ⵉⵎⴹⴰⴽⴰⵕ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴳⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ ⴷⵔⵓⵏⵉⵏ ⴳ ⵓⵏⵎⵓⵇⵇⴰⵔ ⴰⵙⴳⴰⵡⴰⵏ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴳ ⵡⴰⵎⵓⵔ ⵏ ⵡⴰⴽⵓⵛ

ⵉⵎⴹⴰⴽⴰⵕ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⴷ ⵉⴳⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ, ⴰⴽⵕⴰⵙ 02 ⵏⵓⵡⴰⵏⴱⵉⵔ 2022, ⴳ ⵓⵏⵎⵓⵇⵇⴰⵔ ⴰⵙⴳⴰⵡⴰⵏ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵍⵍⵉ ⵜⵙⵏⵓⴱⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵎⵢⴰⵡⴰⵙ ⴰⴽⴷ ⵜⴰⵎⴷⵔⴰⵡⵜ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ ⴳ ⵜⵖⵔⵎⵜ ⵏ ⵡⴰⵎⵓⵔ ⵏ ⵡⴰⴽⵓⵛ ⵙⴳ 1 ⴰⵔ 3 ⵏⵡⴰⵏⴱⵉⵔ 2022.

ⴳ ⵜⵣⵡⵉⵔⵉ,  ⵉⵎⵏⴰⵇⵇⴰⵔ ⵎⴰⵙ ⴱⵏ ⵄⵓⵎⴰⵕ ⴷ ⵎⴰⵙⵙ ⵎⵓⵣⵉⵙ ⴼ ⵎⵓⵢⵓ ⴰⵎⴰⵔⵉ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵥⴰⵎⴱⵢⴰ ⴼ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵉⵣⴰⵔ. ⵉⵙⴰⵡⵍ ⵎⴰⵙⵙ ⴱⵏ ⵄⵓⵎⴰⵕ ⴼ ⵜⵉⵔⴰⵜ ⵉⴷⵓⵙⵏ ⵏ ⵍⵎⵖⵔⵉⴱ ⵉ ⵓⵙⴷⵙⵓ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⴽⴷ ⵥⴰⵎⴱⵢⴰ.

ⴳ ⵓⵏⵎⵓⵇⵇⴰⵔ ⴰⴷ, ⵉⵙⵏⵉⵎⵎⵔ ⵓⵎⴰⵔⵉ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵓⵎⴰⴷⴰⵏ ⴰⵎⵖⵔⵉⴱⵉ ⴼ ⵓⵙⵏⴰⵍ ⵏ ⵜⵎⴰⵣⵉⵔⵜ ⵉ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19.

ⵉⵎⴹⴰⴽⴰⵕ ⵎⴰⵙⵙ ⴱⵏ ⵄⵓⵎⴰⵕ ⵓⵍⴰ ⴰⴽⴷ ⴰⵎⴰⵔⵉ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵍⵎⵓⵣⴰⵎⴱⵉⵇ ⵎⴰⵙⵙ ⵀⵉⵍⴷⵉⵔ ⵉⵔⵏⵉⵙⵜⵓ ⵉⵏⵊⵓⵢⵓ ⴼ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⵎⵓⵏⵏⵉⵏ ⵙ ⵜⵣⴷⴰⵢⵉⵏ ⴷⵓⵙⵏⵉⵏ.

ⵉⵙⴷⴷⵉⴷ ⵎⴰⵙⵙ ⴱⵏ ⵄⵓⵎⴰⵕ ⴼ ⵓⵅⵎⵎⴻⵎ ⵏ ⵍⵎⵖⵔⵉⴱ ⴳ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵙ ⵓⵙⵎⴰⵇⵇⵍ ⵢⴰⴳⴳⵓⴳⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵉⵙⵎⵏⵉⴷ ⵉⴳⵔⴰⵏ ⵖ ⵉⵟⵟⴰⴼ ⵍⵎⵖⵔⵉⴱ ⵜⵉⵔⵎⵉⵜ ⵜⴰⵅⴰⵜⴰⵔⵜ ⴰⵎ ⵜⴰⴼⵍⵍⴰⵃⵜ ⴷ ⵓⵙⵡⵓⴷⴷⵓ ⵏ ⵡⴰⵎⴰⵏ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ.

ⵉⵙⵓⵜⴳ ⵓⵎⴰⵔⵉ ⵏ ⵓⵏⵙⵙⵉⵅⴼⵏ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵍⵎⵓⵣⴰⵎⴱⵉⵇ ⵜⵉⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⵍⵍⴰⵏⵉⵏ ⵊⴰⵔ ⵍⵎⵖⵔⵉⴱ ⴷ ⵍⵎⵓⵣⴰⵎⴱⵉⵇ, ⵢⵉⵏⵉ ⵎⴰⵙ ⵔⴰⴷ ⵉⵚⵉⵃⵉ ⵡⴰⵜⵉⴳ ⵙⴳ ⵜⵉⵔⵎⵉⵜ ⵜⴰⴱⵕⵍⴰⴰⵎⵏⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵉⵎⴹⴰⴽⴰⵕ ⵎⴰⵙⵙ ⴱⵏ ⵄⵓⵎⴰⵕ ⵓⵍⴰ ⴷ ⵓⴳⵎⴰⵎ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵏⵏⵉⵊⵉⵔ ⵎⴰⵙⵙ ⵎⴰⵃⴰⵎⴰⵏ ⵍⴰⵡⴰⵍ ⴱⴰⴽⵓ ⴳⴰⵍⴰⴷⵉⵎⴰ ⴼ ⵉⵎⵙⴰⵔⵏ ⵛⵛⴰⵔⵏⵉⵏ.

ⵜⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵏⴰⴷⵢⴰ ⵜⵀⴰⵎⵉ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉ ⵏ ⵉⵎⵓⵔⴰ, ⵢⵉⵏⵉ ⵎⴰⵙⵙ ⴱⵏ ⵄⵓⵎⴰⵕ ⵎⴰⵙ ⵢⵓⵊⴰⴷ ⵍⵎⵖⵔⵉⴱ ⴰⴷ ⵉⴼⴽ ⵜⵉⵔⵎⵉⵜ ⵏⵏⵙ ⵉ ⵏⵏⵉⵊⵉⵔ ⴳ ⵉⴳⵔⴰⵏ ⵏ ⵜⴼⵍⵍⴰⵃⵜ ⴷ ⵓⵙⵡⵓⴷⴷⵓ ⵏ ⵡⴰⵎⴰⵏ ⴷ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ.

ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⵉⵏⵏⴰ ⵎⴰⵙⵙ ⴱⵏ ⵄⵓⵎⴰⵕ ⵎⴰⵙ ⵜⵣⵣⵉⴳⵣ ⵜⵎⴰⵣⵉⵔⵜ ⵏⵏⵖ ⴳ ⵢⵉⴳⵔ ⵏ ⵜⴳⵏⵙⴰⵙⵜ ⵏ ⵜⵎⵖⴰⵔⵉⵏ, ⵍⵍⴰⵏⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ 95 ⵏ ⵜⵎⴰⵔⵉⵜ ⵙⴳ 395 ⵏ ⵓⴳⵎⴰⵎ (25 %).

ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉ ⵓⵎⴰⵔⵉ ⴰⵏⵉⵊⵉⵔⵉ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⵊⴰⵔ ⵜⵉⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ, ⵉⵖⵔ ⵉ ⵉⴷ ⴱⴰⴱ ⵏ ⵜⵡⵡⵓⵔⵉ ⵉⵎⵖⵔⵉⴱⵉⵢⵏ ⵉ ⵓⵙⵙⴰⵔ ⴳ ⵏⵏⵉⵊⵉⵔ.

ⵉⵎⴹⴰⴽⴰⵕ ⵎⴰⵙⵙ ⴱⵏ ⵄⵓⵎⴰⵕ ⵓⵍⴰ ⴷ ⵎⴰⵙⵙ ⵀⴰⴼⵉⵣ ⵎⵓⵃⴰⵎⵎⴰⴷ ⴰⴳⵎⴰⵎ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵏⵉⵊⵉⵔⵢⴰ ⴼ ⵉⵙⴰⵡⵓⵔⵏ ⵏ ⵜⴳⵍⴷⵉⵜ  ⴰⵎ ⴰⴼⵔⴰⴳ ⴰⵏⴰⵎⵓⵏ ⴷ ⵓⵙⵡⵓⴷⴷⵓ ⵏ ⵡⴰⵎⴰⵏ ⴷ ⵓⵙⵙⴰⵔⵉ ⵜⵜⴰⵡⴱⴷⴰⵔⵏⵉⵏ ⴳ ⵉⵏⴰⵡ ⴰⴳⵍⴷⴰⵏ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵓⵕⵥⵥⵓⵎ ⵏ ⵓⵙⴳⴳⵯⴰⵙ ⴰⵣⵣⵔⴰⴼ ⵡⵉⵙ ⵙⵉⵏ ⵏ ⵓⴱⵕⵍⴰⵎⴰⵏ 2022-2023.

ⵜⵃⴰⴹⵕ ⴰⵏⵎⵓⵇⵇⴰⵔ ⴰⴷ ⵎⴰⵙⵙ ⵏⴰⴷⵢⴰ ⵜⵀⴰⵎⴰⵉ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ, ⵉⵖⵔ ⴳⵉⵙ ⵓⵎⴰⵔⵉ ⴰⵏⵉⵊⵉⵔⵉ ⵉ ⵓⵕⵥⵥⵓⵎ ⵏ ⵓⵣⵔⵉⵔⴳ ⴰⵢⵍⴰⵏ ⵓⵙⵔⵉⴷ ⵊⴰⵔ ⴽⴰⵏⵓ ⴷ ⵍⴰⵢⴳⵓⵙ ⴷ ⵜⴳⵎⵎⵉ ⵜⵓⵎⵍⵉⵍⵜ ⵉ ⵓⵎⵢⴰⴷⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴷ ⵓⵙⴷⵓⵙ ⵏ ⵓⵙⵏⴼⵍ ⴰⴷⵎⵙⴰⵏ ⵊⴰⵔ ⵏⵏⵙⵏ.

