ⴰⵙⵉⵡⴹ ⵉⵛⵛⴰⵔ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵓⴱⵕⵍⴰⵎⴰⵏ ⴰⴼⵔⵉⵇⵉ

1. ⵉⵙⴱⵔⵔⴽ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵔⵣⴰⴼ ⵉⵙⵜⴰⵡⵀⵎⵎⴰⵏ ⵍⵍⵉ ⵉⵙⴽⵔ ⵓⴽⴰⴱⴰⵕ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ  ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴼⵓⵔⵜⵛⵏ ⵛⴰⵔⵓⵎⴱⵉⵔⴰ  ⵉ ⵜ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙⴳ 24 ⴰⵔ 27 ⵛⵓⵜⴰⵏⴱⵉⵔ 2022 ⵙ ⵜⵖⵔⵉ ⵏ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ.
2. ⵙ ⵜⵎⵍⴷⴰ, ⵉⵍⵍⴰ ⵓⵙⵓⵜⴳ ⵏ ⵓⵖⵓⵍ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉ ⵓⵙⴽⵔ ⵏ ⵜⵡⵡⵓⵔⵉ ⵏⵏⵙ, ⵢⵉⵍⵉ ⵓⵙⴷⴷⵉⴷ ⴼ ⵜⵡⵡⵓⵔⵉ ⵉⵛⵛⴰⵔⵏ ⵉ ⵓⵙⵏⴰⵍ ⵏ ⵜⵖⵓⵔⵉ ⵏ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉ ⵓⵙⵎⴰⵢⵏⵓ ⵏ ⵓⵙⵏⴳⴰⴷⴷⴰ ⵏ ⵓⴱⵕⵍⴰⵎⴰⵏ. ⴷ ⵓⵙⴷⴷⵉⴷ ⴼ ⵜⵡⵡⵓⵔⵉ ⵉⵛⵛⴰⵔⵏ ⵃⵎⴰ ⴰⴷ ⵉⵟⵟⴼ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴰⴷⵖⴰⵔ ⵏⵏ ⴳ ⵓⵎⵏⵥⴰⵡⴰ ⵙ ⵜⵖⴰⵔⴰⵙⵜ ⵉⴳⴰⵏ ⴳ ⵚⴰⵃⴰ ⵏ ⵉⵏⵎⵓⵔⴰⵏ ⵏ ⵜⵎⵉⵣⴰⵔ ⵏ ⵉⴼⵔⵉⵇⵢⴰ.
3. ⵉⵙⵓⵜⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴰⵙⵖⵣⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵏ ⵓⴱⵕⵓⵟⴽⵓⵍ ⴰⵎⵙⴽⴰⵔ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⴰⴱⵕⵓⵟⵓⴽⵓⵍ ⵏ ⵎⴰⵍⴰⴱⵓ, ⵢⵉⵍⵉ ⵓⵎⵙⴰⵙⴰ ⴼ ⵓⵙⵎⵓⵙⵙⵓ ⵏ ⵉⵡⴰⵏⴽⵏ ⵏ ⵉⴼⵔⵉⵇⵢⴰ ⵉ ⵓⵙⵏⴰⵍ ⵏ ⵓⵙⵖⵣⵏ ⵏ ⵓⴱⵕⵓⵟⵓⴽⵓⵍ ⵏ ⵎⴰⵍⴰⴱⵓ.
4. ⵉⵍⵍⴰ ⵓⵙⵓⵜⴳ ⵏ ⵓⵙⵏⵎⴰⵍⴰ ⵉⵎⵎⵓⵔⵙⵏ ⵏ ⵓⴳⵔⴰⵡ ⵡⵉⵙ 11 ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵢⵉⵏ, ⵉⵍⵍⴰⵏ ⴳ ⵎⵉⴷⵔⴰⵏⴷ ⴳ 1 ⴷ 2 ⵛⵓⵜⴰⵏⴱⵉⵔ 2022, ⵙ ⵜⴷⵔⴰⵡⵜ ⵏ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵡⵉⵣⵉ ⵏⵏⵙ ⴳ ⵓⵙⴷⵓⵙ ⵏ ⵓⵣⴷⴰⵢ ⴷ ⵜⵡⵡⵓⵔⵉ ⴷ ⵓⵏⵄⴰⵕ ⴰⴱⵕⵍⴰⵎⴰⵏⵉ.
5. ⵉⵍⵍⴰ ⵓⵎⵙⴰⵙⴰ ⴼ ⵓⵙⵏⴰⵍ ⵏ ⵓⵙⵉⵔⴰ ⴰⵎⴰⵢⵏⵓ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴼⵓⵔⵜⵛⵏ ⵛⴰⵔⵓⵎⴱⵉⵔⴰ, ⵉ ⵓⵙⵎⴰⵢⵏⵓ ⵏ ⵓⴱⵕⵍⴰⵎⴰⵏ ⴰⵎⵏⵥⴰⵡ, ⴳ ⵜⵉⵣⵉ ⴳ ⵍⵍⴰⵏⵜ ⴽⵉⴳⴰⵏ ⵏ ⵜⵏⴰⵥⴰⵕⵉⵏ ⴷⴰⵜ ⵏ ⵓⵎⵏⵣⴰⵡ ⵏ ⵉⴼⵔⵉⵇⵢⴰ ⴰⵎ: ⴰⵥⵍⴰⴹ, ⵡⴰⵔⵡⵓⵔⵉ, ⴰⵙⵏⴼⵍ ⵡⴰⵔⴷⵙⵜⴰⵔ ⵏ ⵜⵏⴱⴰⴹⵉⵏ, ⴰⵙⵏⴰⵍ ⵏ ⵉⵎⵉⵥ ⵏ ⵉⵙⵓⴳⴰⵎ, ⵉⵎⴰⵖⵏ ⴷ ⵜⴽⵕⴹⵉ, ⴰⵙⵓⵔⵙ ⵏ ⵜⵎⵖⴰⵔⵜ ⴷ ⵉⵄⵔⵔⵉⵎⵏ, ⵜⴰⵣⵣⵉⴳⵣⵜ ⵜⴰⴷⵎⵙⴰⵏⵜ ⵉⴱⴷⴷⵏ ⵙ ⵜⴰⵙⵙⴰⵙⵜ ⵏ ⴽⵓⴼⵉⴷ 19.
6. ⵉⵍⵍⴰ ⵓⵎⵙⴰⵙⴰ ⴼ ⵓⵙⵏⴰⵍ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⴷ ⵉⵡⵜⵜⴰⵙⵏ ⴷ ⵜⵉⵍⴰⵍ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⵉ ⵓⵙⴽⵔ ⵏ ⵜⵥⵍⴰⵢⵉⵏ ⵏⵏⵙ ⴳ ⵓⵎⵣⴰⵖ ⵏ ⵜⵢⴰⵏⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⴼⵔⴰ ⴷ ⵓⵔⴳⴳⵉⴳ ⴷ ⵜⴷⵉⵎⵓⵇⵔⴰⵟⵉⵜ ⴷ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵏⵏⵓⴱⴹⴰ ⵉⵥⵉⵍⵏ ⴳ ⵓⵎⵏⵥⴰⵡ ⵏ ⵉⴼⵔⵉⵇⵢⴰ, ⵃⵎⴰ ⴰⴷ ⵢⵉⵍⵉ ⵉⵎⴰⵍ ⵉⵣⵉⵍⵏ ⵏ ⵉⴼⵔⵉⵇⵢⴰ ⵉⴱⴷⴷⵏ ⴼ ⵜⵎⵏⵏⴰⵡⵜ ⴷ ⵓⵙⵎⵖⵔ ⵉ ⵚⴰⵃⴰ ⵏ ⵉⵏⴰⵔⵓⵣⵏ ⵛⵛⴰⵔⵏⵉⵏ ⵏ ⵓⵎⵏⵥⴰⵡ ⴳ ⵜⴳⵎⵉ ⴷ ⵜⵣⵣⵉⴳⵣⵜ.
7. ⵉⵍⵍⴰ ⵓⵎⵙⴰⵙⴰ ⴼ ⵜⵣⵣⵉⴳⵣⵜ ⵏ ⵓⵎⵣⴰⵖ ⵏ ⵓⴼⵔⴰ ⴷ ⵜⵏⴼⵔⵓⵜ ⴳ ⵓⵎⵏⵥⴰⵡ, ⵉ ⵓⵣⵣⵉⴳⵣ ⵏ ⵜⴳⵎⵉ ⵉ ⵚⴰⵃⴰ ⵏ ⵉⵎⴰⴷⴰⵏⵏ ⵏⵏⵙ. ⵉⵙⴱⵔⵔⴽ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ ⵜⵉⴹⴰⴼ ⵏ ⵉⵙⵜⴰⵢⵏ ⵍⵍⵉ ⵉⴳⴰⵏ ⴰⴳⵣⵣⵓⵎ ⵉⵙⵜⴰⵡⵀⵎⵎⴰⵏ ⴳ ⵜⴷⵉⵎⵓⵇⵔⴰⵟⵉⵜ ⵏ ⵜⴳⵯⵏⵙⴰⵙⵜ.
8. ⵉⵍⵍⴰ ⵓⵙⵓⵜⴳ ⵏ ⵓⵎⵙⴰⵙⴰ ⵏ ⵜⴰⵏⵏⴰⵢⵢⵉⵏ ⴼ ⵓⵙⵏⴰⵍ ⵏ ⵜⵖⵜⴰⵙⵉⵏ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ, ⴷ ⵜⵣⵣⵉⴳⵣⵜ ⵏ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵓⵚⴽⵉⵡⵏ ⵏⵏⵙ ⴷ ⵓⵡⵇⵇⵔ ⵏ ⵜⵎⵥⵎⴰⵢ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ. ⵢⵉⵍⵉ ⵓⵙⴷⴷⵉⴷ ⴼ ⵓⵙⴷⵔⵓ ⵏ ⵉⵄⵔⵔⵉⵎⵏ ⴳ ⵜⵙⵏⵜⴰⵢⵉⵏ ⵏ ⵜⴳⵎⵉ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵍⵍⴰⵏⵉⵏ.
9. ⵉⵍⵍⴰ ⵓⵎⵙⴰⵙⴰ ⴼ ⵓⵙⴽⵔ ⵏ ⵉⵎⵛⴰⵡⴰⵕⵏⵏ ⵉ ⵓⵙⵎⴰⵢⵏⵓ ⴰⵎⵔⵙⵍⴰⵏ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉⴱⴷⴷⵏ ⴼ ⵡⴰⵜⵉⴳⵏ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴳⴰⵏⵉⵏ: ⵜⴰⵣⵔⴼⵜ, ⴰⵙⵉⴷⴼ, ⵜⴰⵎⵓⵏⵜⵏ ⴰⵙⵕⵚⵓ ⵏ ⵜⵡⴰⵍⴰ ⵅⴼ ⵜⵏⵙⵙⵉⵅⴼⵜ ⵏ ⵓⵚⴽⵉⵡⵏ ⵏ ⵓⴱⵕⵍⴰⵎⴰⵏ, ⴳⴰⵏⵉⵏ ⵡⵉⵏ ⵓⵏⵙⵙⵉⵅⴼ ⴷ ⵉⵎⵓⵔⴰ ⵏⵏⵙ, ⵜⵉⵔⵓⴱⴱⴰ ⵏ ⵓⵎⵏⵥⴰⵡ, ⵜⵉⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⴷ ⵓⵙⴽⵔ ⵏ ⵓⵎⵢⴰⵙ ⴰⵎⵏⵥⴰⵡ ⴳ ⵓⵙⵡⵓⵔⵉ ⵏ ⵉⵎⵙⵙⵓⴳⵓⵔⵏ.

ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ

ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⴳⵍⴷⵉⵜ ⵏ ⵍⵎⵖⵔⴱ

ⵎⴰⵙⵙ ⴼⵓⵔⵜⵉⵏ ⵛⴰⵔⵓⵎⴱⵉⵔⴰ

ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ

ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ

ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵜⴰⴳⵍⴷⵉⵜ ⵏ ⵍⵎⵖⵔⵉⴱ