ⵜⴰⵏⴽⴷⴰ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ

ⴰⵎⵏⴰⴹ ⴰⵎⴰⵜⴰⵢ 

• ⵜⵓⵎⴰⵢⵉⵏ ⵜⵉⴷⵙⵜⴰⵔⵉⵏ :

 ⵢⵉⵡⵉ ⴷ ⵓⵎⵏⵏⵉ 6 ⵏ ⵓⴷⵓⵙⵜⵓⵔ ⴼ ⵜⵉⵍⵉⵜ ⵏ ⵜⵎⵙⵓⵜⵍⵉⵏ ⵍⵍⵉ ⵔⴰⴷ ⵢⴰⵡⵙ ⵖ ⵓⵙⵎⴰⵜⴰ ⵏ ⵓⴼⵔⵉⵙ ⴰⵎⵙⴽⴰⵔ ⵏ ⵜⴷⵔⴼⵉⵜ ⵏ ⵉⵏⵎⵓⵔⴰⵏ ⴷ ⵢⵉⵙⴽⵉⵍ ⵏⴳⵔⴰⵜⵜⵙⵏ ⴷ ⵓⵙⴷⵓⵙ ⵏ ⵓⴷⵔⴰⵡ ⵏⵏⵙⵏ ⵖ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⴷⵍⵙⴰⵏⵜ ⴷ ⵜⵏⴰⵎⵓⵏⵜ.

 ⵢⵉⵡⵉ ⴷ ⵓⵎⵏⵏⵉ 19 ⵏ ⵓⴷⵓⵙⵜⵓⵔ ⵎⴰⵙ ⵉⴳⴰⴷⴷⴰ ⵓⵔⴳⴰⵣ ⴷ ⵜⵎⵖⴰⵔⵜ ⵖ ⵉⵣⵔⴼⴰⵏ ⴷ ⵜⴷⵔⴼⵉⵏ ⵜⵉⵖⵔⵎⴰⵏⵉⵏ ⴷ ⵜⵙⵔⵜⴰⵏⵉⵏ ⴷ ⵜⴷⵎⵙⴰⵏⵉⵏ ⴷ ⵜⴷⵍⵙⴰⵏⵉⵏ ⴷ ⵜⵡⵏⴹⴰⵏⵉⵏ.

 ⵉⵎⵎⴰⵖ ⵓⵡⴰⵏⴽ ⵃⵎⴰ ⴰⴷ ⵢⵉⵍⵉ ⵓⵎⵏⵣⴰⵢ ⵏ ⵢⵉⵙⴽⵉⵍ ⵏⴳⵔ ⵜⵎⵖⴰⵔⵉⵏ ⴷ ⵉⵔⴳⴰⵣⵏ, ⵉⴳⴰ ⵢⴰⵏ ⵓⵎⵏⵏⵉ ⵉⵙⵔⵙⵏ ⵉⵥⵟⵡⴰⵏ ⵍⵍⵉⵖ ⴷ ⵢⵉⵡⵉ ⴰⵙⴽⵔ ⵏ ⵜⴳⵔⴰⵡⵜ ⵏ ⵢⵉⵙⴽⵉⵍ ⴷ ⵓⵙⴱⴷⴷⵉ ⵏ ⴽⵓ ⴰⵏⴰⵡⵏ ⵏ ⵓⵙⵏⵓⵃⵢⵓ.

 ⵍⵍⴰⵏⵜ ⵖ ⵓⵎⵏⵏⵉ 30 ⵏ ⵓⴷⵓⵙⵜⵓⵔ ⵜⵓⵎⴰⵢⵉⵏ ⵏ ⵓⵙⵙⵔⵇⴱ ⵏ ⵓⵏⴳⵉⴷⴷⵉ ⵏ ⵡⴰⵏⵏⴰⵣⵏ ⵏⴳⵔ ⵜⵎⵖⴰⵔⵉⵏ ⴷ ⵉⵔⴳⴰⵣⵏ ⵖ ⵓⴽⵛⵎ ⵙ ⵜⵎⵙⵜⴳⴳⴰⵔⵉⵏ ⵏ ⵉⵙⵜⴰⵢⵏ.

• ⴰⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ :

ⵓⵔ ⴱⴷⵔⵏ ⵉⵏⴳⵔⴰⵡⵏ ⵉⴳⵯⵏⵙⴰⵏⵏ ⵉⵇⴱⵓⵔⵏ ⵉⵎⵔⵙⵉ ⵏ ⵜⵎⵖⴰⵔⵉⵏ, ⵎⴰⵛ ⴰⵏⴳⵔⴰⵡ ⴰⴳⵯⵏⵙⴰⵏ ⵏ ⵖⵉⵍⴰⴷ ⴷ ⵡⴰⵍⵍⵉ ⵜ ⵉⵣⵡⴰⵔⵏ ⵉⵙⴰⵡⵍ ⵖ ⵉⵎⵏⵏⵉⵜⵏ 75 ⴷ 76 ⴼ ⵓⵙⴽⵔ ⵏ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵏ ⵜⵡⵓⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵢⵉⵙⴽⵉⵍ ⴷ ⵓⵙⴰⵎⵓ.

 ⵜⴱⴷⴰ ⵜⵉⵔⵎⵉⵜ ⴰⴷ ⵖ ⵓⵙⴳⴳⵯⴰⵙ ⵏ 2015, ⵜⴳ ⵜⴰⴳⵔⴰⵡⵜ ⵜⴰⵎⵣⵡⴰⵔⵓⵜ ⵍⵍⵉ ⵉⵙⴽⵔ ⵓⵙⵇⵇⵉⵎ ⵏ ⵖ ⵓⵎⵏⵉⴷ ⵏ ⵓⵙⴰⵎⵓ ⴷ ⵢⵉⵙⴽⵉⵍ ⵖ ⵓⵙⴰⵜⵉ ⴰⵎⵔⵙⵍⴰⵏ ⵖ ⵜⵍⵍⴰ ⵜⵡⵓⵔⵉ ⵏ ⵓⴷⵔⴰⵡ ⵏⴳⵔ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵓⵙⵇⵇⵉⵎ ⴰⴽⴽⵯ.  ⴽⵓ ⵜⵉⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⴷⴰⵔⵙⵏⵜ ⵉⴳⵏⵙⴰⵙⵏ ⵏⵏⵙⵏⵜ, ⴰⵔ ⵙⵡⵓⵔⵉⵏⵜ ⵙ ⵜⵖⴰⵔⴰⵙⵜ ⵖ ⵉⵍⵍⴰ ⵓⵎⵙⴰⵙⴰ ⴱⵍⴰ ⴽⵔⴰ ⵏ ⵉⵙⵡⵉⵏⴳⵉⵎⵏ ⵥⵍⵉⵏⵉⵏ ⴷ ⵉⵎⵓⵍⵍⵉⵜⵏ ⵏⵖ ⵜⴰⵢⴷⵢⵓⵍⵓⵊⵉⵜ. ⵜⵉⵎⵣⵡⵓⵔⴰ ⵏ ⵜⵔⴰⴱⴱⵓⵜ ⴳⴰⵏⵜ ⵜⵏⵜ ⵜⵎⵙⴰⵔⵉⵏ ⵏ ⵜⵎⵖⴰⵔⵜ ⵙ ⵜⵉⴳⴳⵓⴳⵜ ⴼ ⵜⴳⵯⵎⴰⵏⵉⵜ ⵜⴰⵙⵔⵜⴰⵏⵜ.

