ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⵓⵔⵉⵟⴰⵏⵢⴰ
ⵉⵙⵏⵓⴱⴳ ⵎ. ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 05 ⵢⵓⵍⵢⵓⵣ 2021 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎ.ⵎⵓⵃⴰⵎⵎⴰⴷ ⵍⵎⵓⵚⵟⴰⴼⴰ ⵎⵓⵃⴰⵎⵎⴰⴷ ⵍⴰⵎⵉⵏ ⵣⴰⵢⴷⴰⵏ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⵓⵕⵉⵟⴰⵏⵢⴰ ⵉⵍⵍⴰⵏ ⴳ ⵓⵔⵣⴰⴼ ⴰⵎⴰⴷⴷⵓⴷ ⵉ ⵜⵎⴰⵣⵉⵔⵜ ⵏⵏⵖ ⴳ ⵢⵉⵅⴼ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉⵙⵜⴰⵡⵀⵎⵎⴰⵏ.
ⴳ ⵜⵣⵡⵉⵔⵉ ⵏ ⵓⵏⵎⵓⵇⵇⴰⵔ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⴱⴷⴷⵏⵜ ⵜⵣⴷⴰⵢⵉⵏ ⵏ ⵜⴰⴳⵯⵎⴰⵜ ⵊⴰⵔ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ ⴼ ⵜⵔⵙⴰⵍ ⵏ ⵓⵎⵣⵔⵓⵢ ⵉⵛⵛⴰⵔⵏ ⴷ ⵓⵙⴳⴷ ⴷ ⵜⵓⵜⵍⴰⵢⵜ ⴷ ⵜⵖⵔⵎⴰ, ⵉⵙⵉⵙⴼⵉⵡ ⵎⴰⵙ ⵔⴰⵏⵜ ⵙⵏⴰⵜ ⵜⵎⵉⵣⴰⵔ ⴰⵎⵢⴰⵡⴰⵙ ⴳ ⵜⵍⵍⴰ ⵜⵢⴰⴼⵓⵜ, ⵉⵙⵙⴽⵜⵉ ⴷ ⴰⵏⵢⴰⵍⴽⴰⵎ ⵏ ⵜⵜⵉⵍⵉⴼⵓⵏ ⵉⵙⵎⵓⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵙ ⴷ ⵓⵏⵙⵙⵉⵅⴼ ⵏ ⵎⵓⵕⵉⵟⴰⵏⵢⴰ ⵎ.ⵎⵓⵃⴰⵎⵎⴰⴷ ⵡⵍⴷ ⵍⵖⵣⵡⴰⵏⵉ ⴳ ⵏⵓⵡⴰⵏⴱⵉⵔ ⵉⵣⵔⵉⵏ.
ⵉⵙⴷⴷⵉⴷ ⵎ.ⵍⵎⴰⵍⴽⵉ ⵎⴰⵙ ⵜⵙⵖⴰⵡⵙⴰ ⵜⵙⴳⴰ ⵉ ⵜⴳⵎⵉ ⵜⴰⵙⵓⵍⴰⵏⵜ, “ⵍⵍⵉ ⵔⴰⴷ ⵉⵜⵜⵓⵙⴽⵉⵔ ⵙ ⵜⵏⴼⵔⵓⵜ ⴷ ⵓⵔⴳⴳⵉⴳ ⴷ ⵓⴼⵔⴰⴳ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵉⵡⴰⵏⴽⵏ”, ⵢⵉⵏⵉ ⵎⴰⵙ ⵉⵙⵔⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵜⴰⵙⵜⵔⴰⵜⵉⵊⵉⵜ ⵜⴰⵎⴰⵢⵏⵓⵜ ⵏ ⵓⵎⵢⴰⵡⴰⵙ ⵉⴼⴼⵓⵙ ⵉⴼⴼⵓⵙ ⴷ ⵜⵎⴷⵔⴰⵡⵜ ⴷ ⵜⵎⵉⵣⴰⵔ ⵏ ⵉⴼⵔⵉⵇⵢⴰ. ⵢⵉⵏⵉ ⵎⴰⵙ ⵉⴷⵔⵓⵙ ⵓⵙⵉⴷⴼ ⴰⴷⵎⵙⴰⵏ ⴳ ⵜⵙⴳⴰ ⵜⴰⵎⴰⵖⵔⵉⴱⵉⵜ ⴷ “ ⵓⵅⵙⵔ ⵏ ⵓⵣⵎⵣ ⴰⵎⴰⵖⴰⵔⵉⴱⵉ ⵍⵍⵉⵖ ⴰ ⵉⵜⵜⴷⴷⵓ 2% ⵏ ⵓⵢⴰⴼⵓ ⴰⴳⵯⵏⵙⴰⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⵍⵍⵉⵖ ⵓⵔ ⵜⵍⵍⵉ ⵜⵎⵓⵏⵜ ⵜⴰⵎⴰⵖⴰⵔⵉⴱⵉⵜ”.
ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ, ⵉⵙⵙⵓⵎⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵎⵔⵙⵍ ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵙ ⵓⵣⵎⵎⴻⵎ ⵏ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ, ⵉⵙⴰⵡⵍ ⴼ ⵜⵉⵔⴰⵜ ⵉⴷⵓⵙⵏ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⴷⴰⵙ ⴷ ⵓⵎⵛⴰⵡⴰⵕ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⵓⵕⵉⵟⴰⵏⵢⴰ ⵉ ⵚⴰⵃⴰ ⵏ ⵜⵏⵓⴼⴰ ⵛⵛⴰⵔⵏⵉⵏ ⵏ ⵙⵏⴰⵜ ⵜⵎⵉⵣⴰⵔ ⴷ ⵉⵎⴰⴷⴰⵏⵏ ⵏⵏⵙⵏⵜ.
ⴳ ⵓⵎⵏⵉⴷ ⵏⵏⵙ, ⵉⵙⵙⵉⵙⴼⵉⵡ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵣⴷⴰⵢⵉⵏ ⵏ ⴱⵕⵕⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⵓⵕⵉⵟⴰⵏⵢⴰ ⵎⴰⵙ ⴷ ⴰⵔⵣⴰⴼ ⵏⵏⵙ ⵉ ⵜⴳⵍⴷⵉⵜ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉⴳⴰ ⴰⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵓⵙⴷⵓⵙ ⵏ ⵓⵙⵏⴼⵍ ⵏ ⵜⵉⵔⵎⵉⵜⵉⵏ, ⵉⵙⵓⵜⴳ ⵜⴰⵣⵣⵉⴳⵣⵜ ⵏ ⵜⴳⵎⵉ ⴳ ⵎⴰⵣⵉⵔⵜ ⵏⵏⵖ ⴳ ⴽⵓ ⵉⴳⵔⴰⵏ.
ⵉⵙⵓⴳⵜⵎ. ⵎⵓⵃⴰⵎⵎⴰⴷ ⵍⵎⵓⵚⵟⴰⴼⴰ ⵎⵓⵃⴰⵎⵎⴰⴷ ⵍⴰⵎⵉⵏ ⵉⵙⵙⴰⵔⵓⵜⵏ ⵏ ⵍⵎⵖⵔⵉⴱ ⴳ ⵉⴼⵔⵉⵇⵢⴰ, ⵉⵖⵔ ⵉ ⴽⵉⴳⴰⵏ ⵏ ⵉⵙⵙⴰⵔⵓⵜⵏ ⵏ ⵍⵎⵖⵔⵉⴱ ⴳ ⵎⵓⵕⵉⵟⴰⵏⵢⴰ, ⴷ ⵓⵙⴷⵓⵙ ⵏ ⵓⵙⵏⴼⵍ ⴰⴷⵎⵙⴰⵏ ⴷ ⵓⵙⵖⵏⵣⵉ, ⵢⵉⵏⵉ “ⴳⴰⵏⵜ ⵜⵣⴷⴰⵢⵉⵏ ⵏⴳⵔ ⵙⵏⴰⵜ ⵜⵎⵉⵣⴰⵔ ⵜⵉⴷ ⴷⵓⵙⵏⵉⵏ ⴷ ⵜⵉⵏ ⵓⵎⵣⵔⵓⵢ, ⵉⵇⵇⴰⵏ ⴷ ⵓⴼⵔⴰⴳ ⴷ ⵓⵙⵎⵖⵔ ⵏⵏⵙⵏⵜ ⵙ ⴽⵉⴳⴰⵏ”. ⵉⵙⴷⴷⵉⴷ ⵓⵍⴰ ⴼ ⵡⴰⵜⵉⴳ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵓⵙⵎⵓⵜⵜⴳ ⵏ ⵉⵄⵔⵔⵉⵎⵏ ⴷ ⵜⴽⵔⵣⴰ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵡⵉⵢⵢⴰⴹ, ⵉⵙⵓⵜⴳ ⵜⵓⴳⴳⵯⴰⵙ ⵏ ⵍⵎⵖⵔⵉⴱ ⴳ ⵓⴼⵙⵙⴰⵢ ⵏ ⵜⴰⵙⵙⴰⵙⵜ ⵏ ⵍⵉⴱⵢⴰ ⴷ ⵓⵎⵢⴰⴷⴰⵙ ⵏ ⵜⴰⵏⵏⴰⵢⵉⵏ ⵏ ⴽⵓ ⵉⵎⵙⴽⴰⵔⵏ.
ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ, ⵎ. ⵢⵓⵙⵓⴼ ⵖⴰⵔⴱⵉ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵏ ⵍⵉⵙⵍⴰⵎ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵜⵙⵇⵇⵉⵎⵜ.