ⴰⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵓⵏⵎⵓⵇⵇⴰⵔ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⵜⴳⴷⵓⴷⴰⵏⵜ ⵏ ⵟⴰⵏⵥⴰⵏⵢⴰ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 05 ⵛⵓⵜⴰⵏⴱⵉⵔ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙ ⵎⵓⵙⴰ ⴰⵣⵣⴰⵏ ⵣⵓⵏⴳⵓ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵟⴰⵏⵥⴰⵏⵢ ⵉⵍⵍⴰⵏ ⴳ ⵓⵔⵣⴰⴼ ⵏ ⵜⵡⵡⵓⵔⵉ ⵉ ⵍⵎⵖⵔⵉⴳ ⴳⵉⵙ ⵉⵏⵎⵓⵇⵇⴰⵔⵏ ⴷ ⵉⵔⵣⴰⴼⵏ.

ⴳ ⵓⵏⵎⵓⵇⵇⴰⵔ ⴰⴷ, ⵉⵙⴷⴷⵉⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵟⴰⵏⵥⴰⵏⵢ ⴼ ⵡⴰⵜⵉⴳ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⵟⴰⵥⴰⵏⵢⴰ, ⴰⵢⵍⵍⵉ ⵔⴰⴷ ⵉⵕⵥⵎ ⵉⵎⵏⴰⴷⵏ ⵉⵎⴰⵢⵏⵓⵜⵏ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵉⵙⴰⵡⵍ ⴼ ⵜⵉⵎⴰⵎⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵊⴰⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵎⵛⴰⵡⴰⵕ ⵊⴰⵔ ⵏⵏⵙⵏ. ⵉⵙⴰⵡⵍ ⵓⵍⴰ ⴼ ⵜⵉⵔⴰⵜ ⵉ ⵓⵙⵎⵔⵙⵍ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵟⴰⵏⵥⴰⵏⵢⴰ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵎⴷⵉⵜ ⵏ ⵍⵎⵖⵔⵉⴱ ⵙ ⵓⵣⵎⵎⴻⵎ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ.

ⵉⵙⵓⵜⴳ ⵎⴰⵙⵙ ⵎⵓⵙⴰ ⴰⵣⵣⴰⵏ ⵣⵓⵏⴳⵓ ⵜⴰⵣⵣⵉⴳⵣⵜ ⵉⵍⵍⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵎⵏⵏⴰⵡ ⵉⴳⵔⴰⵏ ⴰⵎ ⵜⴰⴼⵍⵍⴰⵃⵜ ⴷ ⵓⵙⵡⵓⴷⴷⵓ ⵏ ⵡⴰⵎⴰⵏ ⴷ ⵜⴽⵔⵣⴰ ⴷ ⵜⵎⴳⵓⵔⵉ ⵏ ⵍⴰⵏⴳⵔⵉ, ⵢⵉⵏⵉ ⵎⴰⵙ ⴰ ⵉⵙⴽⴰⵔ ⵍⵎⵖⵔⵉⴱ ⵍⴰⵏⴳⵔⵉⵢⴰⵜ ⵕⵡⴰⵏⵉⵏ, ⵜⴻⵟⵟⵉⴼ ⵟⴰⵏⵥⴰⵏⵢⴰ ⵉⴽⴰⵍⵉⵡⵉⵏ ⴳⴳⵓⵜⵏⵉⵏ ⴳⴰⵏⵉⵏ ⵡⵉⵏ ⵜⴽⵔⵣⴰ, ⵉⵍⵉⵏ ⵡⴰⵏⵏⴰⵣⵏ ⵉ ⵓⵙⵔⵓⵙ ⵏ ⵜⵎⴷⵔⴰⵡⵉⵏ ⵔⵎⵙⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵉⵖⵔ ⵖ ⵓⵎⵏⵉⴷ ⴰⴷ ⵉ ⵓⵙⵎⵖⵔ ⵏ ⵓⵙⵏⴼⵍ ⴰⴷⵓⵙⴰⵏ ⴷ ⵓⵏⵙⴱⴰⴱ ⴷ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⴳ ⵉⴳⵔⴰⵏ ⵏ ⵓⴷⴰⵡⴰⵙ ⴷ ⵜⵎⴳⵓⵔⵉ ⵏ ⵉⵙⴰⴼⴰⵔⵏ ⴷ ⵓⵙⵙⵍⵎⴷ, ⵢⵉⵏⵉ ⵎⴰⵙ ⵙⵎⵓⵏⵏⵜ ⵜⵣⴷⴰⵢⵉⵏ ⵛⵛⴰⵔⵏⵏ ⵙⵏⴰⵜ ⵜⵎⵉⵣⴰⵔ.

ⴳ ⵓⵎⵏⵉⴷ ⵏⵏⵙ, ⵉⵙⵙⴽⵯⵜⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵔⵣⴰⴼ ⴰⵎⵣⵔⴰⵢ ⵍⵍⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ  ⴰⴷ ⵜ ⵉⵏⵚⵕ ⵕⴱⴱⵉ ⵉ ⵟⴰⵏⵥⴰⵏⵢⴰ ⴳ 2016, ⵖ ⵉⵍⵍⴰ ⵓⵣⵎⵎⴻⵎ ⵏ ⴽⵉⴳⴰⵏ ⵏ ⵜⵎⵢⴰⵇⵇⴰⵏⵉⵏ ⴼ ⵉⴳⵔⴰⵏ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ. ⵉⵙⴷⵉⴷ ⵎⴰⵙⵙ ⵕⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⵔⴰ ⵍⵎⵖⵔⵉⴱ ⴰⴷ ⵉⵙⴷⵓⵙ ⵜⵉⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴰⴽⴷ ⵟⴰⵏⵥⴰⵏⵢⴰ ⵙⵍⴰⵡⴰⵏ ⴰⴽⴽⵯ ⴳ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴷ ⵓⵙⴷⵓⵙ ⵏ ⵜⵡⵉⵣⵉ ⵊⴰⵔ ⵜⵉⵎⵉⵣⴰⵔ ⵏ ⵓⵎⵏⵥⴰⵡ ⴷ ⵜⴳⵎⵉ ⴷ ⵓⴼⵔⴰ ⴷ ⵓⵔⴳⴳⵉ ⵙ ⵓⵡⵇⵇⵔ ⵏ ⵜⵅⵅⵓⵜⵔⴰ ⴷ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵜⵎⵉⵣⴰⵔ.

ⵎⵙⴰⵙ ⵙⵉⵏ ⵉⵎⵙⵜⴳⴳⴰⵔⵏ ⴼ ⵓⵙⵎⵔⵙⵍ ⵏ ⵓⵎⵢⴰⵡⴰⵙ ⵊⴰⵔ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ, ⴷ ⵓⵎⵛⴰⵡⴰⵕ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⵊⴰⵔ ⵉⴱⵕⵍⴰⵎⴰⵏⵉⵢⵏ ⵏ ⵙⵏⴰⵜ ⵜⵎⵉⵣⴰⵔ ⴷ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ.