ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵉⵣⵎⵎⵉⵎ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵎⵀⴰⵍ ⵏ ⴰⵕⵛⵉⴼ ⵏ ⵍⵎⵖⵔⵉⴱ ⵜⴰⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ
ⵉⵣⵎⵎⵉⵎ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⵊⴰⵎⵄ ⴱⵉⴹⴰ, ⴰⵏⵎⵀⴰⵍ ⵏ ⵜⵎⵔⵙⵍⵜ ⵏ ⴰⵕⵛⵉⴼ ⵏ ⵍⵎⵖⵔⵉⴱ, ⴰⴽⵕⴰⵙ 21 ⵉⴱⵔⵉⵔ 2021, ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵜⴰⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ ⵉ ⵓⵙⵔⵅⵓ ⴷ ⵓⵙⵙⵔⵇⴱ ⵏ ⵓⵎⵢⴰⵡⴰⵙ ⴳ ⵢⵉⴳⵔ ⵏ ⵓⴼⵔⴰⴳ ⵏ ⵜⵎⴽⵯⵜⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵡⴰⵕⵛⵉⴼ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵓⵙⵙⵏⵉⵡⵉⵏ.
ⴳ ⵜⴳⵓⵔⵉ ⵏⵏⵙ, ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⴳⴰ ⵓⵙⴽⵔ ⵏ ⵜⵎⵔⵙⵍⵜ ⵏ ⴰⵕⵛⵉⴼ ⵏ ⵍⵎⵖⵔⵉⴱ ⵙ ⵓⵙⵖⵍⴼ ⵏ ⵜⴳⵔⴰⵡⵜ ⵏ ⵓⵙⴰⵎⵓ ⴷ ⵓⵎⵙⵓⵔⵓⴼ, ⵙ ⵓⵎⵏⴰⴷ ⴰⵙⵜⵔⴰⵜⵉⵊⵉ ⵍⵍⵉ ⵜⴻⵟⵟⴰⴼ ⵢⴰⵜ ⵜⵎⴰⵜⴰⵔⵜ ⴼ ⵉⵙⵏⴼⵍⵏ ⴷⵔⴰⵏⵉⵏ ⴳ ⵜⴷⴷⵔ ⵜⵎⴰⵣⵉⵔⵜ ⵏⵏⵖ ⵜⵉⴳⴰⵔⵉⵡⵉⵏ ⴰⴷ, ⵢⵉⵏⵉ « ⵉⴳⴰ ⵡⴰⵕⵛⵉⴼ ⵜⴰⵔⵙⵍⵜ ⵏ ⵓⵎⵣⴰⵖ ⴼ ⵜⵎⵓⵔⵜ, ⴰⵔ ⵜⴰⴽⴽⴰ ⵜⵉⵎⵙⵉⵔⵉⵏ, ⵉⵎⴰⴷⴰⵏⵏ ⵓⵔ ⵟⵟⴰⴼⵏⵉⵏ ⵜⴰⵎⴽⵯⵜⵉⵜ ⵓⵔ ⵥⴹⴰⵕⵏ ⴰⴷ ⵙⴱⴷⴷⵏ ⵜⵉⵏⴰⵥⴰⵕⵉⵏ ⵏ ⵖⵉⵍⴰⴷ ⴷ ⵉⵎⴰⵍ ».
ⵢⵉⵏⵉ ⵎⴰⵙⵙ ⵍⵎⴰⵍⴽⵉ ⵎⴰⵙ ⵉⴳⴰ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⵏⴳⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵔⵙⵍⵜ ⵏ ⴰⵕⵛⵉⴼ ⵏ ⵍⵎⵖⵔⵉⴱ, ⵉⴳⴰ ⴰⵙⵎⵖⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵙⴳ ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⴰⵎⵣⵡⴰⵔⵓⵜ ⵏ 1963, ⴰⵢⵍⵍⵉ ⵉⵎⵎⴰⵍⴰⵏ ⵜⴰⵣⵣⵉⴳⵣⵜ ⵜⴰⴷⵙⵜⴰⵔⵜ ⴷ ⵜⵎⵔⵙⵍⴰⵏⵜ ⴳ ⵜⵎⴰⵣⵉⵔⵜ ⵏⵏⵖ, ⵉⵙⵓⵜⴳ ⵜⵉⵡⵉⵙⵉ ⵏ ⵉⴱⵕⵍⴰⵎⴰⵏⵉⵢⵏ ⵣⵔⵉⵏⵉⵏ ⴳ ⵓⵙⵕⵚⵓ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵖ ⵜⴳⵍⴷⵉⵜ.
