ⵜⴰⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⵔⴰⴷ ⵜⵙⵏⵎⴰⵍⴰ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⵅⴼ : « ⵜⴰⴷⵉⵎⵇⵔⴰⵟⵉⵜ ⵜⴰⵎⴰⴷⵔⴰⵡⵜ: ⵉⵏⵎⵔⴰⵏ ⵏ ⵜⵉⵍⴰⵡⵜ ⴷ ⵉⵎⵏⵉⴷⵏ ⵏ ⵜⵣⵣⵉⴳⵣⵜ », ⴰⵙⵙ ⵏ 25 ⴱⵕⴰⵢⵕ 2020

ⵔⴰⴷ ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⵅⴼ :”ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ : ⵉⵏⵎⵔⴰⵏ ⵏ ⵜⵉⵍⴰⵡⵜ ⴷ ⵉⵎⵏⴰⴷⵏ ⵏ ⵜⵣⵣⵉⴳⵣⵜ”, ⴰⵙⵙ ⵏ ⵓⵙⵉⵏⴰⵙ 25 ⴱⵕⴰⵢⵕ 2020 ⵖ ⵜⵙⵔⴰⴳⵜ ⵜⵉⵙ ⵜⵥⴰⵜ ⵏ ⵜⵉⴼⴰⵡⵜ ⵖ ⵓⵙⵖⵉⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ.

ⵉⴽⵛⵉⵎ ⵓⵙⵏⵎⴰⵍⴰ ⵏ ⵜⵉⵏⴰⵡⵜ ⴰⴷ ⵖ ⵜⵎⵢⴰⴷⴰⵙⵜ ⵜⴰⵎⴰⴷⵔⴰⵡⵜ ⵍⵍⵉ ⵜⵙⵙⵏⵜⵉ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ, ⵜⵔⴰ ⴰⴷ ⵜⵎⵍ  ⵉ ⵡⴰⵎⵓⵏ ⵓⵖⵔⵉⵎ ⵜⵉⵔⵎⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵓⵎⵏⵉⴷ ⴰⴷ ⵙ ⵜⵓⵙⵙⵏⴰ ⵙ ⵜⵎⵙⴽⵔⵜ ⴰⴷ ⵜⴰⴷⵙⵜⴰⵔⵜ  ⵖ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ.

ⵔⴰⴷ ⵉⴷⵔⵓ ⵖ ⵜⵉⵏⴰⵡⵜ ⴰⴷ ⴽⵉⴳⴰⵏ ⵏ ⵉⵎⵙⵜⴳⴳⴰⵔⵏ ⵏ ⵓⴱⵕⵍⴰⵎⴰⵏ ⴷ ⵜⵏⴱⴰⴹⵜ ⴷ ⵜⵎⵙⵎⵓⵏⵉⵏ, ⵖⵎⴽ ⴰⵏⵏ ⴷ ⵉⵎⵓⵣⴰⵢⵏ ⵉⵎⵖⵔⴰⴱⵉⵢⵏ ⴷ ⵉⴱⵕⵕⴰⵏⵉⵢⵏ.

ⵉⵜⵜⵓⵙⵙⴰⵏ ⵎⴰⵙ ⵉⵙⴽⵔ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵜⵡⴰⵍⴰ ⴰⴷ ⵜⴰⵣⵣⵔⴰⴼⵜ ⵜⴰⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⵎⴽ ⵉⵍⵍⴰⵏ ⵖ ⵓⵎⵏⵏⵉ 33 ⵖ ⵓⵙⵏⵎⴰⵍⴰ ⴰⴳⵯⵏⵙⴰⵏ ⵍⵍⵉ ⴷ ⵢⵉⵡⵉⵏ ⴰⴷ ⵉⵙⴽⵔ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⵖ ⵍⵍⴰⵏ ⴽⴽⵓⵥ ⵉⴳⵎⴰⵎⵏ ⵙⵉⵏ ⴳⴰⵏ ⵡⵉⵏ ⵜⵓⴳⵜ ⴷ ⵙⵉⵏ ⵡⵉⵏ ⵜⵓⵣⵍⵜ. ⵖⵎⴽ ⵍⵍⵉ ⴷ ⵢⵉⵡⵉ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 44.14 ⴼ ⵜⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵜⵙⵏⵙⵉ ⵏ ⵓⵣⵔⴼ ⵏ ⵜⵏⴽⴷⴰ ⵏ ⵜⵓⵍⴽⵉⵎⵉⵏ ⵉ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ, ⴼ ⴰⴷ ⵜⵜⵓⵙⴽⵉⵔ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⵖ ⵓⵙⵇⵇⵉⵎ ⵏ ⵉⵎⵓⵔⴰ, ⵔⴰⴷ ⵜⵣⵣⵔⴰⵢ ⴼ ⵜⵓⵍⴽⵉⵎⵉⵏ ⴷ ⵉⵍⴽⴽⵎⵏ ⴰⵙⵇⵇⵉⵎ.