ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵙⵉⵡⴹ ⵏ ⵜⵙⵇⵇⵉⵎⵜ ⵏ ⵓⵣⴷⴷⵓⵢ ⵊⴰⵔ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ, ⴰⴽⵕⴰⵙ 15 ⵢⵓⵍⵢⵓⵣ 2020
ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵓⵣⴷⴷⵓⵢ ⵊⴰⵔ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⵜⴰⵙⵎⵓⵏⵉ ⴰⵙⵙ ⵏ ⵓⴽⵕⴰⵙ 15 ⵢⵓⵍⵢⵓⵣ 2020 ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⵄⴰⴱⴷ ⵍⵃⴰⴽⵉⵎ ⴱⵏⵛⵎⵎⴰⵛ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⵖ ⵜⵣⵡⵉⵔⵉ, ⵙⴷⴷⵉⴷⵏ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⴼ ⵡⴰⵜⵉⴳ ⵉⵍⵍⴰⵏ ⴷⴰⵔ ⵜⵡⵓⵔⵉ ⵏ ⵜⵙⵇⵇⵉⵎⵜ ⵏ ⵓⵣⴷⴷⵓⵢ, ⵉⵇⵇⴰⵏ ⴷ ⴰⴷ ⴳⵉⵏⵜ ⵜⵙⵎⵓⵏⴰⵢ ⵏⵏⵙ ⵜⵓⵍⴳⵉⵏⵉⵏ ⵍⵍⵉⵖ ⵜⴳⴰ ⴰⵙⴰⵜⵉ ⵏ ⵜⵡⵓⵔⵉ ⵏ ⵓⵣⴷⴷⵓⵢ ⴼ ⵉⵙⴷⴰⵡⵏ ⵥⵍⵉⵏⵉⵏ ⴷ ⵜⵡⵓⵔⵉⵡⵉⵏ ⵜⵉⴷⵙⵜⴰⵔⵉⵏ ⵏ ⵓⴱⵕⵍⵎⴰⵏ.
ⵜⵍⵍⴰ ⵜⵙⵎⵓⵏⵉ ⴼ ⴽⵉⴳⴰⵏ ⵏ ⵜⵎⵙⴰⵔⵉⵏ ⵏ ⵓⵣⴷⴷⵓⵢ ⵊⴰⵔ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ, ⴳⵉⵙⵏⵜ ⴰⵙⵏⴼⴰⵔ ⵏ ⵓⵙⴰⵔⵓ ⴰⴱⵕⵍⴰⵎⴰⵏⵉ, ⵜⴰⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ, ⴷ ⴽⵉⴳⴰⵏ ⵏ ⵉⵙⴰⴽⵓⴷⵏ ⵀⵎⵎⴰⵏⵉⵏ ⵜⵉⵍⴰⵍ ⵜⵉⴱⵕⵍⴰⵎⴰⵏⵉⵢⵉⵏ ⵉⵜⵜⵓⵛⵔⴰⴽⵏ.
ⵖ ⵓⵎⴹⴰⴽⴰⵕ ⵅⴼ ⵓⵙⴰⵔⵓ ⴰⴱⵕⵍⴰⵎⴰⵏⵉ, ⵜⵙⴷⴷⵉⴷ ⵜⵙⵇⵇⵉⵎⵜ ⴼ ⵡⴰⵜⵉⴳ ⵏⵏⵙ ⵖ ⵓⵙⵏⴰⵍ ⴷ ⵓⵙⴷⵓⵙ ⴷ ⵓⵎⵢⴰⵡⴰⴹ ⵏⴳⵔ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴷ ⵉⵏⵎⵓⵔⴰⵏ ⴰⴽⴽⵯ, ⴷ ⵓⵙⵎⵖⵔ ⵏ ⵓⵙⵡⵉⵔ ⵏ ⵓⵅⵎⵎⴻⵎ ⵏⵏⵙⵏ ⵖ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵙ ⴽⵓ ⵉⵎⵏⴰⴷⵏ ⵏⵏⵙ.
ⵍⵍⵉⵖ ⴱⴰⵀⵔⴰ ⵜⵙⵜⴰⵡⵀⵎⵎⴰ ⵜⵙⴰⵡⵔⵜ ⴰⴷ ⵜⴰⴱⵕⵍⴰⵎⴰⵏⵉⵜ, ⵜⵙⴷⴷⵉⴷ ⵜⵙⵇⵇⵉⵎⵜ ⴼ ⵓⵎⵏⵉⴷ ⴰⵎⴰⴷⵔⴰⵡ ⵖ ⵓⵙⵓⵊⴷ ⵏ ⵢⴰⵏ ⵡⴰⵔⵔⴰ ⴰⵣⵔⴼⴰⵏ ⵉⵙⵏⵎⴰⵍⴰⵏ ⴰⵙⴰⵔⵓ ⴰⴱⵕⵍⴰⵎⴰⵏⵉ ⵉⵎⵙⴰⵙⴰⵏ ⴷ ⵉⵡⵜⵜⴰⵙⵏ ⵏ ⵙⵉⵏ ⵉⵙⵇⵇⵉⵎⵏ, ⵉⵍⵍⴰ ⵓⵎⵛⴰⵛⴽⴰ ⴰⴷ ⵜⵜⵓⵙⴽⵉⵔ ⵢⴰⵜ ⵜⵙⵇⵇⵉⵎⵜ ⵎⵥⵥⵉⵏ ⵖ ⵉⵙⵇⵇⵉⵎⵏ ⵃⵎⴰ ⴰⴷ ⵢⵉⵍⵉ ⵓⵎⴹⴰⴽⴰⵕ ⵉ ⵢⴰⵏ ⵓⵎⵛⴰⵛⴽⴰ ⴼ ⴽⵓ ⵜⵓⵎⴰⵢⵉⵏ ⵃⵎⴰ ⴰⴷ ⴷ ⵉⴼⴼⵓⵖ ⵓⴹⵕⵉⵚ ⵉⵙⵏⵎⴰⵍⴰⵏ ⵜⴰⵡⵓⵔⵉ ⴰⴷ ⵖ ⵓⵎⵏⴰⴷ ⵏ ⵜⵙⵓⵜⵍⵜ ⴰⴷ.
ⵍⵍⵉⵖ ⴱⴰⵀⵔⴰ ⵜⵙⵜⴰⵡⵀⵎⵎⴰ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵖ ⵓⵙⵏⴰⵍ ⵏ ⵜⵎⵙⴰⵔⵉⵏ ⵜⵉⵅⴰⵜⴰⵔⵉⵏ ⵏ ⵜⵎⴰⵣⵉⵔⵜ ⵏⵏⵖ ⵜⵣⵡⵉⵔ ⵜⵏⵜ ⵜⵎⵙⴰⵔⵜ ⵏ ⵜⴰⵢⴰⵏⵜ ⵜⴰⵏⴰⴽⴰⵍⵜ ⴷ ⵓⵙⴷⵓⵙ ⵏ ⵓⵥⵏⵥⵕ ⵏⵏⵙ ⵖ ⵓⵙⵡⵉⵔ ⴰⴳⵔⴰⵖⵍⴰⵏ, ⵉⵍⵍⴰ ⵓⵎⵛⴰⵛⴽⴰ ⴼ ⵓⵙⴽⵔ ⵏ ⵜⵙⵇⵇⵉⵎⵜ ⵉⵜⵜⵓⵛⵔⴰⴽⵏ ⵏ ⵜⵡⵓⵔⵉ ⵍⵍⵉ ⵔⴰⴷ ⵉⵙⵓⵊⵉⴷ ⵢⴰⵜ ⵜⵙⵓⵎⵔⵜ ⵉⵛⵛⴰⵔⵏ ⵍⵍⵉ ⵔⴰⴷ ⵉⵜⵜⵓⵙⵎⵏⵉⴷ ⴼ ⵜⵙⵇⵇⵉⵎⵜ ⵏ ⵓⵣⴷⴷⵓⵢ ⵖ ⵓⵙⵏⵜⵉ ⵏ ⵓⴽⵛⵓⵎ ⴰⴱⵕⵍⴰⵎⴰⵏⵉ ⴷ ⵢⵓⵛⴽⴰⵏ, ⵔⴰⴷ ⵜⴱⴷⴷ ⴼ ⵜⵢⴰⴼⵓⵜ ⵏ ⵜⵡⵓⵔⵉ ⵙⴳ ⵜⵉⵣⵡⵉⵔⵉ ⵏ ⵜⵡⴰⵍⴰ ⴰⴷ ⵜⴰⵣⵣⵔⴰⴼⵜ, ⵜⵙⵔⵙ ⵜⵉⵏⴰⵥⴰⵕⵉⵏ ⵏ ⵉⵎⴰⵍ, ⵜⵙⵓⵊⵉⴷ ⵢⴰⵏ ⵓⵖⴰⵡⴰⵙ ⵏ ⵜⵡⵓⵔⵉ ⵖ ⵍⵍⴰⵏⵜ ⵜⵎⵣⵡⵓⵔⴰ ⵢⴰⵜ ⵙ ⵢⴰⵜ ⵙ ⴰⵢⵍⵍⵉ ⵔⴰⴷ ⵉⴹⵎⵏ ⴽⵉⴳⴰⵏ ⵏ ⵓⵎⵢⴰⵡⴰⵙ ⴷ ⵓⵙⵎⴰⴷ ⴷ ⵓⵎⵙⴰⵙⴰ ⵏⴳⵔ ⵙⵏⴰⵜ ⵜⵎⵔⵙⴰⵍ, ⴷ ⵓⵙⴰⵍⵉ ⵏ ⵜⵉⵕⵡⵉ ⴷ ⵓⵏⴱⴰⴹ ⴰⴱⵕⵍⴰⵎⴰⵏⵉ ⵖ ⵓⵙⵡⵉⵔ ⴰⴷⵉⴱⵍⵓⵎⴰⵙⵉ.
ⵜⵎⴷⴰⵡⴰⵍ ⵜⵙⵇⵇⵉⵎⵜ ⵏ ⵓⵣⴷⴷⵓⵢ ⵓⵍⴰ ⴼ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⴱⵕⵍⴰⵎⴰⵏ ⵙ ⵙⵉⵏ ⵉⵙⵇⵇⵉⵎⵏ ⵏⵏⵙ, ⵖ ⵉⵍⵍⴰ ⵓⵙⵎⴰⴷ ⵏ ⵜⵙⵓⵜⵍⵜ ⵜⵉⵙ ⵙⵏⴰⵜ ⵏ ⵓⵙⴳⴳⵯⴰⵙ ⴰⴷ ⴰⵣⵣⵔⴰⴼ, ⴷ ⵜⵙⵎⵓⵏⵉ ⵉⵛⵛⴰⵔⵏ ⵏ ⵙⵏⴰⵜ ⵜⵙⵇⵇⵉⵎⵉⵏ ⵏ ⵜⴷⵔⵉⵎⵜ ⵖ ⵓⴱⵕⵍⴰⵎⴰⵏ ⵉ ⵜⵏⴽⴷⴰ ⵏ ⵓⵙⵎⵏⵉⴷ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⵎⵙⴰ ⴷ ⵓⵥⵕⴼ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ ⴼ ⵓⵙⴰⵜⵉ ⴰⵎⴰⵜⴰⵢ ⵏ ⵓⵙⵓⵊⴷ ⵏ ⵓⵙⵏⴼⴰⵔ ⵏ ⵓⵥⵕⴼ ⵉ ⵓⵙⴳⴳⵯⴰⵙ ⴷ ⵢⵓⵛⴽⴰⵏ ⴷⴰⵜ ⵏ 31 ⵢⵓⵍⵢⵓⵣ ⵖ ⵓⵙⴳⴳⵯⴰⵙ ⴰⴷ ⵙ ⵓⵣⵣⴳⵉⵔ ⵏ ⵉⴱⴹⵉⵢⵏ ⵏ ⵓⵎⵏⵏⵉ 47 ⵖ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 130.13 ⵏ ⵓⵙⵍⴳⵏ ⵏ ⵓⵥⵕⴼ.