ⵉⵎⴹⴰⴽⴰⵕ ⵎⴰⵙⵙ ⵃⴰⵙⴰⵏ ⴱⵏ ⵓⵄⵎⴰⵕ ⵓⵍⴰ ⴷ ⵎⴰⵙⵙ ⵊⴰⵎⵉⵙ ⴳⵉⵜⵡⴰ ⴰⴳⵎⴰⵎ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴽⵉⵏⵢⴰ, ⵙⵎⵏⵉⴷⵏ ⵜⵉⵏⴰⵥⴰⵕⵉⵏ ⴷⴰⵜ ⵏ ⵉⴼⵔⵉⵇⵢⴰ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⵜⵉⵎⴷⴷⵓⴽⴽⵯⴰⵍ.

ⵜⵃⴰⴹⵔ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙⴰ ⵏⴰⴷⵢⴰ ⵜⵀⴰⵎⵉ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⴰⵡⵍ ⴳⵉⵙ ⵎⴰⵙⵙ ⴱⵏ ⵄⵓⵎⴰⵕ ⴼ ⵓⵎⵎⵉⵥⵏ ⵏ ⵜⴳⵍⴷⵉⵜ ⴳ ⵓⵎⵏⵉⴷ ⵏ ⵜⴳⵏⵙⴰⵙⵜ ⵏ ⵜⵎⵖⴰⵔⵉⵏ ⴷ ⵜⵎⴰⵢⵏⵓⵜⵏ ⵏ ⵓⴷⵓⵙⵜⵓⵔ ⵏ 2011.

ⵉⵙⵓⵜⴳ ⵓⵎⴰⵔⵉ ⴰⴽⵉⵏ ⴰⵙⵡⵉⵔ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⵉⵍⵍⴰⵏ ⵊⴰⵔ ⵜⵉⵎⵉⵣⴰⵔ, ⵉⵖⵔ ⵉ ⵓⵙⴽⵔ ⵏ ⵓⵣⵔⵉⵔⴳ ⴰⵢⵍⴰⵏ ⵓⵙⵔⵉⴷ ⵊⴰⵔ ⵏⴰⵢⵔⵓⴱⵉ ⴷ ⵕⵕⴱⴰⵟ ⴷ ⵜⴳⵎⵎⵉ ⵜⵓⵎⵍⵉⵍⵜ ⵉ ⵓⵙⴷⵓⵙ ⵏ ⵜⴷⴷⵓⴽⴽⵯⵍⴰ ⴷ ⵓⵎⴰⵢⴰⵡⵙ ⴷ ⵜⵎⴰⵍⵍⴰⵢⵜ ⵊⴰⵔ ⵜⵉⵎⵉⵣⴰⵔ.

ⵉⵏⵏⴰ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵔ ⵉ ⵉⵏⵖⵎⴰⵙⵏ ⵎⴰⵙ ⴳⴰⵏ ⵉⵎⵓⵇⵇⴰⵔⵏ ⴰⴷ ⵜⴰⵎⵍⴷⴰ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴰⴽⴷ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ ⴷⵔⵓⵏⵓⵏ ⴳ ⵓⵏⵎⵓⵇⵇⴰⵔ ⴰⵙⴳⴰⵡⴰⵏ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵍⵍⵉ ⵜⵙⵓⵏⴱⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⴽⴷ ⵜⴰⵎⴷⵔⴰⵡⵜ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ, ⴷ ⵜⵓⵙⵙⵏⴰ ⵏ ⵜⵉⵔⵎⵉⵜⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵉⴼⵔⵉⵇⵢⴰ ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ.

ⵖⵎⴽ ⵍⵍⵉ ⵉⵙⵎⵏⵉⴷ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ ⵓⵍⴰ ⵉⵙⵖⵍⴰⴼ ⵏ ⵓⵏⵎⵓⵇⵇⴰⵔ ⴰⵙⴳⴰⵡⴰⵏ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴳ ⵓⵎⵏⵉⴷ ⵏ ⵓⵙⵕⵚ ⵏ ⵜⴷⵉⵎⵓⵇⵔⴰⵟⵉⵜ ⴷ ⵡⴰⵜⵉⴳ ⵏ ⵜⵎⴷⵔⴰⵡⵜ ⴰⴽⴷ ⵜⵉⴳⵔⴰⵡⵉⵏ ⵏ ⵡⴰⵎⵓⵏ ⴰⵖⵔⵎⴰⵏ ⴷ ⵓⵙⴷⵓⵙ ⵏ ⵜⵎⵓⵟⵟⵓⵏⵜ ⵉⴳⴰⵏ ⵙⴳ ⵉⵎⴰⵙⵙⵏ ⵏ ⵓⵏⵏⵓⵕⵥⵎ ⵏ ⵉⴱⵕⵍⴰⵎⴰⵏⵏ ⴷ ⵓⵙⵔⵅⵓ ⵏ ⵓⵙⵉⴷⴼ ⵙ ⵜⵎⵓⵛⴰ.