ⵜⴰⴳⵓⵔⵉ ⵏ ⵎⴰⵙⵙ ⴰⵏⵙⵙⵉⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵏⵓⵕⵣⵎ ⵏ ⵡⴰⵙⵙ ⴰⴱⵕⵍⴰⵎⴰⵏⵉ ⴳ ⵓⵏⵎⵓⵇⵇⴰⵔ ⴰⵏⵎⵏⴰⴹ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵏ ⵜⵎⴷⵔⴰⵡⵜ ⵏ ⵜⵏⴱⴰⴹⵜ ⵉⵏⵏⵓⵕⵣⵎⵏ

ⵉⵙⵎⵏⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵚⴱⴱⴰⵕⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵢⵉⵙⵎ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵏⵓⵕⵥⵎ ⵏ ⵡⴰⵙⵙ ⴰⴱⵕⵍⴰⵎⴰⵏⵉ ⴳ ⵓⵏⵎⵓⵇⵇⴰⵔ ⴰⵏⵎⵏⴰⴹ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵏ ⵜⵎⴷⵔⴰⵡⵜ ⵏ ⵜⵏⴱⴰⴹⵜ ⵉⵏⵏⵓⵕⵣⵎⵏ.

ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ;

ⵎⴰⵙⵙ ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ;

ⵜⵉⵏⴳⴳⵯⴰ ⴷ ⵉⵏⴳⴳⵯⴰ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵏ ⵉⴼⵔⵉⵇⵢⴰ;

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⴰⵡⵙⴰⵙⵏ;

ⵜⵉⵏⴳⴳⵯⴰ ⴷ ⵉⵏⴳⴳⵯⴰ ⵉⴱⵕⵍⴰⵎⴰⵏⵉⵢⵏ;

ⵎⴰⵙⵙ ⴰⵎⵣⴷⴰⵢ ⵏ ⵜⵙⵏⵜⴰⵢⵜ ⵉ ⵜⵏⴱⴰⴹⵟ ⵉⵏⵏⵓⵕⵣⵎⵏ;

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵙⵜⴰⵢⵏ ⵏ ⵜⵎⴰⴷⴷⴰⵙⵉⵏ ⵡⴰⵔⵜⵓⵏⴱⵉⴹⵏ;

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵙⵜⴰⵢⵏ ⵏ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ;

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ;

ⵉⴳⴰ ⵉⵢⵉ ⴰⴷⴷⵓⵔ ⵙ ⵉⵙⵎ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⴰⵡⵏ ⵉⵏⵉⵖ ⴰⵣⵓⵍ ⵏⵏⵙ, ⵉⵔⴰ ⴰⴷ ⴷⵉⴷⵏⵖ ⵢⵉⵍⵉ ⵎⴰⵛⵛ ⴷⴰⵔⵙ ⵜⴰⵙⵎⵉⴳⵍⵜ ⴳ ⵉⴼⵔⵉⵇⵢⴰ.

ⵙ ⵉⵙⵎ ⵏ ⵎⴰⵙⵙ ⴰⵏⵙⵙⵉⵅⴼ, ⵏⵓⵎⵎⵔ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵙⵏⵎⴰⵍⴰ ⵏ ⵡⴰⵙⵙⴰ ⴰⴱⵕⵍⴰⵎⴰⵏⵉ ⴳ ⵓⵏⵎⵓⵇⵇⴰⵔ ⴰⴼⵔⵉⵇⵉ ⵅⴼ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵣⵎⵏ ⴷⴷⵓ ⵓⴼⵔⴰⴳ ⴰⵎⴰⵜⵜⵓⵢ ⵏ ⴱⴰⴱ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵏⵎⵓⵇⵇⴰⵔ ⵉⵥⵍⵉⵏ ⵉⵙⵎⵓⵏⵏ ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⵜⵉⵏⴱⴰⴹⵉⵏ ⴷ ⵉⴱⵕⵍⴰⵎⴰⵏⵏ ⴷ ⵡⴰⵎⵓⵏ ⴰⵖⵔⵎⴰⵏ ⴷ ⵉⵎⵙⵜⴰⵢⵏ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵜⴳⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ ⵉ ⵓⵎⴹⴰⴽⴰⵔ ⵉⵕⴰⵡⵏ ⵅⴼ ⵜⵎⵙⴰⵔⵉⵏ ⵥⵉⵍⵏⵉⵏ.

