ⴰⵙⵉⵔⴰ(2016-2021):
ⴰⵏⵙⵙⵉⵅⴼ ⵏ ⵜⵓⵏⵙ ⴰⵅⴰⵜⴰⵔ ⵎⴰⵙⵙ ⵇⴰⵢⵙ ⵙⴰⵄⵉⴷ ⵉⵙⵏⵓⴱⴳ ⵉⵏⵙⵙⵉⵅⴼⵏ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵉⴱⴰⵔⴰⵡⵏ ⵏ ⵓⴳⵍⵍⵉⴷ ⴱⴰⴱ ⵏ ⵡⴰⴷⴷⵓⵔ
ⵉⵙⵏⵓⴱⴳ ⵓⵅⴰⵜⴰⵔ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵜⵓⵏⵙ ⵎⴰⵙⵙ ⵇⴰⵢⵙ ⵙⴰⵄⵉⴷ, ⴰⵙⵙ ⵏ ⵓⴽⵕⴰⵙ 23 ⴽⵟⵓⴱⵕ 2019 ⵖ ⵜⴳⴰⴷⵉⵔⵜ ⵏ ⵇⴰⵕⵟⴰⵊ, ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵃⴰⴽⵉⵎ ⴱⵏ ⵛⵎⵎⴰⵛ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵍⵍⵉ ⵢⵓⵣⵏ ⵓⴳⵍⵍⵉⴷ ⴱⴰⴱ ⵏ ⵡⴰⴷⴷⵓⵔ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⴷ ⵉⵍⵉⵏ ⵖ ⵜⴼⵓⴳⵍⴰ ⵏ ⵓⵙⴱⴷⴰⴷ ⵏ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵜⵓⵏⵙ ⴷⴼⴼⵉⵔ ⵏ ⵓⵙⵜⴰⵢ ⵏⵏⵙ.
ⵖ ⵓⵏⵎⵓⵇⵇⴰⵔ ⴰⴷ, ⵢⵉⵡⵉ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵢⴰⵜ ⵜⴱⵔⴰⵜ ⵜⴰⵎⵉⵡⴰⵏⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵓⵅⴰⵜⴰⵔ ⴰⵏⵙⵙⵉⵅⴼ ⵏ ⵜⵓⵏⵙ, ⵖⵎⴽ ⵍⵍⵉ ⵙⴷⴷⵉⴷⵏ ⵎⴰⵙ ⵉⴱⴷⴷ ⵓⴳⵍⵍⵉⴷ ⴱⴰⴱ ⵏ ⵡⴰⴷⴷⵓⵔ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵏⵔⴰⵏⵉⵏ ⵏⴳⵔ ⵙⵏⴰⵜ ⵜⵎⵉⵣⴰⵔ ⴷ ⵓⵙⵙⵎⵖⵔ ⵏ ⵓⵎⵢⴰⴷⴰⵙ ⵏⴳⵔ ⵉⵎⴰⴷⴰⵏⵏ ⴰⵎⵖⵔⵉⴱⵉ ⴷ ⵓⵜⵓⵏⵙⵉ, ⵃⵎⴰ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵎⴷⵔⴰⵡⵜ ⵉⴼⴼⵓⵙ-ⵉⴼⴼⵓⵙ, ⵜⵉⵍⵉ ⵓⵍⴰ ⵜⵓⵚⴽⴰ ⵏ ⵍⵎⴰⵖⴰⵔⵉⴱ ⴰⵎⵇⵔⴰⵏ, ⵖⵎⴽ ⵍⵍⵉ ⵏⵏⴰⵏ ⵉⵙⵔⵖⵓⴷⵏ ⴷ ⵉⵙⵉⵜⴰⵎ ⵏ ⴱⴰⴱ ⵏ ⵡⴰⴷⴷⵓⵔ ⵉ ⵓⵏⵙⵙⵉⵅⴼ ⴰⵎⴰⵢⵏⵓ ⴷ ⵓⵎⴰⴷⴰⵏ ⴰⵜⵓⵏⵙⵉ ⵉ ⴽⵉⴳⴰⵏ ⵏ ⵓⵎⵓⵔⵙ.
ⵉⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵜⴰⴷⵔⵓⵜ ⵏ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵉⵍⵍⴰⵏ ⵏⴳⵔ ⵙⵏⴰⵜ ⵜⵎⵉⵣⴰⵔ ⴷ ⵜⵉⵕⵡⵉ ⵏⵏⵙⵏⵜ ⵙⴳ ⵜⵉⵎⵔⴰⵡⵉⵏ ⴳⴳⵓⵜⵏⵉⵏ, ⵙⴷⴷⵉⴷⵏ ⵓⵍⴰ ⴼ ⵓⵙⵓⵖⵏ ⵏ ⵍⵎⵖⵔⵉⴱ ⴰⴷ ⵉⵎⵎⴰⵖ ⴼ ⵓⵃⵟⵟⵓ ⵏ ⵜⵣⴷⴰⵢⵉⵏ ⵥⵉⵍⵏⵉⵏ ⴰⴽⴷ ⵜⵎⵉⵣⴰⵔ ⵏ ⵜⵙⴳⴰ ⵜⴰⵎⵖⴰⵔⵉⴱⵉⵜ ⴽⵓⵍⵍⵓ ⵜⵏⵜ. ⵖⵎⴽ ⵍⵍⵉ ⵏⵏⴰⵏ ⵎⴰⵙ ⴱⴷⴷⴰ ⵜⵜⵓⵙⵙⴰⵏ ⵜⵓⵏⵙ ⵙ ⵜⵉⵏⵥⴻⵥⵜ ⴷ ⵜⴰⵣⵓⵍⵜ ⵏ ⵓⵎⴰⴷⴰⵏ ⵏⵏⵙ, ⵙⵙⵓⵜⴳⵏ ⵓⵍⴰ ⵙ ⵓⵙⵏⵓⴱⴳ ⴱⴰⵀⵔⴰ ⵉⵥⵉⵍⵏ ⵍⵍⵉ ⵉⵜⵜⵓⴼⴽⴰⵏ ⵉ ⵓⴽⴰⴱⴰⵕ ⵓⵏⵚⵉⴱ ⴰⵎⵖⵔⵉⴱⵉ ⵖ ⴽⵓ ⵉⵙⵡⵉⵔⵏ.
