ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵜⵙⵏⵜⴰⵢⵜ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ
ⵜⵙⴼⵓⴳⵍⴰ ⵜⵙⵏⵜⴰⵢⵜ ⵏ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵕⵥⵎⵏ, ⵉ ⵓⵙⴳⴳⵯⴰⵙ ⵡⵉⵙ ⴽⴽⵓⵥ, ⵉⵎⴰⵍⴰⵙⵙ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ ⴳⵔ 16 ⴷ 20 ⵎⴰⵢ, ⵉ ⵓⵔⵣⵣⵓ ⵏ ⵉⵙⵖⵍⵏ ⵏ ⵜⵏⴱⴰⴹⵜ ⵉⵏⵏⵓⵥⵎⵏ ⴷ ⵓⵙⴷⵓⵙ ⵏ ⵜⵙⵏⵜⴰⵢⵉⵏ ⵙⴽⴰⵔⵏⵜ ⵜⵏⴱⴰⴹⵉⵏ ⴷ ⵜⴳⵔⴰⵡⵉⵏ ⴷ ⵜⵎⵙⵎⵓⵏⵉⵏ ⵉ ⵓⵙⴷⵓⵙ ⵏ ⵜⵎⴰⴼⴰⵡⵜ ⴷ ⵜⴷⵉⵎⵓⵇⵔⴰⵟⵉⵜ.
ⵙ ⵜⵎⵍⴷⴰ ⴰⴷ, ⴰⵔ ⵉⵙⵙⴽⵯⵜⵉ ⵓⵙⵇⵇⵉⵎ ⵏ ⵉⵎⵓⵔⴰ ⴰⵍⵜⴰⵖ ⵏⵏⵙ ⴳ ⵜⵙⵏⵜⴰⵢⵜ ⵏ ⵜⵏⴱⴰⴹⵜ ⵉⵏⵏⵓⵕⵥⵎⵏ ⵙⴳ ⴽⵟⵓⴱⵕ 2019, ⵙ ⵎⴰⴷ ⵢⵉⵡⵉ ⵓⴷⵖⴰⵔ ⵏⵏⵙ ⴰⴷⵙⵜⴰⵔ ⴷ ⵓⵎⵔⵙⵍⴰⵏ ⴷⵎⴰⴷ ⴰⵙ ⵉⴼⴽⴰ ⵓⴷⵓⵙⵜⵓⵔ.
ⵎⵇⵇⴰⵔ ⵉⵍⵍⴰ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⵜⵓⴳⵜ ⵏ ⵜⵡⵡⵓⵔⵉⵡⵉⵏ ⴳ 2020-2021 ⵙ ⵎⴰⴷ ⵉⵥⵍⵉⵏ ⵙ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴷ ⵜⵏⵎⵓⵔⵉ, ⵉⵙⴽⵔ ⵜⴰⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴷ ⵙⵉⵏ ⵉⵏⵎⵓⵇⵇⴰⵔⵏ ⵖ ⴷⵔⵓⵏⵜ ⵓⴳⴳⴰⵔ ⵏ 60 ⵏ ⵜⵎⴰⴷⴷⴰⵙⵜ.
ⵉⵙⵓⵣⵣⵔ ⵓⵙⵇⵇⵉⵎ ⵓⵍⴰ ⵉⵙⵏⴼⴰⵔⵏ ⴷ ⵜⵙⵓⵎⵔⵉⵏ ⵏ ⵉⵙⵍⴳⵏⵏ ⵉ ⵓⴳⴷⵓⴷ ⴳ ⵓⵙⵉⵜ ⵏⵏⵙ, ⵉⵙⴽⵔ ⵢⴰⵜ ⵜⵔⴰⴱⴱⵓⵜ ⵉⴷⴼⵓⵕⵏ ⵜⵓⵜⵔⴰⵡⵉⵏ ⵏ ⵉⵏⵎⵓⵔⴰⵏ ⴳ ⵎⴰⴷ ⵉⵥⵍⵉⵏ ⵙ ⵓⵙⵉⴳⴳⵍ ⵏ ⵉⵏⵖⵎⵉⵙⵏ, ⵉⵣⵓⵣⵣⵔ ⵓⵍⴰ ⵉⵏⵇⵇⵉⵙⵏ ⴼ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ ⴷ ⵉⵏⵇⵇⵉⵙⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ.
