ⵜⴰⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ:2016-2021
ⴰⵙⵉⵡⴹ ⵏ ⵓⵏⵎⵓⵇⴰⵔ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴷ ⵜⵔⴰⴱⴱⵓⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ, ⴷ ⵜⵙⵇⵇⵉⵎⵜ ⵏ ⵓⵙⵎⵏⵉⴷ ⵏ ⵜⵓⵍⴽⵉⵎⵜ “ⴰⵎⵇⵓⴷⴷⵉ ⵔⵓⵅⴰ”
ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ, ⴰⴽⵕⴰⵙ 3 ⴱⵕⴰⵢⵕ 2021, ⴰⵏⵎⵓⵇⴰⵔ ⵏ ⵓⵎⵚⴰⵡⴰⴹ ⵍⵍⵉ ⵉⵙⵙⵉⵅⴼ ⵎⴰⵙⵙ ⵕⴰⵛⵉⴷ ⵍⵄⴰⴱⴷⵉ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ, ⴷ ⵜⵔⴰⴱⴱⵓⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ, ⴷ ⵜⵙⵇⵇⵉⵎⵜ ⵏ ⵓⵙⵎⵏⵉⴷ ⵏ ⵜⵓⵍⴽⵉⵎⵜ “ⴰⵎⵇⵓⴷⴷⵉ ⵔⵓⵅⴰ” .
ⵉⴽⵛⵎ ⵓⵏⵎⵓⵇⴰⵔ ⴰⴷ ⴳ ⵓⵙⴰⵜⵉ ⵏ ⵜⵖⵜⴰⵙⵜ ⵏ ⵜⵙⵇⵇⵉⵎⵜ ⴳ ⵜⵙⵎⵓⵏⴰⵢ ⵏⵏⵙ ⴼ ⵜⵖⵔⵉ ⵏ ⵜⵓⵍⴽⵉⵎⵜ ⵍⵍⵉ ⴰⵙ ⴷ ⵉⵜⵜⵓⵚⵕⴰⴼⵏ, ⴳ ⵓⵙⴰⵜⵉ ⵏ ⵜⵔⵙⴰⵍ ⵏ ⵜⵡⵓⵔⵉ ⵏ ⵜⵙⵇⵇⵉⵎⵜ ⴳ ⵉⵍⵍⴰ ⵓⵎⵚⴰⵡⴰⴹ ⵏ ⵓⵏⵏⵓⵕⵥⵎ ⴼ ⴽⵓ ⵜⴰⵙⴳⵉⵡⵉⵏ ⵜⵉⵎⵏⵜⴰⵢ ⵏ ⵜⵓⵍⴽⵉⵎⵜ, ⵉ ⵓⵙⵖⵣⵏ ⵏ ⵉⵙⵖⵍⴰⴼ ⴷ ⵓⵙⴰⵏⵉⵏ ⴷ ⵜⵓⵜⵔⴰⵡⵉⵏ ⵏ ⵉⵏⵎⵓⵔⴰⵏ.
ⵜⴳⴰ ⵜⵖⵓⵔⵉ ⵉ ⵜⵙⵇⵇⵉⵎⵜ ⵏ ⵓⵙⵎⵏⵉⴷ ⵏ ⵜⵓⵍⴽⵉⵎⵜ ⵉ ⵓⵙⵙⴼⵍⴷ ⵏⵏⵙ, ⴷ ⵜⵓⵙⵙⵏⴰ ⵏ ⵜⵓⵜⵔⴰⵡⵉⵏ ⵏ ⵉⵏⵎⵓⵔⴰⵏ ⵙ ⵜⵖⴰⵔⴰⵙⵜ ⵉⴼⴰⵡⵏ, ⴷ ⵓⵙⵙⴷⵔⵓ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ ⵉ ⵓⵎⵛⴰⵡⴰⵕ ⴷ ⵓⴹⴼⵕ ⵏ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⵍⵍⵉ ⵔⴰⴷ ⵜⵙⵎⵏⵉⴷ ⵉ ⵓⵙⵉⵔⴰ ⵏ ⵓⵙⵇⵇⵉⵎ ⴼ ⵉⵎⴰⵍ ⵏ ⵜⵓⵍⴽⵉⵎⵜ ⴰⴷ.
ⵜⵓⵍⴽⵉⵎⵜ ⴰⴷ ⵜⵙⵎⵖⵔ ⵜⵜ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ, ⴳ ⵜⵖⵔⵉ ⵏⵏⵙ ⴷ ⵓⵣⵣⵔⴰⵢ ⵏ ⵜⴼⴰⴷⵉⵡⵉⵏ ⵏⵏⵙ ⵎⴽ ⵍⵍⴰⵏⵜ ⴳ ⵓⵙⵍⴳⵏ ⴰⵎⴰⴷⴷⴰⵙ, ⵜⴳⴰ ⵜⴰⵔⵙⵍⵜ ⵏ ⵜⵉⵔⵎⵉⵜ ⵍⵍⵉ ⵜⵙⴳⵓⴷⵉ ⵜⵙⵇⵉⵎⵜ ⴰⴷ ⵉⵙⵡⵓⵔⵉⵏ ⵙ ⵜⴷⵍⵙⴰ ⵏ ⵓⴷⵔⴰⵡ ⴷ ⵡⴰⵎⵓⵏ ⴷ ⵜⵎⵔⵙⴰⵍ ⵏ ⵓⵡⴰⵏⴽⵙ ⵓⵙⵎⵏⵉⴷ ⵏ ⵉⵙⵓⵜⵓⵔⵏ ⵙⴳ ⵉⵏⵎⵓⵔⴰⵏ, ⴷ ⵜⵎⵔⴰⵔⵓⵜ ⵏ ⵉⴳⵏⵙⴰⵙⵏ ⵏ ⵜⵎⵜⵜⵉ, ⵜⴰⴷⵍⵙⴰ ⵉⵙⵖⴰⵡⴰⵙⴰⵏ ⵙ ⵜⵓⴳⴳⴰⵙ ⴷ ⵓⵙⵙⵔⵇⴱ ⴷ ⵜⵉⵣⵉ ⵃⵎⴰ ⴰⴷ ⵜⴷⵓⵙ ⵜⴳ ⵉⵎⵉⵙⵙ ⵏ ⵓⵎⵢⴰⵡⴰⴹ ⵊⴰⵔ ⵉⵏⵎⵓⵔⴰⵏ ⴷ ⵉⴳⵏⵙⴰⵙⵏ ⵏⵏⵙⵏ.
