ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵎⵓⵇⵇⴰⵔ ⴰⴱⵕⴰⵍⵎⴰⵏⵉ ⴰⴳⵔⵖⵍⴰⵏ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⵏ ⵓⴷⵔⵉⵎ ⴰⴳⵔⴰⵖⵍⴰⵏ ⵏ 2022
ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵏⵎⵓⵇⵇⴰⵔ ⴰⴱⵕⴰⵍⵎⴰⵏⵉ ⴰⴳⵔⵖⵍⴰⵏ ⵏ ⵍⴱⴰⵏⴽ ⴰⴳⵔⴰⵖⵍⴰⵏ ⴷ ⵓⴼⵏⵉⵇ ⵏ ⵓⴷⵔⵉⵎ ⴰⴳⵔⴰⵖⵍⴰⵏ ⵏ 2022 ⵙⴳ 13 ⴰⵔ 20 ⵉⴱⵔⵉⵔ ⵙ ⵓⵎⵢⴰⵡⴰⴹ ⵙ ⵜⵉⴳⴳⵓⴳⵜ. ⴷⵔⵓⵏ ⴳⵉⵙ ⵉⵎⵓⵔⴰ:
- ⵎⴰⵙⵙ ⴰⵏⵡⴰⵕ ⵚⴰⴱⵕⵉ, ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ.
- ⵎⴰⵙⵙ ⴰⵉⴷⵔⵉⵙ ⵛⵛⴱⵛⴰⵍⵉ, ⵜⴰⵥⵖⵕⵜ ⴷ ⵜⵎⴰⵜⵔⴰⵔⵜ.
- ⵎⴰⵙⵙ ⵎⵓⵃⴰⵎⵎⴰⴷ ⵍⵃⴰⴼⵉⴹ, ⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ.
- ⵎⴰⵙⵙ ⵄⴰⴱⴷⵍⵇⴰⴷⵔ ⵟⴰⵀⵉⵕ, ⵜⴰⵙⵔⵎⵓⵏⵜ.
- ⵎⴰⵙⵙⴰ ⴽⵍⵜⵓⵎ ⵏⴰⵄⵉⵎ, ⵜⴰⵃⴰⵔⴰⴽⵉⵜ.
- ⵎⴰⵙⵙⴰ ⵅⴰⴷⵉⵊⴰ ⵓⵍⴱⴰⵛⴰ, ⵜⴰⴷⵙⵜⴰⵔⵜ ⵜⴰⴷⵉⵎⵓⵇⵔⴰⵟⵉⵜ ⵜⴰⵏⴰⵎⵓⵏⵜ.
- ⵎⴰⵙⵙ ⵎⴰⵔⵢⴰⵎ ⵡⴰⵃⵙⴰⵜ, ⴰⵍⴰⵢ ⴷ ⵜⵙⵔⵎⵓⵏⵜ.
- ⵎⴰⵙⵙⴰ ⵄⴰⵉⵛⴰ ⵍⴽⵓⵟ, ⵜⴰⵣⵔⴼⵜ ⴷ ⵜⴳⵎⵉ.
ⵔⴰⴷ ⵢⵍⵉ ⴳ ⵓⴳⵔⴰⵡ ⴰⴷ ⴰⵎⴰⴹⴰⵕ ⴼ ⵜⵎⵙⴰⵔⵉⵏ ⵏ ⵜⴳⵎⵉ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵙⵡⵓⴷⴷⵓ ⵏ ⵉⵕⵟⵟⵍⵏ ⴷ ⵓⵏⵣⵡⵉ ⴷ ⵜⴷⵎⵙⴰ ⵜⴰⵣⴳⵣⴰⵡⵜ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⵉⵡⵉⵏ.
ⵔⴰⴷ ⴳⵉⵙ ⵉⴷⵔⵓ ⵓⴳⴳⴰⵔ ⵏ 80 ⵏ ⵓⴱⵕⵍⴰⵎⴰⵏⵉ ⵙⴳ ⵓⵕⵓⴱⴱⴰ ⴷ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ ⴷ ⵉⴼⵔⵉⵇⵢⴰ ⴷ ⵜⵎⵉⵣⴰⵔ ⵏ ⵡⴰⵄⵕⴰⴱⵏ ⴷ ⴰⵙⵢⴰ, ⵔⴰⴷ ⵢⵉⵍⵉ ⵡⴰⵡⴰⵍ ⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵉⵢⵉⵏ ⴳ ⵓⵙⴷⵓⵙ ⵏ ⵜⴷⵓⵙⵉ ⴷⴰⵜ ⵏ ⵉⴱⴰⵢⵢⵓⵕⵏ ⴷ ⵜⵉⵍⴰⵍⵜ ⵏ ⵓⵙⵎⴰⵢⵏⵓ ⴳ ⵓⵙⴱⴷⴷⵉ ⵏ ⵓⵛⵃⵓ ⵏ ⵓⵙⵙⵍⵎⴷ ⴷ ⵜⵎⵙⴰⵔⵉⵏ ⵢⴰⴹⵏⵉⵏ.
ⵉⴳⴰ ⵓⴱⴰⵏⴽ ⴰⴳⵔⴰⵖⵍⴰⵏ ⴰⵎⴷⵔⵓ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵎⵏⵉⴷ ⵏ ⵜⵎⵓⵣⴰⵢⵜ ⴷ ⵓⵎⵛⴰⵡⴰⵕ ⵙ ⵜⵉⵏⵏⴰⵡⵉⵏ ⴷ ⵜⵙⵓⵜⵍⵉⵏ ⵏ ⵓⵙⵎⵓⵜⵜⴳ.