ⵜⴷⵔⵓ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴷⴰⵔ ⵜⴰⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⴳⵔⴰⵖⵍⴰⵏⵜ ⴳ ⵜⵙⵎⵓⵏⵉ ⵜⵉⵙ ⴽⴽⵓⵥⵜ ⴼ ⵉⵔⴱⴰⴱⵏ ⴱⵙⵓⵙⵏⵉⵏ
ⵉⴷⵔⵓ ⵓⵎⴰⵔⵉ ⴰⵃⵎⴰⴷ ⵜⵡⵉⵣⵉ, ⴰⴳⵎⴰⵎ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⵏⵉⵜ ⵜⴰⵎⵖⵔⵉⴱⵉⵜⵉ ⴷⴰⵔ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴰⵙⵙ ⵏ 10 ⵎⴰⵕⵚ 2022 ⴳ ⵜⵙⵎⵓⵏⵉ ⵜⵉⵙ ⴽⵕⴰⴹⵜ ⵏ ⵜⵙⴳⴰ ⵏ ⵉⴼⵔⵉⵇⵢⴰ ⴷ ⵓⵕⵓⴱⴱⴰ ⴷ ⵎⴰⵔⵉⴽⴰⵏ ⴼ ⵓⴽⵓⵙ ⵏ ⵓⵔⴱⴰⴱ ⵉⵙⵏⵊⵊⵎⵏ ⵜⵓⴷⵔⵜ, ⴰⵙⴱⴷⴷⵉ ⵏ ⵉⵔⴱⴰⴱⵏ ⴱⵙⵓⵙⵏⵉⵏ: ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ, ⵍⵍⵉ ⵜⵙⵏⵎⴰⵍⴰ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴼ ⵓⴽⵓⵙ ⵏ ⵉⵔⴱⴰⴱⵏ ⴱⵙⵓⵙⵏⵉⵏ ⴷ ⵓⵥⵟⵟⴰ ⵏ ⵉⴱⵕⵍⴰⵎⴰⵏⵉⵢⵏ ⵎⴳⴰⵍ ⵏ ⵉⵔⴱⴰⴱⵏ ⴷ ⵡⴰⵎⵎⴰⵙ ⵏ ⵊⵓⵏⵉⴼ ⵉ ⵜⵙⵔⵜⵉⵜ ⴷ ⵜⵏⴼⵔⵓⵜ ⴷ ⵓⵙⵇⵇⵉⵎ ⵏ ⵉⵎⴰⵍⴰ ⴰⴳⵔⴰⵖⵍⴰⵏ.
ⵜⵍⵍⴰ ⵜⵖⵔⵉ ⵉ ⵓⵙⴷⵓⵙ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⵉ ⵓⴽⵓⵙ ⵏ ⵉⵔⴱⴰⴱⵏ ⵉⵏⴰⵡⴰⵡⵉⵢⵏ, ⴷ ⵓⵣⵣⴳⵉⵔ ⵏ ⵜⵖⵜⴰⵙⵉⵏ ⵏ ⵓⵙⵇⵇⵉⵎ ⴰⴳⵔⴰⵖⵍⴰⵏ ⵏ ⵜⵏⴼⵔⵓⵜ ⴷ ⵜⵙⵏⵓⵔⴰⵢⵜ ⵜⴰⴳⵔⴰⵖⵍⴰⵏⵜ ⵏ ⵜⵥⴹⴰⵕⵜ ⵜⴰⵏⴰⵡⴰⵡⵉⵜ, ⵢⵉⵍⵉ ⵓⵙⴷⴷⵉⴷ ⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵜⵓⴳⴳⴰⵙ ⵏ ⵓⴽⵓⵙ ⵏ ⵓⵔⴱⴰⴱ ⵙ ⵓⵙⵖⵣⵏ ⵏ ⵜⵖⵜⴰⵙⵉⵏ ⴷ ⵜⵙⵏⵜⴰⵢ ⵜⵉⴳⵔⴰⵖⵍⴰⵏⵉⵏ ⵣⴷⵉⵏⵉⵏ, ⴷ ⵓⵣⴷⴷⵓⵢ ⴰⴽⴷ ⵜⵉⵏⴱⴰⴹⵉⵏ ⴷ ⵡⴰⵎⵓⵏ ⴰⵖⵔⵎⴰⵏ ⴷ ⵜⵙⵏⵓⵔⴰⵢⵉⵏ ⵏ ⵜⵎⵜⵜⴰ ⵎⵓⵏⵏⵉⵏ ⴷ ⵓⵕⵥⵥⵓⵎ ⴼ ⵉⵏⵎⵓⵇⵇⴰⵔⵏ ⵉⴳⵜⵉⵔⴰⵏⵏ.
ⵙⴷⴷⵉⴷⵏ ⵉⵎⵓⵣⴰⵢⵏ ⴼ ⵜⵣⵡⵉⵔⵉ ⵏ ⵓⴽⵓⵙ ⵏ ⵉⵔⴱⴰⴱⵏ ⵉⵏⴰⵡⴰⵡⵉⵢⵏ ⴷ ⵉⴽⵉⵎⴰⵡⵉⵢⵏ ⴷ ⵉⴱⵢⵓⵍⵓⵊⵉⵢⵏ, ⵉ ⵓⴼⵔⴰⴳ ⵏ ⵓⴼⵔⴰ ⴷ ⵜⵏⴼⵔⵓⵜ ⵙ ⵓⵙⵉⴱⵙⵓⵙ ⵏ ⵉⴷⵔⵉⵣⵏ ⵏⵏⵙⵏ ⵀⵔⵛⵏⵉⵏ.
ⵉⵍⵍⴰ ⵖⵉⴷ ⵓⵙⵎⵏⵉⴷ ⵏ ⵓⵎⴰⵏⴰⵔ ⴰⴱⵕⵍⴰⵎⴰⵏⵉ ⴼ ⵓⴽⵓⵙ ⵏ ⵓⵔⴱⴰⴱ ⴷ ⵜⵏⴼⵔⵓⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⵙ ⵓⵣⵡⵍ: ⴰⵙⴼⵍⵙ ⵏ ⵉⵎⴰⵍ ⵏⵏⵖ ⵉⵛⵛⴰⵔⵏ, ⵉⴳⴰ ⴰⵙⵏⴰⵍ ⵏ ⵜⵓⴳⴳⴰⵙ ⵜⵉⴱⵕⵍⴰⵎⴰⵏⵉⵢⵉⵏ ⴳ ⵢⵉⴳⵔ ⵏ ⵓⴽⵓⵙ ⵏ ⵓⵔⴱⴰⴱ ⴰⴷ.