ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵔⵣⴰⴼ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵙⵜⵔⴰⵙⴱⵓⵔⴳ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⴽⴰⴱⴰⵕ ⵍⵍⵉ ⵔⴰⴷ ⵉⵔⵣⴼ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵙⵜⵔⴰⵙⴱⵓⵔⴳ ⵓⵙⵙⴰⵏ ⵓⴽⵕⴰⵙ ⴷ ⵓⴽⵡⴰⵙ.
ⵜⵖⵔⴰ ⵎⴰⵙⵙⴰ ⵔⵓⴱⵉⵔⵜⴰ ⵎⵉⵜⵙⵓⵍⴰ, ⵜⴰⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⵉ ⵓⵔⵣⴰⴼ ⴰⴷ ⴳ ⵉⵍⵍⴰ ⵓⵍⴰ ⵎⴰⵙⵙ ⵍⵃⵙⵏ ⵃⴰⴷⴷⴰⴷ , ⴰⵏⵙⵙⵉⵅⴼ ⵏ ⵜⵙⵇⵇⵉⵎ ⵜⴰⴱⵕⵍⴰⵎⵏⵉⵜ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⴷ ⵓⵎⴰⵔⵉ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵏⴰⵊⵉⴱ ⵍⵅⴰⴷⴷⵉ.
ⵉⴳⴰ ⵓⵔⵣⴰⴼ ⴰⴷ ⴳ ⵉⵎⵛⴰⵡⴰⵕⵏ ⵉⵙⵔⵜⴰⵏⵏ ⵍⵍⴰⵏⵉⵏ ⵊⴰⵔ ⵉⴱⵕⵍⴰⵎⴰⵏⵏ, ⵔⴰⴷ ⴳⵉⵙⵏ ⵉⵎⴹⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵜⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵓⵔⵓⴱⴱⴰ ⴷ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⴳ ⵍⵍⴰⵏ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⵙⵇⵇⵉⵎⵉⵏ.
ⵔⴰⴷ ⵜⵙⵙⵉⵅⴼ ⵎⴰⵙⵙ ⵎⵉⵜⵙⵓⵍⴰ ⴰⴽⴷ ⴱⵉⵏⴰ ⴱⵉⵙⵉⵔⵏⵓ ⵜⴰⵙⵎⵓⵏⵉ ⵏ ⵓⴽⴰⴱⴰⵕ ⵏ ⵓⵏⴰⵎⵎⴰⵙ, ⵔⴰⴷ ⴳⵉⵙ ⵢⴰⵎⵥ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵅⴼ ⵓⵏⴰⵎⵎⴰⵙ.
ⵔⴰⴷ ⵉⵙⵎⵏⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵜⵉⵎⵣⵡⵓⵔⴰ ⵜⵉⵙⵔⵜⴰⵏⵉⵏ ⵏ ⵜⵏⵙⵙⵉⵅⴼⵜ ⵜⴰⵎⵖⵔⵉⴱⵉⵜ ⴷ ⵓⵖⴰⵡⴰⵙ ⵏ ⵜⵉⵍⴰⵍ.