ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵉⵙⵏⵓⴱⴳ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵙⵉⵅⴼ, ⴰⵏⵙⵙⵉⵅⴼ ⵏ ⵓⵥⵟⵟⴰ ⴰⴱⵕⵍⴰⵎⴰⵉ ⴰⴳⵔⴰⵖⵍⴰⵏ ⵏ ⵓⵙⴱⴷⴷⵉ ⵏ ⵜⵎⵓⴹⴰⵏ ⵜⵎⴰⵜⵜⴰⵢⵏⵉⵏ
ⵉⵙⵏⵓⴱⴳ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⴰⵎⴰⵔⵉ ⵏ ⵓⵏⵙⵉⵅⴼ ⵏ ⵓⵙⵇⵇⵉⵎ, ⴰⵢⵏⴰⵙ 6 ⵢⵓⵏⵢⵓ 2022 ⴳ ⵕⵕⴱⴰⵟ, ⵉⴳⵎⴰⵎⵏ ⵏ ⵓⵥⵟⵟⴰ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ ⵏ ⵓⵙⴱⴷⴷⵉ ⵏ ⵜⵎⵓⴹⴰⵏ ⵜⵎⴰⵜⵜⴰⵢⵏⵉⵏ ⴳ ⵓⵔⵣⴰⴼ ⵏⵏⵙ ⵉ ⵓⵙⵇⵇⵉⵎ ⵏ ⵉⵎⵓⵔⴰ. ⵉⵍⵍⴰ ⴳ ⵓⴽⴰⴱⴰⵕ ⴰⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵥⵟⵟ ⵔⵉⴽⴰⵕⴹⵓ ⴱⴰⴱⵜⵉⵙⴰ ⵍⵉⵜ ⴷ ⵎⴰⵙⵙⴰ ⵉⴱⵜⵉⵙⴰⵎ ⵄⵣⵣⴰⵡⵉ ⵜⴰⵏⵙⵙⵉⵅⴼⵜ ⵏ ⵡⴰⵢⵢⴰⵡ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴷ ⵎⴰⵙⵙⴰ ⵉⵍⵉⵏⵓⵕ ⵙⵉⵍⴼⴰ ⵜⴰⵎⵏⵀⴰⵍⵜ ⵜⴰⵎⵣⵣⴳⴰⵔⵜ ⵏ ⵓⵥⵟⵟⴰ.
ⴳ ⵜⵣⵡⵉⵔⵉ, ⵉⵙⴱⵔⵔⴽ ⵎⴰⵙⵙ ⵃⴰⵙⴰⵏ ⴱⵏ ⵄⵓⵎⴰⵕ, ⵉⴳⵎⴰⵎⵏ ⵏ ⵓⵥⵟⵟⴰ ⴰⴱⵕⵍⴰⵎⴰⵏⵉ, ⵉⵙⵓⵜⴳ ⴰⵏⵎⵓⵇⵇⴰⵔ ⴰⴷ ⵉⴳⴰⵏ ⵡⵉⵏ ⵓⵔⵣⵣⵓ ⴼ ⵜⴷⵓⵙⵉ ⵜⴰⵎⴰⵜⴰⵢⵜ ⴷ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵉⵢⵉⵏ ⴳ ⵉⵙⵡⵉⵔⵏ ⵉⵏⴰⵎⵓⵔⵏ ⴷ ⵉⵏⵎⵏⴰⴹⵏ ⴷ ⵉⴳⵔⴰⵖⵍⴰⵏⵏⵏ ⴳ ⵓⵙⵎⵖⵔ ⵏ ⵓⵙⵓⵔⵙ ⴰⴷⵓⵙⴰⵏ ⴷ ⵓⵙⴱⴷⴷⵉ ⵏ ⵜⵎⵓⴹⴰⵏ ⵙ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵉⵣⵣⵔⴰⴼⵏ ⴷ ⵜⵉⴹⴰⴼ ⵏ ⵜⵡⵡⵓⵔⵉ ⵜⵓⵏⴱⵉⴹⵜ.