ⴳ ⵜⵣⵡⵉⵔⵉ, ⴰⵔ ⵙⵔⵓⵏ ⵙⴱⵔⵔⴰⴽⵖ, ⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⴳⵔⴰⵖⵍⴰⵏⵜ, ⵉⵏⴳⴳⵯⴰ ⵉⵏⵙⵙⵉⵅⴼⵏ ⴷ ⵜⵏⵙⵙⵉⵅⴼⵉⵏ  ⴷ ⵉⴳⵎⴰⵎⴰⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ ⴷ ⵉⴳⵏⵙⴰⵙⵏ ⵏ ⵜⵏⴱⴰⴹⵉⵏ ⵜⵉⵏⴰⵎⵎⴰⵙⵉⵏ ⴷ ⵜⴷⵖⴰⵔⴰⵏⵉⵏ, ⵉⵎⵙⵜⴰⵢⵏ ⵏ ⵡⴰⵎⵓⵏ ⴰⵖⵔⵎⴰⵏ ⴰⴼⵔⵉⵇⵉ, ⴰⵔ ⴽⵏ ⵙⵏⵉⵎⵎⵉⵔⵖ ⴼ ⵓⵙⵜⴰⵢ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵓⵙⵏⵎⴰⵍⴰ ⵏ ⵓⵏⵎⵓⵇⵇⴰⵔ ⴰⴷ ⵉⵙⵜⴰⵡⵀⵎⵎⴰⵏ, ⵉⴳⴰⵏ ⵜⵎⴰⵜⴰⵔⵜ ⴼ ⵓⵍⵜⴰⵖ ⵏ ⵜⵎⴰⵣⵉⵔⵜ ⵏⵏⵖ, ⴰⴱⵕⵍⴰⵎⴰⵏ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵜⵎⴰⴷⴷⴰⵙⵉⵏ ⵡⴰⵔⵜⵓⵏⴱⵉⴹⵉⵏ ⴳ ⵡⴰⵜⵉⴳⵏ ⵏ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵥⵎⵏ ⴷ ⵜⵙⵔⵜⴰⵜⵢ ⴷ ⵉⵎⵓⴽⵏⵏ ⴷ ⵉⵙⵖⵡⴰⵏⵏ ⵍⵍⵉ ⵜⵙⵔⵙ.

ⵜⵉⵍⵉⵜ ⵉⵙⵜⴰⵡⵀⵎⵎⴰⵏ ⴳ ⵓⵏⵎⵓⵇⵇⴰⵔ ⵜⴳⴰ ⵜⵉⵔⴰⵜ ⵜⴰⵎⴳⵔⵓⵜ ⵉ ⵓⵎⵙⴰⵡⴰⵍ ⵅⴼ ⵜⵎⵙⴰⵔⵉⵏ ⴳⴰⵏⵉⵏ ⴰⵙⵙ ⴰⴷ ⵜⵉⵎⵓⴽⵔⵉⵙⵉⵏ ⵏ ⵓⵎⵏⴰⴹ ⴰⴳⵔⴰⵖⵍⴰⵏ, ⴰⵔ ⵜⵎⵎⴰⵍ ⵜⴰⵎⵢⵉⵎⴰⵏⵜ ⵜⴻⵟⵟⴰⴼ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⴷ ⵉⴼⵔⵉⵇⵢⴰ ⴷ ⵍⵇⴱⵍⵜ ⵜⴰⵏⴰⵎⵎⴰⵙⵜ. ⵜⴰⵎⵣⵉⵔⵜ ⵏⵏⵖ ⵜⴳⴰ ⵜⴰⵔⵙⵍⵜ ⵏ ⵓⵔⴳⴳⵉⴳ ⴰⵙⴳⴰⵡⴰⵏⴷ ⵓⵎⵏⵥⴰⵡ ⴷ ⵓⴳⵔⴰⵖⵍⴰⵏ, ⵜⴳ ⴰⴽⴰⵍ ⵏ ⵜⵖⵜⴰⵙⵉⵏ ⵏ ⵉⴼⵔⵉⵇⵢⴰ ⴷ ⵓⵎⴰⴹⴰⵍ. ⵙⴳ ⵜⵉⴳⵎⵉⵉ ⵜⵓⵎⵍⵉⵍⵜ ⵜⵍⵍⴰ ⴳ 1961 ⵜⵙⵡⵉⵏⴳⵎⵜ ⵏ ⵓⵙⴽⵔ ⵏ ⵜⵎⴰⴷⴷⴰⵙⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ. ⴳ ⵡⴰⵎⵓⵔ ⵏ ⵡⴰⴽⵓⵛ, ⵜⴻⵜⵜⵓⵙⴽⴰⵔ ⵓⴳⴳⴰⵔ ⵏ 28 ⵏ ⵓⵙⴳⴳⵯⴰⵙ ⵜⵎⴰⴷⴷⴰⵙⵜ ⵏ ⵓⵙⵖⵏⵣⵉ ⴰⴳⵔⴰⵖⵍⴰⵏ ⴷ ⵓⵣⵎⵎⴻⵎ ⴼ ⵡⴰⵔⵔⴰⵜⵏ ⵏ ⵜⵎⵢⴰⵇⵇⴰⵏⵜ ⵏ ⵓⵙⵖⵏⵣⵉ ⴷ ⵍⴳⴰⵟⵟ ⴳ 1994, ⴰⵢⵍⵍⵉ ⵉⵙⴽⵔⵏ ⵜⴰⴷⵉⵏⴰⵎⵉⵏ ⵜⴰⵅⴰⵜⴰⵔⵜ ⴳ ⵓⵙⵖⵏⵣⵉ ⴰⴳⵔⴰⵖⵍⴰⵏ.

