ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵓⵜⴳ ⵏ ⵜⵖⵜⴰⵙⵜ ⵏ ⵓⴽⵓⵏⴳⵕⵉⵚ ⴰⴽⵓⵍⵓⵎⴱⵉ ⵏ ⵓⵙⵏⴰⵍ ⵏ ⵜⴰⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ
ⵢⵓⵣⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⴱⵔⴰⵜ ⵏ ⵓⵙⵏⵉⵎⵎⵔ ⴷ ⵓⵙⵎⵖⵔ ⵉ ⵓⵏⴳⴳⵓ ⵏⵏⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⴽⵓⵍⵓⵎⴱⵢⴰ, ⴷⴼⴼⵉⵔ ⵏ ⵓⵙⵖⵣⵏ ⵏ ⵉⵙⵇⵇⵉⵎⵏ ⵏ ⵓⴽⵓⵏⴳⵕⵉⵚ ⴰⴽⵓⵍⵓⵎⴱⵉ ⵏ ⵢⴰⵜ ⵜⵖⵜⴰⵙⵜ ⵖ ⵉⵍⵍⴰ ⵓⵙⵏⴰⵍ ⵉⴼⴰⵡⵏ ⴷ ⵉⵙⵎⴷⵏ ⵉ ⵜⵅⵅⵓⵜⵔⴰ ⵏ ⵍⵎⵖⵔⵉⴱ ⴷ ⵜⵢⴰⵏⵜ ⵏⵏⵙ ⵜⴰⵏⴰⴽⴰⵍⵜ, ⵉⵏⴽⴹ ⴳⵉⵙ ⵓⵍⴰ ⵜⴰⵕⵥⵉⵡⵉⵏ ⴱⴰⵀⵔⴰ ⵅⵛⵏⵏⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵙⴽⴰⵔ ⵀⵔⵛⵏⵉⵏ ⵉⵜⵜⵚⵉⵃⵉⵏ ⵉ ⵉⵎⵣⴷⴰⵖⵏ ⵍⵍⵉ ⵜⴽⵔⴼ ⴱⵓⵍⵉⵥⴰⵕⵢⵓ ⵖ ⵉⴳⵣⴷⵡⵏ ⵏ ⵜⵉⵏⴹⵓⴼ.
ⵉⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷⴷⴰⴷ ⵓⵏⵥⵉⵥ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴽⵓⵍⵓⵎⴱⵉ ⵙ ⴽⵓ ⵎⴰⴷ ⴳⵉⵙ ⵉⵍⵍⴰⵏ, ⵢⵉⵏⵉ : « ⵓⵔ ⴳⵉⵙ ⵜⵓⵔⴷⴰ ⵎⴰⵙ ⵔⴰⴷ ⵉⵙⴷⵓⵙ ⵡⴰⴷⴷⴰⴷ ⴰⴷ ⵓⵏⵥⵉⵥ ⵉⵎⴰⵏ ⵏ ⵓⵎⵢⴰⵡⴰⵙ ⵏⴳⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵜⴳⴷⵓⴷⴰⵜ ⵏ ⴽⵓⵍⵓⵎⴱⵢⴰ, ⵔⴰⴷ ⵉⴼⴽ ⵢⴰⵏ ⵓⵏⵜⵓ ⵉⴷⵓⵙⵏ ⵉ ⵜⵣⴷⴰⵢⵉⵏ ⵏⵏⵖ ⵜⵉⵙⵉⵏⵔⴰⵏⵉⵏ ⵖ ⵉⵍⵍⴰ ⵚⴰⵃⴰ ⵉ ⵜⵏⵓⴼⴰ ⵏ ⵜⵎⵉⵣⴰⵔ ⵏⵏⵖ ⴷ ⵉⵎⴰⴷⴰⵏⵏ ⵏⵏⵖ ⴳⴰⵏⵉⵏ ⵉⵎⴷⴷⵓⴽⴽⴰⵍ ».
ⵉⵍⵍⴰ ⵖ ⵜⵖⵜⴰⵙⵜ ⴰⴷ ⵉⵣⵔⵉⵏ ⵖ ⵜⵖⵉⵎⵉⵜ ⵜⴰⴳⴷⵓⴷⴰⵏⵜ ⴰⵙⵏⴰⵍ ⵏ ⵜⵓⴳⴳⴰⵙ ⵍⵍⵉ ⵜⵙⴽⴰⵔ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵃⵎⴰ ⴰⴷ ⵢⵉⵍⵉ ⵓⴼⵙⵙⴰⵢ ⴰⵙⵔⵜⴰⵏ ⴷ ⵓⵣⵔⴼⴰⵏ ⵉⵜⵜⵓⵇⴱⴰⵍⵏ ⵉⴳⴰⵏ ⴰⵙⵓⵍⴰⵏ ⵉ ⵓⵎⵏⵣⴰⵖ ⴰⵏⵎⵏⴰⴹ ⵉⵜⵜⵓⵙⴽⴰⵔⵏ ⴼ ⵚⵚⵃⵕⴰ, ⵢⵉⵍⵉ ⵖ ⴷⴷⵓ ⵏ ⵜⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵏ ⵓⵏⴱⴰⴹ ⴰⵏⵉⵎⴰⵏ ⵖ ⵜⵙⴳⴰ ⴰⴷ.