ⵉⵎⴹⴰⴽⴰⵕⵏ ⴳ ⴱⵔⵓⴽⵙⵉⵍ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵜⴰⵎⵓⵏⵜ ⵏ ⵓⵕⵓⴱⴱⴰ ⴼ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵜⵉ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ

ⵜⵙⵏⵎⴰⵍⴰ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵍⵎⵖⵔⵉⴱ-ⵜⴰⵎⵓⵏⵜ ⵏ ⵓⵕⵓⴱⴱⴰ ⵙ ⵙⵉⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵛⵛⴰⵡⵉ ⴱⵍⵄⵙⵙⴰⵍ, ⵙⴳ 28 ⵢⵓⵏⵢⵓ ⴰⵔ 1 ⵢⵓⵍⵢⵓⵣ 2021, ⵉⵏⵎⵓⵇⵇⴰⵔⵏ ⴳ ⴱⵔⵓⴽⵙⵉⵍ ⴳ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⵙⵇⵇⵉⵎⵜ ⵏ ⵜⴷⵔⴼⵉⵢⵉⵏ ⴷ ⵜⵣⵔⴼⵜ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ.

ⴳ ⵉⵏⵎⵓⵇⵇⴰⵔⵏ ⴰⴷ ⴷ ⵉⴱⵕⵍⴰⵎⴰⵏⵉⵢⵉⵏ ⵏ ⵓⵕⵓⴱⴱⴰ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵉⵏ, ⵙⵙⵉⵙⴼⵉⵡⵏ ⵉⴱⵕⵍⴰⵎⴰⵏⵉⵢⵉⵏ ⵉⵎⵖⵔⵉⴱⵉⵢⵏ ⴰⵜⵉⴳ ⵏ ⵜⵎⴷⵔⴰⵡⵜ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵜⵎⵥⵍⴰⵢⵉⵏ ⵏⵏⵙ ⴷ ⵓⵛⵛⵉⵍ ⵏ ⵓⵙⴷⵓⵙ ⵏ ⵜⴷⵉⵏⴰⵎⵉⵜ ⵏⵏⵙ.

ⴼⴽⴰⵏ ⵉⴱⵕⵍⴰⵎⴰⵏⵉⵢⵏ ⵉⵎⵖⵔⵉⴱⵉⵢⵏ ⵉⵙⵉⵙⴼⵉⵡⵏ ⵉ ⵉⵏⴳⴳⵯⴰ ⵏⵏⵙⵏ ⴳ ⵓⵕⵓⴱⴱⴰ ⴼ ⵓⵛⵛⵉⵍ ⵏ ⵓⵙⵡⵓⴷⴷⵓ ⴰⵙⵉⵏⵔⴰⵏ ⵏ ⵜⴰⵙⵙⴰⵙⵜ ⵊⴰⵔ ⵍⵎⵖⵔⵉⴱ ⴷ ⵚⴱⴰⵏⵢⴰ, ⴱⵕⵕⴰ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ, ⵙⴷⴷⵉⴷⵏ ⴼ ⵓⵙⵓⵜⴳ ⵏ ⵜⵎⵢⴰⵡⴰⵙⵜ ⴰⴷ ⴳ ⵓⵙⵎⴽⵍ ⵏ ⵜⵎⵓⴽⵔⵉⵙⵉⵏ ⵏ ⵓⵣⵡⴰⴳ, ⵉⵏⵉⵏ ⵜⵉⵔⴰⵜ ⵉⴷⵓⵙⵏ ⵏ ⵍⵎⵖⵔⵉⴱ ⵉ ⵓⴼⵔⴰⴳ ⵏ ⵜⵎⴷⵔⴰⵡⵜ ⵉⵙⵓⵍⵏ ⵉⵎⵎⴰⵖⵏ ⴼ ⵜⵏⵓⴼⴰ ⵛⵛⴰⵔⵏⵉⵏ ⵏ ⵙⵏⴰⵜ ⵜⵙⴳⴳⵉⵡⵉⵏ.

ⵉⵏⵉⵏ ⵉⴱⵕⵍⴰⵎⴰⵏⵉⵢⵏ ⵉⵎⵖⵔⵉⴱⵉⵢⵏ ⵉ ⵉⵏⴳⴳⵯⴰ ⵏⵏⵙⵏ ⴳ ⵓⵕⵓⴱⴱⴰ ⵓⵛⵛⵉⵍ ⵏ ⵓⵎⴹⴰⴽⴰⵕ ⵏ ⵉⵏⴰⵔⵓⵣⵏ ⴰⴷ ⴳ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⵙⵇⵇⵉⵎⵜ ⵏ ⵜⴷⵔⴼⵉⵢⵉⵏ ⴳ ⵓⴱⵕⵍⴰⵎⴰⵏ  ⵏ ⵓⵕⵓⴱⴱⴰ, ⵃⵎⴰ ⴰⴷ ⵢⵉⵍⴰ ⵓⵎⵙⴰⵡⴰⵍ ⵉⴳⴰⴷⴷⴰⵏ.

