ⵜⴰⵍⴳⴰⵎⵜ ⵏ ⵉⵎⵏⴽⴰⴷⵏ ⴷ ⵜⵎⵏⴽⴰⴷⵉⵏ ⵜⵜⵓⵙⵜⴰⵢⵏⵉⵏⵉⵏ ⴳ ⵉⵙⵜⴰⵢⵏ ⵏ ⵓⴽⵕⴰⵙ 8 ⵛⵓⵜⴰⵏⴱⵉⵔ 2021 ⵉ ⵓⵙⵜⴰⵢ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴽ ⵜⵜ ⴷ ⵜⵓⵣⵏ ⵜⵏⵙⵙⵉⵅⴼⵜ ⵏ ⵜⵏⴱⴰⴹⵜ
ⴷⴼⴼⵉⵔ ⵏ ⵓⵙⵜⴰⵢ ⴰⵣⵣⵔⴰⴼ ⵏ ⵓⴽⵕⴰⵙ 8 ⵛⵓⵜⴰⵏⴱⵉⵔ 2021 ⵉ ⵓⵙⵜⴰⵢ ⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⵓⵣⵏ ⴷ ⵜⵏⵙⵉⵅⴼⵜ ⵏ ⵜⵏⴱⴰⴹⵜ ⵉ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵍⴰⴳⵎⵜ ⵏ ⵉⵎⵏⴽⴰⴷⵏ ⴷ ⵜⵎⵏⴽⴰⴷⵉⵏ ⵜⵜⴰⵡⵙⵜⴰⵢⵏⵉⵏ ⵉ ⵜⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵢⴰⵜ ⴷ ⵎⵔⴰⵡⵜ 2021-2026.
ⵙ ⵓⵎⴰⴳⵔⴰⴷ 62 ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⴰⵔ ⵜⵜⵓⵙⵜⴰⵢⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵙⵜⴰⵢ ⴰⵎⴰⵜⴰⵢ ⵓⵙⵔⵉⴷ ⵉ ⵙⵎⵎⵓⵙ ⵉⵙⴳⴳⵯⴰⵙⵏ, ⴷⴰ ⵜⵜⵓⵙⵎⵉⴷ ⵜⵏⴳⵎⴰⵎⵜ ⵏⵏⵙⵏ ⴳ ⵓⵕⵥⵥⵓⵎ ⵏ ⵜⵙⵓⵜⵍⵜ ⵏ ⴽⵟⵓⴱⵕ ⴳ ⵓⵙⴳⴳⵯⴰⵙ ⵡⵉⵙ ⵙⵎⵎⵓⵙ ⵉⴹⴼⵕⵏ ⴰⵙⵜⴰⵢ ⵏ ⵓⵙⵇⵇⵉⵎ.
ⴰⵔ ⵉⵜⵜⵓⵙⵜⴰⵢ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵉⴳⵎⴰⵎⵏ ⵏ ⵓⵙⵉⵔⴰ, ⴷ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ ⴷ ⵉⵙⵉⵔⴰⵜⵏ ⵏⵏⵙⵏ ⴳ ⵜⵣⵡⵉⵔⵉ ⵏ ⵜⵡⴰⵍⴰ, ⴷ ⵓⵙⴳⴳⵯⴰⵙ ⵏⵏⵙ ⵡⵉⵙ ⴽⵕⴰⴹ ⴳ ⵜⵙⵓⵜⵍⵜ ⵏ ⵉⴱⵔⵉⵔ ⵉ ⵎⴰⴷ ⵉⵖⴰⵎⴰⵏ ⴳ ⵜⵙⵓⵜⵍⵜ ⵉⵜⵜⴰⵡⴱⴷⴰⵔⵏ.
