ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⴱⵕⵕⴰ ⴰⴽⴰⴱⴰⵕ ⵙⴳ ⵜⴰⵙⵇⵇⵉⵎⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵜⴳⵎⵉ ⴳ ⵓⴱⵕⵍⴰⵎⴰⵏ ⴰⵍⵉⵎⴰⵏⵉ (ⵍⴱⵓⵏⴷⵙⵜⴰⴳ)

ⵜⵙⵏⵓⴱⴳ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⵙ ⵜⵄⵍⵉⵜ ⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ, ⴰⵙⵉⵏⴰⵙ 07 ⵢⵓⵏⵢⵓ 2022, ⴰⴽⴰⴱⴰⵕ ⵙⴳ ⵜⵙⵇⵇⵉⵎⵜ ⵏ ⵓⵎⵢⴰⵡⴰⵙ ⴰⴷⵎⵙⴰⵏ ⴷ ⵜⴳⵎⵉ ⵙⴳ ⵓⴱⵕⵍⴰⵎⴰⵏ ⴰⵍⵉⵎⴰⵏⵉ (ⵍⴱⵓⵏⴷⵙⵜⴰⴳ).

ⴳ ⵓⵏⵎⵓⵇⵇⴰⵔ ⴰⴷ, ⵉⵍⵍⴰ ⵓⵎⴹⴰⴽⴰⵕ ⴼ ⵉⵎⵕⵚⵉⵡⵏ ⵛⵛⴰⵔⵉⵏ ⴰⵎ ⵜⴰⵎⴷⵔⴰⵡⵜ ⵜⴰⵙⵔⵜⴰⵏⵜ ⴷ ⵓⵙⵉⵥⴹⵕ ⴰⴷⵎⵙⴰⵏ ⵏ ⵜⵎⵖⴰⵔⵉⵏ ⴳ ⵍⵎⵖⵔⵉⴱ.

ⵜⵙⴷⴷⵉⴷ ⵎⴰⵙⵙⴰ ⴱⵓⵄⵉⴷⴰ, ⵎⴰⵙ ⵉⵙⴽⵔ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵓⵎⵎⵉⵥⵏ ⵙⵜⴰⵡⵀⵎⵎⴰⵏⵉⵏ ⴳ ⵢⵉⴳⵔ ⵏ ⵢⵉⵙⴽⵉⵍ ⴷ ⵉⵣⵔⴼⴰⵏ ⵏ ⵜⵎⵖⴰⵔⵜ ⵜⴰⵎⵖⵔⵉⴱⵉⵜ ⴷ ⵉⵎⵓⴽⵏⵏ ⵉⵙⵔⵜⴰⵏⵏ ⴷ ⵉⵣⵔⴼⴰⵏⵏ ⴷ ⵜⴳⵎⵉ ⴷ ⵓⵙⵉⴷⴼ ⵏ ⵜⵎⵢⴰⴷⴰⵙⵜ ⵏ ⵡⴰⵏⴰⵡ ⴳ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⵏⴰⵎⵓⵔⵏ ⵉⴳⴷⵓⴷⴰⵏⵏ.

ⵜⵉⵏⵉ ⵎⴰⵙⵙⴰ ⴱⵓⵄⵉⴷⴰ ⵎⴰⵙ ⵜⵍⵍⴰ ⵜⵉⵔⴰⵜ ⵜⴰⵙⵔⵜⴰⵏⵜ ⵉⴷⵓⵙⵏ ⵃⵎⴰ ⴰⴷ ⵢⵉⵍⵉ ⵢⵉⵙⴽⵉⵍ ⵖ ⵎⴰⵏⵏ ⵓⵔ ⵢⴰⴳⴳⵓⴳⵏ ⵙ ⵓⵎⵙⴰⵙⴰ ⵏⴳⵔ ⵓⴼⵔⴰⴳ ⵏ ⵡⴰⵢⴷⴰ ⴷ ⵓⵙⵉⴷⴼ ⴳ ⵜⵎⴰⵜⵔⴰⵔⵜ, ⵜⵉⵏⵉ ⵎⴰⵙ ⵜⵍⵍⴰ 95 ⵏ ⵜⵎⵖⴰⵔⵜ ⴳ ⵓⵙⵇⵇⵉⵎ ⵏ ⵉⵎⵓⵔ, ⵉⵍⵉⵏⵜ ⵜⵎⵖⴰⵔⵉⵏ ⴳ ⵜⵏⴱⴰⴹⵜ, ⴷ ⵜⵎⵔⴰⵡⵉⵏ ⵏ ⵜⵎⵖⴰⵔⵉⵏ ⴳⴰⵏⵉⵏ ⵜⵉⵏⵙⵙⵉⵅⴼⵉⵏ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴳⵉⵙⵏⵜ ⴽⵕⴰⴹⵜ ⵜⵎⵖⴰⵔⵉⵏ ⴳⴰⵏⵉⵏ ⵜⵉⵏⵙⵙⵉⵅⴼⵉⵏ ⵏ 3 ⵜⵖⵔⵎⵉⵏ ⵅⴰⵜⵔⵏⵉⵏ.

