ⵜⵉⵡⵉⵙⵉ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵜⵉⵙ ⵚⴹⵉⵚⵜ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⵖⴰⵔⵜ ⴳ ⴼⵓⴱⵔⵉⵍ
ⵢⵉⵡⵙ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵜⵉⵙ ⵚⴹⵉⵚⵜ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉ ⵜⵎⵖⴰⵔⵜ ⵏ ⵓⵏⵎⵓⵇⴰⵔ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ, ⴷ ⵍⴽⴰⵔⴰⵢⵉⴱ ⴷ ⵍⵎⵉⴽⵙⵉⴽ (ⴼⵓⴱⵔⵉⵍ), ⵙ ⵓⴼⵉⵣⵢⵓⴽⵓⵏⵉⴼⵉⵕⵓⵏⵚ, ⴰⵙⵉⵏⴰⵙ 23 ⵎⴰⵕⵚ 2021.
ⵜⴱⴷⴷ ⵜⵙⵎⵓⵏⵉ ⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⴼⵔⴰⴳ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⵜⵉⵎⵣⵡⴰⴳ ⴳ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ ⴷ ⵍⵎⵉⴽⵙⵉⴽ, ⵍⵍⴰⵏⵜ ⵜⵉⵏⴰⵡⵉⵏ ⵏ ⵉⵎⵓⵥⴰⵢⵏ ⵏ ⵜⵎⴰⴷⴷⴰⵙⵜ ⵜⴰⵎⴰⴹⵍⴰⵏⵜ ⵉ ⵓⵣⵡⴰⴳ, ⴼ ⵓⵙⵉⴷⴼ ⴷ ⵓⵎⵣⴰⵖ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴳ ⵓⵎⵏⴰⴹ ⵏ ⵓⵣⵡⴰⴳ, ⴷ ⵓⵙⴷⵓⵙ ⵏ ⵜⵙⵓⴳⴰⵔ ⵎⴳⴰⵍ ⵏ ⵜⴽⵕⴹⵉ ⵉⵍⵍⴰⵏ ⴼ ⵡⴰⵏⴰⵡ ⴳ ⵜⵎⵏⴰⴹⵜ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ.
ⵜⵉⵡⵙ ⴳ ⵓⵏⵎⵓⵇⴰⵔ ⴰⴷ ⵎⴰⵙⵙⴰ ⵜⴰⵎⴰⵔⵉⵜ ⴼⴰⵟⵉⵎⴰ ⵥⵥⴰⵀⵕⴰ ⵏⴰⵣⵉⵀ, ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵙⴳⵓⵎⴰⵏⵜ ⴼ ⵓⵙⴰⵎⵓ ⴷ ⵢⵉⵙⴽⵉⵍ, ⵎⴰⵙⵙⴰ ⵙⵓⵄⴰⴷ ⵍⵄⵎⴰⵔⵉ ⵙⴳ ⵜⵔⴰⴱⴱⵓⵜ ⵏ “ⵜⵣⵔⴼⵜ ⴷ ⵜⴳⵎⵉ”, ⵎⴰⵙⵙⴰ ⵜⴰⵎⴰⵔⵉⵜ ⵃⴰⵢⴰⵜ ⴱⵓⴼⵔⴰⵛⵏ ⵙⴳ ⵜⵔⴰⴱⴱⵓⵜ ⵏ “ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ”. ⵖⵎⴽ ⴰⵏⵏ ⵓⵍⴰ ⴷ ⵜⵎⵙⵇⴰⴷⵜ ⵏ ⵍⵎⵖⵔⵉⴱ ⴳ ⵛⵛⵉⵍⵉ ⵎⴰⵙⵙⴰ ⴽⵏⵣⴰ ⵍⵖⴰⵍⵉ ⵜⴰⵏⵙⵙⵉⵅⴼⵜ ⵏ ⵓⴷⴷⵓⵔ ⵏ ⵜⵙⵇⵇⵉⵎⵜ ⵏ ⵜⵎⵖⴰⵔⵜ ⴳ ⴼⵓⴱⵔⵉⵍ.
ⵜⴳⴰ ⵜⵙⵎⵓⵏⵉ ⴰⴷ ⴰⵣⵎⵣⵣⵓ ⴳ ⵉⵍⵍⴰ ⵡⴰⵡⴰⵍ ⴼ ⵓⵅⵎⵎⴻⵎ ⴰⵎⵖⵔⵉⴱⵉ ⴳ ⵓⵣⵡⴰⴳ ⴷ ⵜⴳⵎⵉ ⴷ ⵜⴷⵔⴰⵡⵜ ⵏ ⵜⵎⵖⴰⵔⵉⵏ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⵏ ⵜⵎⴰⵣⵉⵔⵜ ⵏⵏⵖ. ⵖⵎⴽ ⴰⵏⵏ ⴷ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵜⵎⵖⴰⵔⵜ ⴳ ⵕⵕⴱⴰⵟ ⴳ 2015 ⵉⵍⵍⴰⵏ ⴼ ⵓⵙⵓⵔⵙ ⵏ ⵜⵎⵖⴰⵔⵉⵏ ⵍⵍⴰⵏⵉⵏ ⴳ ⵜⵉⵏⴷⵓⴼ ⴷ ⵓⵛⵛⵉⵍ ⵏ ⵓⵏⵄⴰⵔ ⵏⵏⵙⵏⵜ.
ⴰⵔ ⵉⵜⵜⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⴰⵢ ⵏ ⴼⵓⴱⵔⵉⵍ ⵙⴳ ⵎⴰⴷ ⴳⵉⵙ ⵉⵍⵍⴰ ⴳ 2014 ⴷ ⴰⵎⵥⵕⴰⵢ, ⵍⵍⴰⵏ ⴳⵉⵙ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵏ 10 ⵉⵡⴰⵏⴽⵏ ⵉⴳⵎⴰⵎⵏ: ⴳⵡⴰⵟⵉⵎⴰⵍⴰ, ⴱⵉⵍⵉⵣ, ⵙⴰⵍⴼⴰⴹⵓⵕ, ⵀⵓⵏⴷⵓⵕⴰⵚ, ⵏⵉⴽⴰⵔⴰⴳⵡⴰ, ⴽⵓⵙⵜⴰⵔⵉⴽⴰ, ⴱⴰⵏⴰⵎⴰ, ⴷⴷⵓⵎⵉⵏⵉⴽⴰⵏ, ⵍⵎⵉⴽⵙⵉⴽ, ⴱⵓⵔⵜⵓ ⵔⵉⴽⵓ. ⵉⵍⵍⴰ ⵓⵙⵖⵉⵎ ⵏⵏⵙ ⴳ ⵎⴰⵏⴰⴳⵡⴰ ⵜⴰⵎⴰⵥⵓⵏⵜ ⵏ ⵜⴳⴷⵓⴷⴰⵏⵜ ⵏ ⵏⵉⴽⴰⵕⴰⴳⵡⴰ.