ⴳ ⵡⴰⵎⵓⵔ ⵏ ⵡⴰⴽⵓⵛ, ⵍⵍⴰⵏⵜ ⵚⴹⵉⵚ ⵉⵙⴳⴳⵯⴰⵙⵏ ⴰⴷ ⵜⵙⵏⵜⴰⵢⵉⵏ ⵉ ⵓⵏⵄⴰⵔ ⴼ ⵜⵣⵔⴼⵜ ⵏ ⵓⵏⵣⵡⵉ ⵉ ⵉⴼⵔⵉⵇⵢⴰ, ⵍⵍⵉⵖ ⵉⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴷⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⴽⴷ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵏ ⵉⴼⵔⵉⵇⵢⴰ ⵙ ⵜⵎⵍⴷⴰ ⵏ ⵓⴳⵔⴰⵡ ⵏ ⵓⵏⵣⵡⵉ 22 ⴳ 2016 ⵜⵉⵙⵏⵜⴰⵢⵉⵏ ⵉ ⵓⵙⵏⴰⵍ ⴷ ⵜⵎⴷⵔⴰⵡⵜ ⵊⴰⵔ ⵜⵎⵉⵣⴰⵔ ⵏ ⵓⵎⵏⵥⴰⵡ, ⵙⵍⴰⵡⴰⴰⵏ ⴰⴽⴽⵯ ⵜⴰⵙⵏⵜⴰⵢⵜ ⵏ ⵓⵎⵙⴰⵙ ⵏ ⵜⴼⵍⵍⴰⵃⵜ ⴰⵜⴼⵔⵉⵇⵉⵜ (AAA 3).

ⵉⴷ ⵎⴰⵙⵙ ⵉⵏⵙⵙⵉⵅⴼⵏ

ⵜⵉⵏⴳⴳⵯⴰ ⴷ ⵉⵏⴳⴳⵯⴰ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵜⵉⵎⵓⴽⵔⵉⵙⵉⵏ ⴼ ⵉⵍⵍⴰ ⵓⵎⴹⴰⴽⴰⵕ ⴳ ⵓⵏⵎⵓⵇⵇⴰⵔ ⴰⴷ ⴰⵏⵎⵏⴰⴹ ⴳⴰⵏⵜ ⵙⴳ ⵜⵉⵎⵥⵍⴰⵢ ⵏ ⵉⴱⵕⵍⴰⵎⴰⵏⵏ, ⴷⴰⵔⵙⵏⵜ ⴰⵜⵉⴳ ⵏⵏⵙⵜ ⴷⴰⵔ ⵉⵎⴰⴷⴰⵏⵏ ⵉⴼⵔⵉⵇⵉⵢⵏ ⵔⴰⵏⵉⵏ ⵜⵉⴳⵎⵉ ⴷ ⵥⵥⵀⵕⵜ ⵉⵡⵙⵏⵉⵏ ⴳ ⵓⵙⵕⵚⵓ ⵏ ⵓⵚⴽⵓ ⴰⴷⵉⵎⵓⵇⵔⴰⵟⵉ ⴷ ⵓⵎⵔⵙⵍⴰⵏ. ⵜⴳⴰ ⵜⵎⵓⴽⵔⵉⵙⵜ ⵏ ⵓⵕⵟⵟⴰⵍ ⴰⴳⴷⵓⴷⴰⵏ ⵏ ⵡⵉⵏ ⴱⵕⵕⴰ ⵜⴰⴷ ⵉⴳⴰⵏ ⵜⴰⵎⵣⵡⴰⵔⵓⵜ  ⴷⴼⴼⵉⵔ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴷ ⵉⴷⵔⵉⵣⵏ ⵏ ⵓⵎⵏⴰⴷ ⴰⴳⵔⴰⵖⵖⵍⴰⵏ ⴰⵊⵢⵓⵙⵔⵜⴰⵏ ⵉⵛⴷⴷⴰⵏ, ⵉⵅⵎⵎⵉⵎⵏ ⵏ ⵎⴰⵕⵕⴰ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴷ ⵜⵏⴱⴰⴹⵉⵏ ⴷ ⵉⴱⵕⵍⴰⵎⵏⵏ ⵍⵍⵉ ⴷ ⵉⵇⵇⴰⵏ ⴰⴷ ⵜⵜⵏⵄⴰⵕⵏ ⴷⴰⵔ ⵡⵉⵍⵍⵉ ⴰⴽⴽⴰⵏⵉⵏ ⵉ ⵓⵙⵉⴱⵙⵓⵙ ⵏ ⵓⵔⵟⵟⴰⵍ ⴼ ⵜⵎⵉⵣⴰⵔ ⵏ ⵓⵏⵎⵏⵥⴰⵡ ⵏⵏⵖ.

ⴰⵙⵙⴰ ⴰⴷ, ⴰⵔ ⵣⵣⵔⴰⵢⵏⵜ ⵉⵔⵉⵎ ⵜⵉⵏⴰⵡⵉⵏ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴰⴽⴷ ⵉⴼⵔⵉⵇⵢⴰ ⴷ ⵓⵙⵏⴰⵍ ⵉⴳⴰⵏ “ⵜⵉⵡⵉⵣⵉ ⵉ ⵜⴳⵎⵉ”, ⵎⴽ ⵍⵍⵉ ⵜ ⵢⴰⴷ ⵉⵣⵣⵔⵉ ⵓⵎⵢⴰⵡⴰⵙ ⴰⵎⴰⴹⵍⴰⵏ ⴳ ⵓⵣⵎⵣ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⵍⵍⵉⵖ ⵜⵎⵎⴰⵖ ⵉⴼⵔⵉⵇⵢⴰ ⵡⴰⵃⴷⵓⵜ ⴷ ⵓⴱⴰⵢⵢⵓⵕ ⴷ ⵓⴱⴰⵢⵢⵓⵕ ⵙ ⵜⵥⴹⴰⵕⵉⵏ ⵏⵏⵙ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ;