ⵉⵏⵏⵓⵕⵣⵎ ⵓⵙⵇⵇⵉⵎ ⵓⵍⴰ ⴼ ⵉⵄⵔⵔⵉⵎⵏ ⴷ, ⵉⵙⴽⵔ ⵎⴰⴷ ⵉⴳⴳⴰⵏ 11 ⵏ ⵓⵍⵓⴳⵏ ⵙⴰⵡⵍⵏⵉⵏ ⴼ ⵓⵙⵇⵇⵉⵎ ⴷ ⵜⵥⵍⴰⵢⵉⵏ ⵏⵏⵙ, ⵖⵎⴽ ⵍⵍⵉ ⵉⵍⵍⴰ ⵓⵙⵏⴳⵉⴷⴷⵉ ⵏ ⵓⵙⵉⵜ ⵏⵏⵙ ⴰⵍⵉⴽⵟⵕⵓⵏⵉ.
ⵉⵙⵙⴷⵔⵓ ⵓⵙⵇⵇⵉⵎ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⴳ ⵜⵡⵡⵓⵔⵉⵡⵉⵏ ⵏ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵙ ⵜⵖⵉⵎⵉⵜⵉⵏ ⵏ ⵓⵙⵙⴼⵍⴷ ⴳ ⵉⵙⵡⵉⵔⵏ ⴰⵏⴰⵎⵎⴰⵙ ⴷ ⵓⴷⵖⴰⵔⴰⵏ, ⵃⵎⴰ ⴰⴷ ⵉⵥⵕ ⵉⴷⵔⵉⵣⵏ ⵏ ⵜⵙⵔⵜⴰⵢ ⴰⴷⴷ ⵜⵉⵕⵡⵉ ⵏⵏⵙⵏⵜ.
ⵖⵎⴽ ⵍⵍⵉ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵎⴰⴷⵔⴰⵡⵉⵏ ⴰⴽⴷ ⵜⵉⵙⴷⴰⵡⵉⵢⵉⵏ ⵜⵉⴳⴷⵓⴷⴰⵏⵉⵏ ⵙ ⵜⵎⵢⴰⵇⵇⴰⵏⵉⵏ ⵏ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴳ ⵓⵙⵡⵉⵔ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⵣⴷⴰⵢⵜ ⵏⵏⵙ ⴰⴽⴷ ⴰⵔⵣⵣⵓ ⴰⵎⴰⵙⵙⴰⵏ.
ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⴽⵉⴳⴰⵏ ⵏ ⵉⵎⵛⴰⵡⴰⵕⵏ ⴰⴽⴷ ⵜⵉⵎⵙⵎⵓⵏⵉⵏ, ⴱⴷⴷⵏⵜ ⵜⵡⵡⵡⵓⵔⵉⵡⵉⵏ ⵏⵏⵙ ⵉ ⵓⵣⵎⵣ 2022-2023 ⴼ ⵜⵎⴷⵔⴰⵡⵜ ⴰⴽⴷ ⴰⵎⵓⵏ ⴰⵖⵔⵎⴰⵏ ⴷ ⵉⵎⵙⴽⴰⵔⵏ ⵉⵏⴰⵎⵓⵏⵏ ⵉ ⵓⵙⴷⵓⵙ ⵏ ⵜⴷⵍⵙⴰ ⵜⴰⴷⵉⵎⵓⵇⵔⴰⵟⵉⵜ ⴷ ⵓⴱⵕⵍⴰⵎⴰⵏ ⵏ ⵡⴰⴷⴰⵙ ⴷ ⵓⵏⵏⵓⵕⵥⵎ ⴷ ⵓⵙⴷⵓⵙ ⵏ ⵓⴱⵕⵍⴰⵎⴰⵏ ⴰⵎⵓⵟⵟⵓⵏ ⴷ ⵓⵙⴷⵔⵓ ⵏ ⵉⵏⵎⵓⵔⴰⵏ ⴳ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵓⵣⵓⵣⵣⵔ ⵏ ⵡⴰⵜⵉⴳⵏ ⵏ ⵜⴷⵉⵎⵓⵇⵔⴰⵟⵉⵜ ⵖⵔ ⵉⵄⵔⵔⵉⵎⵏ.
ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵏⵜⴰⵢⵜ ⵏ ⵜⵎⴷⵔⴰⵡⵜ ⵉ ⵜⵏⴱⴰⴹⵜ ⵉⵏⵏⵓⵔⵣⵎⵏ ⵍⵍⵉⵖ ⵉⴼⵔⴽ ⵙ ⵡⴰⵜⵉⴳ ⵏⵏⵙ ⴷ ⵓⵏⵏⵓⵕⵥⵎ, ⵙ ⵎⴰⴷ ⵉⴼⴽⴰ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵉ ⵓⴱⵕⵍⴰⵎⴰⵏ ⵉⴳⴰⵏ ⵙⴳ ⵜⵉⵎⵔⵙⴰⵍ ⵜⵉⴷⵙⵜⴰⵔⵉⵏ.