ⵏⵏⴰⵏ ⵉⵏⵙⵙⵉⵅⴼⵏ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵎⴰⵙ ⵉⴳⴰ ⵎⴰ ⴰⴷ ⵢⴰⵜ ⵜⴱⵔⴰⵜ ⴱⴰⵀⵔⴰ ⵉⴷⵓⵙⵏ, ⵜⵍⵍⴰ ⵖ ⵜⵎⵙⵓⵜⴰⵍ ⴱⴰⵀⵔⴰ ⵥⵍⵉⵏⵉⵏ ⵖ ⵜⵍⵍⴰ ⵜⵓⵏⵙ, ⵍⵍⵉⵖ ⴰⴽⴽⵯ ⵉⵙⴽⵔ ⵉⵏⴰⵡ ⵏ ⵓⵏⵙⵙⵉⵅⴼ ⴰⵅⴰⵜⴰⵔ ⵎⴰⵙⵙ ⵇⴰⵢⵙ ⵙⴰⵄⵉⴷ ⵢⴰⵜ ⵜⴼⵔⴽⴰ ⵜⴰⵎⴰⵢⵏⵓⵜ ⵖ ⵓⵎⵣⵔⵓⵢ ⵏ ⵜⵓⵏⵙ, ⵍⵍⵉⵖ ⵉⵙⴰⵡⵍ ⴼ ⵎⵏⵏⴰⵡⵜ ⵜⵖⴰⵡⵙⵉⵡⵉⵏ, ⵢⵉⵍⵉ ⴳⵉⵙⵏⵜ ⵓⵎⵏⴰⴷ ⴰⵎⴰⵖⴰⵔⵉⴱⵉ ⵉⴳⴰⵏ ⴰⵙⵜⴰⵢ ⴰⵙⵜⵔⴰⵜⵉⵊⵉ ⴷⴰⵔ ⵓⴳⵍⵍⵉⴷ ⴱⴰⴱ ⵏ ⵡⴰⴷⴷⵓⵔ.
ⵉⵙⴷⴷⵉⴷ ⵎⴰⵙⵙ ⵍⵎⴰⵍⴽⵉ ⴷ ⵎⴰⵙⵙ ⴱⵏ ⵛⵎⵎⴰⵛ ⵎⴰⵙ ⵉⴳⴰ ⵓⵙⴽⴰⵔ ⵏ ⵢⴰⵏ ⵓⴳⵔⴰⵡ ⴰⵙⴳⴰⵡⴰⵏ ⴰⵎⴰⵖⴰⵔⵉⴱⵉ ⵓⵛⵛⵉⵍ ⵉ ⵜⵉⵍⵉⵜ, ⵍⵍⵉⵖ ⵥⴹⴰⵕⵏ ⵉⴳⵔⴰⵡⵏ ⵉⵙⴳⴰⵡⴰⵏⵏ, ⵖ ⵓⵣⵎⵣ ⵏ ⵜⵙⵎⴰⴹⴰⵍⵜ, ⴰⴷ ⴼⴽⵉⵏ ⵉ ⵜⵎⵉⵣⴰⵔ ⴰⴷⵖⴰⵔ ⴷ ⵢⵓⵙⴰⵏ ⵖ ⵜⵣⵣⵉⴳⵣⵜ ⵏ ⵜⵎⵙⴰⵔⵉⵏ ⵉⵍⵍⴰⵏ.
ⵉⴳⴰ ⵓⴽⴰⴱⴰⵕ ⵓⵏⵚⵉⴱ ⴰⵎⵖⵔⵉⴱⵉ ⴰⴽⴰⴱⴰⵕ ⵉⵃⴰⴹⵕⵏ ⵖ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⵖ ⵓⵙⵖⵉⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵎⵜⵜⵉ ⵍⵍⵉⵖ ⵜⵣⵔⵉ ⵜⴼⵓⴳⵍⴰ ⵏ ⵜⴳⴰⵍⵍⵉⵜ ⵜⴰⴷⵙⵜⴰⵔⵜ, ⵖⵎⴽ ⵍⵍⵉ ⵉⵙⴰⵡⵍ ⵓⵅⴰⵜⴰⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵓⵏⵙ ⴼ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵖ ⵉⵏⴰⵡ ⵍⵍⵉ ⵉⵏⵏⴰ ⵙ ⵓⵣⵎⵣⵣⵓ ⴰⴷ.