ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⴼⵓⴳⵍⴰ ⵏ ⵓⵙⵕⵚⵓ ⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ
ⵉⵙⵙⵉⵅⴼ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 11 ⵎⴰⵢⵢⵓ 2021, ⵜⴰⴼⵓⴳⵍⴰ ⵏ ⵓⵙⵕⵚⵓ ⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ.
ⵉⵏⵏⴰ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⵎⵙⴰⵙⴰ ⵓⵏⵏⵓⵕⵥⵎ ⵏ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⵏ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵏ 2021 ⴷ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉ ⵓⵙⵙⵔⵇⴱ ⴷ ⵓⵙⵎⵖⵔ ⵏ ⵜⵙⵓⴳⴰⵔ ⵏ ⵓⵙⵎⴰⵍ ⴰⵎⵖⵔⵉⴱⵉ, ⴷ ⵓⵙⵉⵙⵙⵏ ⵏ ⵜⵓⴳⴳⴰⵙ ⵜⵓⴼⵔⵉⴷⵉⵏ ⴷ ⵜⵎⴳⵔⴰ ⴳ ⵓⵙⵎⵖⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵓⵙⴷⵓⵙ ⵏ ⵜⴷⵔⴰⵡⵜ ⵜⴰⵙⵔⵜⴰⵏⵜ ⴷ ⵓⵙⵕⵚⵓ ⵏ ⵓⵡⴰⵏⴽ ⵏ ⵜⵎⵔⵙⴰⵍ.
ⵉⵙⴷⴷⵉⴷ ⵎⴰⵙⵙ ⵍⵎⴰⵍⴽⵉ ⵎⴰⵙ ⵉⵎⵎⴰⵖ ⵓⵙⵇⵇⵉⵎ ⴳ ⵜⵡⴰⵍⴰ ⴰⴷ ⴼ ⵓⵏⵏⵓⵕⵥⵎ ⵏ ⵜⵎⵔⵙⵍⵜ ⵜⴰⴱⵕⵍⴰⵎⴰⵏⵉ ⴼ ⵉⵎⴰⵙⵙⵏ ⵏ ⵓⵙⵎⴰⵍ ⴳ ⵢⴰⵏ ⵓⵖⴰⵡⴰⵙ ⴰⵙⵜⵔⴰⵜⵉⵊⵉ ⵢⵓⵎⴰⵏ, ⵉⴳ ⵓⵎⵙⴰⵡⴰⴹ ⵢⴰⵜ ⵜⵔⵙⵍⵜ ⴳ ⵜⵡⵓⵔⵉ ⵏ ⵓⵙⵇⵇⵉⵎ. ⵢⵉⵏⵉ ⵎⴰⵙ ⴳⴰⵏ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⵏ ⵓⵙⵎⴰⵍ ⵉⵎⴷⵔⴰⵡⵏ ⴳ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵢⵉⵏⵉ ⵎⴰⵙ ⵜⵍⴰ ⵜⵡⵓⵔⵉ ⴷ ⵓⵙⴽⵔ ⵏ ⵜⵎⵢⵉⵎⴰⵏⵜ ⴷ ⵓⵎⵢⴰⵡⴰⵙ ⴷⵉⴷⵙⵏ, ⵢⵉⵍⵉ ⵓⵎⵙⴰⵡⴰⴹ ⴰⵎⵣⵡⴰⵔⵓ ⴷ ⵉⵣⵣⵉⴳⵣⵏ ⵙ ⵉⵙⵉⵡⴹⵏ ⴷⴼⴼⵉⵔ ⵏ ⴽⵓ ⵜⴰⵙⵎⵓⵏⵉ ⵏ ⵓⵙⵉⵔⴰ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⴷ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ ⴷ ⴽⵓ ⵜⵉⵍⴰⵍ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵜⴷⵉⴱⵍⵓⵎⴰⵙⵉⵜ ⴷ ⵓⵎⵙⴰⵡⴰⴹ.
