ⴰⵔⵣⴰⴼ ⵏ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⵉ ⵍⴱⵓⵔⵜⵓⵖⴰⵍ, 15 ⴷ 16 ⵢⵓⵏⵢⵓ 2023
ⵜⵔⵣⴼ ⵜⵙⵇⵇⵉⵎⵜ ⵏ ⵜⵓⵍⴽⵉⵎⵉⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵎⵙⵎⵓⵏⵜ ⵏ ⵍⴱⵓⵔⵜⵓⵖⴰⵍ ⵓⵙⵙⴰⵏ ⵏ 15 ⴷ 16 ⵢⵓⵏⵢⵓ, ⵉ ⵓⵙⵙⵏ ⵏ ⵜⵉⵔⵎⵉⵜ ⵏⵏⵙ ⴳ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜⴷ ⵜⵎⵙⴽⴰⵔ ⵥⵉⵍⵏⵉⵏ ⵉ ⵓⵙⵎⵏⵉⴷ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ. ⵉⵍⵍⴰ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵓⵙⵏⴼⴰⵔ ⵏ ⵓⵙⵎⵖⵔ ⵏ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⴳ ⵓⵙⴷⵓⵙ ⵏ ⵜⴷⵉⵙⵎⵓⵇⵔⴰⵟⵉⵜ ⴳ ⵍⵎⵖⵔⵉⴱ (2020-2023) ⵍⵍⵉ ⵜⵙⵏⴰⵍ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵓⵙⵇⵇⵉⵎ ⵏ ⵓⵕⵓⴱⴱⴰ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ. ⵢⵓⵎⴰ ⵓⴽⴰⴱⴰⵕ ⴰⴷ: ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ, ⵎⴰⵙⵙⴰ ⵏⴰⴷⵢⴰ ⵜⵜⵓⵀⴰⵎⵉ, ⵎⴰⵙⵙⴰ ⵎⴰⵍⵉⴽⴰ ⵣⵅⵏⵉⵏⵉ, ⵎⴰⵙⵙ ⵢⵓⵏⵙ ⴱⵏⵙⵍⵉⵎⴰⵏ.
ⵉⵎⴹⴰⴽⴰⵕ ⵓⴽⴰⴱⴰⵕ ⴷ ⵎⴰⵙⵙⴰ Hon EDITE ESTRELA ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵏ ⵍⴱⵓⵔⵜⵓⵖⴰⵍ ⴷ ⵜⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⴱ ⵍⴱⵓⵔⵜⵓⵖⴰⵍ ⴳ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ. ⴷ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⴷⵙⵜⴰⵔⵉⵏ ⵉ ⵓⵙⵙⵏ ⵏ ⵓⵙⵡⵓⵔⵉ ⴳ ⵜⴷⵉⵎⵓⵇⵔⴰⵟⵉⵜ ⵜⴰⵎⴷⵔⴰⵡⵜ, ⵢⵉⵍⵉ ⵓⵍⴰ ⵓⵙⵎⵉⵏⵉⴷ ⵏ ⵜⵉⵔⵎⵉⵜ ⴳ ⵢⵉⴳⵔ ⵏ ⵜⵓⵍⴽⵉⵎⵉⵏ ⵙ ⵜⵖⴰⵔⴰⵙⵜ ⵜⴰⵎⵓⵟⵟⵓⵏⵜ.
ⵢⵉⵍⵉ ⵓⵍⴰ ⵓⵎⴹⴰⴽⴰⵕ ⴷ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵊⴰⵔ ⵍⴱⵓⵔⵜⵓⵖⴰⵍ ⴷ ⵍⵎⵖⵔⵉⴱ ⴼ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ. ⵉⵔⵣⴼ ⵓⴽⴰⴱⴰⵕ ⵓⵍⴰ ⴰⴱⵔⵍⴰⵎⴰⵏ ⵏ ⵍⴱⵓⵔⵜⵓⵖⴰⵍ ⵉⵃⴰⴹⵔ ⴳ ⵜⵖⵉⵎⵉⵜ ⵜⴰⵣⵣⵔⴰⴼⵜ ⵜⴰⵎⴰⵜⴰⵢⵜ.
ⴳ ⵡⵉⵙ ⵙⵉⵏ ⵡⵓⵙⵙⴰⵏ, ⵜⵍⵍⴰ ⵜⵙⴰⵡⵓⵔⵜ ⴳ ⵓⵙⵖⵉⵎ ⵏ ⵡⴰⵎⵎⴰⵙ ⵉⵥⵥⵍⵎⴹ-ⵉⴼⴼⵓⵙ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴼ ⵜⵎⵢⴰⴷⴰⵙⵜ ⵏ ⵓⵣⵔⴼ ⵏ ⵓⵙⵎⵏⵉⴷ ⵏ ⵜⵓⵍⴽⵉⵎⵉⵏ ⴷ ⵜⵓⵜⵔⴰⵡⵉⵏ ⴳ ⵓⵎⴰⵍⵓ ⵏ ⵜⵉⵔⵎⵉⵜⵉⵏ ⵜⵉⴱⵕⵍⴰⵎⴰⵏⵉⵢⵉⵏ. ⴳ ⵜⴳⵉⵔⴰ, ⵉⵍⵍⴰ ⵓⵙⵏⵓⴱⴳ ⵏ ⵓⴽⴰⴱⴰⵕ ⴰⴷ ⵙⴳ ⵓⵎⵙⵇⵇⴰⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵍⴱⵓⵔⵜⵓⵖⴰⵍ ⵎⴰⵙ ⵄⵓⵜⵎⴰⵏ ⴱⴱⴰⵃⵏⵉⵏⵉ.