉ ⴷ ⵓⴷⵍⵙⴰⵏ...

ⵉⵍⵍⴰ ⵡⴰⵡⴰⵍ ⵓⵍⴰ ⴼ ⵜⵎⵙⴰⵔⵉⵏ ⵜⵉⴷⵙⵍⴰⵏⵉⵏ ⵏ ⵓⵖⴰⵡⴰⵙ ⴰⵙⵉⵏⵔⴰⵏ ⵉⵣⴷⵉⵏ ⴷ ⵓⵣⴷⴰⵢ ⴳ ⵉⴳⵔⴰⵏ ⵏ ⵜⵙⴱⴱⴰⴱⵜ ⴷ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ ⴷ ⵓⴼⵔⴰⴳ ⵏ ⵡⴰⵡⵏⴰⴹ ⴷ ⵜⵥⴹⴰⵕⵜ ⵜⴰⵏⴰⵡⴰⵡⵉⵜ ⵉ ⵉⵡⵜⵜⴰⵙⵏ ⵏ ⵓⴼⵔⴰ.

ⵢⵉⵍⵉ ⵓⵔⵣⵣⵓ ⵏ ⵓⵙⵎⵖⵔ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵜⵙⴰⵡⵍ ⵜⵎⴰⵔⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵍⴰⵕⵊⵓⵏⵜⵉⵏ ⴼ ⵜⵥⴹⴰⵕⵉⵏ ⵏ ⵙⵏⴰⵜ ⵜⵎⵉⵣⴰⵔ ⵉ ⵓⵙⴷⵓⵙ ⵏ ⵜⵙⴱⴱⴰⴱⵜ ⴷ ⵓⵎⵢⴰⵡⴰⵙ ⴰⵜⵉⵇⵏⵉ ⴳ ⵉⴳⵔⴰⵏ ⵏ ⵜⵎⴳⵓⵔⵉ ⵜⴰⵏⴼⵍⴰⵃⵜ ⵍⵍⵉⵖ ⵜⵥⵍⵉ ⵍⴰⵕⵊⵓⵏⵜⵉⵏ ⵙ ⵜⵣⵡⵉⵔⵉ ⵏⵏⵙ ⴳ ⵉⴳⵔⴰ ⴰⴷ.

ⵉⵍⵍⴰ ⵓⵎⴹⴰⴽⴰⵕ ⵓⵍⴰ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵎⵔⵙⵍⴰⵏⵉⵏ ⵊⴰⵔ ⵉⴱⵕⵍⴰⵎⴰⵏⵏ ⵏ ⵙⵏⴰⵜ ⵜⵎⵉⵣⴰⵔ, ⵙ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⵏⵉⵜ ⵍⵍⵉ ⵉⴳⴰⵏ ⵉⵎⵉⵙⵙ ⵏ ⵓⴹⴼⵕ ⵏ ⵜⵡⵡⵓⵔⵉ ⵜⴰⵙⵉⵏⵔⴰⵏⵜ ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵙⵉⵏ ⵉⵎⴰⴷⴰⵏⵏ.

ⵉⵏⵏⴰ ⵓⵎⴰⵔⵉ ⴰⴱⵕⵍⴰⵎⴰⵏⵉ ⵉⴷⵡⴰⵔⴷⵓ ⴼⴰⵍⴷⵉⵙ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⵉ (M24) ⵎⴰⵙ ⵉⵙⵜⴰⵡⵀⵎⵎⴰ ⵓⵏⵎⵓⵇⵇⴰⵔ ⴰⴷ ⵍⵍⵉⵖ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵉⵙⵎⵓⵏⵏ ⵍⴰⵕⵊⵓⵏⵜⵉⵏ ⴷ ⵓⵎⵢⴰⴷⴰⵙ ⵎⵇⵇⵓⵔⵏ ⴷ ⵉⵇⵇⴰⵏ ⴷ ⵓⵙⴷⵓⵙ  ⵏ ⵜⵣⴷⴰⵢⵉⵏ ⴰⴽⴷ ⵉⴱⵕⵍⴰⵎⴰⵏⵏ ⵏ ⵙⵏⴰⵜ ⵜⵎⵉⵣⴰⵔ.

ⵢⵉⵏⵉ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵎⴹⴰⴽⴰⵔ ⴼ ⵜⵎⵙⴰⵔⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵉⴷⵔⵉⵣⵏ ⵏ ⵉⵎⴰⵖⵏ ⵍⵍⴰⵏⵉⵏ ⵖⵉⵍⴰⴷ ⴳ ⵓⵎⴰⴹⴰⵍ, ⴷ ⵎⴰⵙ ⴷ ⵉⵇⵇⴰⵏ ⵓⵙⴷⵓⵙ ⵏ ⵉⵙⵏⴼⴰⵍⵏ ⵉⵏⵙⴱⴰⴱⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⴳⵔ ⵏ ⵜⴼⵍⵍⴰⵃⵜ ⵍⵍⵉⵖ ⵍⴽⵎⵏ ⵓⴳⴳⴰⵔ ⵏ ⵎⵉⵍⵍⵓⴰⵕ ⴷⵓⵍⵍⴰⵕ.

ⵉⵙⴷⴷⵉⴷ ⵎⴰⵙⵙ ⵚⵚⴱⴱⴰⵕⵉ ⵎⴰⵙ ⴷ ⵉⵇⵇⴰⵏ ⵓⵙⴷⵓⵙ ⵏ ⵜⵡⵡⵓⵔⵉ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⴰⵕⵊⵓⵏⵜⵉⵏ ⵍⵎⵖⵔⵉⴱ, ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴳ ⵉⴳⵔ ⵏ ⵓⵣⵣⵔⴰⴼ ⴷ ⵜⵡⵡⵓⵔⵉ ⵜⴰⴱⵕⵍⴰⵎⵏⵉ ⴳ ⵉⴳⵔⴰⵏ ⵏ ⵓⵙⵙⴰⵔⵓ ⴷ ⵜⵎⴰⵍⵍⴰⵢⵜ.

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵉⴷⵡⴰⵔⴷⵓ ⴼⴰⵍⴷⵉⵙ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵎⴰⵙⵙ ⵄⴰⴱⴷⵍⵄⴰⵣⵉⵣ ⵍⴰⵛⵀⴰⴱ ⴰⴳⵎⴰⵎ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵎⵓⵃⵙⵉⵏ ⵎⵓⵏⵊⵉⴷ ⵙⴳ ⵜⵎⵀⵍⴰ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ.

ⵉⴷⵔⵓ ⵓⴽⴰⴱⴰⵕ ⴰⵎⵖⵔⵉⴱⵉ ⴳ ⵓⵏⵎⵓⵇⵇⴰⵔ ⴰⵙⴳⴳⵯⴰⵙⴰⵏ ⵡⵉⵙ 43 ⵏ ⵉⴱⵕⵍⴰⵎⴰⵏⵉⵢⵉⵏ ⵉ ⵓⵙⵎⵓⵙⵙⵓ ⴰⵎⴰⴹⵍⴰⵏ ⴷ ⵜⵎⵙⵎⵓⵏⵜ ⵜⴰⵎⵛⵡⴰⵕⵜ ⵜⵉⵙ 12  ⵏ ⵉⴱⵕⵍⴰⵎⴰⵏⵉⵢⵏ ⵅⴼ ⵜⴰⵙⵏⴱⴹⴰⵢⵜ ⵜⴰⵏⴱⴽⴰⴹⵟ ⵜⴰⴳⵔⴰⵖⵍⴰⵏⵜ ⴷ ⵜⵅⵅⵓⵜⵔⴰ ⵏ ⵓⵙⵍⴳⵏ ⵉⵍⵍⴰⵏ ⴳ ⴱⵢⵓⵏⵉⵙ ⴰⵢⵔⵉⵙ 4 ⴷ 5 ⵏⵓⵡⴰⵏⴱⵉⵔ.