ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴳⵏⵙⴰⵙ ⵏ ⵓⴼⵏⵉⵇ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵎⵣⴷⴰⵖⵏ ⴳ ⵍⵎⵖⵔⵉⴱ
ⵉⵙⵏⵓⴱⴳ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 17 ⴱⵕⴰⵢⵕ 2021 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵎⴰⵙⵙ Luis Mora ⴰⴳⵏⵙⴰⵙ ⵏ ⵓⴼⵏⵉⵇ ⵏ ⵜⵎⵜⵜⴰ ⵉⵎⵓⵏⵏ ⴳ ⵍⵎⵖⵔⵉⴱ.
ⴳ ⵜⵣⵡⵉⵔⵉ, ⵉⵙⵓⵜⴳ ⵎⴰⵙⵙ Luis Mora ⵜⵉⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵜⵉⵎⵣⵔⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵓⴼⵏⵉⵇ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵎⵣⴷⴰⵖⵏ, ⵢⵉⵏⵉ ⵎⴰⵙ ⵜⴳⴰ ⵜⴳⵍⴷⵉⵜ ⵜⴰⵎⵣⵡⴰⵔⵓⵜ ⴳ ⵓⵙⵡⵉⵔ ⵏ ⵓⵎⴰⴹⴰⵍ ⴰⵄⵕⴰⴱ ⴳ ⵓⵙⵡⵓⴷⴷⵓ ⵏ ⵜⵎⵙⴰⵔ ⵏ ⵉⵎⵣⴷⴰⵖⵏ, ⵜⴳ “ⵜⴰⵎⴰⵣⵉⵔⵜ ⵜⴰⵄⵕⴰⴱⵜ ⵜⴰⵎⵣⵡⴰⵔⵓⵜ ⵉⵙⵔⵙⵏ ⴰⵖⴰⵡⴰⵙ ⴳ ⵓⵎⵏⵉⴷ ⴰⴷ ⵎⵍⵍⵉⵖ ⵉⵍⵍⴰ ⵉⴳⵍⵍⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵍⵃⴰⵙⴰⵏ ⵡⵉⵙ ⵙⵉⵏ”, ⵉⵙⵓⵜⴳ ⵜⴰⵣⵣⵉⴳⵣⵜ ⵏ ⵜⴳⵍⴷⵉⵜ ⴳ ⵢⵉⴳⵔⴰ ⴰⴷ.
ⵢⵉⵏⵉ ⵎⴰⵙⵙ ⴰⴳⵏⵙⴰⵙ ⵏ ⵓⴼⵏⵉⵇ ⵏ ⵜⵎⵜⵜⴰ ⵉⵎⵓⵏⵏ ⴳ ⵍⵎⵖⵔⵉⴳ ⴰⵜⵉⴳ ⵏ ⵓⵚⴽⴰⵡ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴷ ⵜⴷⵔⴰⵡⵜ ⵊⴰⵔ ⵓⴼⵏⵉⵇ ⴷ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵃⵎⴰ ⴰⴷ ⵜⵜⵓⵙⴽⵉⵔⵏ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵓⵔⵣⵣⵓ ⴼ ⵜⴱⵔⵉⴷⵉⵏ ⴷ ⵓⵙⴰⵏⵉⵏ ⴷ ⵓⵏⵢⴰⵍⴽⴰⵎ ⴷ ⵜⵎⵓⴽⵔⵉⵙⵉⵏ ⵜⵉⵎⴰⵢⵏⵓⵜⵉⵏ ⵏ ⵉⵎⵣⴷⴰⵖⵏ ⴷ ⵉⵙⵏⴼⵍⵏ ⵏ ⵜⵓⵡⵊⴰ ⴷ ⵡⴰⵎⵓⵏ ⴰⵎⵖⵔⵉⴱⵉ ⴳ ⵉⵙⴳⴳⵯⴰⵙⵏ ⴰⴷ ⴳⴳⵓⵔⴰⵏⵉⵏ.