  ⴰⵔ ⵏⵙⴰⵡⴰⵍ ⴳ ⵓⵏⵎⵓⵇⵇⴰⵔ ⴰⴷ ⴼ ⵜⵎⵓⴽⵔⵉⵙⵉⵏ ⵢⴰⴹⵏⵉⵏ ⵓⵔ ⴷⵔⵓⵙⵏⵉⵏ ⴼ ⵓⵙⵡⵓⴷⴷⵓ ⵏ ⵓⵕⵟⵟⵍ ⴰⴳⴷⵓⴷⴰⵏ ⴷ ⵜⵎⴰⴼⴰⵡⵜ ⵏⵏⵙ, ⴰⵎ ⴰⵙⵉⴷⴼ ⴰⵣⵔⴼⴰⵏ ⵙ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ, ⴷ ⵓⵙⵎⵔⵙ ⵏ ⵉⵎⴰⵡⴰⵜⵏ ⵉⴷⵙⵍⴰⵏⵏ ⴷ ⵜⵎⵓⵟⵟⵓⵏⵜ ⴷ ⵜⵣⵔⴼⵜ ⵜⴰⴷⵖⴰⵔⴰⵏⵜ ⴷ ⵜⵎⵙⴰⵔⵉⵏ ⵏ ⵡⴰⵏⴰⵡ ⴰⵏⴰⵎⵓⵏ ⴷ ⵓⵙⵉⴷⴼ ⵙ ⵜⵎⵓⵛⴰ. ⵉⵖⴰ ⵜⵜⵎⴹⴰⴽⴰⵕ ⵉⴼⵔⵉⵇⵢⴰ ⴼ ⵜⵎⵓⴽⵔⵉⵙⵉⵏ ⴰⴷ, ⵏⵙⵔⵙ ⵜⵏⵜ ⴳ ⵓⴳⵏⵙ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵜⵎⵉⵣⴰⵔ ⵏⵏⵖ, ⴷⴰⵜ ⵏⵙⴽⵔ ⵙ ⵓⴼⵔⴰⴽⵏⵏⵙ ⴷ ⵉⵙⵖⴰⵡⵙⴰⵜⵏ ⵉⵏⴰⵎⵓⵔⵏ, ⵓⵔ ⵉⴳⵉ ⴰⴷ ⵏⵙⵙⵕⴹⵓ ⴽⵔⴰ ⵏ ⵡⴰⴷ ⵢⴰⴹⵏⵉⵏ0

 ⵉⵖ ⴳⴰⵏ ⵉⵙⴰⵡⵓⵔⵏ ⴰⴷ ⵜⵉⵔⵙⴰⵍ ⵜⵉⴷⵙⵍⴰⵏⵉⵏ ⵏ ⵓⵚⴽⵓ ⵏ ⵜⴷⵉⵎⵓⵇⵔⴰⵜⵉⵜ, ⵀⴰⵜⵉ ⵙⵖⴰⵡⵙⴰⵏ ⵙ ⵓⵙⵙⵥⵕⴼ ⴷ ⵜⵎⴰⴷⵔⴰⵡⵜ ⵜⴰⴳⵔⴰⵖⵍⴰⵏⵜ ⵉⵖⵥⴰⵏⵏ ⴷ ⵜⵉⵔⴰⵜ ⵉⵖⵣⴰⵏⵏ ⵉ ⵓⵙⵏⴼⵍ ⵏ ⵜⴻⵜⵉⴽⵏⵓⵍⵓⵊⵉⵜ ⵙⴳ ⵉⵥⵥⵍⵎⴷ ⴰⵔ ⵉⴼⴼⵓⵙ, ⵙⵍⴰⵡⴰⵏ ⴰⴽⴽⵯ ⴳ ⵉⴼⵔⵉⵇⵢⴰ, ⵙ ⵜⵙⵔⵜⴰⵢ ⵍⵍⵉ ⵉⵙⵏⴰⵍ ⵓⵎⴰⴹⴰⵍ ⵉ ⵓⵙⵎⵓⵜⵜⵉ ⵏ ⵜⵥⴹⴰⵕⵉⵏ ⵏ ⵓⵎⵏⵥⴰⵡ ⵏⵏⵖ ⵙ ⵉⴳⴱⵔⵏ ⵙⴽⴰⵔⵏⵉⵏ ⵜⵉⵖⵔⴰⴷ ⵏ ⵡⴰⴷⴷⵓⵔ ⴷ ⵥⵥⵀⵕⵜ.

