ⴰⵙⵉⵔⴰ(2016-2021):
ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵡⴰⵣⵣⵉⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵎⵓⵏⵉ ⵏ “ⴼⵓⴱⵔⵉⵍ”, ⵉⵙⴰⵡⵍ ⴼ ⵜⵉⵔⵎⵉⵜ ⵏ ⵍⵎⵖⵔⵉⴱ ⴳ ⵓⵙⴱⴷⴷⵉ ⵏ ⴽⵓⴼⵉⴷ 19
ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵡⴰⵣⵣⵉⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 15 ⵉⴱⵔⵉⵔ 2021, ⴳ ⵜⵙⵎⵓⵏⵉ ⵜⴰⵎⵣⵡⴰⵔⵓⵜ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵥⵍⵉⵏ ⵙ ⵓⵙⵉⵊⵊⵉ ⵙⴳ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⵉⴹⴼⵕⵏ ⵉ ⵓⵏⵎⵓⵇⴰⵔ ⵏ ⵉⵏⵙⵙⵉⵅⴼⵏ ⴷ ⵜⵏⵙⵙⵉⵅⴼⵉⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵔⴰⵢⵉⴱ ⴷ ⵍⵎⵉⴽⵙⵉⴽ -ⴼⵓⴱⵔⵉⵍ- ⵙ ⵓⵎⴼⵉⵣⵢⵓⴽⵓⵏⴼⵉⵕⵓⵏⵚ.
ⴳ ⵜⴳⵓⵔⵉ ⵏⵏⵙ, ⵉⵙⴷⴷⵉⴷ ⵎⴰⵙⵙ ⵡⴰⵣⵣⵉⵏ ⵎⴰⵙ ⵜⵎⵎⴰⵙⵙ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵙ ⵓⵍⴳⴳⵓⴷ ⴷ ⵜⵉⵕⵡⵉ ⵉ ⵓⵙⴱⴷⴷⵉ ⵏ ⵓⴱⴰⵢⵢⵓⵕ ⴽⵓⴼⵉⴷ 19 ⴳ ⵉⵙⵡⵉⵔⵏ ⵉⴷⵓⵙⴰⵏⵏ ⴷ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ, ⵙ ⵉⵎⵉⵥ ⵏ ⵓⵙⴼⵔⵓⵔⵜ ⵏ ⵓⴼⵉⵔⵓⵙ ⴷ ⵓⵙⴽⵔ ⵏ ⵓⴼⵏⵉⵇ ⵏ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⴷ ⵓⵙⵡⵓⵔⵉ ⵉ ⵓⵙⴱⴷⴷⵉ ⵏ ⵓⴷⵔⵉⵣ ⵏ ⵜⵎⵙⵓⵜⵍⵜ ⴰⴷ ⵉⵛⴷⴷⴰⵏ ⵙ ⵜⵉⴽⴽⵉ ⵏ ⵜⵡⵉⵙⵉ ⵜⴰⵏⴰⵎⵓⵏⵜ ⵉ ⴽⵔⴰ ⵏ ⵉⵡⴷⴰⵏ, ⵢⵉⵏⵉ ⵎⴰⵙ ⵔⴰⴷ ⵉⵙⴽⵔ ⵍⵎⵖⵔⵉⴱ ⴰⴼⵔⴰⴳ ⴰⵎⴳⵔⵓ ⵙ ⵓⵎⵓⵙⵙⵓ ⴰⵏⴰⵎⵓⵔ ⵏ ⵓⴳⵣⵣⴰⵢ.
