ⴰⵙⵉⵡⴹ ⴼ ⵓⵙⴽⵔ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵓⵜⴳ ⵏ ⵜⵙⵔⵜⵉⵜ ⵜⴰⴳⴷⵓⴷⴰⵏⵜ ⴼ ⵜⵙⵔⵜⵉⵜ ⵏ ⵡⴰⵎⴰⵏ

ⵜⵙⵏⵎⴰⵍⴰ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵏ ⵓⵙⵓⵜⴳ ⵏ ⵏ ⵜⵙⵔⵜⵉⵜ ⵏ ⵡⴰⵎⴰⵏ ⵜⴰⵙⵎⵓⵏⵓ ⴰⵙⵙ ⵏ 9 ⵎⴰⵕⵚ 2022 ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵜⵉⵍⵉⵜ ⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ.

ⵜⴳⴰ ⵜⵙⵎⵓⵏⵉⴰ ⴷ ⴰⵙⵎⵀⵍ ⵏ ⵜⵡⵡⵓⵔⵉ ⵏ ⵓⵙⵓⵜⴳ ⴰⴱⵕⵍⴰⵎⴰⵏⵉ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵙ ⵓⵎⵙⴰⵙⴰ ⵏ ⵉⵎⵏⵏⵉⵜⵏ 70 ⴷ 101 ⴳ ⵓⴷⵓⵙⵜⵓⵔ, ⵍⵍⵉⵖ ⵉⵙⵔⵙ ⵓⵙⵉⵔⴰ ⵓⵙⵇⵇⵉⵎ ⵜⴰⵙⵔⵜⵉⵜ ⵏ ⵡⴰⵎⴰⵏ ⴷ ⵉⵎⵔⵙⵉ ⵏ ⵓⵙⵓⵜⴳ.

ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⴳ ⵜⵙⵎⵓⵏⵉ ⴰⴷ ⴼ ⵡⴰⵜⵉⴳ ⵏ ⵓⵙⵓⵜⴳ ⵉⴳⴰⵏ ⵙⴳ ⵜⵉⵎⵥⵍⴰⵢ ⵜⵉⵎⴰⵢⵏⵓⵜⵉⵏ ⵜⵜⴰⵡⴱⴷⴰⵔⵏⵉⵏ ⴳ ⵓⴷⵓⵙⵜⵓⵔ ⵏ 2011 ⴷⴰⵜ ⵏ ⵓⵣⵣⵔⴰⴼ ⴷ ⵜⵉⴹⴰⴼ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵜⵎⵙⴽⵔⵜ ⴷ ⵡⴰⵢⴷⴰ ⴰⴱⵕⵍⴰⵎⴰⵏⵉ, ⵜⵙⴽⵔ ⵜⵎⵔⵙⵍⵜ ⵜⴰⴱⵕⵍⴰⵎⴰⵏⵉⵜ ⵜⴰⵡⵡⵓⵔⵉ ⵏⵏⵙ ⴳ ⵓⴹⴼⵕ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⴳⴷⵓⴷⴰⵏⵏ.

ⵉⵙⴰⵡⵍ ⵎⴰⵙⵙ ⴰⵏⵙⵙⵉⵅⴼ  ⴼ ⵡⴰⵜⵉⴳ ⵏ ⵓⵙⵓⵜⴳ  ⵉⵣⴷⵉⵏ ⴷ ⵜⵙⵔⵜⵉⵜ ⵏ ⵡⴰⵎⴰⵏ ⵙ ⵓⵅⵎⵎⴻⵎ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵡⴰⵎⴰⵏ ⴳ ⵓⵣⵎⵣ ⵏ ⵉⵙⵏⴼⵍⵏ ⵏ ⵓⵏⵣⵡⵉ ⴷ ⵓⴷⵔⵓⵙ ⵏ ⵉⵏⵥⵕⴰⵏ ⴷ ⵓⵙⵎⵔⵙ ⵉⴳⴳⵓⵜⵏ ⵏ ⵡⴰⵎⴰⵏ.

ⵢⵉⵏⵉ ⵎⴰⵙⵙ ⴰⵏⵙⵙⵉⵅⴼ ⵎⴰⵙ ⴷ ⵉⵇⵇⴰⵏ ⴰⴷ ⵜⵏⵢⴰⵍⴰⴽⴰⵎ ⵜⵎⵔⵙⵍⵜ ⵜⴰⴱⵕⵍⴰⵎⴰⵏⵉⵜ ⴷ ⵉⵎⵔⵙⵉ ⴰⴷ ⵙ ⵓⵙⵓⵜⴳ ⴷ ⵜⵓⵙⵙⵏⴰ ⵏ ⵜⵎⵙⴽⴰⵔ ⴷ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⵃⵎⴰ ⴰⴷ ⵉⵍⵉⵏⵜ ⵜⵎⵙⴰⵔⵉⵏ ⴷⵓⵙⴰⵏⵉⵏ ⵉ ⵓⵙⵖⵓⴷⵓ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴼ ⵡⴰⵎⴰⵏ ⴳ ⵉⵎⴰⵍ.

ⵙⴷⴷⵉⴷⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⴼ ⵓⵎⵢⴰⵡⴰⵙ ⵉⵛⵛⴰⵔⵏ ⴳ ⵓⵙⴽⵔ ⵏ ⵜⵙⵎⵉⴳⵍⵜ ⴰⴷ, ⵙ ⵓⵙⵓⵊⴷ ⵏ ⵓⵏⵇⵇⵉⵙ ⵏⵏⵙ ⴼ ⵜⵙⵓⵖⴰⵍⴰ ⵍⵍⴰⵏⵉⵏ ⴷ ⵜⵉⴽⴽⵉ ⵏ ⵜⵙⵓⵎⵔⵉⵏ ⵉ ⵓⵣⵣⵔⴰⵢ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵉⵎⴰⵍ.

ⵉⵍⵍⴰ ⵓⵙⵏⵎⴰⵍⴰ ⵏ ⵜⵔⴰⴱⴱⵓⵜ ⴰⴷ ⵜⴰⵙⴳⵓⵎⴰⵏⵜ ⵙ ⵖⵎⴽⴰ ⴰⴷ:

- ⴰⵏⵙⵙⵉⵅⴼ: ⵎⴰⵙⵙ ⵎⵓⵃⴰⵎⵎⴰⴷ ⵍⴱⵓⵄⵎⵔⵉ, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ

- ⴰⵎⴰⵔⵉ ⵏⵏⵙ: ⵎⴰⵙⵙ ⵍⵃⵓⵙⵉⵏ ⵔⵔⵃⵡⵉⵢⵢⴰ, ⵜⴰⵔⴰⴱⴱⵓⵜ ⵜⴰⴷⵙⵜⴰⵔⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵏⴰⵎⵓⵏⵜ,

- ⴰⵎⵏⵇⵇⴰⵙ: ⵎⴰⵙⵙ ⵄⴰⴱⴷⵕⵕⴰⵃⵉⵎ ⵡⴰⵙⵍⵎ, ⵜⴰⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ,

- ⴰⵎⴰⵔⵉ ⵏⵏⵙ: ⵎⴰⵙⵙ ⵄⵓⵎⴰⵔ ⵍⴱⴰⵣ, ⵜⴰⵔⴰⴱⴱⵓⵜ ⵜⴰⵃⴰⵔⴰⴽⵉⵜ.