ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵎⴹⴰⴽⴰⵕ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⵏ ⵓⴼⵏⵉⵇ ⵏ ⵓⴷⵔⵉⵎ ⴰⴳⵔⴰⵖⵍⴰⵏ
ⵉⵎⴹⴰⴽⴰⵕ ⵎ.ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 7 ⴷⵓⵊⴰⵏⴱⵉⵔ 2021 ⴷ ⵓⴽⴰⴱⴰⵕ ⵏ ⵓⴼⵏⵉⵇ ⵏ ⵓⴷⵔⵉⵎ ⴰⴳⵔⴰⵖⵍⴰⵏ ⵍⵍⵉ ⵉⵙⵙⵉⵅⴼ ⵎ.ⵔⵓⴱⵉⵔⵟⵓ ⴽⴰⵔⴷⴰⵔⵉⵍⵍⵉ. ⵉⴽⵛⵎ ⵓⵏⵎⵓⵇⵇⴰⵔ ⴳ ⵉⵎⵛⴰⵡⴰⵕⵏ ⵉⵙⴳⴳⵯⵙⴰⵏⵏ ⵍⵍⵉ ⵉⵙⴽⴰⵔ ⵓⴼⵏⵉⵇ ⵙ ⵓⵎⵙⴰⵙⴰ ⴷ ⵓⵎⵏⵏⵉ ⵡⵉⵙ ⴽⴽⵓⵥ ⵏ ⵜⵎⵢⴰⵇⵇⴰⵏⵜ ⵏⵏⵙ ⵜⴰⵎⵙⴽⴰⵔⵜ.
ⴳ ⵓⵏⵎⵓⵇⵇⴰⵔ ⴰⴷ ⵉⵜⵜⵓⵙⴽⴰⵔⵏ ⵙ ⵓⴼⵉⵣⵢⵓⵏⴽⵓⵏⴼⵉⵕⵓⵏⵚ, ⵉⵙⵓⵜⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⵓⴼⵏⵉⵇ ⵏ ⵓⴷⵔⵉⵎ ⴰⴳⵔⵖⵍⴰⵏ, ⵢⵉⵏⵉ ⵎⴰⵙ ⴷ ⴰⵣⵔⵉⵔⴳ ⵏ ⵡⴰⵔⴰⵢ ⴷ ⵓⴷⵔⵉⵎ ⵉⵜⵜⵓⴼⴽⴰⵏ ⵉ ⵍⵎⵖⵔⵉⴱ ⴰⵔ ⵉⵎⵎⴰⵍ ⵜⴰⵎⵢⵉⵎⴰⵏⵜ ⵏ ⵉⵎⴷⵔⴰⵡⵏ ⵏⵏⵙ ⴳ ⵜⴷⵓⵙⵉ ⵏ ⵜⴷⵎⵙⴰ ⵜⴰⵏⴰⵎⵓⵔⵜ, ⵉⴳ ⵜⴰⵎⴰⵜⴰⵔⵜ ⴼ ⵓⴷⵖⴰⵔ ⵏⵏⵙ ⴷ ⴰⵛⴰⵎⵓⵛ ⵏ ⵓⵔⴳⴳⵉⴳ ⴷ ⵜⵏⴼⵔⵓⵜ ⴳ ⵜⵙⴳⴰ.
ⵉⵙⵎⵏⵉⴷ ⵎ.ⵟⴰⵍⴱⵉ ⵍⵄⴰⵍⴰⵎⵉ ⵉⵙⵜⴰⵢⵏ ⵉⴷⵎⵙⴰⵏⵏ ⵉⵅⴰⵜⴰⵔⵏ ⵏ ⵍⵎⵖⵔⵉⴱ ⴷⴼⴼⵉⵔ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⵙ ⵓⵙⵎⵖⵔ ⵏ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵓⴼⵔⴷⵉⵙ ⴰⵏⴼⴳⴰⵏ ⴷ ⵓⵙⵙⵍⵎⴷ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵙⵎⴰⵜⵜⵉ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ, ⵜⵉⵎⴰⴷⵔⴰⵡⵉⵏ ⴳ ⴽⵓ ⵉⵙⵡⵉⵔⵏ, ⴰⵙⵙⴰⵔⵓ ⵏ ⴱⵕⵕⴰ ⵓⵙⵔⵉⴷ, ⴰⵙⵎⵖⵔ ⵏ ⵉⴳⵔⴰⵏ ⵉⵎⴰⵢⵏⵓⵜⵏ ⴰⵎ ⵡⵉⵏ ⵜⵀⵉⵔⵉⵜⵉⵏ ⴷ ⵜⴰⵢⵍⴰⵍⵉⵏ ⴷ ⵡⴰⵙⵙⴰⵢ ⵙ ⴱⵕⵕⴰ, ⴷ ⵡⵉⵢⵢⴰⴹ.
ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵎⵙⴽⴰⵔ ⵜⵉⵎⵣⵡⵓⵔⴰ ⵏ ⵜⴳⵍⴷⵉⵜ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵉ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⴽⵓⵕⵓⵏⴰ, ⵢⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⴰⵏⴰⵡ ⴳ ⵓⵙⵡⵉⵔ ⴰⵎⵏⵥⴰⵡ ⴷ ⵓⴳⵔⴰⵖⵍⴰⵏ ⴳ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ, ⵉⵙⵔⵙ ⵓⵍⴰ ⵜⴰⵙⵜⵔⴰⵜⵉⵊⵉⵜ ⵜⴰⵏⴰⵎⵓⵔⵜ ⵏ ⵓⴼⴰⵔⵙ ⵏ ⵉⴳⵣⵣⴰⵢⵏ ⵃⵎⴰ ⴰⴷ ⵉⴷⵓⵙ ⵓⵙⵡⵉⵔ ⵏⵏⵙ ⴰⴷⵓⵙⴰⵏ, ⵉⴼⴽ ⵜⵉⵔⵎⵉⵜ ⵏⵏⵙ ⵉ ⵜⵎⵉⵣⴰⵔ ⵏ ⵉⴼⵔⵉⵇⵢⴰ.