ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵜⵎⴹⴰⴽⴰⵕ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⴰⵎⴷⵏⴰⵏ ⵏ ⵍⵇⵓⴷⵙ
ⵜⵎⴹⴰⴽⴰⵕ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 20 ⵢⵓⵏⵢⵓ 2022 ⴳ ⵕⵕⴱⴰⵟ, ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⴰⵎⴷⵏⴰⵏ ⵏ ⵍⵇⵓⴷⵙ ⴰⵊⵉⵏⵔⴰⵍ ⴱⵉⵍⴰⵍ ⵏⵜⵜⵛⴰ ⵉⵙⴽⵔⵏ ⴰⵔⵣⴰⴼ ⵉ ⵜⴳⵍⴷⵉⵜ ⴰⵔ 23 ⵢⵏⵓⵢⵓ 2022 ⵏⵜⵜⴰⵏ ⴷ ⵉⴳⵎⴰⵎⵏ ⵏ ⵓⴳⵔⴰⵡ.
ⵉⵍⵍⴰ ⴳ ⵓⴽⴰⴱⴰⵕ ⴰⴷ: ⴰⵊⵉⵏⵕⴰⵍ ⴱⵉⵍⴰⵍ ⵏⵜⵜⵛⴰ, ⴰⵏⴼⵍⵓⵙ ⴰⵍⴰⵜⴰⵢ ⵏ ⵜⴳⵔⴰⵡⵜ ⵜⵓⵙⵍⵉⵎⵜ ⵜⴰⵎⴰⵙⵉⵃⵉⵜ ⵏ ⵓⵏⵄⴰⵔ ⵏ ⵍⵇⵓⴷⵙ ⴷ ⵉⵎⴰⵇⴷⵉⵙⵉⵢⵏ, ⵎⴰⵙⵙ ⵃⴰⵜⵉⵎ ⵄⴰⴱⴷⵍⵇⴰⴷⵔ ⴰⵎⴰⵡⵙⴰⵙ ⵉⵣⵔⵉⵏ ⵏ ⵜⵖⴰⵡⵙⵉⵡⵉⵏ ⵏ ⵍⵇⵓⴷⵙ, ⴰⵎⴰⵔⵉ ⵏ ⵓⴳⵔⴰⵡ ⵎⴰⵙⵙ ⵢⵓⵏⵙ ⵍⵄⵎⵎⵓⵔⵉ.
ⴱⴷⴷⵏ ⵉⵎⴹⴰⴽⴰⵕⵏ ⴰⴷ ⴼ ⵓⵙⵓⵔⵙ ⵏ ⵖⵉⵍⴰⴷ ⴳ ⵜⵎⴷⵉⵏⵜ ⵏ ⵍⵇⵓⴷⵙ. ⵉⵃⴰⴹⵕ ⴰⵙ ⵓⵏⵎⵀⴰⵍ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵡⵓⴷⴷⵓ ⵏ ⵜⵖⴰⵡⵙⵉⵡⵉⵏ ⵏ ⵜⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵜⴷⵔⵉⵎⵜ ⵏ ⵍⵇⵓⴷⵙ ⴰⵛⴰⵔⵉⴼ ⵎⴰⵙⵙ ⵎⵓⵃⴰⵎⵎⴰⴷ ⵙⴰⵍⵎ ⵛⵛⵔⵇⴰⵡⵉ.
ⵜⵙⵎⴰⵢⵏⵓ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ ⴰⵏⵄⴰⵔ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵉ ⵜⵎⵙⴰⵔⵜ ⵏ ⴼⴰⵍⵉⵚⵟⵉⵏ ⴷ ⵓⵙⵏⴰⵍ ⵏⵏⵙ ⵉⵙⵓⵍⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⴰⴷ ⵜ ⵉⵏⵚⵕ ⵕⴱⴱⵉ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ, ⵜⵉⵏⵉ ⵎⴰⵙⴷ ⵉⵎⵖⵔⵉⴱⵉⵢⵏ ⵎⴰⵕⵕⴰ ⵙⴽⵔⵏ ⴳ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ ⵜⴰⵎⵙⴰⵔⵜ ⵏⵏⵙ ⵜⵉⵙ ⵙⵏⴰⵜ ⴷ ⵜⵎⴰⵣⵉⵔⵜ ⵏⵏⵙ ⵜⵉⵙ ⵙⵏⴰⵜ.
ⵜⵙⴷⴷⵉⴷ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ ⵎⴰⵙ ⵔⴰⴷ ⴱⴷⴷⴰ ⵉⵜⵜⵏⵄⴰⵔ ⵍⵎⵖⵔⵉⴱ ⴼ ⵜⵎⵙⴰⵔⵜ ⵜⴰⴼⵉⵍⵙⵟⵉⵏⵉⵜ, ⴰⵔⴷ ⴰⴽⴽⵯ ⵜⵜⵓⵙⴽⵉⵔⵏ ⵉⵣⵔⴼⴰⵏⵏ ⵓⵍⴳⵉⵏⵏ ⵏ ⵓⵎⴰⴷⴰⵏ ⴰⴼⴰⵍⵉⵙⵟⵉⵏⵉ ⴷ ⵓⵚⴽⵓ ⵏ ⵓⵡⴰⵏⴽ ⵏⵏⵙ ⴰⵙⵉⵎⴰⵏ ⴷ ⵜⵎⴰⵣⵓⵏⵜ ⵏⵏⵙ ⵍⵇⵓⴷⵙ ⵏ ⵍⵇⴱⵍⵜ.