ⵉⵙⴰⵡⴰⵍ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵜⵓⴳⴳⴰⵙ ⵏ ⵓⵙⵇⵇⵉⵎ ⴳ ⵓⵙⵎⵏⵉⴷ ⵏ ⵉⵙⵉⵙⴼⵉⵡⵏ ⵉ ⵉⵏⵖⵎⴰⵙⵏ ⵙ ⵉⵎⵙⴰⵡⴰⵍⵏ ⴷ ⵉⵙⵉⵡⴹⵏ ⴷ ⵉⵏⵎⵓⵇⴰⵔⵏ ⵓⵙⵔⵉⴷⵏ ⴷ ⴽⵓ ⵉⵎⴰⵙⵙⵏ ⵏ ⵓⵙⵎⴰⵍ ⴷ ⵓⴳⴷⵓⴷ ⴰⵎⴰⵜⴰⵢ ⵙ ⵉⵙⵉⵡⴹⵏ.
ⵉⴱⴷⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵖⵜⴰⵙⵜ ⵏ ⵓⵙⵇⵇⵉⵎ, ⴳ ⵓⵣⵎⵣ ⵏ ⴽⵓⴼⵉⴷ 19, ⵉ ⵓⵣⵓⵣⵣⵔ ⵓⵙⵔⵉⴷ ⵏ ⵜⵡⵓⵔⵉⵔⵏ ⵏ ⵜⵙⵇⵇⵉⵎⵉⵏ ⵙ ⵓⵡⵇⵇⵔ ⵏ ⵓⵏⴳⵔⴰⵡ ⴰⴳⵯⵏⵙⴰⵏ, ⴳ ⵓⵙⵉⵜ ⵏ ⵓⵙⵇⵇⵉⵎ ⴷ ⵉⵎⴰⵙⵙⵏ ⵏ ⵓⵎⵙⴰⵡⴰⴹ ⴰⵏⴰⵎⵓⵏ, ⵃⵎⴰ ⴰⴷ ⴹⴼⵕⵏ ⵉⵏⵖⵎⴰⵙⵏ ⵉⵎⴹⴰⴽⴰⵕⵏ ⴷⵔⴰⵏⵉⵏ ⴷ ⵜⵓⵙⵙⵏⴰ ⵏ ⵡⴰⴷⴷⴰⴷⵏ ⴷ ⵉⵅⵎⵎⵉⵎⵏ ⵏ ⴽⵓ ⵉⴼⵔⴷⴰⵙ ⵏ ⵓⵙⵇⵇⵉⵎ ⴳ ⵜⵓⴳⵜ ⵓⵍⴰ ⵜⵓⵣⵍⵜ ⴳ ⵜⵡⵓⵔⵉ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵓⵙⵇⵇⵉⵎ.
ⵉⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵏ ⵜⵙⵎⵖⵓⵔⵜ ⵍⵍⵉ ⴱⴰⵀⵔⵜⴰ ⵜⵜⴰⵡⵙⵙⴰⵏⵏⵉⵏ, ⵜⵉⵍⵉ ⵖⵓⵔⵙⵏ ⵜⵉⵔⵎⵉⵜ ⵜⴰⵎⵇⵔⴰⵏⵜ ⴳ ⵢⵓⴳⵔ ⵏ ⵓⵙⵎⴰⵍ ⴷ ⵓⴱⵕⵍⴰⵎⴰⵏ ⴷ ⵜⵎⵓⵥⴰⵢⵜ ⴷ ⵜⵎⴰⴼⴰⵡⵜ.
ⴳ ⵓⵎⵏⵉⴷ ⵏⵏⵙⵏ, ⵙⵓⵜⴳⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⴰⴷ ⵜⴰⵙⵏⵜⴰⵢⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵢⵉⵏⵉ ⵎⴰⵙⵙ ⵢⵓⵏⵓⵙ ⵎⵓⵊⴰⵀⵉⴷ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ, ⵎⴰⵙ ⵉⴳⴰ ⵓⴱⵕⵍⴰⵎⴰⵏ ⵢⴰⵏ ⵓⵙⴰⵢⵔⵓⵔ ⵉⵙⵜⴰⵡⵀⵎⵎⴰⵏ ⵉ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵉⴳ ⴰⵖⴱⴰⵍⵓ ⵏ ⵉⵏⵖⵎⵉⵙⵏ, ⴷ ⵔⴰⴷ ⵜⴰⵡⵙ ⵜⵙⵏⵜⴰⵢⵜ ⴰⴷ ⴳ ⴽⵉⴳⴰⵏ ⵏ ⵜⵙⵓⴳⵔⵜ ⴳ ⵓⵙⴽⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵔⴰⴷ ⴷⴰⵔⵙ ⵢⵓⵍⵉ ⵓⵙⴱⵔⵔⴽ ⴰⵅⴰⵜⴰⵔ.
ⵉⵏⵉⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵎⴰⵙ ⵉⵟⵟⴰⴼ ⵓⵙⵎⴰⵍ ⵜⵉⵍⴰⵍⵜ ⵏⵏⵙ ⴳ ⵓⴹⴼⵕ ⵏ ⵜⵣⵣⵉⴳⵣⵜ ⵏ ⵜⵎⴰⵣⵉⵔⵜ ⵏⵏⵖ ⴳ ⴽⵓ ⵉⴳⵔⴰⵏ, ⴷ ⵔⴰⴷ ⵢⴰⵡⵙ ⵖ ⵓⵙⵓⵜⴳ ⵏ ⵜⵓⴳⴳⴰⵙ ⵏ ⵉⵔⴳⴰⵣⵏ ⴷ ⵜⵎⵖⴰⵔⵉⵏ ⵏ ⵓⵙⵎⴰⵍ ⴳ ⵓⴹⵎⵏ ⵓⵣⵔⴼ ⴳ ⵓⵏⵖⵎⵉⵙ, ⵙⴷⴷⵉⴷⵏ ⴼ ⵓⵛⵛⵉⵍ ⵏ ⵓⵙⵏⵎⴰⵍⴰ ⵏ ⵜⵙⵓⵜⵍⵉⵏ ⵏ ⵓⵙⵎⵓⵜⵜⴳ ⵉ ⵚⴰⵃⴰ ⵏ ⵉⵏⵖⵎⴰⵙⵏ ⴳ ⵜⵎⵙⴰⵔⵜ ⵜⴰⴱⵕⵍⴰⵎⴰⵏⵉⵜ.
ⵜⵙⵎⵓⵏ ⵜⵙⵇⵇⵉⵎⵜ ⵏ ⵜⵙⵎⵖⵓⵔⵜ:
- ⵎⴰⵙⵙ ⵢⵓⵏⵓⵙ ⵎⵓⵊⴰⵀⵉⴷ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⴰⵏⴰⵎⵓⵔ ⵉ ⵜⵏⵖⵎⴰⵙⵜ.
- ⵎⴰⵙⵙ ⵎⵓⵚⵟⴰⴼⴰ ⵍⵅⴰⵍⴼⵉ: ⴰⵎⴰⵡⵙⴰⵙ ⴰⵇⴱⵓⵔ.
- ⵎⴰⵙⵙⴰ ⴼⴰⵜⵉⵃⴰ ⵍⵄⵉⵢⵢⴰⴷⵉ, ⵜⴰⵏⵖⵎⴰⵙⵜ ⴷ ⵜⴱⴰⵕⵍⴰⵎⴰⵏⵉⵜ ⵜⴰⵇⴱⵓⵔⵜ.
- ⵎⴰⵙⵙ ⵄⴰⴱⴷⵍⵍⴰⵟⵉⴼ ⴱⵏⵚⴼⵉⵢⵢⴰ: ⴰⵏⵎⵀⴰⵍ ⵏ ⵓⵙⵉⵏⴰⴳ ⴰⵏⴰⴼⵍⵍⴰ ⵏ ⵓⵙⵏⵖⵎⵙ ⴷ ⵓⵎⵢⴰⵡⴹ.