 ⵜⵍⵍⴰ ⵜⵙⵏⵜⴰⵢⵜ ⵜⴰⵣⵣⵔⴰⴼⵜ ⴰⴷ ⵜⴳ ⵜⵔⴰⴱⴱⵓⵜ ⴰⴷ ⵜⴰⵙⵇⵇⵉⵎⵜ ⵜⴰⵎⵖⵍⴰⵍⵜ, ⵎⴰⵛ ⵍⵍⵉⵖ  ⵜⴱⴷⴷ ⵜⵡⵓⵔⵉ ⵏⵏⵙ ⵖⴰⵙ ⴼ ⵉⵙⵜ ⵎⴰⵙⵙⴰ ⵜⵉⵎⵓⵔⴰ ⵓⵔ ⵜⵜ ⵜⵣⵣⵔⵉ ⵜⵙⵏⴱⴹⴰⵢⵜ ⵜⴰⴷⵙⵜⴰⵔⵜ, ⴰⵢⵍⵍⵉ ⵢⵓⵊⵊⴰⵏ ⵜⴰⵔⴰⴱⴱⵓⵜ ⴰⴷ ⵜⵙⵡⵉⵏⴳⵎ ⵖ ⵓⵙⵎⵏⵉⴷ ⵏ ⵜⵙⵓⵎⵔⵜ ⵏ ⵓⵙⵏⴼⵍ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⵃⵎⴰ ⴰⴷ ⵜⴳ ⵜⴰⵙⵇⵇⵉⵎⵜ ⵜⴰⵎⵖⵍⴰⵍⵜ ⵏ ⵓⵙⴰⵎⵓ ⴷ ⵢⵉⵙⴽⵉⵍ ⴷ  ⵜⵎⵢⴰⴷⴰⵙⵜ ⵏ ⵡⴰⵏⴰⵡ ⴰⵏⴰⵎⵓⵏ ⵖ ⵍⵍⴰⵏ ⵉⵎⵓⵔⴰ ⴷ ⵜⵎⵓⵔⴰ.

 ⵉⵙⵔⵙ ⵓⵏⴳⵔⴰⵡ ⴰⴳⵯⵏⵙⴰⵏ ⵉⵡⵜⵜⴰⵙⵏ ⵏ ⵜⵔⴰⴱⴱⵓⵜ ⵙ ⵖⵎⴽ ⴰⴷ:

 -   ⴰⵙⵏⴰⵍ ⴷ ⵓⵙⴷⵓⵙ ⵏ ⵜⵢⴰⴼⵓⵜⵉⵏ ⵍⵍⵉ ⵉⵚⴰⵃⴰⵏ ⵉ ⵜⵎⵖⴰⵔⵉⵏ ⵖ ⵉⴳⵔⴰⵏ ⴽⵓⵍⵍⵓ ⵜⵏ ⴷ ⵓⵙⴷⵓⵙ ⵏⵏⵙⵏⵜ ⵖ ⵓⵙⵡⵉⵔ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵓⵙⵡⵉⵔ ⵏ ⵜⵖⵜⴰⵙⵜ.

 -   ⴰⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⵡⵓⵔⵉ ⵉⵛⵛⴰⵔⵏ ⴷ ⴽⵓ ⵜⵉⴳⵔⴰⵡⵉⵏ ⵏ ⵡⴰⵎⵓⵏ ⵓⵖⵔⵉⵎ ⴷ ⵓⵣⵔⴼⴰⵏ ⴷ ⵓⵙⵔⵜⴰⵏ ⵃⵎⴰ ⴰⴷ ⵢⵉⵍⵉ ⵓⵙⵎⵖⵔ ⵏ ⵉⵙⵓⵔⵙⵏ ⵏ ⵜ ⵎⵖⴰⵔⵉⵏ ⵖ ⴽⵓ ⵉⴳⵔⴰⵏ.

 -   ⴰⵙⴽⵔ ⴷ ⵓⵙⵎⵖⵔ ⵏ ⵜⵣⴷⴰⵢⵉⵏ ⵏ ⵓⴷⵔⴰⵡ ⴷ ⴽⵓ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵖ ⵓⵎⴰⴹⴰⵍ ⴷ ⵜⵉⴷ ⵙⵡⵓⵔⵉⵏⵉⵏ ⵖ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

 ⵙ ⵜⵔⵙⴰⵍ ⴰⴷ ⴰⵙ ⵜⵙⵡⵓⵔⵉ ⵜⵔⴰⴱⴱⵓⵜ ⵜⴰⵙⴳⵓⵎⴰⵏⵜ ⵙ ⵢⴰⵏ ⵓⵖⴰⵡⴰⵙ ⵏ ⵜⵓⵡⵔⵉ ⴼ ⵉⵍⵍⴰ ⵓⵎⵛⴰⵛⴽⴰ ⵏ ⴽⵓ ⵉⴳⵎⴰⵎⵏ, ⵢⴰⵏ ⵓⵖⴰⵡⴰⵙ ⵖ ⵉⵍⵍⴰ ⵓⵙⵎⵀⵍ ⵏ ⵜⵙⵎⵉⴳⵍⵜ ⵜⴰⴱⵕⵍⴰⵎⴰⵏⵉⵜ ⵖ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ:

• ⴰⵣⵣⵔⴰⴼ :

 ⵜⵙⵓⵊⴰⴷ ⵜⵔⴰⴱⴱⵓⵜ ⵜⴰⵙⵓⵎⵔⵜ ⵏ ⵓⵙⵍⴳⵏ ⴷ ⵉⵙⵏⴼⵍⵏ ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ :

 1- ⵜⴰⵙⵓⵎⵔⵜ ⵏ ⵓⵙⵍⴳⵏ ⵉⵀⵎⵎⴰⵏ ⵜⵉⵏⵓⴼⴰ ⵜⵓⵖⵔⵉⵎⵉⵏ 71.011 ⵍⵍⵉ ⵢⴰⴽⴽⴰⵏ ⴰⵣⵔⴼ ⵉ ⵓⵔⴳⴰⵣ ⵏ ⵜⵎⵖⴰⵔⵜ ⵜⴰⵎⵙⵖⴰⵏⵜ ⵉⵖ ⵜⵎⵎⵓⵜ ⴰⴷ ⵉⵜⵜⴰⵎⵥ ⵜⴰⵏⴰⴼⵜ ⵏ ⵜⵎⵖⴰⵔⵜ ⵏⵏⵙ ⵖ ⵡⴰⵢⵢⵓⵔ ⵡⵉⵙ ⵙⵉⵏ ⵖ ⵜⵎⵎⵓⵜ.

 2- ⴰⵙⵏⴼⵍ ⵏ ⵉⵎⵏⵏⵉⵜⵏ ⵓⵟⵟⵓⵏⵏ 75 ⴷ 76 ⴷ 77 ⴷ 81 ⴷ 105 ⵏ ⵓⵏⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ.

• ⴰⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ :

- ⴰⵙⴽⵔ ⵏ ⵜⵣⵔⴰⵡⵉⵏ ⵀⵎⵎⴰⵏⵉⵏ ⵜⴰⵎⵢⴰⴷⴰⵙⵜ ⵏ ⵡⴰⵏⴰⵡ ⴷ ⵓⵏⵄⴰⵔ ⵉ ⵓⵙⴰⵎⵓ ⴷ ⵢⵉⵙⴽⵉⵍ.

 - ⴰⵙⵎⵏⵉⴷ ⵏ ⵜⵎⵙⵙⴽⵜⵓⵜⵉⵏ ⵏ ⵓⵏⵄⴰⵔ ⵣⴷⵉⵏⵉⵏ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵡⵇⵇⵔ ⵏ ⵜⵎⵢⴰⴷⴰⵙⵜ ⵏ ⵡⴰⵏⴰⵡ.

• ⵜⴰⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ :

 - ⴰⵙⵏⵎⴰⵍⴰ ⵏ ⵉⵔⵣⴰⴼⵏ ⵏ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ.

 - ⴰⵙⵎⵀⵍ ⴷ ⵓⵙⵎⵖⵔ ⵏ ⵜⵡⵓⵔⵉⵡⵉⵏ ⵏ ⵓⴷⵔⴰⵡ ⴷ ⵜⵎⴰⴷⴷⴰⵙⵉⵏ ⵜⵉⵣⵔⴼⴰⵏⵉⵏ ⵙⵡⵓⵔⵉⵏⵉⵏ ⵖ ⵢⵉⴳⵔ ⵏ ⵉⵣⵔⴼⴰⵏ ⵏ ⵜⵎⵖⴰⵔⵜ.