ⵜⴰⵙⵓⵜⵍⵜ ⵜⵉⵙ 28 ⵏ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ ⵜⴰⴼⵔⵉⵇⵉⵜ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴳ ⵓⵙⵏⵓⴱⴳ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ, 23 ⴷ 24 ⵢⵓⵏⵢⵓ 2022

ⴰⵔ ⵉⵙⵏⵓⴱⴳ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⵓⵙⵙⴰⵏ ⵏ 23 ⴷ 24 ⵢⵓⵏⵢⵓ 23 ⴷ 24 ⵢⵓⵏⵢⵓ 2022 ⴳ ⵕⵕⴱⴰⵟ ⵜⴰⵙⵓⵜⵍⵜ ⵜⵉⵙ 28 ⵏ ⵜⵎⵙⵎⵓⵏⵜ ⵜⴰⵏⵎⵏⴰⴹⵟ ⵜⴰⴼⵔⵉⵇⵉⵜ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ.

ⴳ ⵓⵖⴰⵡⴰⵙ ⵏ ⵜⵙⵓⵜⵍⵜ, ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⵏ ⵉⵎⵔⵙⵉⵡⵏ ⴼ ⵜⴷⵉⵎⵓⵇⵔⴰⵟⵉⵜ ⴷ ⵜⵙⴳⴰ ⵏ ⵓⵙⵖⵏⵣⵉ ⵉⵍⴻⵍⵉ ⴰⴼⵔⵉⵇⵉ, ⵜⴰⴷⵔⴰⵡⵜ ⵏ ⵜⵎⵖⴰⵔⵉⵏ ⴳ ⵜⵓⴷⵔⵜ ⵜⴰⵙⵔⵜⴰⵏⵜ ⴷ ⵜⴷⵎⵙⴰⵏⵜ ⴷ ⵜⵏⴰⵎⵓⵏⵜ, ⵜⴰⴷⵔⵡⵜ ⵏ ⵉⴱⵕⵍⴰⵎⵉⵢⵏ ⴳ ⵓⵏⵄⴰⵔ ⵏ ⵜⵎⵙⴰⵔⵉⵏ ⵏ ⵡⴰⵡⵏⴰⴹ ⴷ ⵓⵏⵣⵡⵉ, ⴰⵙⵓⵔⵙ ⴰⵙⵔⵜⴰⵏ ⴷ ⵓⵏⴰⵎⵓⵏ ⴷ ⵓⴷⵓⵙⴰⵏ ⴳ ⵜⵎⵉⵣⴰⵔ ⵏ ⵜⵙⴳⴰ ⵜⴰⴼⵕⴰⵏⴽⴰⴼⵓⵏⵉⵜ ⴳ ⵉⴼⵔⵉⵇⵢⴰ.

ⵔⴰⴷ ⵢⵉⵍⵉ ⵓⵎⴹⴰⴽⴰⵔ ⵏ ⵓⵏⵇⵇⵉⵙ ⵏ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ, ⴷ ⵓⵙⵏⵎⴰⵍⴰ ⵏ ⵜⵣⵣⵓⵍⵉⵏ ⵏ ⵜⵎⴰⵙⴰⵢⵜ ⴳ ⵉⵏⴳⵎⴰⵎⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⵓⵔⵜⴰ ⵜⵍⵍⵉ ⵜⵙⵓⵜⵍⵜ ⵏⵏⵙ ⵜⵉⵙ 47 ⴳ ⴽⵉⴳⴰⵍⵉ (ⵕⵡⴰⵏⴹⴰ) ⴳ ⵢⵓⵍⵢⵓⵣ 2022.

ⵜⴻⵜⵜⵓⵙⴽⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴳ ⵎⴰⵢⵓ 1967 ⴳ ⵍⵓⴽⵙⵓⵎⴱⵓⵔⴳ, ⵜⴳⴰ ⴰⵏⵎⵓⵇⵇⴰⵔ ⵏ ⵓⵎⵙⴰⵡⴰⵍ ⴷ ⵓⵙⵎⵏⵉⴷ ⵏ ⵜⵙⵓⵎⴰⵔ ⴷ ⵓⵙⵏⴼⵍ ⵏ ⵜⵎⵓⵛⴰ ⴷ ⵜⵉⵔⵎⵉⵜⵉⵏ, ⵍⵍⴰⵏⵜ ⴳⵉⵙⵏ ⴽⵉⴳⴰⵏ ⵏ ⵜⴰⵢⵢⴰⵡⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵙⴳ ⵙⵎⵓⵙ ⵉⵎⵏⵥⴰⵡⵏ.

ⵉⴽⵛⵎ ⵍⵎⵖⵔⵉⴱ ⵙ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ ⴳ 1979, ⵉⵙⵏⵓⴱⴳ ⵎⵏⵏⴰⵡⵜ ⵜⵙⵓⵜⵍⵉⵏ  ⵏ ⵜⵎⵙⵎⵓⵏⵜ ⵜⴰⵏⵎⵏⴰⴹⵜ ⵏ ⵉⴼⵔⵉⵇⵢⴰ ( ⵜⴰⵙⵓⵜⵍⵜ ⵜⵉⵙ 19 ⴳ 2011, ⵜⵉⵙ 25 ⴳ 2017, ⵜⵉⵙ 27 ⴳ 2019).

ⵖⵉⵍⴰⴷ, ⵉⴳⴰ ⵎⴰⵙⵙ ⵕⴰⵛⵉⴷ ⵜⴰⵍⴱⵉ ⵍⵄⴰⵍⴰⵎⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⵏⵉⵜ ⵉ ⵜⴼⵕⴰⵏⴽⵓⴼⵓⵏⵉⵜ.