ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵉⵎⵛⵛⵉⵡⴰⵕ ⴳ ⴱⵓⵍⵏⴹⴰ
ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴰⵙⵙ ⵏ 27 ⵎⴰⵢ 2022, ⵎⴰⵙⵙ ⵟⵓⵎⴰⵚ ⴳⵔⵓⴷⵣⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⵜⴳⵓⴷⵓⴷⴰⵏⵜ ⵏ ⴱⵓⵍⴰⵏⴹⴰ ⵉⵍⵍⴰⵏ ⴳ ⵓⵔⵣⴰⴼ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙⴳ 26 ⴰⵔ 30 ⵎⴰⵢ.
ⴳ ⵜⵣⵡⵉⵔⵉ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵜⵉⴳ ⵏ ⵓⵏⵎⵓⵇⵇⴰⵔ ⴰⴷ ⵉⴳⴰⵏ ⴰⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵎⵢⴰⵡⴰⴹ ⴰⵙⵓⵍⴰⵏ ⵊⴰⵔ ⵙⵏⴰⵜ ⵜⵎⵔⵙⴰⵍ.
ⵉⵙⴰⵡⵍ ⵓⵍⴰ ⴼ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⴱⵓⵍⴰⵏⴹⴰ ⴷ ⵡⴰⴷⴷⴰⴷⵏ ⵏ ⵡⴰⵕⵚⵓ ⴳ ⵉⵏⵎⵓⵇⵇⴰⵔⵏ ⵉⴳⵔⴰⵖⵍⴰⵏⵏ ⵙⵏⴰⵍⵏⵉⵏ ⵜⴰⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ, ⵉⵙⴷⴷⵉⴷ ⴼ ⵡⴰⵜⵉⴳ ⵏ ⵓⵙⵓⴷⵙ ⵏ ⵜⵣⴷⴰⵢⵉⵏ ⴰⴷ. ⵖⵎⴽ ⵍⵍⵉ ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵓⵎⵎⵉⵥⵏ ⵍⵍⵉ ⵜⵙⴽⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵙⵏⴰⵜ ⵜⵎⵔⴰⵡⵉⵏ ⴳⴳⵓⵔⴰⵏⵉⵏ ⴳ ⵉⴳⵔⴰⵏ ⵏ ⵜⵙⵔⵜⵉⵜ ⴷ ⵜⴷⵎⵙⴰ ⴷ ⵡⴰⵎⵓⵏ ⴷ ⵜⵎⵔⵙⴰⵍ ⴷ ⵉⵣⵔⴼⴰⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.
ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴳ ⴱⵓⵍⴰⵏⴹⴰ ⴼ ⵜⵣⴷⴰⵢⵉⵏ ⵜⵉⵙⵏⵔⴰⵏⵉⵏ ⴷⵔⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵢⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵏ ⵓⵔⴳⴳⵉⴳ ⴳ ⵜⵙⴳⴰ ⴰⴷ ⴳ ⵓⵎⴰⴹⵍ, ⵉⴳ ⴰⵏⴰⵡ ⴳ ⵜⴳⵎⵉ ⴷ ⵓⵙⴷⵓⵙ ⵏ ⵉⵎⵓⴽⵏⵏ. ⵖⵎⴽ ⵍⵍⵉ ⵉⵙⴷⴷⵉⴷ ⴼ ⵓⵎⵢⴰⵡⴰⴹ ⴰⴱⵕⵍⴰⵎⴰⵏⵉ ⴷ ⵜⵣⴷⴰⵢⵉⵏ ⵏ ⵓⵙⵖⵏⵣⵉ ⴷ ⵜⴷⵎⵙⴰ ⵎⵇⵇⵓⵔⵏⵉⵏ ⴳ ⵉⵙⴳⴳⵯⴰⵙⵏ ⴳⴳⵓⵔⴰⵏⵉⵏ ⵙ ⵉⵔⵣⴰⴼⵏ ⵏ ⵉⴷ ⴱⴰⴱ ⵏ ⵜⵡⵡⵓⵔⵉ, ⵉⵏⵉⵏ ⵎⴰⵙ ⵉⴳ ⵍⵎⵖⵔⵉⴱ ⴳ ⵜⵎⵉⵣⴰⵔ ⵜⵉⵎⵣⵡⵓⵔⴰ ⴳ ⵓⵙⵏⴼⵍ ⵏ ⵓⵙⵖⵏⵣⵉ ⴰⴽⴷ ⴱⵓⵍⴰⵏⴹⴰ ⴷ ⵜⵙⴳⴰ ⵏ ⵜⵎⴰⵍⵍⴰⵢⵜ ⴷⴰⵔ ⵉⴱⵓⵍⴰⵏⴹⵉⵢⵉⵏ.
ⵉⴳⴰ ⵓⵙⵏⵓⴱⴳ ⴰⴷ ⵜⴰⵎⵍⴷⴰ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⵎⵙⴰⵔⵉⵏ ⵍⵍⴰⵏⵉⵏ ⴳ ⵓⵖⴰⵡⴰⵙ ⴰⴱⵕⵍⴰⵎⴰⵏⵉ ⴰⵙⵉⵏⵔⴰⵏ.