ⴳ ⵜⵙⴳⴰ ⵏⵏⵙ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⴱⴷⴷ ⵓⵙⵇⵇⵉⵎ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⴽⴷ ⴰⴼⵏⵉⵇ ⵏ ⵜⵎⵜⵜⴰ ⵉⵎⵓⵏⵏ ⵉ ⵉⵎⵣⴷⴰⵖⵏ, ⵉⵙⵓⵜⴳ ⴰⴹⴼⵕ ⵏ ⴽⵉⴳⴰⵏ ⵏ ⵉⵙⵏⴼⴰⵔⵏ ⴷ ⵜⵎⵙⴰⵔⵉⵏ ⵏ ⵉⵎⵣⴷⴰⵖⵏ ⴳ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ. ⵢⵉⵏⵉ ⵎⴰⵙ ⵉⵙⵜⴰⵡⵀⵎⵎⴰ ⵍⵎⵖⵔⵉⴱ ⵙⴳ ⵉⴷ ⵚⴹⵉⵙ ⵏ ⵜⵙⵓⵜ ⵉⵣⵔⵉⵏ ⵙ ⵜⵎⵙⴰⵔⵉⵏ ⵏ ⵉⵎⵣⴷⴰⵖⵏ, ⴼ ⵉⵍⵍⴰ ⵓⵎⴹⴰⴽⴰⵕ ⴰⵏⴰⵎⵓⵏ ⵓⴷⴷⵉⵔ, ⵉⵣⵎⵎⵉⵎ ⵉⵙⵏⴼⵍⵏ ⵥⵍⵉⵏⵉⵏ ⴷ ⵜⴼⵔⴽⴰ ⵏ ⵖⵉⵍⴰⴷ ⴳ ⵉⵙⵡⵉⵔⵏ ⵉⴷⵎⵙⴰⵏⵏ ⴷ ⵉⴷⵍⵙⴰⵏⵏ ⴷ ⵉⵏⴰⵎⵓⵏⵏ ⴷ ⵡⵉⵏ ⵜⵓⵡⵊⴰ.
ⵉⵙⵉⵙⴼⵉⵡ ⵎⴰⵙⵙ ⵍⵎⴰⵍⴽⵉ ⵎⴰⵙ ⵉⵙⴽⵔ ⵍⵎⵖⵔⵉⴱ ⵉⵥⵎⵎⵓⵥⵥⵍⴰ ⴳ ⵓⵙⵖⵓⴷⵓ ⵏ ⵜⵙⵖⴰⵍⵉⵏ ⵜⵉⴷⵎⵙⴰⵏⵉⵏ ⴷ ⵜⵏⴰⵎⵓⵏⵉⵏ ⴳ ⵜⵎⴰⵣⵉⵔⵜ ⵏⵏⵖ, ⵙ ⵜⵎⵢⴰⴷⴰⵙⵜ ⵉⴱⴷⴷⵏ ⴼ ⵜⵎⴰⴼⴰⵡⵜ ⵉⵎⵎⴰⵍⴰⵏ ⵉⵙⵓⵔⵙⵏ ⵏ ⵜⵉⴷⵜ ⵏ ⵉⵎⵣⴷⴰⵖⵏ, ⵉⵣⵎⵎⵉⵎ ⵎⴰⵙ ⵉⵟⵟⴰⴼ ⵍⵎⵖⵔⵉⴱ ⵜⵉⵥⴹ ⴰⵕⵉⵏ ⵍⵍⵉ ⵔⴰⴷ ⴰⵙ ⵢⴰⵡⵙ ⴳ ⵜⵣⵣⵉⴳⵣⵜ ⴳ ⵓⴱⵔⵉⴷ ⵏ ⵓⴱⵓⵖⵍⴰ ⴷ ⵜⴳⵎⵉ.