ⵉⴷⵔⵓ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⴳ ⵜⵙⵓⵜⵍⵜ ⵏ ⵓⵎⵡⴰⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴳ ⴱⵔⵉⴼⴰⵏ-ⴰⵔⵎⵉⵏⵢⴰ, 18 ⴷ 20 ⵏⵓⵡⴰⵏⴱⵉⵔ 2023
ⵉⴷⵔⵓ ⵓⴽⴰⴱⴰⵕ ⵙⴳ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴳ ⵜⵙⵓⵜⵍⵜ ⵏ ⵓⵎⵡⴰⵏ ⵜⵉⵙ 21 ⵉⵍⵍⴰⵏ ⴳ ⵜⵎⴰⵥⵓⵏⵜ ⵏ ⴱⵔⵉⴼⴰⵏ ⴳ ⴰⵔⵎⵉⵏⵢⴰ ⵙⴳ 18 ⴰⵔ 20 ⵏⵓⵡⴰⵏⴱⵉⵔ 2023.
ⵢⵓⵎⴰ ⵓⴽⴰⴱⴰⵕ ⴰⴷ ⵙⴳ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵎⵓⵚⵟⴰⴼⴰ ⵜⵓⵜⵓ ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⴷ ⵎⴰⵙⵙ ⵅⴰⵍⵉⴷ ⵃⴰⵜⵉⵎⵉ ⵙⴳ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ, ⵙⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙⵙⴰ ⴼⴰⵟⵉⵎⴰ ⵍⵃⵙⵙⴰⵏⵉ ⵙⴳ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ ⴷ ⵎⴰⵙⵙ ⵉⴱⵕⴰⵀⵉⵎ ⵛⴽⵉⵍⵉ ⵙⴳ ⵜⵔⴰⴱⴱⵓⵜ ⵏ ⵜⵥⵖⵕⵜ ⴷ ⵜⵎⴰⵜⵔⴰⵔⵜ.
ⴳ ⵜⵙⵓⵜⵍⵜ ⴰⴷ ⵍⵍⵉ ⵜⵙⵏⵓⴱⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴰⵔⵎⵉⵏⵢⴰ, ⴷⵔⵓⵏ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵏ ⵉⵏⴰⵎⵓⵔⵏ ⵙⴳ 57 ⵏ ⵓⵡⴰⵏⴽ ⴰⴳⵎⴰⵎ ⴳ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ, ⴷ ⵉⴳⵯⵏⵙⴰⵙⵏ ⵏ ⵜⵏⴱⴰⴹⵜ ⵏ ⴰⵔⵎⵉⵏⵢⴰ ⴷ ⵉⵎⵙⵜⴳⴳⴰⵔⵏ ⵙⴳ ⵜⵎⴰⴷⴷⴰⵙⵜ ⴷ ⵉⵎⵓⵣⴰⵢⵏ ⵉⵎⵣⵍⴰⵢⵏ ⴳ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵉⵙⵓⴳⴰⵎ ⵏ ⵜⵙⵓⵜⵍⵜ ⴰⴷ.