ⵉⵙⵓⵜⴳ ⵎⴰⵙⵙ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵉⵔⴰ ⵜⴰⵙⵏⵜⴰⵢⵜ ⵏ ⵓⵙⴽⵔ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵉⵊⵊⵉ ⵙⴳ ⵓⴱⴰⵢⵢⵓⵕ ⵏ ⴽⵓⴼⵉⴷ 19, ⵔⴰⴷ ⵜⵙⵔⵙ ⴰⵖⴰⵡⴰⵙ ⵏ ⵜⵡⵓⵔⵉ ⵉ ⵓⴹⴼⵕ ⵏ ⵓⵖⴰⵡⴰⵙ ⴰⵏⵎⵏⴰⴹ ⵏ “ⴼⵓⴱⵔⵉⵍ” ⵉ ⵡⴰⵔⴰⵢ ⴷ ⵓⵙⴱⴷⴷⵉ ⵏ ⴳⴰⵔ ⵉⴷⵔⵉⵣⵏ ⵏ ⴽⵉⴼⵓⴷ19, ⴷ ⵓⵙⵏⴰⵍ ⵏ ⵓⵎⵛⴰⵡⴰⵕ ⴷ ⵓⵙⵉⴳⵓⵜ ⵏ ⵜⵓⴳⴳⴰⵙ ⵜⵉⴱⵕⵍⴰⵎⴰⵏⵉⵢⵉⵏ ⵉ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵓⴱⴰⵢⵢⵕ ⵡⵉⵏ ⵏ ⵡⴰⴷⴰⵙ ⴷ ⵡⵉⵏ ⵜⵉⴳⴳⵓⴳⵜ.
ⵉⴳⴰ ⵍⵎⵖⵔⵉⴱ ⴰⴳⵎⴰⵎ ⵉⵎⵥⵕⵉ ⴳ ⵓⵏⵎⵓⵇⴰⵔ ⵏ “ⴼⵓⴱⵔⵉⵍ” ⵙⴳ 2014, ⵉⵜⵜⵓⵙⴽⴰⵔ ⴳ 1994, ⵉⵡⴰⵜⵜⵙ ⴰⵙⵏⴰⵍ ⵏ ⵉⵎⴰⵙⵙⵏ ⵏ ⵓⵙⴽⵔ ⴷ ⵓⵣⴷⴷⵓⵢ ⵏ ⵉⵣⵣⵔⴰⴼⵏ ⵊⴰⵔ ⵉⵡⴰⵏⴽⵏ ⵉⴳⵎⴰⵎⵏ, ⴷ ⵓⵙⴽⵔ ⵏ ⵉⵎⴰⵙⵙⵏ ⵏ ⵓⵎⵛⴰⵡⴰⵕ ⵊⴰⵔ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵉ ⵓⵙⵎⴽⵍ ⵏ ⴽⵓ ⵜⵉⵎⵓⴽⵔⵉⵙⵉⵏ ⵏ ⵜⵙⴳⴰ, ⴷ ⵓⵙⵏⴰⵍ ⵏ ⵜⵖⵓⵔⵉⵡⵉⵏ ⵜⵉⵣⵣⵔⴰⴼⵉⵏ ⴳ ⵓⵙⵡⵉⵔ ⴰⵏⵎⵏⴰⴹ.
ⵉⵙⵎⵓⵏ ⵓⵏⵎⵓⵇⴰⵔ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎ ⵉⵣⵣⵔⴰⴼⵏ ⵏ ⵎⵔⴰⵡ ⵉⵡⴰⵏⴽⵏ: ⴳⵡⴰⵟⵉⵎⴰⵍⴰ, ⴱⵉⵍⵉⵣ, ⵙⵙⴰⵍⴼⴰⴹⵓⵕ, ⵀⵉⵏⴷⵓⵕⴰⵚ, ⵏⵉⴽⴰⵔⴰⴳⵡⴰ, ⴽⵓⵙⵜⴰⵔⵉⴽⴰ, ⴱⴰⵏⴰⵎⴰ, ⴷⴷⵓⵎⵉⵏⵉⴽⴰⵏ, ⵍⵎⵉⴽⵙⵉⴽ, ⴱⵓⵔⵜⵓⵔⵉⴽⵓ. ⵉⵍⵍⴰ ⵓⵙⵖⵉⵎ ⵏⵏⵙ ⴳ ⵎⴰⵏⴰⴳⵡⴰ ⵜⴰⵎⴰⵥⵓⵏⵜ ⵏ ⵜⴳⴷⵓⴷⴰⵏⵜ ⵏ ⵏⵉⴽⴰⵕⴰⴳⵡⴰ.