ⴳ ⵓⵎⵏⵉⴷ ⵏⵏⵙ, ⵉⵏⵏⴰ ⵎⴰⵙ ⴱⵉⵍⴰⵍ ⵏⵏⵜⵛⴰ ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⴰⵎⴷⵏⴰⵏ ⵏ ⵍⵇⵓⴷⵙ ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵡⴰⴷ ⵏ ⵓⵙⵏⴼⵍ ⵏ ⵓⵔⵣⴰⴼ ⵊⴰⵔ ⵓⴳⵔⴰⵡ ⴷ ⵜⵙⵏⵓⵔⴰⵢⵜ ⵏ ⵜⴳⵎⵎⵉ ⵏ ⵜⴷⵔⵉⵎⵜ ⵏ ⵍⵇⵓⴷⵙ ⴷ ⵜⵎⵢⴰⵇⵇⴰⵏⵉⵏ ⵜⵜⵓⵙⴽⴰⵔⵏⵉⵏ ⵉ ⵓⵙⵏⴰⵍ ⵏ ⵍⵇⵓⴷⵙ ⴷ ⵉⵎⴰⵇⴷⵉⵙⵉⵢⵏ.
ⵉⵙⵓⵜⴳ ⴰⴷⴷⴰⴷⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵓⵙⵏⴰⵍ ⵏ ⵍⵇⵓⴷⵙ, ⴷ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵉⵙⴱⵔⵔⴽ ⴰⵣⵎⵎⴻⵎ ⵏ ⴱⴰⴱ ⵏ ⵡⴰⴷⴷⵓⵔ ⴷ ⵍⴱⴰⴱ ⴼⵕⴰⵏⵚⵉⵚ ⴳ ⵎⴰⵕⵚ 2019 ⵏ “ⵓⵍⵖⵓ ⵏ ⵍⵇⵓⴷⵙ”, ⴼ ⵜⵍⴻⵍⵍⵉ ⵏ ⵓⵙⴳⴷ ⴼ ⵓⴼⵔⴰ ⴳ ⵜⵖⵔⵎⵜ ⵜⴰⵎⵙⴼⵓⵣⵣⵔⵜ.
ⵉⵙⴰⵡⵍ ⵓⵍⴰ ⵎⴰⵙⵙ ⴱⵉⵍⴰⵍ ⵏⵜⵜⵛⴰ ⴼ ⵜⴰⵙⵙⴰⵙⵜ ⴳ ⴷⴷⵔⵏ ⵉⵎⵣⴷⴰⵖⵏ ⵏ ⵍⵇⵓⴷⵙ ⴰⵛⴰⵔⵉⴼ, ⴷ ⵜⵎⴰⵖⵜ ⵏ ⵓⵎⴰⴷⴰⵏ ⵏ ⴼⴰⵍⵉⵙⵟⵉⵏ ⴷ ⵉⵎⴰⵇⴷⵉⵙⵉⵢⵏ ⵉ ⵉⵣⵔⴼⴰⵏ ⵏⵏⵙⵏ ⵓⵍⴳⵉⵏⵏ.
ⴳ ⵜⴽⵛⵛⵓⵎⵉⵏ ⵏⵏⵙ, ⵙⵓⵜⴳⵏ ⵉⴳⵎⴰⵎⵏ ⵏⵏ ⵓⴽⴰⴱⴰⵔ ⴰⵙⵖⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵎⵣⴰⵖ ⵏ ⵜⵎⵙⴰⵔⵜ ⵏ ⴼⴰⵍⵉⵙⵟⵉⵏ, ⴷ ⵜⵉⵍⴰⵍⵜ ⵏ ⵜⴳⵎⵎⵉ ⵏ ⵜⴷⵔⵉⵎⵜ ⵏ ⵜⴷⵔⵉⵎⵜ ⵏ ⵍⵇⵓⴷⵙ ⵙ ⵜⵏⵓⴼⴰ ⵏⵏⵙ ⵉ ⵚⴰⵃⴰ ⵏ ⵍⵇⵓⴷⵙ ⴷ ⵉⵎⴰⵇⴷⵉⵙⵉⵢⵏ. ⴼⴽⵉⵏ ⵓⵍⴰ ⵉⵙⵉⵙⴼⵉⵡⵏ ⴼ ⵓⴳⵔⴰⵡ ⴰⵏⴰⵎⵓⵔ ⴰⵎⴷⵏⴰⵏ ⵉ ⵍⵇⵓⴷⵙ, ⵉⵔⵉⵏ ⴰⵙⴽⵔ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⴽⴷ ⵍⵎⵖⵔⵉⴱ.