ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⴼⵛⴰⴷ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵎⵜⵜⴰⵏⵜ ⵏ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴷⴰⴼⵉⴷ ⵎⴰⵕⵢⴰ ⵙⴰⵙⵓⵍⵉ
ⵢⵓⵣⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 11 ⵉⵏⵏⴰⵢⵔ 2022, ⵜⴰⴱⵔⴰⵜ ⵏ ⵓⴼⵛⴰⴷ ⵉ ⵎⴰⵙⵙⴰ ⵕⵓⴱⵉⵕⵟⴰ ⵎⵉⵜⵙⵓⵍⴰ, ⵜⴰⵏⵙⵙⵉⵅⴼⵜ ⵜⴰⵎⴰⵔⵉⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ:
“ⵙ ⴽⵉⴳⴰⵏ ⵏ ⵓⵖⵉⵍⵓⴼ ⴰⵙ ⵢⵢⵉ ⴷ ⵉⵍⴽⵎ ⵓⵏⵖⵎⵉⵙ ⵏ ⵜⵎⵜⵜⴰⵏⵜ ⵏ ⵎⴰⵙⵙ ⴷⴰⴼⵉⴷ ⵎⴰⵕⵢⴰ ⵙⴰⵙⵓⵍⵉ ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ.
ⴳ ⵓⵣⵎⵣ ⴰⴷ ⵉⵃⵕⵕⴰⵏ, ⵙ ⵉⵙⵎ ⵉⵏⵓ ⴷ ⵉⵙⵎ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⴰⵔ ⴰⵡⵏ ⵙⵎⵏⵉⴷⵖ ⴰⴼⵛⴰⴷ ⵉⵏⵓ ⴷ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴷ ⵉⴳⵎⴰⵎⵏ ⵏⵏⵙ ⴷ ⵜⴰⵡⵊⴰ ⵏ ⵉⴳⵍⵍⵉⵏ, ⴷ ⵜⴰⵡⵊⴰ ⵜⴰⴱⵕⵍⴰⵎⴰⵏⵉⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵏⴰⵎⵓⵏⵜ.
ⴳ ⵜⵎⵍⴷⴰ ⴰⴷ ⵉⵃⵕⵕⴰⵏ, ⵔⵉⵖ ⴰⴷ ⵙⵓⵜⴳⵖ ⵉⵎⴰⵏ ⵏ ⵓⵔⴳⴰⵣ ⴰⴷ ⴰⵅⴰⵜⴰⵔ ⵉⵙⵡⵓⵔⵉⵏ ⵙ ⵜⵓⴳⴳⴰⵙ ⴼ ⵜⵏⵓⴼⴰ ⵏ ⵓⵕⵓⴱⴱⴰ ⴷ ⵓⵏⴰⵎⵎⴰⵙ, ⵉⴳⴰ ⴰⵔⴳⴰⵣ ⵏ ⵓⵙⵎⴰⵇⵇⵍ ⴷ ⵓⴼⵔⴰ ⴷ ⵜⴷⵉⵎⵓⵇⵔⴰⵟⵉⵜ ⴷ ⵜⴼⴼⵓⴳⵏⴰ, ⴰⵢⵍⵍⵉ ⵉⵎⵎⴰⵍ ⵓⴱⵔⵉⴷ ⵏⵏⵙ ⴷ ⴰⵎⴰⵔⵉ ⵏ ⵓⵕⵓⴱⴱⴰ ⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⵏ ⵏ ⵓⵕⵓⴱⴱⴰ, ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⵓⵏⵜ ⵉ ⵓⵏⴰⵎⵎⴰⵙ
ⵓⵔ ⴷ ⵖⴰⵙ ⵓⵕⵓⴱⴱⴰ ⴰⵎⵓ ⵉⴷⴷⴰ ⵓⵎⴷⴷⴰⴽⴽⵯⵍ ⴰⴷ ⴷ ⵓⵏⴳⴳⵓ ⵉⵄⵣⵣⴰⵏ, ⵉⴷⴷⴰ ⴰⵡⴷ ⵉ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵓⵏⴰⵎⵎⴰⵙ. ⴳ ⵜⵎⵙⵓⵜⵍⵉⵏ ⴰⴷ ⵛⴷⴷⴰⵏⵉⵏ, ⴰⵔ ⴰⵡⵏ ⵜⵙⴷⴷⵉⴷⵖ ⵎⴰⵙ ⴷⵉⴷⵓⵏ ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴰⵖⵉⵍⵓⴼ ⴷ ⵓⴼⵛⴰⴷ”.
