ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕⵏ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴱⵓⴷⴰⴱⵉⵙⵜ
ⵉⵙⵙⵏⵜⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 9 ⵢⵓⵏⵢⵓ 2022, ⴰⵔⵣⴰⴼ ⵏ ⵜⵡⵡⵓⵔⵉ ⵉ ⴱⵓⴷⴰⴱⵉⵙⵜ ⵙ ⵜⵖⵓⵔⵉ ⵏ ⵎⴰⵙⵙ ⵍⴰⵣⵍⵓ ⴽⵓⴼⵔ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵎⴰⵊⴰⵔⵉⵜ.
ⵙⵓⵜⴳⵏ ⵙⵉⵏ ⵉⵎⵙⵜⴳⴳⴰⵔⵏ ⴰⵎⵢⴰⵡⴰⵙ ⵉⵕⵡⴰⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⵉⵍⵍⴰⵏ ⵙ ⵉⵔⵣⴰⴼⵏ ⵏ ⵜⵡⵡⵓⵔⵉ ⴷ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⵉⵜⵜⵓⵣⵎⴰⵎⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⴳ ⵉⴱⵔⵉⵔ 2019.
ⵙ ⵜⵎⵍⴷⴰ, ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⴷⴷⴰⴷ ⵏ ⵀⴰⵏⵖⴰⵔⵢⴰ ⵅⴼ ⵜⴰⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ ⵉⴱⴷⴷⵏ ⴼ ⵜⵖⵜⴰⵙⵉⵏ ⵏ ⵜⵎⵜⵜⴰ ⵎⵓⵏⵏⵉⵏ ⴷ ⵜⵙⵓⵎⵔⵜ ⵜⴰⵎⵖⵔⵉⴱⵉⵜ ⵉ ⵜⵉⴽⴽⵉ ⵏ ⵓⵏⴱⴰⴹ ⴰⵏⵉⵎⴰⵏ ⵉ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵉⴳⴰⵏ ⴰⴼⵙⵙⴰⵢ ⵏ ⵜⵉⵍⴰⵡⵜ.
ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵎⴰⵊⴰⵔⵉⵜ ⴼ ⵜⵉⵍⴰⵍⵜ ⵜⴰⵙⵜⵔⴰⵜⵉⵊⵉⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵉⴳⴰⵏ ⴰⵛⴰⵎⵓⵛ ⵏ ⵓⵔⴳⴳⵉⴳ ⴳ ⵜⵙⴳⴰ ⵜⴰⵎⴰⵖⴰⵔⵉⴱⵉⵜ ⴷ ⵉⴼⵔⵉⵇⵢⴰ.
ⵖⵎⴽ ⵍⵍⵉ ⵉⵎⵏⴰⵇⵇⴰⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙ ⵎⵉⵀⴰⵍⵉ ⴼⴰⵔⵖⴰ ⴰⵎⴰⵡⵙⴰⵙ ⴰⵀⵏⵖⴰⵕⵉ ⵏ ⵜⴷⵔⵉⵎⵜ ⴼ ⵓⵙⴷⵓⵙ ⵏ ⵜⵎⴷⵔⴰⵡⵜ ⵜⴰⴷⵎⵙⴰⵏⵜ ⵊⴰⵔ ⵙⵏⴰⵜ ⵜⵎⵉⵣⴰⵔ ⵉⵍⵍⴰⵏ ⴼ 21 ⵏ ⵉⴳⵔ ⵜⵜⴰⵡⴱⴷⴰⵔⵏⵉⵏ ⴳ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵉⵛⵛⴰⵔⵏ ⵜⵙⵉ ⴽⴽⵓⵥⵜ ⵉⵍⵍⴰⵏ ⴳ ⴱⵓⴷⴰⴱⵉⵙⵜ ⵓⵙⵙⴰⵏ ⵏ 24 ⴷ 25 ⵎⴰⵢ ⵉⵣⵔⵉⵏ.
ⵉⵎⵓⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵎⵓⵃⴰⵎⵎⴰⴷ ⵖⵉⵢⵢⴰⵜ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⴳ ⵓⵙⵇⵇⵉⵎ ⴷ ⵎⴰⵙⵙⴰ ⴽⴰⵔⵉⵎⴰ ⵍⵇⴱⴱⴰⵊ ⵜⴰⵎⵙⵇⵇⴰⴷⵜ ⵏ ⵍⵎⵖⵔⵉⴱ ⴳ ⵀⴰⵏⵖⴰⵕⵢⴰ.