ⵜⵉⵢⵢⴰⴼⵓⵜⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵙⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⴼ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵏ 2021

ⵉⵙⵙⵉⵅⴼ ⵎ.ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵕⴰⵙ 14 ⵢⵓⵍⵢⵓⵣ 2021 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵜⴰⴼⴼⵓⴳⵍⴰ ⵏ ⵜⵉⴽⴽⵉ ⵏ ⵜⵙⵎⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⴼ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵏ 2021, ⵙ ⵜⵉⵍⵉⵜ ⵏ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ , ⵉⴳⵎⴰⵎⵏ ⵏ ⵜⵙⵇⵇⵉⵎⵉⵏ ⵏ ⵜⵙⵎⵖⵓⵔⵉⵏ ⵙ ⵜⵏⵙⵙⵉⵅⴼⵜ ⵏ ⵎ.ⵎⵓⵃⴰⵎⵎⴰⴷ ⴰⵛⵔⴳⵉ ⴷ ⵎ.ⵢⵓⵏⵓⵙ ⵎⵓⵊⴰⵀⵉⴷ, ⴷ ⵉⵎⵙⴷⴰⵡⵏ, ⴷ ⵉⵏⵖⵎⴰⵙⵏ ⴷ ⵜⵏⵖⵎⴰⵙⵉⵏ.

ⵉⵏⵏⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵢⴰⵜ ⵜⴳⵓⵔⵉ ⵖ ⵉⵙⴷⴷⵉⴷ ⵎⴰⵙ ⵉⴳⴰ ⵓⵙⵏⵎⴰⵍⴰ ⵏ ⵜⴼⴼⵓⴳⵍⴰ ⴰⴷ ⵜⴰⵎⴰⵙⵙⴰⵏⵜ ⵉⵥⵍⵉⵏ ⵙ ⵓⵙⵎⵖⵔ ⵏ ⵡⵉⴷⴰ ⵎⵓ ⵜⵚⴰⵃⴰ ⵜⵙⵎⵖⵓⵔⵜ, ⵉⴳⴰ ⴰⵙⵎⵀⵍ ⵏ ⵓⵏⴳⵔⴰⵡ ⴰⴳⵏⵙⴰⵏ ⵏ ⵓⵙⵇⵇⵉⵎ, ⵉⴳ ⴰⵙⴷⵓⵙ ⵏ ⵜⵙⵔⵜⵉⵜ ⵏ ⵓⵏⵏⵓⵕⵥⵎ ⵉⴳⴰⵏ ⴰⵙⵡⴰⵍⴰ ⴰⵙⵜⵔⴰⵜⵉⵊⵉ ⵏ ⵓⵙⵇⵇⵉⵎ, ⴰⵏⵏⵓⵕⵥⵎ ⴼ ⵡⴰⵎⵓⵏ ⵏ ⵓⵙⵇⵇⵉⵎ ⵙ ⴽⵓ ⵉⴼⵔⴷⴰⵙ ⵏⵏⵙ ⵖ ⵉⵍⵍⴰ ⵓⴼⵔⴷⵉⵙ ⴰⵎⴰⵙⵙⴰⵏ ⴷ ⵓⵏⵖⵎⴰⵙ, ⵍⵍⵉⵖ ⵜⴻⵟⵟⴰⴼ ⵜⵓⵙⵙⵏⴰ ⴷ ⵜⵏⵖⵎⴰⵙⵜ ⵜⵉⵍⴰⵍⵜ ⵖ ⵜⵣⵣⵉⴳⵣⵜ ⴷ ⵜⴳⵎⵉ, ⴷ ⵜⵡⵉⵙⵉ ⴳ ⵓⵙⵎⵖⵔ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⴷ ⵜⵙⵔⵜⴰⵏⵜ.

ⵉⵏⵏⴰ ⵎ.ⵍⵎⴰⵍⴽⵉ ⵎⴰⵙ ⵜⵡⴰⵜⵜⵙ ⵜⵙⵖⵓⵔⵜ ⵜⴰⵏⴰⵎⵓⵔⵜ ⵏ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⴼ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⴰⵙⵓⵜⴳ ⵏ ⵉⵔⵣⵣⵓⵜⵏ ⵉⵎⴰⵙⵙⴰⵏⵏ ⴷ ⵜⵡⵡⵓⵔⵉⵡⵉⵏ ⵜⵉⵏⵖⵎⴰⵙⵉⵏ ⵥⵉⵍⵏⵉⵏ, ⴷ ⵓⵙⵙⵔⵇⴱ ⵏ ⵉⵎⵔⵣⵓⵜⵏ ⴷ ⵉⵏⵖⵎⴰⵙⵏ ⵉⵄⵔⵔⵉⵎⵏ ⴼ ⴽⵉⴳⴰⵏ ⵏ ⵜⵡⵡⵓⵔⵉ ⵉ ⵓⴹⴼⵕ ⴷ ⵜⵖⵔⵉ ⴷ ⵓⵙⴼⵙⵉ ⵏ ⵓⵏⴳⵔⴰⵡ ⴰⴷⵙⵜⴰⵔ ⴷ ⵓⵙⵔⵜⴰⵏ ⴳ ⵜⵎⴰⵣⵉⵔⵜ ⵏⵏⵖ ⴷ ⵓⴱⵔⵉⴷ ⵏ ⵜⴳⵎⵉ ⵜⴰⵙⵔⵜⴰⵏⵜ ⴷ ⵜⴷⵉⵎⵓⵇⵔⴰⵟⵉⵜ.

ⵢⵉⵏⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⴷ ⴰⵣⴷⴰⵢ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵜⵡⵡⵓⵔⵉ ⵜⴰⵏⵖⵎⴰⵙⵜ ⴷ ⵜⵉⵍⴰⵡⵜ ⵏ ⵡⴰⵎⵓⵏ, ⵔⴰⴷ ⵙⴽⵔⵏ ⴳ ⵉⵔⵣⵣⵓⵜⵏ ⵉⵎⴰⵙⵙⴰⵏⵏ ⴷ ⵉⵢⴰⴼⵓⵜⵏ ⵉⵏⵖⵎⴰⵙⵏ ⴳ ⵢⵉⴳⵔ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵢⴰⵏ ⵓⵙⴰⵖⵓⵍ ⴰⴷⵙⵍⴰⵏ ⵍⵍⵉ ⵙ ⵔⴰⴷ ⵓⵔⵔⵉⵏ ⵉⴼⵔⴷⴰⵙ ⵏ ⵓⵙⵇⵇⵉⵎ ⴷ ⴽⵓ ⵉⵎⵙⴽⴰⵔⵏ.

ⴳ ⵜⴼⴼⵓⴳⵍⴰ ⴰⴷ, ⵜⵜⵓⵏⵏⴰⵏ ⵉⵙⵎⴰⵡⵏ ⵏ ⵡⵉⴷⴰ ⵉⵡⵉⵏⵉⵏ ⵜⵉⵙⵎⵖⵓⵔⵉⵏ:

- ⵎ.ⵢⵓⵙⵓⴼ ⴱⵏⵀⵉⴱⴰ, ⵜⴰⵙⵎⵖⵓⵔⵜ ⵏ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ ⴼ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵜⴰⵙⵎⵖⵓⵔⵜ ⵏ ⵓⵙⵙⵔⵇⴱ ⴼ: ⵜⴰⵣⵓⵍⵜ ⵜⴰⴱⵕⵍⴰⵎⴰⵏⵉⵜ ⴳ ⵓⵏⴳⵔⴰⵡ ⴰⴷⵙⵜⴰⵔ ⴰⵎⵖⵔⵉⴱⵉ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ ⵜⵥⴰⵜ- ⵜⵉⵖⵔⵉ ⵏ ⵓⵎⵣⴰⵣⴰⵍ, ⵉⴽⵛⵎ ⴳ ⵓⵙⵓⵊⴷ ⵏ ⴷⴷⵓⴽⵟⵓⵕⴰ ⴳ ⵓⵙⵍⴳⵏ ⴰⵎⴰⵜⴰⵢ.

- ⵎ.ⵎⵓⵃⴰⵎⵎⴰⴷ ⵏⴰⴼⵄ (ⴰⵖⵎⵉⵙ ⵏ le Reporter), ⵜⴰⵙⵎⵖⵓⵔⵜ ⵏ ⵓⵙⵓⵜⴳ.

- ⵎ.ⵍⵊⵉⵍⴰⵍⵉ ⴱⵏⵃⴰⵍⵉⵎⴰ (ⴰⵖⵎⵉⵙ ⴰⵍⴰⵃⴷⴰⵜ ⴰⵍⵎⴰⵖⵔⵉⴱⵉⵢⵢⴰ), ⵜⴰⵙⵎⵖⵓⵔⵜ ⵏ ⵜⵏⵖⵎⴰⵙⵜ ⵜⴰⴱⵕⵍⴰⵎⴰⵏⵉⵜ ⵉⵜⵜⵢⵓⵔⴰⵏ ⴼ “ⵍⴽⴰⵡⴰⵍⵉⵙ ⵏ ⵓⵙⵖⵣⵏ ⵏ ⵓⵎⵏⵏⵉ 9 ⴳ ⵓⵙⵍⴳⵏ ⵏ ⵓⵥⵕⴼ 2020”.

- ⵎ.ⴰⵏⴰⵙ ⵍⵄⵎⵕⴰⵏⵉ (ⵜⴰⴱⴰⴷⵓⵜ ⵜⵉⵙ ⵙⵏⴰⵜ) ⵜⴰⵙⵎⵖⵓⵔⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵍⵉⵥⵕ, ⴰⵖⴰⵡⴰⵙ ⴼ ⵜⵎⵔⵙⴰⵍ ⵏ ⵓⴼⵔⴰⴳ ⴰⵏⴰⵎⵏ (ⵜⴰⵙⵖⵓⵏⵜ ⴰⴱⵕⵍⴰⵎⴰⵏ ⴷ ⵉⵡⴷⴰⵏ).