ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵜⵓⵏⵙ: ⵜⴷⵔⵓ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ, ⵜⴰⵏⴼⵍⵓⵙⵜ ⵏ ⵓⵙⵇⵇⵉⵎ, ⴳ ⵓⵏⵎⵓⵇⵇⴰⵔ ⵏ ⵜⵔⴰⴱⴱⵓⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵙⵎⴰⵢⵏⵓ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ, 24 ⴰⵔ 26 ⵢⵓⵍⵢⵓⵣ 2023
ⵜⴷⵔⵓ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ, ⵜⴰⵏⴼⵍⵓⵙⵜ ⵏ ⵓⵙⵇⵇⵉⵎ, ⴳ ⵓⵏⵎⵓⵇⵇⴰⵔ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵙⵎⴰⵢⵏⵓ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⵉⴹⴼⵕⵏ ⴰⴱⵕⵍⴰⵎⴰⵏ ⴰⵄⵕⴰⴱ ⴳ 24 ⴰⵔ 26 ⵢⵓⵍⵢⵓⵣ ⴳ ⵜⵓⵏⵙ.
ⵜⵙⵎⵏⵉⴷ ⵎⴰⵙⵙⴰ ⵙⵙⴰⵇⵉ ⵜⵉⵔⵎⵉⵜ ⵏ ⵍⵎⵖⵔⵉⴱ ⴳ ⵓⵙⴱⴷⴷⵉ ⵏ ⵓⴱⴽⴽⴰⴹ ⴰⵍⵉⴽⵟⵕⵓⵏⵉ, ⵙ ⵓⵙⵔⵙ ⵏ ⵓⵙⴰⵜⵉ ⴰⵎⵔⵙⵍⴰⵏ ⵏ ⵜⵏⴼⵔⵓⵜ ⵜⴰⵍⵉⴽⵟⵕⵓⵏⵉⵜ, ⴰⵎ ⴰⵙⵍⵀⵏ 05.20 ⵉ ⵓⵙⴼⵍⵙ ⵏ ⵉⵏⴳⵔⴰⵡⵏ ⵏ ⵜⵎⵓⵛⴰ ⴳ ⵜⵎⵙⵙⵓⴳⵓⵔⵉⵏ ⴷ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ. ⴼ ⵓⵙⵍⴳⵏ 07.03 ⵉⵥⵍⵉⵏ ⵙ ⵉⴱⴽⴽⴰⴹⵏ ⵏ ⵓⴳⴳⵔ ⵉ ⵉⵏⴳⵔⴰⵡⵏ ⵏ ⵓⵙⵎⴽⵍ ⵏ ⵉⵎⴰⵙⵙⵏ ⵏ ⵜⵎⵓⵛⴰ ⵍⵍⵉ ⴳ ⵍⵍⴰⵏⵜ ⵎⵏⵏⵡⴰⵜ ⵜⵏⴼⴳⵓⵔⵉⵏ.
ⵜⵖⵔ ⵉ ⵓⵙⵎⴰⵢⵏⵓ ⵏ ⵉⵣⵣⵔⴰⴼⵏ ⵉⵏⴰⵎⵓⵔⵏ ⴳ ⵉⵡⴰⵏⴽⵏ ⴰⵄⵕⴰⴱⵏ ⵙ ⵓⵎⵙⴰⵙⴰ ⴷ ⵜⵏⴰⵥⴰⵕⵉⵏ ⴷ ⵉⵎⵉⵣⵉⵜⵏ ⵉⵎⴰⵢⵏⵓⵜⵏ ⵣⴷⵉⵏⵉⵏ ⴷ ⵜⵏⴼⵔⵓⵜ ⵜⴰⵍⵉⴽⵟⵔⵓⵏⵉⵜ, ⵃⵎⴰ ⴰⴷ ⵢⵉⵍⵉ ⵓⴼⵔⴰⴳ ⵏ ⵉⵏⴳⵔⴰⵡⵏ ⵏ ⵜⵎⵓⵛⴰ ⵙⴳ ⵉⵎⵉⵣⵉⵜⵏ ⵍⵍⴰⵏⵉⵏ.