ⵜⵍⵍⴰ ⴳ ⵓⵖⴰⵡⴰⵙ ⵏ ⵜⵙⵓⵜⵍⵜ ⵜⴰⵙⵎⵓⵏⵉ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ ⴷ ⵓⵙⴽⵔ ⵏ ⵓⴳⵔⴰⵡ ⴰⴱⵕⵍⴰⵎⴰⵏⵉ ⴷⴷⵓ ⵜⵎⴰⵜⴰⵔⵜ: “ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴳ ⵓⵣⵎⵣ ⵏ ⵜⴰⵙⵙⴰⵙⵉⵏ: ⵜⵉⵍⴰⵍⵜ ⵏⵏⵙ ⴳ ⵜⵎⵔⴰⵔⵓⵜ ⵉ ⵜⵏⴰⵥⴰⵕⵉⵏ ⵜⵉⴳⵯⵏⵙⴰⵏⵉⵏ ⴷ ⵜⵉⵏ ⴱⵕⵕⴰ”. ⵖⵎⴽ ⵍⵍⵉ ⵔⴰⴷ ⵉⵍⵉⵏⵜ ⴽⵕⴰⴹⵜ ⵜⵖⵉⵎⵉⵜⵉⵏ ⵏ ⵜⵙⵇⵇⵉⵎⵉⵏ ⴳⴰⵏⵉⵏ ⴽⵕⴹⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ, ⵜⵖⵔⴰ ⵜⵙⵇⵇⵉⵎⵜ ⵜⴰⵎⴰⵜⴰⵢⵜ ⵏ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⵏⴼⵔⵓⵜ ⵜⵉⵍⴰⵍⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴳ ⵓⵣⵎⵣ ⵏ ⵉⵎⴰⵖⵏ, ⵜⵖⵔ ⵜⵙⵇⵇⵉⵎⵜ ⵜⴰⵎⴰⵜⴰⵢⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵎⵙⴰⵏⵉⵏ ⴷ ⵜⵎⴰⵙⵙⴰⵏⵉⵏ ⴷ ⵜⴻⵜⵉⴽⵏⵓⵍⵓⵊⵉⵜ ⴷ ⵡⴰⵡⵏⴰⴹ ⴰⵙⵏⵜⵍ ⵏ ⵓⵙⴳⵓⴼⵙⵓ ⴷ ⵉⴷⵔⵉⵣⵏ ⴷ ⵉⴷⵔⵉⵣⵏ ⵏⵏⵙ ⴼ ⵓⴼⵔⴰ ⴷ ⵜⵏⴼⵔⵓⵜ, ⵜⵙⵎⴷ ⵜⵙⵇⵇⵉⵎⵜ ⵜⴰⵎⴰⵜⴰⵢⵜ ⵉ ⵜⴷⵉⵎⵓⵇⵔⴰⵟⵉⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵙⴰⵔⵉⵏ ⵜⵉⵏⴼⴳⴰⵏⵉⵏ ⵜⵉⵡⵓⵔⵉⵡⵉⵏ ⵏ ⵓⴳⵔⴰⵡ ⵙ ⵜⵖⵔⵉ ⵏ ⵓⵙⵏⵜⵍ ⵉⵣⴷⵉⵏ ⴷ “ⵓⴼⵔⴰⴳ ⴷ ⵓⵡⵇⵇⵔ ⵏ ⵜⵎⴷⵔⵓⵙⵉⵏ ⴷ ⵉⵡⴷⴰⵏ ⵜⵜⴰⵡⴹⵕⵕⴰⵏⵉⵏ ⵙⴳ ⵉⵎⴰⵖⵏ ⴳ ⵉⵍⵍⴰ ⵓⵔⴱⴰⴱ”
ⴳ ⵜⵙⵓⵜⵍⵜ ⴰⴷ, ⵜⵙⵏⵎⴰⵍⴰ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴰⵏⵎⵓⵇⵇⴰⵔ ⴰⵏⴰⵎⵎⴰⵙ ⵏ ⵜⵎⵙⵎⵓⵏⵜ ⵅⴼ ⵓⵙⵓⵔⵙ ⵉⵍⵍⴰⵏ ⴳ ⵜⵙⴳⴰ ⵏ ⵍⵇⴱⵍⵜ ⵜⴰⵏⴰⵎⵎⴰⵙⵜ. ⵉⵙⴰⵡⵍ ⵎⴰⵙⵙ ⴰⵎⴰⵔⵉ ⵅⴰⵍⵉⴷ ⵃⴰⵜⵉⵎⵉ ⴼ ⵓⵙⵓⵔⵙ ⵉⵥⵍⵉⵏ ⴳ ⵜⵍⵍⴰ ⵜⵙⵓⵜⵍⵜ ⴰⴷ, ⴷ ⵓⵎⵏⴰⴹ ⵉⵣⴷⵉⵏ ⴷ ⵉⵎⴰⵖⵏ ⵍⵍⴰⵏⵉⵏ ⴳ ⵖⴰⵣⵣⴰ ⴷ ⵉⵎⵜⵜⵉⵡⵏ ⴷ ⵉⵎⵓⴳⴰⵙ ⵍⵍⴰⵏⵉⵏ ⴷ ⵓⵎⵔⴷⵓⴽⴽⵓ ⴷ ⵓⴼⵔⴰⴳ ⴰⵎⴰⵜⴰⵢ ⵍⵍⵉ ⵉⴳⴰⵏ ⵜⵉⵕⵥⵉ ⵏ ⵉⵎⵇⵇⵏⵏ ⵉⵣⵔⴼⴰⵏⵏ ⴷ ⵉⴱⴹⵉⵢⵏ ⵏ ⵓⵙⵍⴳⵏ ⴰⴳⵔⴰⵖⵍⴰⵏ ⴰⵏⴼⴳⴰⵏ. ⵉⵙⴷⴷⵉⴷ ⵓⵍⴰ ⴼ ⵡⴰⴷⴷⴰⴷ ⵏ ⵍⵎⵖⵔⵉⴱ ⴷ ⵜⵓⴳⴳⵯⴰⵙ ⵏⵏⵙ ⵜⵉⴷⵉⴱⵍⵓⵎⴰⵙⵉⵢⵉⵏ ⵣⴷⵉⵏⵉⵏ ⵉ ⵓⴼⵓⴽⴽⵓ ⵏ ⵜⵎⵙⴰⵔⵜ ⵜⴰⴼⵉⵍⵉⵙⵟⵉⵏⵉⵜ ⵙ ⵓⵙⵕⵚⵓ ⵏ ⵓⵎⵏⴰⴷ ⴰⵙⵔⵜⴰⵏ ⵉⵜⵜⴰⵡⵙⵏ ⴳ ⵓⵙⵙⵉⴷⵔ ⵏ ⵓⴼⵙⵙⴰⵢ ⵏ ⵙⵉⵏ ⵉⵡⴰⵏⴽⵏ ⴼ ⵉⵍⵍⴰ ⵓⵎⵙⴰⵙⴰ ⴰⴳⵔⴰⵖⵍⴰⵏ ⴷ ⵓⵙⵔⵙ ⵏ ⵉⵎⴰⵙⵙⵏ ⵏ ⵜⵏⴼⵔⵓⵜ ⵜⴰⵏⵎⵏⴰⴹⵟ ⵉⵙⵓⵍⵏ ⴳ ⵉⵍⵍⴰ ⵚⴰⵃⴰ ⴷ ⵓⵔⴳⴳⵉⴳ ⵏ ⵉⵎⴰⴷⴰⵏⵏ ⵏ ⵜⵙⴳⴰ.
ⵉⵙⴽⵔ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴰⵏⵎⵓⵇⵇⴰⵔ ⴰⴽⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⴼⵕⴰⵏⵚⴰ ⵙ ⵜⵉⵍⵉⵜ ⵏ ⵎⴰⵙⵙ PASCAL ALLIZARD ⴰⴳⵯⵏⵙⴰⵙ ⵉⵥⵍⵉⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⵉ ⵜⵖⴰⵡⵙⵉⵡⵉⵏ ⵓⵕⵓⵜⵉⵏⴰⵎⵎⴰⵙⵉⵏ, ⵉⵍⵍⴰ ⵓⵙⴷⴷⵉⴷ ⴼ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵉⵢⵏ ⴳ ⵓⵙⴷⵓⵙ ⵏ ⵓⵏⵔⴰⵎⴰⵙ ⴷ ⵓⵎⵢⴰⵡⴰⴹ ⴰⵙⵓⵍⴰⵏ, ⵉⵍⵍⴰ ⵓⵎⵙⴰⵙⴰ ⴼ ⵜⵣⵣⵉⴳⵣⵜ ⵏ ⵓⵎⵛⴰⵡⴰⵕ ⴷ ⵓⵣⴷⴰⵢ ⵙⵍⴰⵡⵏ ⴰⴽⴽⵯ ⴳ ⵓⵎⴰⵍⵓ ⵏ ⵜⴰⵙⵙⴰⵙⵉⵏ ⵍⵍⴰⵏⵉⵏ ⴳ ⵉⵙⵡⵉⵔⵏ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ.
ⵖⵎⴽ ⵍⵍⵉ ⵉⵙⴽⵔ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵏ ⵍⵎⵖⵔⵉⴱ ⴰⵏⵎⵓⵇⵇⴰⵔ ⴰⴽⴷ ⴰⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⴱⵕⵉⵟⴰⵏⵉ ⴳ ⵉⵍⵍⴰ ⵓⵙⵓⵜⴳ ⵏ ⵓⵙⵡⵉⵔ ⵉⵥⵉⵍⵏ ⵏ ⵜⵣⴷⴰⵢⵉⵏ ⵍⵍⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵢⵉⵍⵉ ⵓⵙⴷⴷⵉⴷ ⴼ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ.
ⵜⵍⵍⴰ ⵜⴷⵔⴰⵡⵜ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⴳ ⵜⵙⵓⵜⵍⵜ ⵏ ⵓⵎⵡⴰⵏ, ⴳ ⵓⵙⴰⵜⵉ ⵏ ⵓⵙⵓⵔⵙ ⵍⵍⵉ ⵉⵟⵟⴰⴼ ⵓⴱⵕⵍⴰⵎⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⴰⵎⴷⵔⴰⵡ ⴰⵏⴰⵎⵎⴰⵙ ⵉ ⵓⵎⵢⴰⵡⴰⵙ ⵙⴳ ⵓⴳⴳⴰⵔ ⵏ 20 ⵏ ⵓⵙⴳⴳⵯⴰⵙ.