 ⵎⵍⴰⵏⵜ ⵜⵉⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵓⵎⵣⵔⵓⵢ ⴰⵜⵔⴰⵔ, ⵎⴰⵙ ⵓⵔ ⵜⵏⴽⵔ ⴽⵔⴰ ⵏ ⵜⵎⵜⵜⵉ ⵜⴰⵔ ⴰⵙⵏⴰⵍ ⵉⵙⵓⵍⵏ. ⵜⵍⵍⴰ ⵉⴼⵔⵉⵇⵢⴰ ⴳ ⵓⴳⵏⵙ ⵏ ⵜⵏⴰⵥⵔⵉⵏ ⵜⵉⴳⵔⴰⵖⵍⴰⵏⵉⵏ ⵅⴰⵜⵔⵏⵉⵏ, ⴰⵔ ⵜⵜⴰⵣⵣⴰⵍⵏ ⵉⵡⴰⵏⴽⵏ ⵉⵅⴰⵜⴰⵔⵏ ⵉ ⵓⵙⵎⵔⵙⵏ ⵏ ⵉⴼⵓⵍⴽⵉⵜⵏ ⵏⵏⵙ, ⵜⴳⴰ ⴰⵎⵏⵥⴰⵡ ⵏ ⵉⵎⴰⵍ, ⵙ ⵉⵙⵓⴳⴰⵎ ⵏⵏⵙ ⵉⵏⴼⴳⴰⵏⵏ ⵉⵄⵔⵉⵎⵏ, ⵙ ⵉⴽⴰⵍⵉⵡⵏ ⵏⵏⵙ ⵉⵏⴼⵍⴰⵃⵏ ⴳⴰⵏⵉⵏ 60% ⵉ ⵜⴽⵔⵣⴰ ⵍⵍⵉ ⵍⵍⴰⵏⵉⵏ ⴳ ⵓⵎⴰⴹⴰⵍ ⴳⴰⵏ ⵡⵉⵏ ⵉⴼⵔⵉⵇⵢⴰ, ⵙ ⵉⵙⵓⴳⴰⵎ ⵏⵏⵙ ⵉⵎⵣⵡⵓⵔⴰ ⵖⵍⴰⵏⵉⵏ ⴱⴰⵀⵔⴰ, ⵙ ⵉⴼⵜⴰⵙⵏ ⵏⵏⵙ ⴳⴰⵏⵉⵏ 26 ⵏ ⵉⴼⴹ ⵏ ⴽⵍⵎ, ⵎⴰⴷ ⵉⵍⵍⴰⵏ ⴳ ⵉⴼⵜⴰⵙⵏ ⴳ ⵜⵥⴹⴰⵕⵉⵏ, ⵖⵎⴽ ⴰⵏⵏ ⴰⴼ ⵜⴳⴰ ⵉⴼⵔⵉⵇⵢⴰ ⴰⴽⴰⵍ ⵏ ⵜⴷⵉⵏⴰⵎⵉⵜ ⵜⴰⴷⵎⵙⴰⵏⵜ ⵜⴰⵎⴰⵢⵏⵓⵜ ⴷ ⵜⵉⵍⵜⵉ ⵏ ⵓⵙⵙⴰⵔⵓ, ⵙ ⵜⴼⴰⴷⴰ ⴰⴷ ⵜⴼⵔⴽ ⵙ ⵜⵏⵓⴼⴰ ⵏⵏⵙ, ⴷ ⵜⵣⵣⵉⴳⵣⵜ ⵙ ⵉⵎⴰⵍ, ⵜⵎⵎⴰⵖ ⵜⵎⵉⵣⴰⵔ ⵏⵏⵙ ⴼ ⵓⵡⵇⵇⵔ ⵏ ⵜⵉⵔⴰⵜ ⴷ ⵉⵙⵜⴰⵢⵏ ⵏ ⵜⵎⴰⵣⵉⵔⵜ ⵢⴰⴹⵏⵉⵏ ⴷ ⵜⵢⴰⵏⵜ ⵏⵏⵙ ⵜⴰⵏⴰⴽⴰⵍⵜ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ;