ⵜⵙⴰⵡⵍ ⵓⵍⴰ ⴼ ⵜⵉⵔⴰⵜ ⵉⴷⵓⵙⵏ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⴰⵍⵎⴰⵏⵢⴰ ⵍⵍⵉ ⵉⴳⴰⵏ ⵜⴰⵎⴷⴷⴰⴽⴽⵯⵍⵜ ⵉⵙⵏⴰⵍⵏ ⵜⴰⴷⵉⵎⵓⵇⵔⴰⵟⵉⵜ ⴷ ⵜⴳⵎⵉ ⴳ ⵜⵎⴰⵣⵉⵔⵜ ⵏⵏⵖ.

ⵙⴰⵡⵍⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵃⴰⴹⵔⵏⵉⵏ ⴳ ⵓⵏⵎⵓⵇⵇⴰⵔ ⴰⴷ: ⵎⴰⵙⵙⴰ ⵏⴰⴷⵢⴰ ⵍⵇⵏⵚⵓⵕⵉ, ⵎⴰⵙⵙⴰ ⵔⵔⴼⵄⴰ ⵎⴰⵍⵄⵉⵏⵉⵏ, ⵎⴰⵙⵙⴰ ⵄⵉⵛⴰ ⵍⴽⵔⵊⵉ, ⵎⴰⵙⵙ ⵙⵉⴷⵉ ⵚⴰⵍⵃ ⵍⵉⴷⵔⵉⵙⵉ ⴼ ⵜⴷⵉⵏⴰⵎⵉⵜ ⵏ ⵜⴳⵍⴷⵉⵜ ⴳ ⵓⵙⵎⵖⵔ ⵏ ⵓⵙⵓⵔⵙ ⵏ ⵜⵎⵖⴰⵔⵜ, ⵙⴷⴷⵉⴷⵏ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵓⵙⴷⵓⵙ ⵏ ⵓⵎⵢⴰⴷⴰⵙ ⵊⴰⵔ ⵉⵎⴰⴷⴰⵏⵏ ⴰⵎⵖⵔⵉⴱⵉ ⴷ ⵓⵍⵉⵎⴰⵏⵉ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ. ⵖⵔⵉⵏ ⵉ ⵓⵙⵉⴳⵓⵜ ⵏ ⵉⵏⵎⵓⵇⵇⴰⵔⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵉ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ.

ⵙⴷⴷⵉⴷⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⴰⵍⵉⵎⴰⵏⵉ ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵜⴰⵎⵍⴷⴰ ⵏ ⵜⵓⵙⵙⵏⴰ  ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵜⵎⴷⵔⴰⵡⵜ ⵜⴰⵙⵔⵜⴰⵏⵜ ⴷ ⵓⵙⵉⵥⴹⵕ ⴰⴷⵎⵙⴰⵏ ⵏ ⵜⵎⵖⴰⵔⵉⵏ, ⵙⴰⵡⵍⵏ ⴼ ⵓⵙⵏⴼⵍ ⴷ ⵉⵇⵇⴰⵏⵏ ⴰⴷ ⵢⵉⵍⵉ ⴳ ⵓⵙⴰⵜⵉ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵊⴰⵔ ⴰⵍⵎⴰⵏⵢⴰ ⴷ ⵍⵎⵖⵔⵉⴱ.

ⵢⵓⵎⴰ ⵓⴽⴰⴱⴰⵕ ⴰⵍⵉⵎⴰⵏⵉ:

• ⵎⴰⵙⵙ Christoph Hoffmann, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵓⵎⵢⴰⵡⴰⵙ ⴰⴷⵓⵙⴰⵏ ⴷ ⵜⴳⵎⵉ, ⵙⴳ ⵓⴽⴰⴱⴰⵕ ⴰⵍⵉⴱⵉⵕⴰⵍⵉ ⴷ ⵓⴷⵉⵎⵓⵇⵔⴰⵟⵉ.
• ⵎⴰⵙⵙⴰ Sanae Abdi ⴷ ⵎⴰⵙⵙ Karamba Diaby, ⴰⴽⴰⴱⴰⵕ ⴰⵏⴰⵎⵓⵏ ⴰⴷⵉⵎⵇⵔⴰⵟⵉ.
• ⵎⴰⵙⵙ Wolfgang Stefinger, ⴰⴽⴰⴱⴰⵕ ⴰⵎⴰⵙⵉⵃⵉ ⴰⴷⵉⵎⵓⵇⵔⴰⵟⵉ.
• ⵎⴰⵙⵙⴰ Kordula Schulz-Asche, ⵜⴰⵎⵓⵏⵜ 90- ⵉⵣⴳⵣⴰⵡⵏ.
• ⵎⴰⵙⵙ Dietmar Fridhoff , ⴰⴽⴰⴱⴰⵕ ⵏ ⵓⵙⵏⴼⵍ ⵉ ⴰⵍⵎⴰⵏⵢⴰ.