ⵉⵣⵎⵎⵉⵎ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵎⴷⵏⴰⵏⵜ ⵏ ⵚⵚⵉⵏ ⵜⴰⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ

ⵉⵣⵎⵎⵉⵎ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎ.ⵍⴰⵃⴱⵉⴱ ⵍⵎⴰⵍⴽⵉ, ⴷ ⵎ. Li Zhanshu ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵎⴷⵏⴰⵏⵜ ⵏ ⵚⵚⵉⵏ ⴰⴽⵡⴰⵙ 16 ⵛⵓⵜⴰⵏⴱⵉⵔ 2021, ⵜⴰⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ, ⵜⴳⴰ ⵜⵉⵔⴰⵜ ⵉⵛⵛⴰⵔⵏ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵙ ⴽⵉⴳⴰⵏ ⵏ ⵜⵡⵉⵣⵉ ⴷ ⵓⵎⵛⴰⵡⴰⵕ.

ⵜⵉⵡⵉ ⴷ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵎⴷⵏⴰⵏⵜ ⵏ ⵚⵚⵉⵏ ⴼ ⴰⴷ ⵓⵔ ⵢⵉⵍⵉ ⵓⴽⵛⵓⵎ ⵖ ⵜⵖⴰⵡⵙⵉⵡⵉⵏ ⵜⵉⴳⵯⵏⵙⴰⵏⵉⵏ ⴷ ⵓⵡⵇⵔ ⵏ ⵓⵏⴱⴰⴹ ⴷ ⵜⴼⴰⵜⵉⵜ ⵏ ⵉⴽⴰⵍⵉⵡⵏ ⵍⵍⵉ ⵉⴳⴰⵏ “ⵜⴰⵔⵙⵍⵜ ⵉⵙⵜⴰⵡⵀⵎⵎⴰⵏ ⵏ ⵓⵙⵙⵕⵚⵓ ⵏ ⵓⴼⵔⴰ ⴷ ⵜⵏⴼⵔⵓⵜ ⵉⴳⵔⴰⵖⵍⴰⵏⵏ”.

ⵎⵎⴰⵖⵏ ⵙⵉⵏ ⵉⵎⵙⵜⴳⴳⴰⵔⵏ ⴼ ⵓⵙⴽⵔ ⵏ ⵓⵏⵔⴰⵎⴰⵙ ⵍⵍⵉ ⵍⴽⵎⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ, ⴷ ⵓⵙⴷⵓⵙ ⴷ ⵓⵙⵎⵖⵔ ⵏ ⵜⵎⵢⵉⵎⴰⵏⵜ ⵜⴰⵙⵔⵜⴰⵏⵜ ⵉⵜⵜⵓⵙⵏⴼⴰⵍⵏ, ⴷ ⵓⵙⵏⴼⵍ ⵏ ⵓⵙⴷⵓⵙ ⵉⴱⴷⴷⵏ ⴳ ⵜⵎⵙⴰⵔⵉⵏ ⵥⵍⵉⵏⵉⵏ ⵙ ⵜⵏⵓⴼⴰ ⴷ ⵉⵅⵎⵎⵉⵎⵏ ⵉⵅⴰⵜⴰⵔⵏ ⵏⵏⵙⵏ.

ⵎⵙⴰⵛⴽⴰⵏ ⴷ ⵙⵉⵏ ⵉⵎⵙⵜⴳⴳⴰⵔⵏ ⴼ ⵓⵙⴷⵓⵙ ⵏ ⵓⵎⵢⴰⵡⴰⴹ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵓⵙⴷⵓⵙ ⵏ ⵜⴷⴷⵓⴽⴽⵍⴰ ⴷ ⵓⵎⵢⴰⵡⴰⵙ ⵉ ⵚⴰⵃⴰ ⵏ ⵜⵏⵓⴼⴰ ⵛⵛⴰⵔⵏⵉⵏ ⴳ ⵙⵏⴰⵜ ⵜⵎⵉⵣⴰⵔ, ⴷ ⵓⵙⵡⵓⵔⵉ ⵊⴰⵔ ⵜⵉⵏⵙⵙⵉⵅⴼⵉⵏ ⵏ ⵙⵉⵏ ⵉⵙⵇⵇⵉⵎⵏ, ⴳ ⵜⵙⵇⵇⵉⵎⵉⵏ ⵜⵉⵎⵓⵔⴰⵢⵉⵏ ⴷ ⵜⵔⵓⴱⴱⴰ ⵏ ⵜⴷⴷⵓⴽⴽⵍⴰ ⴷ ⵜⵏⵓⴼⴰ ⵜⵉⵎⵙⵙⵓⴳⵓⵔⵉⵏ, ⵖⵎⴽ ⴰⵏⵏ ⴷ ⵓⵏⴱⴰⴹ ⴷ ⵜⵎⵙⵙⵓⴳⵓⵔⵜ ⴷ ⵜⴷⵉⵎⵓⵇⵔⴰⵟⵉⵜ ⴷ ⵓⵙⵎⵖⵔ ⵏ ⵓⵙⵍⴳⵏ ⴷ ⵡⵉⵢⵢⴰⴹ, ⴷ ⵓⵎⵢⴰⵡⴰⵙ ⴳ ⵜⵎⵙⴰⵔⵉⵏ ⵏ ⵜⴷⵓⵙⵉ ⵜⴰⵎⴰⵜⴰⵢⵜ ⴷ ⵜⵏⴼⵔⵓⵜ ⴷ ⵓⵙⴱⴷⴷⵉ ⵏ ⵓⵥⵍⴰⴹ ⴷ ⵜⴳⵎⵉ ⵜⴰⵙⵓⵍⴰⵏⵜ.

ⵜⵉⵡⵉ ⴷ ⵜⵎⵢⴰⵇⵇⴰⵏⵜ ⴰⴷ ⵢⵉⵍⵉ ⵓⵎⵢⴰⵡⴰⵙ ⴳ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵏⵎⵏⴰⴹⵉⵏ ⴷ ⵜⵉⴳⵜⵉⵔⴰⵏⵉⵏ ⵉ ⵓⵣⴷⴷⵓⵢ ⵏ ⵡⴰⴷⴷⴰⴷⵏ ⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴷ ⵓⵙⵙⵕⵚⵓ ⵏ ⵜⵏⵓⴼⴰ ⵛⵛⴰⵔⵏⵉⵏ.

ⵉⵙⴽⵔ ⵢⴰⴷ ⵎ.ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎ. Li Zhanshu ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵎⴷⵏⴰⵏⵜ ⵏ ⵚⵚⵉⵏ, ⴰⴽⵕⴰⵙ 07  ⵉⴱⵔⵉⵔ 2021, ⵉⵎⵛⴰⵡⴰⵕⵏ ⵖ ⵙⵓⵜⴳⵏ ⵜⴰⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵏ ⵓⴱⵔⵉⴷ ⵏ ⵓⵎⵢⴰⵡⴰⵙ ⴰⵎⵖⵔⵉⴱⵉ-ⴰⵚⵉⵏⵉ ⵙⴳ ⴰⵔⵣⴰⴼ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵚⵚⵉⵏ ⴳ 2016 ⴷ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ. ⵎⴽ ⵍⵍⵉ ⴷ ⵎⵙⴰⵛⴽⴰⵏ ⴼ ⵓⵙⵎⵔⵙⵍ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ, ⴷ ⵓⵙⵎⵖⵔ ⵏ ⵉⵔⵣⴰⴼⵏ ⴷ ⵜⵎⵓⵣⴰⵢⵉⵏ, ⴷ ⵓⵙⵎⵀⵍ ⵏ ⵜⵡⵓⵔⵉ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵍⴰ ⵜⴰⴱⵕⵍⴰⵎⴰⵏⵉⵜ ⵊⴰⵔ ⵙⵏⴰⵜ ⵜⵎⵉⵣⴰⵔ, ⴷ ⵓⵣⴷⴷⵓⵢ ⴷ ⵓⵎⵛⴰⵡⴰⵕ ⵉⵙⵓⵍⵏ ⴳ ⵉⵎⵓⵙⵙⵓⵜⵏ ⵉⴱⵕⵍⴰⵎⴰⵏⵉⵢⵏ ⵉⴳⵔⴰⵖⵍⴰⵏⵏ.

ⵖⵎⴽ ⵍⵍⵉ ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵎⴷⵏⴰⵏⵜ  ⵏ ⵚⵚⵉⵏ, ⵎⴰⵙ ⵉⴳⴰ ⵓⵏⵢⴰⵍⴽⴰⵎ ⵏ ⵜⵜⵉⵍⵉⴼⵓⵏ ⵊⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵓⵅⴰⵜⴰⵔ ⴰⵏⵙⵙⵉⵅⴼ ⵏ ⵚⵚⵉⵏ ⵎ. “ⵛⵉ ⵊⵉⵏⴱⵉⵏⵖ” ⴳ ⵖⵓⵛⵜ ⵏ ⵓⵙⴳⴳⵯⴰⵙ ⵉⵣⵔⵉⵏ, ⵢⴰⵏ ⵓⵏⴼⵓⵙ ⴰⵎⴰⵢⵏⵓ ⵉ ⵜⵎⴷⵔⴰⵡⵜ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵓⵙⴱⴷⴷⵉ ⵏ ⴽⵓⴼⵉⴷ 19, ⵉⵙⴰⵡⵍ ⴼ ⵜⵉⴽⴽⵉ ⵏ ⵜⵎⴰⵣⵉⵔⵜ ⵏⵏⵙ ⵉ ⵍⵎⵖⵔⵉⴱ ⵏ ⵉⴳⵣⵣⴰⵢⵏ ⵎⴳⴰⵍ ⵏ ⵓⴼⵉⵔⵓⵙ ⵏ ⴽⵓⴼⵉⴷ 19, ⵉⵙⵓⵜⴳ ⵜⵉⵣⵡⵉⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵜⵢⵢⴰⴼⵓⵜⵉⵏ ⵏ ⵍⵎⵖⵔⵉⴱ ⴳ ⵓⵙⴱⴷⴷⵉ ⵏ ⵓⴱⴰⵢⵢⵓⵕ.