ⵟⵟⴰⴼⵏ ⵉⴱⵕⵍⴰⵎⴰⵏⵏ ⵜⵉⵍⴰⵍ ⴳ ⵓⵙⴽⵔ ⵏ ⵉⵙⵓⵖⴰⴷ ⴷ ⵡⴰⵜⵉⴳⵏ ⵏ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵥⵎⵏ. ⵉⵇⵇⴰⵏ ⴷ ⴰⴷ ⵙⵔⵙⵏ ⵉⵣⵣⵔⴰⴼⵏ ⵃⵎⴰ ⴰⴷ ⵏⵍⴽⵎ ⵉⵙⵓⵖⴰⴷ ⴰⴷ, ⵉⵇⵇⴰⵏ ⴷ ⴰⴷ ⴹⵓⴼⵏⴱⴰⴹⵉⵏ ⴳ ⵢⵉⴳⵔ ⵏ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵥⵎⵏ, ⴷ ⵎⴰⴷ ⴷⵉⴷⵙ ⵉⵣⴷⵉⵏ, ⵉⵇⵇⴰⵏ ⴷ ⵓⵍⴰ ⴰⴷ ⵣⵣⵔⴰⵢⵏ ⵜⵉⵙⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵅⴼ ⴰⵜⵉⴳⵏ ⴷ ⵜⴼⵍⵙⴰⴼⵜ ⵏ ⵜⵏⴱⴰⴹⵉⵏ ⵏⵏⵓⵕⵣⵎⵏⵉⵏ ⵉ ⵓⵙⵓⵜⴳ ⴰⴱⵕⵍⴰⵎⵏⵉ.   ⵉⵇⵇⴰⵏ ⴷ ⴼ ⵉⴱⵕⵍⴰⵎⴰⵏⵏ, ⵙ ⵉⵣⵡⴰⵔ, ⴰⴷ ⴳⵉⵏ ⴰⵏⴰⵡ ⵉ ⵡⴰⵎⵓⵏⵏ ⴳ ⵜⵎⴰⴼⴰⵡⵜ ⴷ ⵓⵙⵡⵉⴹ ⵏ ⵡⴰⵢⴷⴰ ⴷ ⵓⴳⴳⵓⴳ ⴼ ⵓⵎⵣⵔⴰⵢ ⵏ ⵜⵏⵓⴼⴰ. ⵉⵇⵇⴰⵏ ⴷ ⴰⴷ ⵉⵍⵉⵏ ⵜⴰⵎⴰ ⵏ ⵡⴰⵎⵓⵏ , ⵙⵙⴼⵍⴷⵏ ⴰⵙ, ⴰⵏⴰⵡ ⴳ ⵓⵏⵏⵓⵕⵣⵎⵏ ⴼ ⵉⵏⵎⵓⵔⴰⵏ ⴷⵏⵎⵓⵔⴰⵜⵉⵏ, ⵙⵍⴰⵡⴰⵏ ⴰⴽⴽⵯ ⵙ ⵜⴳⵔⴰⵡⵉⵏ ⵏ ⵡⴰⵎⵓⵏ ⴰⵖⵔⵎⴰⵏ ⵉⵥⴹⴰⵕⵏ ⴰⵙⵎⵓⵙⵙⵓ ⵏ ⵜⵙⵏⵜⴰⵢⵉⵏ ⵏ ⵉⵏⵎⵓⵔⴰⵏ ⵙ ⵜⴷⵉⵎⵓⵇⵔⴰⵜⵉⵜ ⵜⴰⵎⴰⴷⵔⴰⵡⵜ.

ⴰⵔ ⴷⴰⵖ ⵙⴱⵔⵔⴰⴽⵖ ⵉⴳⵏⵙⴰⵙ ⵏ ⵜⵎⴰⴷⴷⴰⵙⵉⵏ ⵏ ⵡⴰⵎⵓⵏ ⴰⵖⵔⵎⴰⵏ ⴰⴼⵔⵉⵇⵉ, ⵉⵎⴷⵔⴰⵡⵏ ⴳ ⵓⵏⵎⵓⵇⵇⴰⵔ, ⴰⵔ ⵙⵓⵜⴳⵖ ⵜⵉⴹⴰⴼ ⵏ ⵜⵎⵙⵡⵓⵔⴰ ⴷ ⵉⵎⵣⵡⵓⵔⴰ ⵏ ⵜⵎⴰⴷⴷⴰⵙⵉⵏ ⴰⴷ ⴳ ⵓⵎⵏⵥⴰⵡ ⵏⵏⵖ, ⴷ ⵜⵉⵍⴰⵍ ⵏⵏⵙⵏ ⴳ ⵓⵙⵖⵏⵓ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ, ⴳ ⵓⵎⵏⴰⴹ ⴳ ⵏⵙⵖⴰⵡⵙⴰ ⵙ ⵓⵙⵏⴰⵍ. ⴱⵍⴰ ⵜⵓⵔⴷⴰ, ⴳⴰⵏ ⵡⴰⵜⵉⴳⵏ ⵏ ⵜⵡⵉⵣⵉ ⴷ ⵓⵖⵣⴰⵏ ⴷ ⵜⵎⵢⵉⵎⴰⵏⵜ ⴳ ⵜⵥⴹⴰⵕⵉⵏ ⵏ ⵉⴼⵔⵉⵇⵢⴰ ⵙⴳ ⵉⴼⵔⴷⴰⵙ ⵏ ⵓⵙⵎⵓⵙⵙⵓ ⵏ ⵡⴰⵎⵓⵏ ⴰⵖⵔⵎⴰⵏ ⴰⴼⵔⵉⵇⵉ ⴷ ⵜⵎⵙⴽⵔⵜ ⵏⵏⵙ ⴳ ⵢⵉⴳⵔ ⵏ ⵜⴳⵎⵉ ⵏ ⵓⵎⵢⴰⵡⴰⵙ ⴷ ⵡⴰⵡⵏⴰⴹ ⴷ ⵓⵙⴼⵔⴽ ⴷ ⵢⵉⵙⴽⵉⵍ ⵊⴰⵔ ⵜⵉⵎⵖⴰⵔⴰⵉⵏ ⴷ ⵉⵔⴳⴰⵣⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ. ⵎⵇⵇⴰⵔ, ⵜⵙⵖⵡⴰⵙⴰ ⵜⵡⵡⵓⵔⵉ ⴰⴷ ⵉⵥⵉⵍⵏ ⵍⵍⵉ ⵉⵙⴽⴰⵔ ⵡⴰⵎⵓⵏ ⴰⵖⵔⵎⴰⵏ ⴰⴼⵔⵉⵇⵉ ⵉ ⵓⵙⵙⵥⵕⴼ ⴷ ⵓⵙⵏⴰⵍ ⴷ ⵓⴹⴼⵕ ⵃⵎⴰ ⴰⴷ ⵉⴷ ⴰⵙⵓⵍⴰⵏ ⴷ ⵓⵙⵉⵎⴰⵏ.