ⴳ ⵓⵎⵏⵉⴷ ⵏⵏⵙ, ⵙⵏⵉⵎⵎⵓⵔⵏ ⵉⴳⵎⴰⵎⵏ ⵏ ⵓⵥⵟⵟⴰ ⴰⴱⵕⵍⴰⵎⴰⵏⵉ ⵏ ⵓⵙⴱⴷⴷⵉ ⵏ ⵜⵎⵓⴹⴰⵏ ⵜⵎⴰⵜⵜⴰⵢⵏⵉⵏ ⴰⵎⴰⵔⵉ ⵏ ⵓⵏⵙⵙⵉⵅⴼ ⴼ ⵓⵙⵏⵓⴱⴳ ⴰⴷ, ⵙⵙⵔⵖⴷⵏ ⵜⵉⵎⵙⴽⴰⵔ ⵏ ⵍⵎⵖⵔⵉⴱ ⴷ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴷ ⵓⵙⵡⵓⴷⴷⵓ ⵓⵏⵥⵉⵥ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴷ ⵉⴷⵔⵉⵣⵏ ⵏⵏⵙ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⴷⵓⵙⴰⵏⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵎⵏⵉⴷ ⵏ ⵜⵎⵙⴽⴰⵔ ⵏ ⵓⵥⵟⵟⴰ ⴰⴷ ⴰⴱⵕⵍⴰⵎⴰⵏⵉ ⵙⴳ 2017, ⴳⵉⵙ 280 ⵏ ⵓⴳⵎⴰⵎ ⵙⴳ 80 ⵏ ⵓⵡⴰⵏⴽ ⴳ 10 ⵉⴷⵖⴰⵔⵏ ⵉⵊⵓⵖⵔⴰⴼⵉⵢⵉⵏ ⴳ ⵜⵍⵍⴰ ⵍⵇⴱⵍⵜ ⵜⴰⵏⴰⵎⵎⴰⵙⵜ ⴷ ⵉⵥⵥⵍⵎⴷ ⵏ ⵉⴼⵔⵉⵇⵢⴰ.
ⵢⵉⵍⵉ ⵓⵍⴰ ⵓⵙⵎⵏⵉⴷ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ ⴷ ⵉⵡⵜⵜⴰⵙⵏ ⵏⵏⵙ ⵉ ⵉⴼⵔⴰⴳ ⵏ ⵜⴷⵓⵙⵉ ⵜⴰⵎⴰⵜⴰⵢⵜ ⴷ ⵓⵙⴱⴷⴷⵉ ⵏ ⵜⵎⵓⴹⴰⵏ ⴷ ⵓⵙⵡⵓⵔⵉ ⴰⴱⵕⵍⴰⵎⴰⵏⵉ ⴼ ⵎⴰ ⴰⴷ ⴰⵔ 2030.
ⴳ ⵜⴳⵉⵔⴰ, ⵉⴼⴽⴰ ⵎⴰⵙⵙ ⵔⵉⴽⴰⵕⴹⵓ ⴱⴰⴱⵜⵉⵙⴰ ⵍⵉⵜⵉ ⵙ ⵉⵙⵎ ⵏ ⵓⵥⵟⵟ ⵜⴰⵖⵓⵔⵉ ⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵃⵎⴰ ⴰⴷ ⵉⴷⵔⵓ ⴳ ⵓⴳⵔⴰⵡ ⴰⵎⴰⵜⴰⵢ ⵍⵍⵉ ⵔⴰⴷ ⵢⵉⵍⵉ ⴳ ⴷⵓⵊⴰⵏⴱⵉⵔ ⴳ ⵍⵛⴱⵓⵏⴰ ⴳ ⵍⴱⵓⵔⵜⵓⵖⴰⵍ.