ⵓⴼⴰⵏⵜ ⵜⵙⵓⵎⵔⵉⵏ ⵜⵉⵎⵖⵔⵉⴱⵉⵢⵉⵏ ⵜⴰⵖⵍⴰⵖⴰⵍⵜ ⵉⵥⵉⵍⵏ ⴷⴰⵔ ⵉⴱⵕⵍⴰⵎⴰⵏⵉⵢⵏ ⵏ ⵓⵕⵓⴱⴱⴰ, ⵍⵍⵉ ⵙⵓⵜⴳⵏⵉⵏ ⵜⴰⵙⵏⵜⴰⵢⵜ ⵏ ⵜⵙⵇⵇⵉⵎⵜ ⵉⵛⵛⴰⵔⵏ, ⵍⵍⵉ ⵉⵎⵍⴰⵏ ⵜⵉⵍⴰⵍⵜ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵙⵏⴼⵍ ⵉⵙⵓⵍⵏ, ⵜⵇⵇⴰⵏⴷ ⵓⵍⴰ ⵜⵡⵓⵔⵉ ⵜⴰⵎⵣⵡⴰⵔⵓⵜ ⵉ ⵓⵙⵉⵙⴼⵉⵡ ⵏ ⵉⵎⵏⴰⴷⵏ ⴷ ⵜⴰⵏⵏⴰⵢⵉⵏ ⵜⵉⵎⵖⵔⵉⴱⵉⵢⵉⵏ ⵍⵍⵉ ⵙⵏⴰⵍⵏ ⵉⵎⴷⴷⵓⴽⴽⴰⵍ ⵏ ⵜⴳⵍⴷⵉⵜ ⵉ ⴽⵓ ⵉⴱⵕⵍⴰⵎⴰⵏⵉⵢⵉⵏ ⵏ ⵓⵕⵓⴱⴱⴰ.

ⴳ ⵜⴳⵉⵔⴰ, ⵎⵙⴰⵙⵏ ⴰⵢⵜ ⵍⵎⵖⵔⵉⴱ ⴷ ⵓⵕⵓⴱⴱⴰ ⵍⵍⵉ ⴷⴰⵔ ⵍⵍⴰⵏ ⵜⴰⵏⵏⴰⵢⵉⵏ ⵎⵏⵉⴷ ⵏ ⵉⵎⵏⴰⴷⵏ ⵍⵍⴰⵏⵉⵏ ⴳ ⵜⵙⴳⴰ ⵏ ⵓⵏⴰⵎⵎⴰⵙ, ⴼ ⵜⵣⵣⵉⴳⵣⵜ ⵏ ⵓⵎⵙⴰⵡⴰⵍ ⴳ ⵜⵙⵎⵓⵏⴰⵢ ⴷ ⵓⵛⴽⴰⵏⵉⵏ ⵏ ⵜⵙⵇⵇⵉⵎⵉⵏ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ.

ⵍⵍⴰⵏ ⴳ ⵉⵏⵎⵓⵇⵇⴰⵔⵏ ⴰⴷ:

ⴳ ⵜⵙⴳⴰ ⵏ ⵓⵕⵓⴱⴱⴰ:

- ⵎ.Brice Hortefeux, ⵙⴳ ⵓⴽⴰⴱⴰⵕ ⴰⵎⴷⵏⴰⵏ ⵏ ⵓⵕⵓⴱⴱⴰ. (ⴰⵎⵡⵙⴰⵙ ⴰⵇⴱⵓⵔ) .

- ⵎ. Tomas Zdechovsk, ⵙⴳ ⵓⴽⴰⴱⴰⵕ ⴰⵎⴷⵏⴰⵏ ⵏ ⵓⵕⵓⴱⴱⴰ.

- ⵎⴰ. Nadine Morano, ⵙⴳ ⵓⴽⴰⴱⴰⵕ ⴰⵎⴷⵏⴰⵏ ⵏ ⵓⵕⵓⴱⴱⴰ. (ⵜⴰⵎⴰⵡⵙⴰⵙⵜ ⵜⴰⵇⴱⵓⵔⵜ).