ⴷ ⵉⴱⵕⵍⴰⵎⴰⵏⵏ, ⵉⵇⵇⴰⵏ ⴰⵖ ⴷ ⴰⴷ ⵏⵙⵔⵙ ⵜⵉⵍⴰⵍ ⴰⴷ ⵜⵉⵖⵔⵎⴰⵏⵉⵏ ⵥⵉⵍⵏⵉⵏ, ⵏⵎⵎⴰⵖ ⵓⵙⴽⵔ ⵏ ⵜⵎⴷⵔⴰⵡⵉⵏ ⵍⴰⵏⵉⵏ ⴰⴼⴰⵔⵙ ⴰⴽⴷ ⴰⵎⵓⵏ ⴰⵖⵔⵎⴰⵏ. ⴰⵔ ⵜⴰⴽⴽⴰ ⵜⵙⵏⵜⴰⵢⵜ ⵏ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵥⵎⵏ ⵜⴰⵎⵍⴷⴰ ⵉ ⵜⵎⴷⵔⴰⵡⵉⵏ ⴰⵏⵏ, ⴰⵍⴰⵡⴰⵏ ⴰⴽⴽ ⴳ ⵎⴰⴷ ⵉⴳⴰⵏ ⴰⵙⵓⵊⴷ ⵉⵛⵛⴰⵔⵏ ⵏ ⵉⵙⵖⵡⴰⵏⵏ ⵏ ⵉⴱⵕⵍⴰⵎⴰⵏⵏ ⴳ ⵓⵙⴰⵜⵉ ⵏ ⵉⵎⵉⵙⵙ ⴰⴳⵔⴰⵖⵍⴰⵏ.

ⵉⴳⴰ ⵓⵛⵛⵉⵍ ⴷ ⵉⵕⵡⵓ ⵉⵖ ⵏⵓⵇⵇⵔ ⵉⵡⵜⵜⴰ ⵊⴰⵔ ⵓⵙⵔⵜⴰⵏ ⴷ ⵓⵖⵔⵎⴰⵏ, ⵜⵉⵍⴰⵍ ⵏ ⵉⴽⴰⴱⴰⵕⵏ ⴳ ⵜⵙⴳⴰ ⴷ ⵜⵉⵍⴰⵍ ⵏ ⵜⵎⵙⵎⵓⵏⵉⵏ ⴳ ⵜⵙⴳⴰ ⵢⴰⴹⵏ, ⵉⵡⵜⵜⴰⵙⵏ ⴳⴰⵏ ⵢⴰⵏ: ⴰⵙⴷⵓⵙ ⵏ ⵓⵚⴽⵓ ⴰⴷⵉⵎⵓⵇⵔⴰⵜⵉ ⴳ ⵉⴼⵔⵉⵇⵢⴰ ⵙ ⵓⵎⵙⴰⵙⴰ ⴷ ⵉⵎⵏⴰⴹⵏ ⴷ ⵜⴷⵍⵙⴰ ⵏ ⵜⵎⵉⵣⴰⵔ ⵏⵏⵙ ⴷ ⵓⵡⵇⵇⵔ ⵏ ⵜⵖⵜⴰⵙⵉⵏ ⵏⵏⵙ, ⴷ ⵓⵙⵔⵅⵓ ⵏ ⵜⴷⵔⴰⵡⵜ ⵉⴼⵔⴽⵏ ⴳ ⵓⵙⵡⵓⴷⴷⵓ ⵏ ⵜⵎⵙⴰⵔⵜ ⵜⴰⵎⴰⵜⴰⵢⵜ ⵉ ⵓⵙⴷⵓⵙ ⵏ ⵓⵔⴳⴳⵉⴳ, ⴷ ⵜⴼⴰⴰⴷⴰ ⵜⵓⵛⵛⵉⵍⵜ ⵉ ⵜⴳⵎⵉ ⴷ ⵜⵣⵣⵉⴳⵣⵜ.

ⵎⴽ ⵍⵍⵉ ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵄⵣⵣⵓ ⵕⵉ ⴷⴰⵜ ⵏ ⵓⴳⵔⴰⵡ ⵡⵉⵙ 28 ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ “ⵜⵥⴹⴰⵕ ⵉⴼⵔⵉⵇⵢⴰ, ⵉⴳ ⵙⴳ ⵓⵛⵛⵉⵍ ⵏⵏⵙ ⴰⴷ ⵜⵙⵖⵣⵏ ⵉⵙⵜⴰⵢⵏ ⵏⵏⵙ ⵙ ⵉⵅⴼ ⵏⵏⵙ, ⵜⴼⵔⴳ ⴰⵙⵜⴰⵢ ⵉⵍⴻⵍⵍⵉ ⵏ ⵉⵏⵎⵓⵔⴰⵏ ⵏⵏⵙ.”

ⵉⵇⵇⴰⵏ ⴷ ⴰⴷ ⵏⵙⴷⵓⵙ ⴰⵙⵏⴼⵍ ⵏ ⵜⵎⵓⵣⴰⵢⵉⵏ ⵊⴰⵔ ⵉⴱⵕⵍⴰⵎⴰⵏⵏ ⵏⵏⵖ ⴳ ⵢⵉⴳⵔ ⴰⴷ, ⵏⵙⴽⵔ ⴰⵏⵏⵓⵏⵕⵣⵎ ⵙ ⵓⵙⵎⵔⵙⵍ ⴷ ⵓⵙⴰⵜⵉ ⴰⵣⵔⴼⴰⵏ. ⵉⵇⵇⴰⵏ ⴷ ⴰⴷ ⵏⵙⴽⵔ ⵜⵉⵙⵜⵔⴰⵜⵉⵊⵉⵢⵉⵏ ⴳⴰⴷⴷⴰⵏⵉⵏ ⵉ ⵓⵏⵄⴰⵕ ⵏ ⵓⵎⵏⵥⴰⵡ ⵏⵏⵖ ⴷ ⵓⵏⵄⴰⵕ ⵏ ⵜⵏⵓⴼⴰ ⵏⵏⵙ ⵏⵙⴱⴷⴷ ⴰⵙⵉⵜⵜⵉ ⵍⵍⵉ ⴼⵍⵍⴰⵙ ⵉⵍⵍⴰⵏ ⵙ ⵓⵏⴳⵔⴰⵡ ⴰⴳⵔⴰⵖⵍⴰⵏ ⴳ ⵓⵔ ⵉⵍⵍⵉ ⵓⵣⵔⴼ ⵙⵍⴰⵡⴰⵏ ⴰⴽⴽⵯ ⵎⵏⵉⴷ ⵏ ⵉⴼⵔⵉⵇⵢⴰ.

ⵜⵉⵏⴳⴳⵯⴰ ⴷ ⵉⵏⴳⴳⵯⴰ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ; 

ⵉⴳⴰ ⵜⵉⴷⵜ ⵎⴰⵙⴷ ⴰⵜⵉⴳⵏ ⴷ ⵜⵏⴰⵥⵕⵉⵏ ⵏ ⵜⵏⴱⴰⴹⵉⵏ ⴷ ⵉⴱⵕⵍⴰⵎⴰⵏⵏ ⴷ ⵜⴳⵔⴰⵡⵉⵏ ⵉⵏⵏⵓⵕⵥⵎⵏ, ⴳⴰⵏ ⴳ ⵓⴳⵯⵏⵙ ⵏ ⵜⵎⵙⴽⴰⵔ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ. ⵉⴳ ⵡⴰⵡⵜⵜⴰⵙ ⴰⵎⴰⵜⴰⵢ ⵉⵛⵛⴰⵔⵏ ⴷ ⵓⵙⵜⵔⴰⵜⵉⵊⵉ ⴰⵙⵕⵚⵓ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵓⵡⴰⵏⴽ ⵏ ⵜⵎⵔⵙⴰⵍ ⴷ ⵉⵣⵔⴼⴰⵏ ⵏ ⵓⴼⴳⴰⵏ. ⵉ ⵖⵎⴽ ⴰⵏⵏ ⵉⵇⵇⴰⵏ ⴷ ⴰⴷ ⵏⵎⵢⴰⵡⴰⵙ ⵏⴽⴽⵏⵉ ⵉⴼⵔⵉⵇⵉⵢⵏ ⴰⵡⴰⴽ ⴰⵎⵓⵏⵏ ⵏⵏⵙ. ⵙ ⵓⵙⴷⴷⴻⴷ ⵍⵍⴰⵏ ⴳ ⵉⵥⵥⵍⵎⴹ ⴽⵉⴳⴰⵏ ⵏ ⵓⴷⴷⵉⵔⵏ ⴷ ⵜⵥⴹⴰⵕⵉⵏ ⴷ ⵜⴳⵔⴰⵡⵉⵏ ⵉⴱⴷⴷⵏ ⵏ ⵜⵣⵔⴼⵜ ⵉ ⵉⴼⵔⵉⵇⵢⴰ ⴷ ⵜⵏⴽⵔⴰ ⵏⵏⵙ.

ⵙⵙⵓⵔⴼⴰⵜ ⵉⵢⵉ ⴰⴷ ⴱⴷⵔⵖ ⵢⴰⵏ ⵙⴳ ⵉⵡⵔⵉⴽⵏ ⴰⴷ ⵉⴳⵔⴰⵖⵍⴰⵏⵏ ⵉⵅⴰⵜⴰⵔⵏ ⵎⴰⵙⵙ pacheco Duarteⴰⵏⵙⵙⵉⵅⴼ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵜ ⵜⴰⴳⵔⴰⵖⵍⴰⵏⵜ.

ⴰⵔ ⴷⴰⵖ ⵙⵔⵓⵏ ⵙⴱⵔⵔⴰⴽⵖ ⴳ ⵜⵎⴰⵣⵉⵔⵜ ⵏⵏⵓⵏ ⵜⵉⵙ ⵙⵏⴰⵜ, ⵀⴰ ⵏⵏ ⵜⵍⵍⴰⵎ ⵊⴰⵔ ⴰⵢⵜ ⴷⴰⵔⵓⵏ ⴷ ⴰⵢⵜⵎⴰⵜⵏ ⵏⵏⵓⵏ ⴷ ⵉⵏⴳⴳⵯⴰ ⵏⵏⵓⵏ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