ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵇⵇⴰⴷⵜ ⵜⴰⵏⵙⵙⵉⵅⴼⵜ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵍⵎⵖⵔⵉⴱ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 27 ⵉⵏⵏⴰⵢⵔ 2022 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙⴰ Patricia Pilar Llombart Cussac ⵜⴰⵎⵙⵇⵇⴰⴷⵜ ⴷ ⵜⵏⵙⵙⵉⵅⴼⵜ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵍⵎⵖⵔⵉⴱ.

ⴳ ⵜⵣⵡⵉⵔⵉ, ⵜⵙⵓⵜⴳ ⵎⴰⵙⵙⴰ ⵜⴰⵎⵙⵇⵇⴰⴷⵜ ⴷ ⵜⵏⵙⵙⵉⵅⴼⵜ ⵏ ⵜⴰⵎⵓⵏⵜ ⵏ ⵓⵔⵓⴱⴱⴰ ⴳ ⵍⵎⵖⵔⵉⴱ, ⵜⴰⴷⵉⵎⵓⵇⴰⵔⴰⵟⵉⵜ ⵙ ⵣⵔⵉⵏ ⵉⵙⵜⴰⵢⵏ ⵉⵣⵣⵔⴰⴼⵏ ⴳ ⵓⵙⴳⴳⴰⵙ ⵉⵣⵔⵉⵏ, ⵜⵙⵙⵔⵖⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵎⵢⵉⵎⴰⵏⵜ ⵍⵍⵉ ⴳⵉⵙ ⴳⴰⵏ ⵉⴳⵎⴰⵎⵏ ⵏ ⵓⵙⵇⵇⵉⵎ, ⵜⵙⴷⴷⵉⴷ ⴼ ⵡⴰⵜⵉⴳ ⵏ ⵜⵣⴷⴰⵢⵉⵏ ⵙⵎⵓⵏⵏⵉⵏ ⵊⴰⵔ ⵜⴰⵎⵓⵏⵜ ⵏ ⵓⵔⵓⴱⴱⴰ ⴷ ⵍⵎⵖⵔⵉⴱ ⴷ ⵓⵙⴷⵓⵙ ⵏⵏⵙⵏⵜ.

ⵜⵉⵏⵉ ⵎⴰⵙⵙⴰ Patricia Pilar Llombart Cussac ⵎⴰⵙ ⵉⴽⵛⵎ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⴳ ⵜⵎⴰⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵜⴰⴳⵜⵉⵔⴰⵏⵜ, ⵉⵍⵉⵏ ⵖⵓⵔⵙⵏ ⵉⵏⴰⵔⵓⵣⵏ ⴷ ⵜⵏⴰⵥⴰⵕⵉⵏ ⵛⵛⴰⵔⵏⵉⵏ ⴼ ⵡⴰⵡⵏⴰⴹ ⴷ ⵓⵙⵎⴰⵜⵜⵉ ⵏ ⵜⵥⴹⴰⵕⵜ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵓⵣⵡⴰⴳ, ⵜⵙⵓⵜⴳ ⵉⵎⵓⴽⵏⵏ ⵏ ⵜⴳⵍⴷⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵜⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⴰⵏⴰⵡ ⴳ ⵜⵏⴼⵔⵓⵜ ⴷ ⵓⵔⴳⴳⵉⴳ ⴳ ⵓⵙⵡⵉⵔ ⵏ ⵉⴼⵔⵉⵇⵢⴰ.

ⵜⵙⴷⴷⵉⴷ ⵜⵎⵙⵇⵇⴰⴷⵜ ⵎⴰⵙ ⴰ ⵢⴰⴽⴽ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴰⵜⵉⴳ ⴰⵅⴰⵜⴰⵔ ⵉ ⵜⵣⴷⴰⵢⵉⵏ ⴷⵓⵙⵏⵉⵏ ⴰⴽⴷ ⵍⵎⵖⵔⵉⴱ, ⵜⵙⵓⵜⴳ ⵜⴰⵎⴷⵔⴰⵡⵜ ⵉⵍⵍⴰⵏ ⵊⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴷ ⵜⵢⵢⴰⴼⵓⵜⵉⵏ ⵥⵉⵍⵏⵉⵏ ⵏ ⵓⵖⴰⵡⴰⵙ ⵏ ⵓⵎⵢⴰⵡⴰⵙ ⵊⴰⵔ ⵜⴰⵎⵓⵏⵜ ⵏ ⵓⵔⵓⴱⴱⴰ ⴷ ⵓⵙⵇⵇⵉⵎ ⵏ ⵉⵎⵓⵔⴰ.

ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⵉⴷⵔⵓ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⴰⵜⵉⴳⵏ ⵉⴷⵉⵎⵓⵇⵔⴰⵟⵉⵢⵏ ⵟⵟⴼⵏ ⵜⵉⵏⴰⵥⴰⵕⵉⵏ ⵛⵛⴰⵔⵏⵉⵏ. ⵢⵉⵏⵉ ⵎⴰⵙ ⴷ ⵉⵙⵜⴰⵢⵏ ⵉⵎⵖⵔⵉⴱⵉⵢⵏ ⴳⴳⵓⵔⵏⵉⵏ, ⵙⵙⵏⵏ ⵜⴰⴷⵔⴰⵡⵜ ⵉⴷⵓⵙⵏ ⵙⴳ ⵉⵄⵔⵔⵉⵎⵏ, ⴰⵢⵍⵍⵉ ⵉⵎⵎⴰⵍⴰⵏ ⴰⴼⵔⴰⴽ ⵏⵏⵙⵏ ⴷ ⵜⵎⵢⵉⵎⴰⵏⵜ ⵏⵏⵙⵏ ⴷ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵜⵉⵜ ⴳ ⵜⵎⴰⵣⵉⵔⵜ ⵏⵏⵖ.

ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵏⴰⵍ ⵏ ⵓⵕⵓⴱⴱⴰ ⵉ ⵓⵖⴰⵡⴰⵙ ⵏ ⵓⵎⵢⴰⵡⴰⵙ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴱⵕⵍⴰⵎⴰⵏⵏ ⵏ ⵓⵕⵓⴱⴱⴰ, ⵢⵉⵏⵉ ⵎⴰⵙ ⵉⵙⴽⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵢⴰⵜ ⵜⵙⵇⵇⵉⵎⵜ ⵉⵛⵛⴰⵔⵏ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵔⵓⴱⴱⴰ, ⵉⵙⴰⵡⵍ ⴼ ⵜⵉⵔⴰⵜ ⵉⴷⵉⵓⵙⵏ ⵉ ⵓⵙⴷⵓⵙ ⵏ ⵓⵣⴷⴷⵓⵢ ⵊⴰⵔ ⵙⵏⴰⵜ ⵜⵎⵔⵙⴰⵍ.

ⵉⵙⵓⵜⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⵜⵉⵍⴰⵍⵜ ⵏ ⵉⵎⵖⵔⵉⴱⵉⵢⵏ ⵏ ⵓⵔⵓⴱⴱⴰ ⴳ ⵓⵎⵢⴰⵡⴰⴹ ⴷ ⵜⵏⴼⵔⵓⵜ ⴷ ⵜⴳⵎⵉ, ⵢⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⴰⵛⴰⵎⵓⵛ ⵏ ⵜⵏⴼⵔⵓⵜ ⴷ ⵓⵔⴳⴳⵉⴳ ⴳ ⵜⵙⴳⴰ, ⵉⵖⵔ ⴰⴷ ⵉⵍⵉⵏⵜ ⵜⵓⴳⴳⴰⵙ ⵜⵉⴳⵔⴰⵖⵍⴰⵏⵉⵏ ⵉ ⵓⵙⵉⵜⵜⵉ ⵏ ⵉⴷⵔⵉⵣⵏ ⵏ ⴽⵓⵔⵓⵏⴰ ⵜⵉⵍⵉ ⵜⴳⵎⵉ ⴷ ⵓⵍⵓⵢ ⴰⴷⵎⵙⴰⵏ.

ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⴷ ⵜⵖⵔⵉ ⵏ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴷ ⵉⵎⵏⴰⴷⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ.