ⵎⴰⵙⵙ ⵍⵄⴰⵍⴰⵎⵉ ⴷ ⵎⴰⵙⵙ ⵎⵉⵢⵢⴰⵕⴰ ⴳ ⵜⵙⵎⵓⵏⴰⵢ ⵏ ⵜⵔⵓⴱⴱⴰ ⵜⵉⵊⵢⵓ-ⵜⵉⵙⵔⵜⴰⵏⵉⵏ ⵜⴰⵄⵕⴰⴱⵜ ⴷ ⵜⴰⴼⵔⵉⵇⵉⵜ

ⴷⵔⵓⵏ ⵉⵏⵙⵙⵉⵅⴼⵏ ⵏ ⵓⴱⵕⵍⴰⵎⴰⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ, ⴰⴽⵡⴰⵙ 25 ⵏⵓⵡⴰⵏⴱⵉⵔ 2021 ⴳ ⵎⴰⴷⵔⵉⴷ, ⴳ ⵜⵙⵎⵓⵏⴰⵢ ⵏ ⵜⵔⵓⴱⴱⴰ ⵜⵉⵊⵢⵓ-ⵜⵉⵙⵔⵜⴰⵏⵉⵏ ⵜⴰⵄⵕⴰⴱⵜ ⴷ ⵜⴰⴼⵔⵉⵇⵉⵜ, ⵉ ⵓⵙⵓⵊⴷ ⵏ ⵓⴳⵔⴰⵡ 143 ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⴰⵍⵏⵜ ⴳ 26 ⴰⵔ 30 ⵏⵓⵡⴰⵏⴱⵉⵔ.

ⴳⴰⵏⵜ ⵜⵙⵎⵓⵏⴰⵢ ⴰⴷ ⵜⴰⵎⵍⴷⴰ ⵏ ⵉⵡⴰⵏⴽⵏ ⴰⵄⵕⴰⴱⵏ ⴷ ⵉⴼⵔⵉⵇⵉⵢⵏ ⵉ ⵓⵣⴷⴷⵓⵢ ⵏ ⵡⴰⴷⴷⴰⴷⵏ ⴷ ⵓⵎⴹⴰⴽⴰⵕⵏ ⵏ ⵓⵖⴰⵡⴰⵙ ⵏ ⵓⵏⵎⵓⵇⵇⴰⵔ ⴰⴷ ⴰⴳⵔⴰⵖⵍⴰⵏ. ⵖⵎⴽ ⴰⵏⵏ ⴷ ⵓⵔⵣⵣⵓ ⵏ ⵜⵎⵙⴰⵔⵉⵏ ⵏ ⵓⵙⵏⵎⴰⵍⴰ ⴷ ⵓⵙⵜⴰⵢ ⵏ ⵉⴳⵏⵙⴰⵙⵏ ⵏ ⵜⵔⵓⴱⴱⴰ ⴳ ⵜⵙⵇⵇⵉⵎⵉⵏ ⵜⵉⵙⵓⵍⴰⵏⵉⵏ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ.

ⵉⵜⵜⵓⵙⵜⴰⵢ ⵍⵎⵖⵔⵉⴱ ⴰⴷ ⵉⴳ ⴰⴳⵏⵙⴰⵙ ⵏ ⵜⵔⴰⴱⴱⵓⵜ ⵜⴰⵊⵢⵓ-ⵜⴰⵙⵔⵜⴰⵏⵜ ⴳ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⵏ ⵓⴼⵔⴰ ⴷ ⵜⵏⴼⵔⵓⵜ ⵜⴰⴳⵔⴰⵖⵍⴰⵏⵜ ⴳ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ.

ⵉⵙⴷⴷⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⴳ ⵜⵙⴳⵓⵔⵉ ⵏⵏⵙ ⵉ ⵍⴰⵎⴰⴱ, ⵎⴰⵙ ⵉⵎⵎⴰⵖ ⵍⵎⵖⵔⵉⴱ ⴰⴷ ⵉⴷⵔⵓ ⴳ ⵜⵙⵎⵓⵏⴰⵢ ⵏ ⵜⵔⵓⴱⴱⴰ ⵜⵉⵙⴳⴰⵡⴰⵏⵉⵏ ⴰⵛⴽⵓ ⴰⵔ ⵜⴰⴽⴽⴰ ⵜⴳⵍⴷⵉⵜ ⴰⵜⵉⴳ ⵉ ⵜⵣⴷⴰⵢⵉⵏ ⵏⵏⵙ ⴷ ⵜⵎⵉⵣⴰⵔ ⵜⴰⵢⵜⵎⴰⵜⵉⵏ ⴷ ⵜⵎⴷⴷⵓⴽⴽⴰⵍ.

ⵢⵉⵏⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵙⵔⵙⵏ ⵉⵏⵎⵓⵇⵇⴰⵔⵏ ⴰⴷ ⴰⵖⴰⵡⴰⵙ ⴼ ⵜⵡⵉⵙⵉ ⵏ ⵉⵡⴰⵏⴽⵏ ⴰⵄⵕⴰⴱⵏ ⴷ ⵉⴼⵔⵉⵇⵉⵢⵏ ⴳ ⵜⵙⵎⵓⵏⵉ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵜ, ⵉⴳ ⵡⴰⵡⵜⵜⴰⵙ ⴰⵎⵣⴰⵖ ⵏ ⵜⵏⵓⴼⴰ ⵜⵉⵎⴰⵜⵜⵓⵢⵉⵏ ⵏ ⵍⵎⵖⵔⵉⴱ ⴳ ⵉⵏⵎⵓⵇⵇⴰⵔⵏ ⵉⴳⵔⴰⵖⵍⴰⵏⵏ.

ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉⴷ ⵎⴰⵙⵙ ⵎⴰⵢⵢⴰⵕⴰ ⵎⴰⵙ ⵉⴳⴰ ⵓⴳⵔⴰⵡ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵙⵎⵓⵏⴰⵢ ⵏ ⵜⵔⵓⴱⴱⴰ ⵜⵉⵙⴳⴰⵡⴰⵏⵉⵏ, ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵍⵍⵉ ⵔⴰⴷ ⵉⵙⵖⵓⴷⵓ ⵜⵉⵎⵙⴽⴰⵔ ⵉ ⵡⴰⵍⴰⵢ ⵏ ⵜⵏⴰⵥⴰⵕⵉⵏ ⵍⵍⴰⵏⵉⵏ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⴼ ⵓⵙⵎⴰⵢⵏⵓ ⴷ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉ ⵓⵙⴱⴷⴷⵉ ⵏ ⵜⴱⴱⴰⵢⴹⴰⵕⵉⵏ ⴷⴼⴼⵉⵔ ⵏ ⵓⴱⴰⵢⵢⵓⵕ ⴷ ⵓⵙⴽⵔ ⵏ ⵜⵎⴰⴷⵔⴰⵡⵜ ⵜⴰⴳⵜⵉⵔⴰⵏⵜ ⵏ ⵜⵉⴷⵜ.

ⵜⴻⵜⵜⵓⵙⴽⴰⵔ ⵜⴰⵎⵓⵏⵜ ⵜⴰⴱⵕⵍⴰⵎⵏⵉⵜ ⵜⴰⴳⵔⴰⵖⵍⴰⵏⵜ ⵓⴳⴳⴰⵔ ⵏ 130 ⵏ ⵓⵙⴳⴳⵯⴰⵙ, ⵜⵎⵎⴰⵖ ⴼ ⵓⵎⵢⴰⵡⴰⵙ ⴷ ⵓⵎⵙⴰⵡⴰⵍ ⵊⴰⵔ ⵜⵉⵎⵜⵜⴰ. ⴳⵉⵙ 179 ⵏ ⵓⴱⵕⵍⴰⵎⵏ ⴷ 13 ⵏ ⵜⵎⴰⴷⴷⴷⴰⵙⵜ. ⵉⵎⵎⴰⵖ ⴼ ⵜⵏⵏⵓⴱⴹⴰ ⵜⴰⴳⵔⴰⵖⵍⴰⵏⵔ, ⴷ ⵜⵡⵡⵓⵔⵉ ⵏ ⵜⵎⵜⵜⴰ ⵎⵓⵏⵏⵉⵏ ⴷ ⵓⵣⵣⴳⵉⵔ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵙⵓⵍⴰⵜⵏ ⴰⵔ 2030.