- ⵎ.ⵎⵓⵃⴰⵎⵎⴰⴷ ⵛⴰⵀⵉⵎ, ⴰⵎⵓⵍⵍⵉ ⵏ ⵡⴰⵍⴰⵢ ⵏ ⵉⵙⵔⵎⵓⵏⵏ ⵉⴷⵉⵎⵓⵇⵔⴰⵟⵉⵢⵉⵏ.

- ⵎ.ⵎⵓⵏⵉⵔ ⵙⴰⵜⵓⵔⵉ, ⵜⴰⵔⴰⴱⴱⵓⵜ ⵏ ⵉⵣⴳⵣⴰⵡⵓⵏ/ⴰⵎⵓⵍⵍⵓ ⵉⵍⴻⵍⵍⵉ ⵏ ⵓⵕⵓⴱⴱⴰ.

- ⵎ.Emmanuel Maurel, ⴰⵥⵍⵎⴰⴹ ⵏ ⵓⵕⵓⴱⴱⴰ ⵉⵎⵓⵏⵏ / ⴰⵥⵍⵎⴰⴹ ⵏ ⵉⵥⵥⵍⵎⴹ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ/ ⴰⵏⵙⵙⵉⵅⴼ ⵏ ⵓⵎⴰⵔⵉ ⵏ ⵜⵙⵇⵇⵉⵎⵜ ⵏ ⵜⵣⴷⴰⵢⵉⵏ ⴷ ⵜⵎⵉⵣⴰⵔ ⵜⵉⵎⵖⴰⵔⴰⴱⵉⵢⵉⵏ ⴷ ⵜⴰⵎⵓⵏⵜ ⵜⴰⵎⵖⴰⵔⴰⴱⵉⵜ.

ⴳ ⵜⵙⴳⴰ ⵜⴰⵎⵖⵔⵉⴱⵉⵜ:

-         ⵎ.ⵛⵛⴰⵡⵉ ⴱⵍⵄⵙⵙⴰⵍ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵍⵎⵖⵔⵉⴱ ⵜⴰⵎⵓⵏⵜ ⵏ ⵓⵕⵓⴱⴱⴰ.

-         ⵎ.ⴼⵓⴰⴷ ⵇⴰⴷⵔⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ.

-         ⵎ.ⵉⴷⵔⵉⵙ ⵚⵚⵇⵍⵍⵉ ⵍⵄⴰⴷⴰⵡⵉ, ⴰⴳⵎⴰⵎ ⵏ ⵜⵙⵇⵇⵉⵎⵜ.

-         ⵎ.ⵎⵓⵃⴰⵎⵎⴰⴷ ⵖⵢⵢⴰⵜ,ⴰⴳⵎⴰⵎ ⵏ ⵜⵙⵇⵇⵉⵎⵜ.

-         ⵎ.ⵍⵃⵙⵏ ⵙⴽⴽⵓⵔⵉ,  ⴰⴳⵎⴰⵎ ⵏ ⵜⵙⵇⵇⵉⵎⵜ, (ⴰⵎⵡⵙⴰⵙ ⴰⵇⴱⵓⵔ).

-         ⵎⴰ.ⴼⴰⵜⵉⵃⴰ ⵙⴰⴷⴰⵙ, ⵜⴰⴳⵎⴰⵎⵜ ⵏ ⵜⵙⵇⵇⵉⵎⵜ.

-         ⵎⴰ.ⵖⵉⵜⴰ ⴱⴰⴷⵔⵓⵏ, ⵜⴰⴳⵎⴰⵎⵜ ⵏ ⵜⵙⵇⵇⵉⵎⵜ.

-         ⵎ.ⵄⴰⴱⴷⵚⵚⴰⵎⴰⴷ ⵎⵔⵉⵎⵉ, ⴰⴳⵎⴰⵎ ⵏ ⵜⵙⵇⵇⵉⵎⵜ.

ⴳ ⵜⵙⵎⵓⵏⴰⵢ ⴰⴷ, ⴳ ⵓⵎⵛⴰⵡⴰⵕ ⵉⵙⵓⵍⵏ, ⵜⵙⴽⵔ ⵜⵙⵇⵇⵉⵎ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵍⵎⵖⵔⵉⴱ-ⵜⴰⵎⵓⵏⵜ ⵏ ⵓⵕⵓⴱⴱⴰ, ⵉⵎⵛⴰⵡⴰⵕⵏ ⴷ ⵓⴽⴰⴱⴰⵕ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵎⵓⵍⵍⵉ ⵏ ⵉⵥⵥⵍⵎⴹ ⵏ ⵍⴰⵟⵍⴰⵙⵉ ⴷ ⵜⵎⵙⵇⵇⴰⴷⵜ ⵏ ⵜⴳⵍⴷⵉⵜ ⴳ ⴱⵔⵓⴽⵙⵉⵍ.