ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⴰⴳⵎⴰⵎ ⵉⵎⵥⵕⵉ ⴳ ⵜⵙⵓⵜⵍⵜ ⵜⵉⵙ 42 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⴰⵙⵢⴰⵏ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵢⴰⵡⵙ ⵓⵙⵇⵇⵉⵎ ⴳ ⵜⵡⵓⵔⵉ ⵏ ⵜⵎⵙⵎⵓⵏⵜ
ⵉⴷⵔⵓ ⵎ.ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⴷ ⴰⴳⵎⴰⵎ ⵉⵎⵥⵕⵉ, ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ 42 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⴰⵙⵢⴰⵏ, ⵉⵍⵍⴰⵏ ⵏⴳⵔ 23 ⴷ 25 ⵖⵓⵛⵜ ⵙ ⵓⴼⵉⵣⵢⵓⴽⵓⵏⴼⵉⵕⵓⵏⵚ, ⴷⴷⵓ ⵏ ⵓⵣⵡⵍ: ⴰⵙⵏⴰⵍ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵙ ⵓⵙⵉⴷⴼ ⴰⵎⵓⵟⵟⵓⵏ ⵏ ⵡⴰⵎⵓⵏ ⵏ ⴰⵙⵢⴰⵏ ⴳ 2025”.
ⵙ ⵜⵉⵍⵉⵜ ⵏ ⵉⵏⵙⵙⵉⵅⴼⵏ ⵏ ⵉⴱⵕⵎⵍⴰⵎⴰⵏⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴷ ⵉⴳⵏⵙⴰⵙⵏ ⵏ ⵜⵎⴰⴷⴷⴰⵙⵉⵏ ⵜⵉⵏⵎⵏⴰⴹⵉⵏ ⴷ ⵜⴳⵔⴰⵖⵍⴰⵏⵉⵏ, ⴷ ⵉⵏⴱⴳⵉⵡⵏ, ⵉⵙⴰⵡⴰⵍ ⵎ.ⵍⴰⵃⴱⵉⴱ ⵍⵎⴰⵍⴽⵉ, ⴰⵢⵏⴰⵙ 23 ⵖⵓⵛⵜ 2021, ⵉⵙⵓⵜⴳ ⴰⴼⵔⵉⵙ ⵏ ⵓⴳⵎⴰⵎ ⵉⵎⵥⵕⵉ ⵉⵍⵍⴰⵏ ⴷⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵢⵉⵏⵉ ⵎⴰⵙ ⵉⵏⵏⵓⵔⵣ ⵓⵙⵇⵇⵉⵎ ⴰⴷ ⵢⴰⵡⵙ ⴳ ⵜⵡⵓⵔⵉ ⵏ ⵜⵎⵙⵎⵓⵏⵜ, ⵉⵙⴽⵔ ⵜⵉⵍⴰⵍⵜ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⴰⵙⵢⴰ ⴷ ⵉⴼⵔⵉⵇⵢⴰ ⴷ ⵓⴷⵔⵓ ⵏ ⵜⵉⵔⵎⵉⵜⵉⵏ ⴷ ⵜⵎⵙⴽⴰⵔ ⵥⵉⵍⵏⵉⵏ, ⵙⵍⴰⵡⴰⵏ ⴰⴽⴽⵯ ⵎⴰⵙ ⵟⵟⴰⴼⵏ ⵉⴱⵕⵍⴰⵎⴰⵏⵏ ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⵜⵉⵔⵎⵉⵜⵉⵏ ⵙⵜⴰⵡⵀⵎⵎⴰⵏⵉⵏ ⴳ ⵢⵉⴳⵔ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵙ ⴽⵓ ⵓⴷⵎⴰⵡⵏ ⵏⵏⵙ, ⵉⵥⴹⴰⵕ ⵓⵙⵇⵇⵉⵎ ⵏ ⵉⵎⵓⵔ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜⴰⴷ ⵙⵔⵙⵏⵜ ⵉⵙⵡⵓⵔⵉ.
ⵉⵣⵎⵎⵉⵎ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵢⵉⵡⵙ ⵓⵙⵏⴼⵍ ⴰⵎⵓⵟⵟⵓⵏ ⴳ ⵓⵎⴰⴹⴰⵍ ⴳ ⵓⵙⵎⵓⵟⵟⵏ ⵉ ⵉⵏⵢⴰⵍⴽⴰⵎⵏ ⵉⴱⵕⵍⴰⵎⴰⵏⵉⵢⵏ ⵍⵍⵉⵖ ⴳⴰⵏ ⴰⴼⵔⴷⵉⵙ ⴰⴷⵙⵍⴰⵏ ⴳ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ, ⴰⵔ ⵜⵜⴰⵡⵙⵏ ⵊⴰⵔ ⵜⵎⵉⵣⴰⵔ ⴷ ⵉⵎⴰⴷⴰⵏⵏ ⵉ ⵜⵉⴽⴽⵉ ⵏ ⵓⵎⵏⴰⴷ ⴰⴱⵕⵍⴰⵎⴰⵏⵉ ⵉ ⵓⵏⴱⴰⴹ ⴰⴳⵔⴰⵖⵍⴰⵏ ⴷ ⵓⵙⴷⵓⵙ ⵏ ⵓⴼⵔⴰ, ⴳⵉⵏ ⵓⴷⵎ ⴰⴷⵙⵍⴰⵏ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴷ ⵓⵙⴷⵓⵙ ⵏ ⵜⴷⵉⵎⵓⵇⵔⴰⵟⵉⵜ.
ⵉⵙⵉⵙⴼⵉⵡ ⵎ.ⵍⵎⴰⵍⴽⵉ ⵎⴰⵙ ⴰ ⵢⴰⴽⴽⴰ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵣⵡⵉⵔⵉ ⵉ ⵜⵎⵓⵟⵟⵓⵏⵜ, ⴳ ⵢⴰⵏ ⵓⵙⵎⴰⵇⵍ ⴷ ⵜⵎⵢⴰⴷⴰⵙⵜ ⵜⴰⵙⵜⵔⴰⵜⵉⵊⵉⵜ ⵢⵓⵎⴰⵏ ⵉⵡⴰⵜⵜⵙⵏ ⴰⵙⴽⵔ ⵏ ⵜⵣⵔⴼⵜ ⵜⴰⵎⵓⵟⵟⵓⵏⵜ ⵉⵙⴷⵓⵙⵏ ⵜⴰⵏⴰⵎⵎⴰⵙⵜ ⵏ ⵓⵎⵙⵜⴰⵢ, ⵍⵍⵉ ⵉⴳⴰⵏ ⴰⴼⵔⴷⵉⵙ ⴰⵏⴼⴳⴰⵏ ⴳ ⵜⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵔⴰⵏⵉⵏ ⴰⵙⴷⵓⵙ ⵏ ⵡⴰⵜⵉⴳⵏ ⵏ ⵜⴷⵉⵎⵓⵇⵔⴰⵟⵉⵜ, ⴰⵢⵍⵍⵉ ⵉⵙⴽⴰⵔⵏ ⵜⴰⵙⵓⵍⴰⵏⵜ ⴷ ⵜⵎⴰⴼⴰⵡⵜⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ, ⴷ ⵓⵙⵡⵓⵜⵜⵓ ⵏ ⵓⵎⵣⵔⴰⵢ ⴰⵎⵓⵟⵟⵓⵏ.
ⵉⵜⵜⵓⵙⵙⴰⵏ ⵎⴰⵙ ⵜⵜⵓⵙⴽⴰⵔ ⵜⵙⵓⵜⵍⵜ ⵜⵉⵙ 41 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⴰⵙⵢⴰⵏ ⴳ ⵜⵎⴰⵥⵓⵏⵜ ⵏ ⴼⵉⵜⵏⴰⵎ ⵀⴰⵏⵓⵢ ⴳ ⵛⵓⵜⴰⵏⴱⵉⵔ 2020, ⵖⵉⵏⵏ ⴰⵖ ⵉⵜⵜⵓⴼⴽⴰ ⵓⴼⵔⵉⵙ ⵏ ⵓⴳⵎⴰⵎ ⵉⵎⵥⵔⵉ ⵉ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵍⵍⵉ ⵉⴳⴰⵏ ⵜⵉⵎⵙⴽⵔⵜ ⵜⴰⵎⵣⵡⴰⵔⵓⵜ ⵍⵍⵉⵖ ⵉⴳⴰ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴰⴱⵕⵍⴰⵎⴰⵏ ⴰⴼⵔⵉⵇⵉ ⴰⵎⵣⵡⴰⵔⵓ ⵍⵍⵉ ⵢⵉⵡⵉⵏ ⵜⴰⴳⵎⴰⵎⵜ ⴰⴷ.
ⵜⴳⴰ ⴰⵙⵢⴰⵏ ⵢⴰⵏ ⵓⴳⵔⴰⵡ ⴰⴷⵎⵙⴰⵏ ⴷ ⵓⵙⵔⵜⴰⵏ ⵉⵜⵜⵓⵙⴽⴰⵔⵏ ⴳ 1967, ⴳⵉⵙ ⵎⵔⴰⵡ ⵉⵡⴰⵏⴽⵏ: ⵉⵏⴷⵓⵏⵉⵙⵢⴰ, ⵙⴰⵏⵖⴰⴼⵓⵔⴰ, ⵎⴰⵍⵉⵥⵢⴰ, ⴼⵉⵜⵏⴰⵎ, ⵜⴰⵢⵍⴰⵏⴷ, ⵎⵢⴰⵏⵎⴰⵔ, ⴼⵉⵍⵉⴱⵉⵏ, ⴱⵔⵓⵏⴰⵢ, ⵍⴰⵡⵙ, ⴽⴰⵎⴱⵓⴷⵢⴰ. ⵜⵡⴰⵜⵜⵙ ⴰⵣⵓⵛⵛⵍ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵓⵙⴽⵔ ⵏ ⵜⵣⵣⵉⴳⵣⵜ ⵜⴰⵏⴰⵎⵓⵏⵜ ⴷ ⵜⴳⵎⵉ ⵜⴰⴷⵍⵙⴰⵏⵜ ⴳ ⵉⴼⴼⵓⵙ ⴷ ⵓⵙⵏⵇⵔ ⵏ ⴰⵙⵢⴰ, ⴷ ⵓⵙⴽⵔ ⵏ ⵜⵙⴳⴰ ⵏ ⵓⵙⵖⵏⵣⵉ ⵉⵍⴻⵍⵍⵉ ⵊⴰⵔ ⵉⵡⴰⵏⴽⵏ ⵉⴳⵎⴰⵎⵏ.