ⵖ ⵓⵎⵏⵉⴷ ⵏⵏⵙ, ⵉⵙⵓⵜⴳ ⵓⵏⵎⵀⴰⵍ ⵏ ⴰⵕⵛⵉⴼ ⵏ ⵍⵎⵖⵔⵉⴱ ⴰⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴷ ⵜⵎⵔⵙⵍⵜ ⵜⴰⵣⵣⵔⴰⴼⵜ, “ ⴷⴰⵔⵙ ⴰⴼⵔⵉⵙ ⵉⵥⵍⵉⵏ ⴷ ⵉⵏⴰⵎⴽⵏ ⵙⵜⴰⵡⵀⵎⵎⴰⵏⵉⵏ”, ⵢⵉⵏⵉ ⵎⴰⵙ ⴷ ⴰⵙⵍⴳⵏ ⴰⵎⵣⵡⴰⵔⵓ ⵉⵍⵍⴰⵏ ⴼ ⴰⵕⵛⵉⴼ ⵉⵣⵔⵉ ⴳ ⵓⴱⵕⵍⴰⵎⴰⵏ ⴳ 2007, ⵏⵜⵜⴰⵏ ⴰⵙ ⵜⴻⵜⵜⵓⵙⴽⴰⵔ ⵜⵎⵔⵙⵍⵜ ⵏ ⴰⵕⵛⵉⴼ ⵏ ⵍⵎⵖⵔⵉⴱ.
ⵉⵙⵎⵏⵉⴷ ⵎⴰⵙⵙ ⴱⵉⴹⴰ ⵜⵉⵎⵥⵍⴰⵢ ⵏ ⵜⵎⵔⵙⵍⵜ ⵏ ⴰⵕⵛⵉⴼ ⵏ ⵍⵎⵖⵔⵉⴱ, ⴳⴰⵏⵉⵏ ⵡⵉⵏ ⵓⴼⵔⴰⴳ ⵏ ⵜⵎⴰⴳⵉⵜ ⴷ ⵜⴷⵍⵙⴰ ⴷ ⵡⴰⵢⴷⴰ, ⵜⴳ ⴰⵎⵎⴰⵙ ⵏ ⵜⵎⵓⵣⴰⵢⵜ ⴷ ⵓⴹⴼⵕ ⵏ ⴽⵓ ⵉⴳⵔⴰⵏ ⵉⴳⴷⵓⴷⴰⵏⵏ ⵉ ⵓⵙⵏⵎⴰⵍⴰ ⵏ ⴰⵕⵛⵉⴼ ⵏⵏⵙ, ⵙ ⵎⴰⴷ ⵉⵙⴷⵓⵙⵏ ⵜⵉⵔⵙⴰⵍ ⵏ ⵓⵙⵎⴰⵢⵏⵓ ⴷ ⵜⴷⵉⵎⵓⵇⵔⴰⵟⵉⵜ ⴳ ⵜⵎⴰⵣⵉⵔⵜ ⵏⵏⵖ.
ⵜⵍⵍⴰ ⵜⵎⵢⴰⵇⵇⴰⵏⵜ ⴰⴷ ⴼ ⵓⵙⴷⵓⵙ ⵏ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵓⵎⵛⴰⵡⴰⵕ ⵊⴰⵔ ⵙⵏⴰⵜ ⵜⵎⵔⵙⴰⵍ, ⴷ ⵓⴹⴼⵕ ⴰⵜⵉⵇⵏⵉ ⵉ ⵓⵙⵡⵓⴷⴷⵓ ⵏ ⴰⵕⵛⵉⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵓⵙⵏⵎⴰⵍⴰ ⵉⵛⵛⴰⵔⵏ ⵏ ⵜⵉⵏⴰⵡⵉⵏ ⴷ ⵉⵏⵎⵓⵇⴰⵔⵏ ⵏ ⵓⵙⴼⵔⴽ ⴼ ⴰⵕⵛⵉⴼ ⴷ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⴷ ⵓⵙⵎⵓⵜⵜⴳ ⴷ ⵓⵙⵎⵓⵜⵜⴳ ⵉⵙⵓⵍⵏ ⴳ ⵓⴼⵔⴰⴳ ⴷ ⵓⵙⵡⵓⴷⴷⵓ ⵏ ⴰⵕⵛⵉⴼ, ⴷ ⵓⵙⵏⵎⴰⵍⴰ ⵏ ⵉⵙⴼⵙⵔⵏ ⵛⵛⴰⵔⵏⵉⵏ ⴼ ⵜⵎⴽⵯⵜⵉⵜ ⴷ ⵓⵎⵣⵔⵓⵢ ⴰⴱⵕⵍⴰⵎⴰⵏⵉ, ⴷ ⵓⵙⵏⴼⵍ ⵏ ⵜⵥⵕⵉⴳⵉⵏ ⴷ ⵡⴰⵔⵔⴰⵜⵏ, ⴷ ⵜⵥⵕⵉⴳⵜ ⵉⵛⵛⴰⵔⵏ ⵏ ⵜⵥⵕⵉⴳⵉⵏ ⴼ ⵓⴼⵔⴰⴳ ⵏ ⵜⵎⴽⵯⵜⵉⵜ ⵜⴰⴱⵕⵍⴰⵎⴰⵏⵉⵜ.