ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⵉⵙⵏⵉⵎⵎⵔ ⴰⴱⵕⵍⴰⵎⴰⵏ ⵏ ⵍⴰⵏⴹⵉⵥ ⴷⴼⴼⵉⵔ ⵏ ⵓⵙⵖⵍⴼ ⵉ ⵓⵙⵏⴰⵍ ⵏ ⵜⴰⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ

ⵢⵓⵣⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴰⴱⵔⴰⵜ ⵏ ⵓⵙⵏⵉⵎⵎⵔ ⴷ ⵓⵙⵓⵜⴳ ⵢⴰⵜⵜⵓⵢⵏ ⵉ ⵎⴰⵙⵙ ⴼⵉⵕⵏⴰⵏⴹⵓ ⵎⵉⵣⴰ Fernando MEZA ⴰⵏⵙⵙⵉⵅⴼ ⵏ ⵓⴱⵕⵍⴰⵎⵏ ⵏ ⵜⵔⴰⴱⴱⵓⵜ ⵏ ⵉⵡⴰⵏⴽⵏ ⵏ ⵍⴰⵏⴹⵉⵥ, ⴷⴼⴼⵉⵔ ⵏ ⵓⵙⵖⵍⴼ ⵍⵍⵉ ⴷ ⵉⵙⵙⴼⵓⵖ ⵓⴱⵕⵍⴰⵎⴰⵏ ⴰⴷ ⴼ ⵜⵎⵙⴰⵔⵜ ⵏ ⵜⴰⵢⴰⵏⵜ ⵏⵏⵖ ⵜⴰⵏⴰⴽⴰⵍⵜ ⴷ ⵓⵎⵏⵣⴰⵖ ⵉⵜⵜⵓⵙⴽⴰⵔⵏ ⴼ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⵍⵍⵉⵖ ⵉⵙⴷⴷⵉⴷ ⵓⴱⵕⵍⴰⵎⴰⵏ ⴰⴷ ⴰⵙⴳⴰⵡⴰⵏ ⵉⵙⵜⴰⵡⵀⵎⵎⴰⵏ ⴼ ⵓⵙⵏⴰⵍ ⵏ ⵜⵙⵏⵜⴰⵢⵜ ⵏ ⵓⵏⴱⴰⴹ ⴰⵏⵉⵎⴰⵏ ⵍⵍⵉ ⵉⵙⵔⵙ ⵍⵎⴰⵖⵔⵉⴱ, ⵍⵍⵉⵖ ⵢⵓⵔⵔⵉ ⵓⴱⵕⵍⴰⵎⴰⵏ ⵏ ⵜⵔⴰⴱⴱⵓⵜ ⴰⴷ ⵙ ⵜⵙⴰⵖⵓⵍⵜ ⵏ ⵜⵎⵜⵜⴰ ⵉⵎⵓⵏⵏ ⵖ ⵜⴳⴰ ⵜⵖⵜⴰⵙⵜ ⵏ ⵓⵙⵇⵇⵉⵎ ⵏ ⵜⵏⴼⵔⵓⵜ ⵓⵟⵟⵓⵏ 17/54 ⵍⵍⵉ ⴷ ⵉⴼⴼⵖⵏ ⴰⵙⵙ ⵏ 30 ⵉⴱⵔⵉⵔ 2007 ⵍⵍⵉ ⵉⵜⵜⵉⵏⵉⵏ ⵎⴰⵙ ⵜⴳⴰ ⵜⵙⵓⵎⵔⵜ ⵜⴰⵎⵖⵔⵉⴱⵉⵜ “ⵜⴰⴷ ⵉⵖⵣⴰⵏⵏ ⵉⴳⴰⵏ ⵜⴰⴷⵖⵔⵉⵜ”.

ⵜⵓⵛⴽⴰ ⴷ ⵜⵖⵜⴰⵙⵜ ⴰⴷ ⴷⴼⴼⵉⵔ ⵏ ⵓⵎⵙⴰⵡⴰⵍ ⴰⴷⵖⵔⵉ ⵉⵙⵎⵓⵏⵏ ⵍⵎⴰⵖⵔⵉⴱ ⴷ ⵉⵎⴷⴷⵓⴽⴽⵯⴰⵍ ⵏⵏⵙ ⵖ ⵓⴱⵕⵍⴰⵎⴰⵏ ⵏ ⵜⵔⴰⴱⴱⵓⵜ ⵏ ⵍⴰⵏⴹⵉⵥ, ⵍⵍⵉⵖ ⵉⴳⴰ ⵍⵎⴰⵖⵔⵉⴱ ⴰⴳⵎⴰⵎ ⴰⵎⵥⵕⴰⵢ ⵖ ⵓⴳⵏⵙ ⵏ ⵓⴱⵕⵍⴰⵎⴰⵏ ⴰⴷ, ⵜⴳ ⵓⵍⴰ ⴰⵙⴷⴷⵉⴷ ⵏ ⵎⴰⴷ ⵉⵏⵏⴰ ⵎⴰⵙⵙ ⴼⵉⵕⵏⴰⵏⴹⵓ ⵎⵉⵣⴰ ⵖ ⵓⵔⵣⴰⴼ ⵏⵏⵙ ⵉ ⵕⵕⴱⴰⵟ ⵖ ⵉⴱⵔⵉⵔ 2018.