ⵉⴷⵔⵓ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵄⴰⴱⴷⵕⵕⴰⵃⵎⴰⵏ ⵍⵄⵙⵓⵎⵉ, ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⵍⵍⵉ ⵉⵙⴰⵡⵍⵏ ⴼ ⵉⵡⵜⵜⴰⵙⵏ ⵏ ⵓⴱⵕⵍⴰⵎⴰⵏ, ⴷ ⵜⵉⵍⴰⵍⴰⵜ ⵏ ⵏ ⵜⵔⴰⴱⴱⵓⵜ ⵏ ⵜⵡⵡⵓⵔⵉ ⴳ ⵎⴰⴷ ⵉⵥⵍⵉⵏ ⵙ ⵓⴹⴼⵕ ⵏ ⵉⵡⴰⵏⴽⵏ ⴰⵄⵕⴰⴱⵏ ⴳ ⵓⴹⴼⵕ ⵏ ⵜⴳⵔⴰⵡⵍⵍⴰ ⵜⴰⵎⴰⵙⵙⴰⵏⵜ ⴷ ⵜⴻⵜⵉⴽⵏⵓⵍⵓⵊⵉⵜ, ⴷ ⵡⴰⵜⵉⴳ ⵏ ⵜⵏⴼⵔⵓⵜ ⵜⴰⵍⵉⴽⵟⵕⵓⵏⵉⵜ, ⴷ ⵓⵙⵏⵎⴰⵍⴰ ⵏ ⵏ ⵓⴳⵔⴰⵡ ⴼ ⵜⵏⴼⵔⵓⵜ ⴰⴷ ⴳ ⵎⴰⴷ ⵢⴰⵥⵏ, ⵉ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵎⵙⴽⴰⵔ ⵥⵉⵍⵏⵉⵏ.
ⵉⵎⵍⴰ ⵎⴰⵙⵙ ⵅⴰⵍⵉⴷ ⴰⴱⵓ ⵃⴰⵙⵙⴰⵏ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ, ⵎⴰⵙⵙ ⵎⵓⵃⴰⵎⵎⴰⴷ ⴱⵏ ⵄⵍⵉ ⴽⵓⵎⴰⵏ, ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⴰⵄⵕⴰⴱⵏ ⵏ ⵓⴳⵯⵏⵙ ⴰⵡⵜⵜⴰⵙ ⵏ ⵓⵙⴽⵔ ⵏ ⵜⵔⴰⴱⴱⵓⵜ ⴷ ⵜⵏⴰⵥⴰⵕⵉⵏ ⵍⵍⴰⵏⵉⵏ . ⵉⵙⴰⵡⵍ ⵓⵏⴼⵍⵓⵙ ⴰⵎⴰⵜⴰⵢ ⴼ ⵜⵓⴳⴳⴰⵙ ⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⴰⵄⵕⴰⴱⵏ ⵏ ⵓⴳⵯⵏⵙ ⴳ ⵓⵎⵏⵉⴷ ⵏ ⵓⴼⵔⴰⴳ ⵏ ⵉⵏⴳⵔⴰⵡⵏ ⵏ ⵜⵎⵓⵛⴰ ⴷ ⵓⵙⴱⴷⴷⵉ ⵏ ⵓⴱⵔⵙⵙⵉⵡ<ⴷ ⴰⵍⵉⴽⵟⵕⵓⵏⵉ, ⵉⵙⵓⵜⴳ ⵜⴰⵡⵡⵓⵔⵉ ⵏ ⵜⵔⴰⴱⴱⵓⵜ, ⵉⵙⴱⵔⵔⴽ ⵜⴰⵙⵡⵉⵏⴳⵎⵜ ⵏ ⵓⵣⵎⵎⴻⵎ ⵏ ⵜⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⵉ ⵓⵙⵎⵔⵙⵍ ⵏ ⵓⵣⴷⴰⵢ ⴷ ⵓⵎⵛⴰⵡⴰⵕ.
ⵉⴽⵛⵎ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵓⵙⵉⵙⵙⵏ ⵏ ⵜⵡⵡⵓⵔⵉ ⵏ ⵜⵔⴰⴱⴱⵓⵜ ⴰⴷ ⵉ ⵓⵙⴽⵔ ⵏ ⵜⵎⴷⵔⴰⵡⵉⵏ ⵜⵉⵎⴰⵢⵏⵓⵜⵉⵏ ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⴳ ⵎⴰⴷ ⵉⵍⵍⴰⵏ ⴳ ⵉⵡⵜⵜⴰⵙⵏ ⴷ ⵉⴳⵔⴰⵏ ⵏ ⵜⵡⵡⵓⵔⵉ ⵏⵏⵙ ⵉ ⵓⵙⵎⵖⵔ ⵏ ⵓⵙⵎⵔⵙ ⵏ ⵉⵎⴰⵙⵙⵏ ⵉⵎⵓⵟⵟⵓⵏⵏ ⴳ ⵓⵎⴰⴹⴰⵍ ⴰⵄⵕⴰⴱ ⴷ ⵓⵙⵎⵔⵙ ⵉⵕⵡⴰⵏ ⴷ ⵉⵙⵓⵍⵏ ⵏ ⵜⵎⴰⵙⵙⴰⵏⵉⵏ ⴷ ⵜⴻⵜⵉⴽⵏⵓⵍⵓⵊⵉⵜ.